1	இன்று நான் உனக்கு விதிக்கிற உன் தேவனாகிய கர்த்தருடைய கட்டளைகளின்படியெல்லாம் செய்ய நீ கவனமாயிருக்கும்படிக்கு, அவர் சத்தத்திற்கு உண்மையாய்ச் செவிகொடுப்பாயானால், உன் தேவனாகிய கர்த்தர் பூமியிலுள்ள சகல ஜாதிகளிலும் உன்னை மேன்மையாக வைப்பார்.	உபா 11:13 உபா 15:5 உபா 27:1 யாத் 15:26 லேவி 26:3-13 சங் 106:3 சங் 111:10 ஏசா 1:19 ஏசா 3:10 ஏசா 55:2 ஏசா 55:3 எரே 11:4 எரே 12:16 எரே 17:24 லூக் 11:28
2	நீ உன் தேவனாகிய கர்த்தரின் சத்தத்துக்குச் செவிகொடுக்கும்போது, இப்பொழுது சொல்லப்படும் ஆசீர்வாதங்களெல்லாம் உன்மேல் வந்து உனக்குப் பலிக்கும்.	உபா 28:15 உபா 28:45 சகரி 1:6 1தீமோ 4:8
3	நீ பட்டணத்திலும் ஆசீர்வதிக்கப்பட்டிருப்பாய்; வெளியிலும் ஆசீர்வதிக்கப்பட்டிருப்பாய்.	சங் 107:36 சங் 107:37 சங் 128:1-5 சங் 144:12-15 ஏசா 65:21-23 சகரி 8:3-5
4	உன் கர்ப்பத்தின் கனியும், உன் நிலத்தின் கனியும், உன் மாடுகளின் பெருக்கமும், உன் ஆடுகளின் மந்தைகளுமாகிய உன் மிருகஜீவன்களின் பலனும் ஆசீர்வதிக்கப்பட்டிருக்கும்.	உபா 28:11 உபா 7:13 ஆதி 22:17 ஆதி 49:25 லேவி 26:9 சங் 107:38 சங் 127:3 சங் 128:3 நீதி 10:22 நீதி 13:22 நீதி 20:7 1தீமோ 4:8
5	உன் கூடையும், மாப்பிசைகிற உன் தொட்டியும் ஆசீர்வதிக்கப்பட்டிருக்கும்.
6	நீ வருகையிலும் ஆசீர்வதிக்கப்பட்டிருப்பாய், நீ போகையிலும் ஆசீர்வதிக்கப்பட்டிருப்பாய்.	உபா 31:2 எண் 27:17 2சாமு 3:25 2நாளா 1:10 சங் 121:8
7	உனக்கு விரோதமாய் எழும்பும் உன் சத்துருக்களைக் கர்த்தர் உனக்கு முன்பாக முறிய அடிக்கப்படும்படி ஒப்புக்கொடுப்பார்; ஒரு வழியாய் உனக்கு எதிராகப் புறப்பட்டு வருவார்கள்; ஏழு வழியாய் உனக்கு முன்பாக ஓடிப்போவார்கள்.	உபா 28:25 உபா 32:30 லேவி 26:7 லேவி 26:8 2சாமு 22:38-41 சங் 89:23
8	கர்த்தர் உன் களஞ்சியங்களிலும், நீ கையிடும் எல்லா வேலையிலும் உனக்கு ஆசீர்வாதம் கட்டளையிடுவார்; உன் தேவனாகிய கர்த்தர் உனக்குக் கொடுக்கும் தேசத்திலே உன்னை ஆசீர்வதிப்பார்.	லேவி 25:21 சங் 42:8 சங் 44:4 சங் 133:3
9	நீ உன் தேவனாகிய கர்த்தரின் கட்டளைகளைக் கைக்கொண்டு, அவர் வழிகளில் நடக்கும்போது, கர்த்தர் உனக்கு ஆணையிட்டபடியே, உன்னைத் தமக்குப் பரிசுத்த ஜனமாக நிலைப்படுத்துவார்.	உபா 7:6 உபா 26:18 உபா 26:19 உபா 29:13 ஆதி 17:7 யாத் 19:5 யாத் 19:6 சங் 87:5 ஏசா 1:26 ஏசா 62:12 2தெச 3:3 தீத் 2:14 1பேது 2:9-11 1பேது 5:10
