1	சகோதரரே, நாங்கள் உங்களிடத்தில் பிரவேசித்தது வீணாயிருக்கவில்லையென்று நீங்களே அறிந்திருக்கிறீர்கள்.	1தெச 2:13 1தெச 1:3-10 2தெச 3:1
2	உங்களுக்குத் தெரிந்திருக்கிறபடி, முன்னே பிலிப்பிபட்டணத்திலே நாங்கள் பாடுபட்டு நிந்தையடைந்திருந்தும், வெகு போராட்டத்தோடே தேவனுடைய சுவிசேஷத்தை உங்களுக்குச் சொல்லும்படி, நம்முடைய தேவனுக்குள் தைரியங்கொண்டிருந்தோம்.	அப் 5:41 அப் 16:12 அப் 16:22-24 அப் 16:37-24 2தீமோ 1:12 எபிரெ 11:36 எபிரெ 11:37 எபிரெ 12:2 எபிரெ 12:3 1பேது 2:14-16
3	எங்கள் போதகம் வஞ்சகத்தினாலும் துராசையினாலும் உண்டாகவில்லை, அது கபடமுள்ளதாயுமிருக்கவில்லை.	1தெச 2:5 1தெச 2:6 1தெச 2:11 1தெச 4:1 1தெச 4:2 எண் 16:15 1சாமு 12:3 அப் 20:33 அப் 20:34 2கொரி 2:17 2கொரி 4:2 2கொரி 4:5 2கொரி 7:2 2கொரி 11:13 2கொரி 12:16-18 2பேது 1:16
4	சுவிசேஷத்தை எங்களிடத்தில் ஒப்புவிக்கத்தக்கதாய், தேவன் எங்களை உத்தமரென்றெண்ணினபடியே, நாங்கள் மனுஷருக்கு அல்ல, எங்கள் இருதயங்களைச் சோதித்தறிகிற தேவனுக்கே பிரியமுண்டாகப் பேசுகிறோம்.	1கொரி 7:25 எபே 3:8 1தீமோ 1:11-13
5	உங்களுக்குத் தெரிந்திருக்கிறபடி, நாங்கள் ஒருக்காலும் இச்சகமான வசனங்களைச் சொல்லவுமில்லை, பொருளாசையுள்ளவர்களாய் மாயம்பண்ணவுமில்லை; தேவனே சாட்சி.	யோபு 17:5 யோபு 32:21 யோபு 32:22 சங் 12:2 சங் 12:3 நீதி 20:19 நீதி 26:28 நீதி 28:23 ஏசா 30:10 மத் 22:16 2பேது 2:18
6	நாங்கள் கிறிஸ்துவின் அப்போஸ்தலராக உங்களுக்குப் பாரமாயிருக்கக்கூடியவர்களானாலும், உங்களிடத்திலாவது,. மற்றவர்களிடத்திலாவது, மனுஷரால் வரும் மகிமையை நாங்கள் தேடவில்லை.	எஸ்தர் 1:4 எஸ்தர் 5:11 நீதி 25:27 தானி 4:30 யோவா 5:41 யோவா 5:44 யோவா 7:18 யோவா 12:43 கலா 1:10 கலா 5:26 கலா 6:13 1தீமோ 5:17
7	உங்களிடத்தில் பட்சமாய் நடந்துகொண்டோம்; பால் கொடுக்கிற தாயானவள் தன் பிள்ளைகளைக் காப்பாற்றுகிறதுபோல,	ஆதி 33:13 ஆதி 33:14 ஏசா 40:11 எசே 34:14-16 மத் 11:29 மத் 11:30 யோவா 21:15-17 1கொரி 2:3 1கொரி 9:22 2கொரி 10:1 2கொரி 13:4 கலா 5:22 கலா 5:23 2தீமோ 2:24 2தீமோ 2:25 யாக் 3:17
8	நாங்கள் உங்கள்மேல் வாஞ்சையாயிருந்து, தேவனுடைய சுவிசேஷத்தை உங்களுக்குக் கொடுத்ததுமல்லாமல், நீங்கள் எங்களுக்குப் பிரியமானவர்களானபடியினாலே, எங்கள் ஜீவனையும் உங்களுக்குக் கொடுக்க மனதாயிருந்தோம்.	எரே 13:15-17 ரோம 1:11 ரோம 1:12 ரோம 9:1-3 ரோம 10:1 ரோம 15:29 2கொரி 6:1 2கொரி 6:11-13 கலா 4:19 பிலிப் 1:8 பிலிப் 2:25 பிலிப் 2:26 கொலோ 1:28 கொலோ 4:12 எபிரெ 13:17
9	சகோதரரே, நாங்கள் பட்ட பிரயாசமும் வருத்தமும் உங்களுக்கு ஞாபகமாயிருக்கும்; உங்களில் ஒருவனுக்கும் பாரமாயிராதபடிக்கு, இரவும் பகலும் நாங்கள் வேலைசெய்து, தேவனுடைய சுவிசேஷத்தை உங்களிடத்தில் பிரசங்கித்தோம்.	1தெச 1:3 அப் 18:3 அப் 20:34 அப் 20:35 1கொரி 4:12 1கொரி 9:6 1கொரி 9:15 2கொரி 6:5 2தெச 3:7-9 1தீமோ 4:10
10	விசுவாசிகளாகிய உங்களுக்குள்ளே நாங்கள் எவ்வளவு பரிசுத்தமும் நீதியும் பிழையின்மையுமாய் நடந்தோமென்பதற்கு நீங்களும் சாட்சி, தேவனும் சாட்சி.	1தெச 1:5 1சாமு 12:3-5 அப் 20:18 அப் 20:26 அப் 20:33 அப் 20:34 2கொரி 4:2 2கொரி 5:11 2கொரி 11:11 2கொரி 11:31
