1	கடைசியாக, சகோதரரே, உங்களிடத்தில் கர்த்தருடைய வசனம் பரம்பி மகிமைப்படுகிறதுபோல, எவ்விடத்திலும் பரம்பி மகிமைப்படும்படிக்கும்,	மத் 9:38 லூக் 10:2 ரோம 15:30 2கொரி 1:11 எபே 6:19 எபே 6:20 கொலோ 4:3 1தெச 5:17 1தெச 5:25 எபிரெ 13:18 எபிரெ 13:19
2	துர்க்குணராகிய பொல்லாத மனுஷர் கையினின்று நாங்கள் விடுவிக்கப்படும்படிக்கும், எங்களுக்காக வேண்டிக்கொள்ளுங்கள்; விசுவாசம் எல்லாரிடத்திலுமில்லையே.	ரோம 15:31 1கொரி 15:32 2கொரி 1:8-10 1தெச 2:18 2தீமோ 4:17
3	கர்த்தரோ உண்மையுள்ளவர், அவர் உங்களை ஸ்திரப்படுத்தி, தீமையினின்று விலக்கிக் காத்துக்கொள்ளுவார்.	1கொரி 1:9 1கொரி 10:13 1தெச 5:24
4	மேலும், நாங்கள் கட்டளையிடுகிறவைகளை நீங்கள் செய்துவருகிறீர்களென்றும், இனிமேலும் செய்வீர்களென்றும், உங்களைக்குறித்துக் கர்த்தருக்குள் நம்பிக்கையாயிருக்கிறோம்.	ரோம 15:14 2கொரி 2:3 2கொரி 7:16 2கொரி 8:22 கலா 5:10 பிலிப் 1:6 பிலேமோ 1:21
5	கர்த்தர் உங்கள் இருதயங்களை தேவனைப்பற்றும் அன்புக்கும் கிறிஸ்துவின் பொறுமைக்கும் நேராய் நடத்துவாராக.	1இரா 8:58 1நாளா 29:18 சங் 119:5 சங் 119:36 நீதி 3:6 எரே 10:23 யாக் 1:16-18
6	மேலும், சகோதரரே, எங்களிடத்தில் ஏற்றுக்கொண்ட முறைமையின்படி நடவாமல், ஒழுங்கற்று நடக்கிற எந்தச் சகோதரனையும் நீங்கள் விட்டு விலகவேண்டுமென்று, நம்முடைய கர்த்தராகிய இயேசுகிறிஸ்துவின் நாமத்தினாலே, உங்களுக்குக் கட்டளையிடுகிறோம்.	1கொரி 5:4 2கொரி 2:10 எபே 4:17 கொலோ 3:17 1தெச 4:1 1தீமோ 5:21 1தீமோ 6:13 1தீமோ 6:14 2தீமோ 4:1
7	இன்னவிதமாய் எங்களைப் பின்பற்றவேண்டுமென்று நீங்கள் அறிந்திருக்கிறீர்களே; நாங்கள் உங்களுக்குள்ளே ஒழுங்கற்றுநடவாமலும்,	2தெச 3:9 1கொரி 4:16 1கொரி 11:1 பிலிப் 3:17 பிலிப் 4:9 1தெச 1:6 1தெச 1:7 1தீமோ 4:12 தீத் 2:7 1பேது 5:3
8	ஒருவனிடத்திலும் இலவசமாய்ச் சாப்பிடாமலும், உங்களில் ஒருவனுக்கும் பாரமாயிராதபடிக்கு இரவும் பகலும் பிரயாசத்தோடும் வருத்தத்தோடும் வேலைசெய்து சாப்பிட்டோம்.	2தெச 3:12 நீதி 31:27 மத் 6:11
9	உங்கள்மேல் பாரத்தை வைப்பதற்கான அதிகாரம் எங்களுக்கு இல்லையென்பதினாலே அப்படிச் செய்யாமல், நீங்கள் எங்களைப் பின்பற்றும்படிக்கு நாங்கள் உங்களுக்கு மாதிரியாயிருக்கவேண்டுமென்றே அப்படிச் செய்தோம்.	மத் 10:10 1கொரி 9:4-14 கலா 6:6 1தெச 2:6