10	அப்பொழுது கர்த்தருடைய நாமம் உனக்குத் தரிக்கப்பட்டது என்று பூமியின் ஜனங்களெல்லாம் கண்டு, உனக்குப் பயப்படுவார்கள்.	மல்கி 3:12
11	உனக்குக் கொடுப்பேன் என்று கர்த்தர் உன் பிதாக்களுக்கு ஆணையிட்ட தேசத்தில், கர்த்தர் உன் கர்ப்பத்தின் கனியிலும், உன் மிருகஜீவன்களின் பலனிலும், உன் நிலத்தின் கனியிலும் உனக்குப் பரிபூரண நன்மை உண்டாகக் கட்டளையிடுவார்.	உபா 28:4 உபா 30:9 லேவி 26:9 நீதி 10:22
12	ஏற்ற காலத்தில் உன் தேசத்திலே மழை பெய்யவும் நீ கையிட்டுச்செய்யும் வேலைகளையெல்லாம் ஆசீர்வதிக்கவும், கர்த்தர் உனக்குத் தமது நல்ல பொக்கிஷசாலையாகிய வானத்தைத் திறப்பார்; நீ அநேகம் ஜாதிகளுக்குக் கடன்கொடுப்பாய், நீயோ கடன் வாங்காதிருப்பாய்.	உபா 11:14 லேவி 26:4 யோபு 38:22 சங் 65:9-13 சங் 135:7 யோவே 2:23 யோவே 2:24
13	இன்று நான் உங்களுக்கு விதிக்கிற வார்த்தைகள் யாவையும் விட்டு விலகி வேறே தேவர்களைச் சேவிக்கும்படி, நீ வலதுபுறம் இடதுபுறம் சாயாமல்,	எண் 24:18 எண் 24:19 ஏசா 9:14 ஏசா 9:15
14	இன்று நான் உனக்கு விதிக்கிற உன் தேவனாகிய கர்த்தரின் கட்டளைகளைக் கைக்கொள்ளவும் அவைகளின்படி நடக்கவும் அவைகளுக்குச் செவிகொடுத்துவந்தால், கர்த்தர் உன்னை வாலாக்காமல் தலையாக்குவார், நீ கீழாகாமல் மேலாவாய்.	உபா 5:32 உபா 11:16 உபா 11:26-28 யோசு 23:6 2இரா 22:2 நீதி 4:26 நீதி 4:27
15	இன்று நான் உனக்கு விதிக்கிற உன் தேவனாகிய கர்த்தருடைய எல்லாக் கற்பனைகளின்படியும் கட்டளைகளின்படியும் நடக்கக் கவனமாயிருக்கிறதற்கு, அவர் சத்தத்திற்குச் செவிகொடாதேபோவாயாகில், இப்பொழுது சொல்லப்படும் சாபங்களெல்லாம் உன்மேல் வந்து, உனக்குப் பலிக்கும்.	லேவி 26:14-46 புலம் 2:17 தானி 9:11-13 மல்கி 2:2 ரோம 2:8 ரோம 2:9
16	நீ பட்டணத்திலும் சபிக்கப்பட்டிருப்பாய், வெளியிலும் சபிக்கப்பட்டிருப்பாய்.	உபா 28:3-14 நீதி 3:33 ஏசா 24:6-12 ஏசா 43:28 எரே 9:11 எரே 26:6 எரே 44:22 புலம் 1:1 புலம் 2:11-22 புலம் 4:1-13 மல்கி 2:2 மல்கி 4:6
17	உன் கூடையும், மாப்பிசைகிற உன் தொட்டியும் சபிக்கப்பட்டிருக்கும்.	உபா 28:5 சங் 69:22 நீதி 1:32 ஆகா 1:6 சகரி 5:3 சகரி 5:4 மல்கி 2:2 லூக் 16:25
18	உன் கர்ப்பத்தின் கனியும், உன் நிலத்தின் கனியும், உன் மாடுகளின் பெருக்கமும், உன் ஆடுகளின் மந்தைகளும் சபிக்கப்பட்டிருக்கும்.	உபா 28:4 உபா 5:9 யோபு 18:16-19 சங் 109:9-15 புலம் 2:11 புலம் 2:12 புலம் 2:20 ஓசி 9:11-14 மல்கி 2:3 லூக் 23:29 லூக் 23:30