11	மேலும், தம்முடைய ராஜ்யத்திற்கும் மகிமைக்கும் உங்களை அழைத்த தேவனுக்கு நீங்கள் பாத்திரராய் நடக்கவேண்டுமென்று,	1தெச 4:1 1தெச 5:11 அப் 20:2 2தெச 3:12 1தீமோ 6:2 2தீமோ 4:2 தீத் 2:6 தீத் 2:9 தீத் 2:15 எபிரெ 13:22
12	தகப்பன் தன் பிள்ளைகளுக்குச் சொல்லுகிறதுபோல, நாங்கள் உங்களில் ஒவ்வொருவனுக்கும் புத்தியும் தேறுதலும் எச்சரிப்பும் சொன்னதை அறிந்திருக்கிறீர்கள்.	1தெச 4:1 1தெச 4:12 கலா 5:16 எபே 4:1 எபே 5:2 எபே 5:8 பிலிப் 1:27 கொலோ 1:10 கொலோ 2:6 1பேது 1:15 1பேது 1:16 1யோவா 1:6 1யோவா 1:7 1யோவா 2:6
13	ஆகையால், நீங்கள் தேவவசனத்தை எங்களாலே கேள்விப்பட்டு ஏற்றுக்கொண்டபோது, அதை மனுஷர்வசனமாக ஏற்றுக்கொள்ளாமல், தேவவசனமாகவே ஏற்றுக்கொண்டதினாலே நாங்கள் இடைவிடாமல் தேவனுக்கு ஸ்தோத்திரஞ்செலுத்துகிறோம்; அது மெய்யாகவே தேவவசனந்தான், விசுவாசிக்கிற உங்களுக்குள்ளே அது பெலனும் செய்கிறது.	1தெச 1:2 1தெச 1:3 ரோம 1:8 ரோம 1:9
14	எப்படியெனில், சகோதரரே, யூதேயாதேசத்தில் கிறிஸ்து இயேசுவுக்குள்ளான தேவனுடைய சபைகளை நீங்கள் பின்பற்றினவர்களாகி, அவர்கள் யூதராலே எப்படிப் பாடுபட்டார்களோ, அப்படியே நீங்களும் உங்கள் சுய ஜனங்களாலே பாடுபட்டீர்கள்.	1தெச 1:6
15	அந்த யூதர்கள் கர்த்தராகிய இயேசுவையும், தங்கள் தீர்க்கதரிசிகளையும் கொலைசெய்தவர்களும், எங்களைத் துன்பப்படுத்தினவர்களும், தேவனுக்கேற்காதவர்களும், மனுஷர் யாவருக்கும் விரோதிகளுமாயிருந்து,	மத் 5:12 மத் 21:35-39 மத் 23:31-35 மத் 23:37-35 மத் 27:25 லூக் 11:48-51 லூக் 13:33 லூக் 13:34 அப் 2:23 அப் 3:15 அப் 4:10 அப் 5:30 அப் 7:52
16	புறஜாதியார் இரட்சிக்கப்படுவதற்கு நாங்கள் அவர்களோடே பேசாதபடிக்குத் தடைபண்ணுகிறார்கள்; இவ்விதமாய் எக்காலத்திலும் தங்கள் பாவங்களை நிறைவாக்குகிறார்கள்; அவர்கள்மேல் கோபாக்கினை பூரணமாய் வந்திருக்கிறது.	அப் 11:2 அப் 11:3 அப் 11:17 அப் 11:18 அப் 13:50 அப் 14:5 அப் 14:19 அப் 17:5 அப் 17:6 அப் 17:13 அப் 18:12 அப் 18:13 அப் 19:9 அப் 21:27-31 அப் 22:21 அப் 22:22 கலா 5:11 எபே 3:8 எபே 3:13
17	சகோதரரே, நாங்கள் இருதயத்தின்படி உங்களோடிருந்து, சரீரத்தின்படி கொஞ்சக்காலம் உங்களைவிட்டுப் பிரிந்திருந்தபடியினாலே, உங்கள் முகத்தைப் பார்க்கவேண்டுமென்று மிகுந்த ஆசையோடே அதிகமாய்ப் பிரயத்தனம்பண்ணினோம்.	2இரா 5:26 அப் 17:10 1கொரி 5:3 கொலோ 2:5
18	ஆகையால், நாங்கள் உங்களிடத்தில் வர இரண்டொருதரம் மனதாயிருந்தோம், பவுலாகிய நானே வர மனதாயிருந்தேன்; சாத்தானோ எங்களைத் தடைபண்ணினான்.	1கொரி 16:21 கொலோ 4:18 2தெச 3:17 பிலேமோ 1:9
19	எங்களுக்கு நம்பிக்கையும் சந்தோஷமும் மகிழ்ச்சியின் கிரீடமுமாயிருப்பவர்கள் யார்? நம்முடைய கர்த்தராகிய இயேசுகிறிஸ்து வரும்போது அவருடைய சந்நிதானத்திலே நீங்களல்லவா அப்படியிருப்பீர்கள்;	2கொரி 1:14 பிலிப் 2:16 பிலிப் 4:1
20	நீங்களே எங்களுக்கு மகிமையும் சந்தோஷமுமாயிருக்கிறீர்கள்.	நீதி 17:6 1கொரி 11:7