1	அன்றியும், சகோதரரே, நம்முடைய கர்த்தராகிய இயேசுகிறிஸ்துவின் வருகையையும், நாம் அவரிடத்திலே சேர்க்கப்படுவதையுங்குறித்து, நாங்கள் உங்களை வேண்டிக்கொள்ளுகிறது என்னவென்றால்,	ரோம 12:1
2	ஒரு ஆவியினாலாவது, வார்த்தையினாலாவது, எங்களிடத்திலிருந்து வந்ததாய்த் தோன்றுகிற ஒரு நிருபத்தினாலாவது, கிறிஸ்துவினுடைய நாள் சமீபமாயிருக்கிறதாகச் சொல்லப்பட்டால், உடனே சஞ்சலப்படாமலும் கலங்காமலும் இருங்கள்.	ஏசா 7:2 ஏசா 8:12 ஏசா 8:13 ஏசா 26:3 மத் 24:6 மாற் 13:7 லூக் 21:9 லூக் 21:19 யோவா 14:1 யோவா 14:27 அப் 20:23 அப் 20:24 எபே 5:6 1தெச 3:3
3	எவ்விதத்தினாலும் ஒருவனும் உங்களை மோசம்போக்காதபடிக்கு எச்சரிக்கையாயிருங்கள்; ஏனெனில் விசுவாச துரோகம் முந்தி நேரிட்டு, கேட்டின் மகனாகிய பாவமனுஷன் வெளிப்பட்டாலொழிய, அந்த நாள் வராது.	மத் 24:4-6 1கொரி 6:9 எபே 5:6
4	அவன் எதிர்த்து நிற்கிறவனாயும், தேவனென்னப்படுவதெதுவோ, ஆராதிக்கப்படுவதெதுவோ, அவையெல்லாவற்றிற்கும் மேலாகத் தன்னை உயர்த்துகிறவனாயும், தேவனுடைய ஆலயத்தில் தேவன் போல உட்கார்ந்து, தன்னைத்தான் தேவனென்று காண்பிக்கிறவனாயும் இருப்பான்.	ஏசா 14:13 எசே 28:2 எசே 28:6 எசே 28:9 தானி 7:8 தானி 7:25 தானி 8:9-11 தானி 11:36 வெளிப் 13:6
5	நான் உங்களிடத்திலிருந்தபோது இவைகளைச் சொன்னது உங்களுக்கு ஞாபகமில்லையா?	மத் 16:9 மாற் 8:18 லூக் 24:6 லூக் 24:7 அப் 20:31
6	அவன் தன் காலத்திலே வெளிப்படும்படிக்கு, இப்பொழுது அவனைத் தடைசெய்கிறது இன்னதென்றும் அறிந்திருக்கிறீர்களே.	2தெச 2:3 2தெச 2:8
7	அக்கிரமத்தின் இரகசியம் இப்பொழுதே கிரியைசெய்கிறது; ஆனாலும், தடைசெய்கிறவன் நடுவிலிருந்து நீக்கப்படுமுன்னே அது வெளிப்படாது.	1தீமோ 3:16 வெளிப் 17:5 வெளிப் 17:7
8	நீக்கப்படும்போது, அந்த அக்கிரமக்காரன் வெளிப்படுவான்; அவனைக் கர்த்தர் தம்முடைய வாயின் சுவாசத்தினாலே அழித்து, தம்முடைய வருகையின் பிரசன்னத்தினாலே நாசம்பண்ணுவார்.	2தெச 2:3 மத் 13:19 மத் 13:38 1யோவா 2:13 1யோவா 3:12 1யோவா 5:18