19	நீ வருகையிலும் சபிக்கப்பட்டிருப்பாய், நீ போகையிலும் சபிக்கப்பட்டிருப்பாய்.	உபா 28:6 நியா 5:6 நியா 5:7 2நாளா 15:5
20	என்னைவிட்டு விலகி நீ செய்துவருகிற உன் துர்க்கிரியைகளினிமித்தம் சீக்கிரத்தில் கெட்டுப்போய் அழியுமட்டும், நீ கையிட்டுச் செய்கிறதெல்லாவற்றிலும் கர்த்தர் உனக்குச் சாபத்தையும் சஞ்சலத்தையும் கேட்டையும் வரப்பண்ணுவார்.	சங் 7:11 மல்கி 2:2
21	நீ சுதந்தரிக்கும் தேசத்தில் கர்த்தர் உன்னை நிர்மூலமாக்குமட்டும் கொள்ளை நோய் உன்னைப் பிடித்துக்கொள்ளப்பண்ணுவார்.	யாத் 5:3 லேவி 26:25 எண் 14:12 எண் 16:46-49 எண் 25:9 2சாமு 24:15 எரே 15:2 எரே 16:4 எரே 21:6 எரே 21:7 எரே 24:10 மத் 26:7
22	கர்த்தர் உன்னை ஈளையினாலும், காய்ச்சலினாலும், உஷ்ணத்தினாலும், எரிபந்தத்தினாலும், வறட்சியினாலும், கருக்காயினாலும், விஷப்பனியினாலும் வாதிப்பார்; நீ அழியுமட்டும் இவைகள் உன்னைப் பின்தொடரும்.	லேவி 26:16 2நாளா 6:28 எரே 14:12
23	உன் தலைக்கு மேலுள்ள வானம் வெண்கலமும், உனக்குக் கீழுள்ள பூமி இரும்புமாய் இருக்கும்.	லேவி 26:19 1இரா 17:1 1இரா 18:2 எரே 14:1-6 ஆமோ 4:7
24	உன் தேசத்து மழையைக் கர்த்தர் புழுதியும் மண்ணுமாக பெய்யப்பண்ணுவார்; நீ அழியுமட்டும் அப்படியே வானத்திலிருந்து உன்மேல் இறங்கிவரும்.	உபா 28:12 ஆதி 19:24 யோபு 18:15-21 ஏசா 5:24 ஆமோ 4:11
25	உன் சத்துருக்களுக்கு முன்பாக நீ முறிய அடிக்கப்படும்படி கர்த்தர் செய்வார்; ஒரு வழியாய் அவர்களுக்கு எதிராகப் புறப்படுவாய், ஏழு வழியாய் அவர்களுக்கு முன்பாக ஓடிப்போவாய்; நீ பூமியிலுள்ள எல்லா ராஜ்யங்களிலும் சிதறுண்டுபோவாய்.	உபா 28:7 உபா 32:30 லேவி 26:17 லேவி 26:36 லேவி 26:37 ஏசா 30:17
26	உன் பிணம் ஆகாயத்துப் பறவைகளுக்கும் பூமியின் மிருகங்களுக்கும் இரையாகும்; அவைகளை விரட்டுவாரில்லாதிருப்பார்கள்.	1சாமு 17:44-46 சங் 79:1-3 ஏசா 34:3 எரே 7:33 எரே 8:1 எரே 16:4 எரே 19:7 எரே 34:20 எசே 39:17-20
27	நீ குணமாகாதபடி கர்த்தர் உன்னை எகிப்தின் எரிபந்தமான பருக்களினாலும், மூலவியாதியினாலும், சொறியினாலும், சிரங்கினாலும் வாதிப்பார்.	உபா 28:35 யாத் 9:9 யாத் 9:11 யாத் 15:26
28	கர்த்தர் உன்னைப் புத்திமயக்கத்தினாலும், குருட்டாட்டத்தினாலும், மனத்திகைப்பினாலும் வாதிப்பார்.	1சாமு 16:14 சங் 60:3 ஏசா 6:9 ஏசா 6:10 ஏசா 19:11-17 ஏசா 43:19 எரே 4:9 எசே 4:17 லூக் 21:25 லூக் 21:26 அப் 13:41 2தெச 2:9-11
