1	நான் தேவனுக்கு முன்பாகவும், உயிரோடிருக்கிறவர்களையும் மரித்தவர்களையும் நியாயந்தீர்க்கப்போகிற கர்த்தராகிய இயேசுகிறிஸ்துவுக்கு முன்பாகவும், அவருடைய பிரசன்னமாகுதலையும் அவருடைய ராஜ்யத்தையும் சாட்சியாக வைத்துக் கட்டளையிடுகிறதாவது:	2தீமோ 2:14 1தீமோ 5:21 1தீமோ 6:13
2	சமயம் வாய்த்தாலும் வாய்க்காவிட்டாலும் ஜாக்கிரதையாய்த் திருவசனத்தைப் பிரசங்கம்பண்ணு; எல்லா நீடிய சாந்தத்தோடும் உபதேசத்தோடும் கண்டனம்பண்ணி, கடிந்துகொண்டு, புத்தி சொல்லு.	சங் 40:9 ஏசா 61:1-3 யோனா 3:2 லூக் 4:18 லூக் 4:19 லூக் 9:60 ரோம 10:15 கொலோ 1:25 கொலோ 1:28
3	ஏனென்றால், அவர்கள் ஆரோக்கியமான உபதேசத்தைப் பொறுக்க மனதில்லாமல், செவித்தினவுள்ளவர்களாகி, தங்கள் சுய இச்சைகளுக்கேற்ற போதகர்களைத் தங்களுக்குத் திரளாகச் சேர்த்துக்கொண்டு.	2தீமோ 3:1-6 1தீமோ 4:1-3
4	சத்தியத்துக்குச் செவியை விலக்கி, கட்டுக்கதைகளுக்குச் சாய்ந்துபோகுங்காலம் வரும்.	2தீமோ 1:15 நீதி 1:32 சகரி 7:11 அப் 7:57 எபிரெ 13:25
5	நீயோ எல்லாவற்றிலும் மனத்தெளிவுள்ளவனாயிரு, தீங்கனுபவி, சுவிசேஷகனுடைய வேலையைச் செய், உன் ஊழியத்தை நிறைவேற்று.	ஏசா 56:9 ஏசா 56:10 ஏசா 62:6 எரே 6:17 எசே 3:17 எசே 33:2 எசே 33:7 மாற் 13:34 மாற் 13:37 லூக் 12:37 அப் 20:30 அப் 20:31 1தெச 5:6 எபிரெ 13:17 வெளிப் 3:2
6	ஏனென்றால், நான் இப்பொழுதே பானபலியாக வார்க்கப்பட்டுப்போகிறேன்; நான் தேகத்தை விட்டுப் பிரியும் காலம் வந்தது.	பிலிப் 2:17
7	நல்ல போராட்டத்தைப் போராடினேன், ஓட்டத்தை முடித்தேன், விசுவாசத்தைக் காத்துக்கொண்டேன்.	1தீமோ 6:12
8	இதுமுதல் நீதியின் கிரீடம் எனக்காக வைக்கப்பட்டிருக்கிறது, நீதியுள்ள நியாயாதிபதியாகிய கர்த்தர் அந்நாளிலே அதை எனக்குத் தந்தருளுவார்; எனக்கு மாத்திரமல்ல, அவர் பிரசன்னமாகுதலை விரும்பும் யாவருக்கும் அதைத் தந்தருளுவார்.	சங் 31:19 மத் 6:19 மத் 6:20 கொலோ 1:5 1தீமோ 6:19
9	நீ சீக்கிரமாய் என்னிடத்தில் வரும்படி ஜாக்கிரதைப்படு.	2தீமோ 4:21 2தீமோ 1:4
10	ஏனென்றால், தேமா இப்பிரபஞ்சத்தின்மேல் ஆசைவைத்து, என்னைவிட்டுப் பிரிந்து, தெசலோனிக்கே பட்டணத்துக்குப் போய்விட்டான்; கிரெஸ்கே கலாத்தியா நாட்டிற்கும், தீத்து தல்மாத்தியா நாட்டிற்கும் போய்விட்டார்கள்.	கொலோ 4:14 கொலோ 4:15 பிலேமோ 1:24
11	லூக்காமாத்திரம் என்னோடே இருக்கிறான். மாற்குவை உன்னோடே கூட்டிக்கொண்டுவா; ஊழியத்தில் அவன் எனக்குப் பிரயோஜனமுள்ளவன்.	2தீமோ 1:15