9	அந்த அக்கிரமக்காரனுடைய வருகை சாத்தானுடைய செயலின்படி சகல வல்லமையோடும் அடையாளங்களோடும் பொய்யான அற்புதங்களோடும்,	யோவா 8:41 யோவா 8:44 அப் 8:9-11 அப் 13:10 2கொரி 4:4 2கொரி 11:3 2கொரி 11:14 எபே 2:2 வெளிப் 9:11 வெளிப் 12:9 வெளிப் 12:17 வெளிப் 13:1-5 வெளிப் 18:23 வெளிப் 19:20 வெளிப் 20:10
10	கெட்டுப்போகிறவர்களுக்குள்ளே அநீதியினால் உண்டாகும் சகலவித வஞ்சகத்தோடும் இருக்கும். இரட்சிக்கப்படத்தக்கதாய்ச் சத்தியத்தின்மேலுள்ள அன்பை அவர்கள் அங்கிகரியாமற்போனபடியால் அப்படி நடக்கும்.	ரோம 16:18 2கொரி 2:17 2கொரி 4:2 2கொரி 11:13 2கொரி 11:15 எபே 4:14 2பேது 2:18 எபிரெ 3:13
11	ஆகையால் சத்தியத்தை விசுவாசியாமல் அநீதியில் பிரியப்படுகிற யாவரும் ஆக்கினைக்குள்ளாக்கப்படும்படிக்கு,	சங் 81:11 சங் 81:12 சங் 109:17 ஏசா 29:9-14 யோவா 12:39-43 ரோம 1:21-25 ரோம 1:28-25
12	அவர்கள் பொய்யை விசுவாசிக்கத்தக்கதாகக் கொடிய வஞ்சகத்தைத் தேவன் அவர்களுக்கு அனுப்புவார்.	உபா 32:35 மாற் 16:16 யோவா 3:36 1தெச 5:9 2பேது 2:3 யூதா 1:4 யூதா 1:5
13	கர்த்தருக்குப் பிரியமான சகோதரரே, நீங்கள் ஆவியினாலே பரிசுத்தமாக்கப்படுகிறதினாலும், சத்தியத்தை விசுவாசிக்கிறதினாலும் இரட்சிப்படையும்படிக்கு, ஆதிமுதல் தேவன் உங்களைத் தெரிந்துகொண்டபடியினாலே, நாங்கள் உங்களைக்குறித்து எப்பொழுதும் தேவனை ஸ்தோத்திரிக்கக் கடனாளிகளாயிருக்கிறோம்.	2தெச 1:3 ரோம 1:8 ரோம 6:17
14	நீங்கள் நம்முடைய கர்த்தராகிய இயேசுகிறிஸ்துவின் மகிமையை அடையும்பொருட்டாக எங்கள் சுவிசேஷத்தினாலே அந்த இரட்சிப்புக்கு அவர் உங்களை அழைத்தார்.	ரோம 8:28-30 1தெச 2:12 1பேது 5:10
15	ஆகையால், சகோதரரே, நீங்கள் நிலைகொண்டு, வார்த்தையினாலாவது நிருபத்தினாலாவது நாங்கள் உங்களுக்கு உபதேசித்த முறைமைகளைக் கைக்கொள்ளுங்கள்.	1கொரி 15:58 1கொரி 16:13 பிலிப் 4:1
16	நம்முடைய கர்த்தராகிய இயேசுகிறிஸ்துவும், நம்மிடத்தில் அன்புகூர்ந்து நித்திய ஆறுதலையும் நல்நம்பிக்கையையும் கிருபையாய் நமக்குக் கொடுத்திருக்கிற நம்முடைய பிதாவாகிய தேவனும்,	2தெச 1:1 2தெச 1:2 ரோம 1:7 1தெச 3:11
17	உங்கள் இருதயங்களைத் தேற்றி, எல்லா நல்வசனத்திலும் நற்கிரியையிலும் உங்களை ஸ்திரப்படுத்துவாராக.	2தெச 2:16 ஏசா 51:3 ஏசா 51:12 ஏசா 57:15 ஏசா 61:1 ஏசா 61:2 ஏசா 66:13 ரோம 15:13 2கொரி 1:3-6