29	குருடன் அந்தகாரத்திலே தடவித்திரிகிறதுபோல, நீ பட்டப்பகலிலே தடவிக்கொண்டு திரிவாய்; உன் வழிகளில் ஒன்றும் உனக்கு வாய்க்காதேபோகும்; உதவி செய்வாரில்லாமல் நீ எந்நாளும் ஒடுக்கப்படுகிறவனும் பறிகொடுக்கிறவனுமாய் இருப்பாய்.	யோபு 5:14 யோபு 12:25 சங் 69:23 சங் 69:24 ஏசா 59:10 புலம் 5:17 செப் 1:17 ரோம 11:7-10 ரோம 11:25-10 2கொரி 4:3 2கொரி 4:4
30	பெண்ணை உனக்கு நியமிப்பாய், வேறொருவன் அவளுடன் சயனிப்பான்; வீட்டைக் கட்டுவாய், அதிலே குடியிருக்கமாட்டாய்; திராட்சத்தோட்டத்தை நாட்டுவாய், அதின் பலனை அனுபவிக்கமாட்டாய்.	உபா 20:6 உபா 20:7 யோபு 31:10 எரே 8:10 ஓசி 4:2
31	உன் மாடுகள் உன் கண்களுக்கு முன்பாக அடிக்கப்படும், நீ அதில் ஒன்றும் புசிப்பதில்லை; உன் கழுதை உனக்கு முன்பாகக் கொள்ளையிட்டுக் கொண்டுபோகப்பட்டு, உனக்குத் திரும்ப அகப்படாமற்போகும்; உன் ஆடுகள் உன் சத்துருக்களுக்குக் கொடுக்கப்படும். விடுவிப்பார் ஒருவரும் உனக்கு இல்லாதிருப்பார்கள்.	நியா 6:1 யோபு 1:14 யோபு 1:15
32	உன் குமாரரும் உன் குமாரத்திகளும் அந்நிய ஜனங்களுக்கு ஒப்புக் கொடுக்கப்படுவார்கள்; அவர்களைக் காண உன் கண்கள் நாடோறும் பார்த்துப் பார்த்துப் பூத்துப்போகும்; உன் கையில் பெலனில்லாதிருக்கும்.	உபா 28:18 உபா 28:41 எண் 21:29 2நாளா 29:9 நெகே 5:2-5 எரே 15:7-9 எரே 16:2-4 எசே 24:25 யோவே 3:6 ஆமோ 5:27 மீகா 4:10
33	உன் நிலத்தின் கனியையும், உன் பிரயாசத்தின் எல்லாப் பலனையும் நீ அறியாத ஜனங்கள் புசிப்பார்கள்; நீ சகல நாளும் ஒடுக்கப்பட்டும் நொறுக்கப்பட்டும் இருப்பாய்.	உபா 28:30 உபா 28:51 லேவி 26:16 நெகே 9:36 நெகே 9:37 ஏசா 1:7 எரே 5:17 எரே 8:16
34	உன் கண்கள் காணும் காரியங்களினாலே மதிமயங்கிப்போவாய்.	உபா 28:28 உபா 28:68 ஏசா 33:14 எரே 25:15 எரே 25:16 வெளிப் 16:10 வெளிப் 16:11
35	உன் உள்ளங்கால் தொடங்கி உன் உச்சந்தலைமட்டும் குணமாகாதபடிக்கு, கர்த்தர் உன்னை முழங்கால்களிலும், தொடைகளிலும் கொடிய எரிபந்தப் பருக்களினாலே வாதிப்பார்.	உபா 28:27 யோபு 2:6 யோபு 2:7 ஏசா 1:6 ஏசா 3:17 ஏசா 3:24
36	கர்த்தர் உன்னையும், உனக்காக நீ ஏற்படுத்திக்கொண்ட ராஜாவையும், நீயும் உன் பிதாக்களும் அறியாத ஜாதிகளிடத்துக்குப் போகப்பண்ணுவார்; அங்கே நீ மரமும் கல்லுமான அந்நிய தேவர்களைச் சேவிப்பாய்.	2இரா 17:4-6 2இரா 24:12-15 2இரா 25:6 2இரா 25:7 2இரா 25:11 2நாளா 33:11 2நாளா 36:6 2நாளா 36:17 2நாளா 36:20 ஏசா 39:7 எரே 22:11 எரே 22:12 எரே 22:24-27 எரே 24:8-10 எரே 39:5-7 எரே 52:8-11 புலம் 4:20 எசே 12:12 எசே 12:13