12	தீகிக்குவை நான் எபேசுவுக்கு அனுப்பினேன்.	அப் 20:4 எபே 6:21 கொலோ 4:7 தீத் 3:12
13	துரோவா பட்டணத்திலிருக்கிற கார்ப்பு என்பவன் வசத்தில் நான் வைத்துவந்த மேலங்கியையும், புஸ்தகங்களையும், விசேஷமாய்த் தோற்சுருள்களையும், நீ வருகிறபோது எடுத்துக்கொண்டுவா.	1கொரி 4:11 2கொரி 11:27
14	கன்னானாகிய அலெக்சந்தர் எனக்கு வெகு தீமைசெய்தான்; அவனுடைய செய்கைக்குத்தக்கதாகக் கர்த்தர் அவனுக்குப் பதிலளிப்பாராக.	அப் 19:33 அப் 19:34 1தீமோ 1:20
15	நீயும் அவனைக்குறித்து எச்சரிக்கையாயிரு; அவன் நம்முடைய வார்த்தைகளுக்கு மிகவும் எதிர்த்து நின்றவன்.	மத் 10:16 மத் 10:17 பிலிப் 3:2
16	நான் முதல்விசை உத்தரவு சொல்ல நிற்கையில் ஒருவனும் என்னோடேகூட இருக்கவில்லை, எல்லாரும் என்னைக் கைவிட்டார்கள்; அந்தக் குற்றம் அவர்கள்மேல் சுமராதிருப்பதாக.	அப் 22:1 அப் 25:16 1கொரி 9:3 2கொரி 7:11 பிலிப் 1:7 பிலிப் 1:17 1பேது 3:15
17	கர்த்தரோ எனக்குத் துணையாக நின்று, என்னாலே பிரசங்கம் நிறைவேறுகிறதற்காகவும், புறஜாதியாரெல்லாரும் கேட்கிறதற்காகவும், என்னைப் பலப்படுத்தினார்; சிங்கத்தின் வாயிலிருந்தும் நான் இரட்சிக்கப்பட்டேன்.	சங் 37:39 சங் 37:40 சங் 109:31 எரே 15:20 எரே 15:21 எரே 20:10 எரே 20:11 மத் 10:19 அப் 18:9 அப் 18:10 அப் 23:11 அப் 27:23 அப் 27:24
18	கர்த்தர் எல்லாத் தீமையினின்றும் என்னை இரட்சித்து, தம்முடைய பரமராஜ்யத்தை அடையும்படி காப்பாற்றுவார்; அவருக்குச் சதாகாலங்களிலும் மகிமை உண்டாவதாக. ஆமென்.	ஆதி 48:16 1சாமு 25:39 1நாளா 4:10 சங் 121:7 மத் 6:13 லூக் 11:4 யோவா 17:15 1கொரி 10:13 2கொரி 1:10 2தெச 3:3
19	பிரிஸ்காளுக்கும் ஆக்கில்லாவுக்கும், ஒநேசிப்போருவின் வீட்டாருக்கும் என் வாழ்த்துதலைச் சொல்லு.	அப் 18:2 அப் 18:18 அப் 18:26 ரோம 16:3 ரோம 16:4 1கொரி 16:19
20	எரஸ்து கொரிந்துபட்டணத்தில் இருந்துவிட்டான்; துரோப்பீமுவை மிலேத்துவில் வியாதிப்பட்டவனாக விட்டுவந்தேன்.	அப் 19:22 ரோம 16:23
21	மாரிகாலத்துக்குமுன் நீ வந்து சேரும்படி ஜாக்கிரதைப்படு. ஐபூலுவும், புதேஞ்சும், லீனுவும், கலவுதியாளும், மற்றெல்லாச் சகோதரரும் உனக்கு வாழ்த்துதல் சொல்லுகிறார்கள்.	2தீமோ 4:9 2தீமோ 4:13 2தீமோ 1:4
22	கர்த்தராகிய இயேசுகிறிஸ்து உன் ஆவியுடனேகூட இருப்பாராக. கிருபை உங்களோடிருப்பதாக. ஆமென்.	மத் 28:20 ரோம 16:20 2கொரி 13:14 கலா 6:18 பிலேமோ 1:25