10	ஒருவன் வேலைசெய்ய மனதில்லாதிருந்தால் அவன் சாப்பிடவும் கூடாதென்று நாங்கள் உங்களிடத்தில் இருந்தபோது உங்களுக்குக் கட்டளையிட்டோமே.	லூக் 24:44 யோவா 16:4 அப் 20:18
11	உங்களில் சிலர் யாதொரு வேலையும் செய்யாமல், வீண் அலுவற்காரராய், ஒழுங்கற்றுத் திரிகிறார்களென்று கேள்விப்படுகிறோம்.	1தெச 4:11 1தீமோ 5:13 1பேது 4:15
12	இப்படிப்பட்டவர்கள் அமைதலோடே வேலைசெய்து, தங்கள் சொந்தச்சாப்பாட்டைச் சாப்பிடவேண்டுமென்று, நம்முடைய கர்த்தராகிய இயேசுகிறிஸ்துவினாலே அவர்களுக்குக் கட்டளையிட்டுப் புத்திசொல்லுகிறோம்.	ஆதி 49:14 ஆதி 49:15 நீதி 17:1 பிரச 4:6 எபே 4:28 1தெச 4:11 1தீமோ 2:2
13	சகோதரரே, நீங்கள் நன்மை செய்வதிலே சோர்ந்துபோகாமலிருங்கள்.	ஏசா 40:30 ஏசா 40:31 மல்கி 1:13 ரோம 2:7 1கொரி 15:28 கலா 6:9 கலா 6:10 பிலிப் 1:9 1தெச 4:1 எபிரெ 12:3
14	மேலும், இந்த நிருபத்தில் சொல்லிய எங்கள் வசனத்துக்கு ஒருவன் கீழ்ப்படியாமற்போனால், அவனைக் குறித்துக்கொண்டு, அவன் வெட்கப்படும்படிக்கு அவனுடனே கலவாதிருங்கள்.	உபா 16:12 நீதி 5:13 செப் 3:2 2கொரி 2:9 2கொரி 7:15 2கொரி 10:6 பிலிப் 2:12 1தெச 4:8 பிலேமோ 1:21 எபிரெ 13:17
15	ஆனாலும் அவனைச் சத்துருவாக எண்ணாமல், சகோதரனாக எண்ணி, அவனுக்குப் புத்திசொல்லுங்கள்.	லேவி 19:17 லேவி 19:18 1கொரி 5:5 2கொரி 2:6-10 2கொரி 10:8 2கொரி 13:10 கலா 6:1 1தெச 5:14 யூதா 1:22 யூதா 1:23
16	சமாதானத்தின் கர்த்தர்தாமே எப்பொழுதும் சகலவிதத்திலும் உங்களுக்குச் சமாதானத்தைத் தந்தருளுவாராக. கர்த்தர் உங்களனைவரோடுங்கூட இருப்பாராக.	சங் 72:3 சங் 72:7 ஏசா 9:6 ஏசா 9:7 சகரி 6:13 லூக் 2:14 யோவா 14:27 ரோம 15:33 ரோம 16:20 1கொரி 14:33 2கொரி 5:19-21 2கொரி 13:11 எபே 2:14-17 1தெச 5:23 எபிரெ 7:2 எபிரெ 13:20
17	பவுலாகிய நான் என் கையெழுத்தாலே உங்களை வாழ்த்துகிறேன், நிருபங்கள்தோறும் இதுவே அடையாளம்; இப்படியே எழுதுகிறேன்.	1கொரி 16:21 கொலோ 4:18
18	நம்முடைய கர்த்தராகிய இயேசுகிறிஸ்துவின் கிருபை உங்களனைவரோடுங்கூட இருப்பதாக. ஆமென்.	ரோம 16:20 ரோம 16:24