37	கர்த்தர் உன்னைக் கொண்டுபோய்விடும் எல்லா ஜனங்களுக்குள்ளும் பிரமிப்பும் பழமொழியும் பரியாசச் சொல்லுமாவாய்.	உபா 28:28 உபா 29:22-28 1இரா 9:7 1இரா 9:8 2நாளா 7:20 சங் 44:13 சங் 44:14 எரே 24:9 எரே 25:9 யோவே 2:17 சகரி 8:13
38	மிகுந்த விதையை வயலுக்குக் கொண்டுபோவாய், கொஞ்சம் அறுப்பாய்; வெட்டுக்கிளி அதைப் பட்சித்துப்போடும்.	ஏசா 5:10 மீகா 6:15 ஆகா 1:6
39	திராட்சத்தோட்டங்களை நாட்டிப் பயிரிடுவாய், ஆனாலும் நீ திராட்சரசம் குடிப்பதும் இல்லை, திராட்சப்பழங்களைச் சேர்ப்பதும் இல்லை; பூச்சி அதைத் தின்று போடும்.	யோவே 1:4-7 யோவே 2:2-4 யோனா 4:7
40	ஒலிவமரங்கள் உன் எல்லைகளிலெங்கும் இருக்கும், ஆனாலும் அதின் எண்ணெயை நீ பூசிக்கொள்வதில்லை; உன் ஒலிவமரத்தின் பிஞ்சுகள் உதிர்ந்துபோகும்.	சங் 23:5 சங் 104:15 மீகா 6:15
41	நீ குமாரரையும் குமாரத்திகளையும் பெறுவாய், ஆனாலும் அவர்கள் உன்னோடேகூட இரார்கள்; அவர்கள் சிறைப்பட்டுப்போவார்கள்.	உபா 28:32 2இரா 24:14 புலம் 1:5
42	உன் மரங்களெல்லாவற்றையும் உன் நிலத்தின் கனிகளையும் விட்டில் பட்சித்துப்போடும்.	உபா 28:38 உபா 28:39 ஆமோ 7:1 ஆமோ 7:2
43	உன் நடுவிலிருக்கிற அந்நியன் உனக்கு மேற்பட்டு மேன்மேலும் உயர்ந்திருப்பான்; நீ மிகவும் தாழ்த்தப்பட்டுப்போவாய்.	நியா 2:3 நியா 2:11-15 நியா 4:2 நியா 4:3 நியா 10:7-10 நியா 14:4 நியா 15:11 நியா 15:12 1சாமு 13:3-7 1சாமு 13:19-23 2இரா 17:20 2இரா 17:23 2இரா 24:14-16 யோவா 18:31 யோவா 19:15
44	அவன் உன்னிடத்தில் கடன்படான், நீ அவனிடத்தில் கடன்படுவாய்; அவன் தலையாயிருப்பான், நீ வாலாயிருப்பாய்.	உபா 28:12 உபா 28:13 புலம் 1:5
45	உன் தேவனாகிய கர்த்தர் உனக்கு விதித்த அவருடைய கற்பனைகளையும் கட்டளைகளையும் கைக்கொள்ளும்படி, நீ அவர் சத்தத்திற்குச் செவிகொடாதபடியினால், இந்தச் சாபங்கள் எல்லாம் உன்மேல் வந்து, நீ அழியுமட்டும் உன்னைத் தொடர்ந்து பிடித்து,	உபா 28:5 உபா 28:15 உபா 29:20 உபா 29:21 லேவி 26:28 2இரா 17:20 நீதி 13:21 ஏசா 1:20 ஏசா 65:14 ஏசா 65:15 எரே 24:9 எரே 24:10 புலம் 2:15-17 எசே 7:15 எசே 14:21
46	உன்னிலும் உன் சந்ததியிலும் என்றைக்கும் அடையாளமாகவும் அற்புதமாகவும் இருக்கும்.	உபா 28:37 உபா 28:59 உபா 29:20 உபா 29:28 ஏசா 8:18 எரே 19:8 எரே 25:18 எசே 14:8 எசே 23:32 எசே 23:33 எசே 36:20 1கொரி 10:11
47	சகலமும் பரிபூரணமாயிருக்கையில், நீ மனமகிழ்ச்சியோடும் களிப்போடும் உன் தேவனாகிய கர்த்தரைச் சேவியாமற்போனதினிமித்தம்,	உபா 12:7-12 உபா 16:11 உபா 32:13-15 நெகே 9:35 1தீமோ 6:17-19
48	சகலமும் குறைவுபட்டு, பட்டினியோடும் தாகத்தோடும் நிர்வாணத்தோடும், கர்த்தர் உனக்கு விரோதமாய் அனுப்பும் சத்துருக்களைச் சேவிப்பாய்; அவர்கள் உன்னை அழித்துத் தீருமட்டும், இருப்பு நுகத்தடியை உன் கழுத்தின்மேல் போடுவார்கள்.	2நாளா 12:8 நெகே 9:35-37 எரே 5:19 எரே 17:4 எசே 17:3 எசே 17:7 எசே 17:12
49	கிழவன் என்று முகம்பாராமலும், வாலிபன் என்று இரங்காமலும் இருக்கும் கொடிய முகமுள்ளதும்,	எண் 24:24 ஏசா 5:26-30 எரே 5:15-17 தானி 6:22 தானி 6:23 தானி 9:26 ஆபகூ 1:6 ஆபகூ 1:7 லூக் 19:43 லூக் 19:44
50	உனக்குத் தெரியாத பாஷையைப் பேசுகிறதுமான ஜாதியை வெகுதூரத்திலுள்ள பூமியின் கடையாந்தரத்திலிருந்து கர்த்தர் உன்மேல் கழுகு பறக்கும் வேகமாய் வரப்பண்ணுவார்.	நீதி 7:13 பிரச 8:1 தானி 7:7 தானி 8:23
51	நீ அழியுமட்டும் அந்த ஜாதியான் உன் மிருகஜீவன்களின் பலனையும், உன் நிலத்தின் கனியையும் புசிப்பான்; அவன் உன்னை அழித்துத் தீருமட்டும் உன் தானியத்திலும், திராட்சரசத்திலும், எண்ணெயிலும், உன் மந்தைகளிலுள்ள ஆடுமாடுகளிலும் உனக்கு ஒன்றும் மீதியாக வைக்கமாட்டான்.	உபா 28:33 ஏசா 1:7 ஏசா 62:8
52	உன் தேசமெங்கும் நீ நம்பியிருக்கும் உயரமும் அரணிப்புமான உன் மதில்கள் விழுமளவும், அவன் உன் வாசல்களிலெங்கும் உன்னை முற்றிகைப்போடுவான்; உன் தேவனாகிய கர்த்தர் உனக்குக் கொடுத்த உன்னுடைய தேசமெங்குமுள்ள உன்னுடைய வாசல்கள்தோறும் உன்னை முற்றிகைப்போடுவான்.	லேவி 26:25 2இரா 17:1-6 2இரா 18:13 2இரா 24:10 2இரா 24:11 2இரா 25:1-4 ஏசா 1:7 ஏசா 62:8 எரே 21:4-7 எரே 37:8 எரே 39:1-3 எரே 52:4-7 எசே 4:1-8 தானி 9:26 சகரி 12:2 சகரி 14:2 மத் 22:7 மத் 24:15 மத் 24:16 லூக் 19:43 லூக் 19:44 லூக் 21:20-24
53	உன் சத்துருக்கள் உன்னை முற்றிகைப்போட்டு நெருக்குங்காலத்தில், உன் தேவனாகிய கர்த்தர் உனக்குக் கொடுத்த உன் கர்ப்பக்கனியான உன் புத்திர புத்திரிகளின் மாம்சத்தைத் தின்பாய்.	உபா 28:18 உபா 28:55 உபா 28:57 லேவி 26:29 2இரா 6:28 2இரா 6:29 எரே 19:9 புலம் 2:20 புலம் 4:10 எசே 5:10 மத் 24:19
54	உன் சத்துருக்கள் உன் வாசல்களிலெங்கும் உன்னை முற்றிகைப்போட்டு நெருக்குங்காலத்தில், உன்னிடத்தில் செருக்கும் சுகசெல்வமுமுள்ள மனிதன் சகலத்தையும் இழந்து, தன் இல்லாமையினாலே தான் தின்னும் தன் பிள்ளைகளின் மாம்சத்திலே,	உபா 15:9 நீதி 23:6 நீதி 28:22 மத் 20:15
55	தன் சகோதரனுக்காகிலும், தன் மார்பில் இருக்கிற மனைவிக்காகிலும், தனக்கு மீந்திருக்கிற தன் மக்களின் ஒருவனுக்காகிலும் கொஞ்சமேனும் கொடாதபடி அவர்கள்மேல் வன்கண்ணாயிருப்பான்.	எரே 5:10 எரே 34:2 எரே 52:6
56	உன்னிடத்தில் சுகசெல்வத்தினாலும் செருக்கினாலும் தன் உள்ளங்காலைத் தரையின்மேல் வைக்க அஞ்சின செருக்கும் சுகசெல்வமுமுள்ள ஸ்திரீ தன் கால்களின் நடுவே புறப்பட்ட தன் நஞ்சுக்கொடியினிமித்தமும், தான் பெற்ற பிள்ளைகளினிமித்தமும், தன் மார்பில் இருக்கிற புருஷன்மேலும் தன் குமாரன்மேலும் தன் குமாரத்தியின்மேலும் வன்கண்ணாயிருப்பாள்;	ஏசா 3:16 புலம் 4:3-6
57	உன் சத்துருக்கள் உன் வாசல்களில் உன்னை முற்றிகைப்போட்டு நெருக்குங்காலத்தில், சகலமும் குறைவுபடுவதினால், அவைகளை இரகசியமாய்த் தின்னுவான்.	ஆதி 49:10 ஏசா 49:15
58	உன் தேவனாகிய கர்த்தர் என்னும் மகிமையும் பயங்கரமுமான நாமத்திற்குப் பயப்படும்படிக்கு, நீ இந்தப் புஸ்தகத்தில் எழுதியிருக்கிற இந்த நியாயப்பிரமாண வார்த்தைகளின்படியெல்லாம் நடக்கக் கவனமாயிராவிட்டால்,	உபா 28:15 லேவி 26:14 லேவி 26:15 எரே 7:9 எரே 7:10 எரே 7:26-28
59	கர்த்தர் நீங்காத பெரிய வாதைகளாலும் நீங்காத கொடிய ரோகங்களாலும் உன்னையும் உன் சந்ததியையும் அதிசயமாய் வாதித்து,	உபா 28:46 உபா 29:20-28 உபா 31:17 உபா 31:18 உபா 32:22 உபா 32:26 1இரா 9:7-9 1இரா 16:3 1இரா 16:4 புலம் 1:9 புலம் 1:12 புலம் 4:12 தானி 9:12 ஓசி 3:4 மாற் 13:19
60	நீ கண்டு பயந்த எகிப்து வியாதிகளெல்லாம் உன்மேல் வருவிப்பார்; அவைகள் உன்னைப் பற்றிக்கொள்ளும்.	உபா 7:15 யாத் 15:26
61	இந்த நியாயப்பிரமாண புஸ்தகத்தில் எழுதியிராத எல்லாப் பிணியையும் வாதையையும் நீ அழியுமளவும் கர்த்தர் உன்மேல் வரப்பண்ணுவார்.
62	திரட்சியிலே வானத்து நட்சத்திரங்களைப்போல் இருந்த நீங்கள், உங்கள் தேவனாகிய கர்த்தரின் சத்தத்திற்குச் செவிகொடாமற்போனதினால், கொஞ்சம் ஜனமாய்ப்போவீர்கள்.	உபா 4:27 லேவி 26:22 2இரா 13:7 2இரா 24:14 நெகே 7:4 ஏசா 1:9 ஏசா 24:6 எரே 42:2 எரே 52:28-30 மாற் 13:20 ரோம 9:27-29
63	கர்த்தர் உங்களுக்கு நன்மை செய்யவும் உங்களைப் பெருகப்பண்ணவும் எப்படி உங்கள்மேல் இரம்மியமாயிருந்தாரோ, அப்படியே கர்த்தர் உங்களை அழிக்கவும் உங்களை அதம்பண்ணவும் இரம்மியமாயிருப்பார்; நீங்கள் சுதந்தரிக்கப்போகிற தேசத்திலிருந்து பிடுங்கிப் போடப்படுவீர்கள்.	உபா 30:9 ஏசா 62:5 எரே 32:41 மீகா 7:18 செப் 3:17 லூக் 15:6-10 லூக் 15:23-10 லூக் 15:24-10 லூக் 15:32-10
64	கர்த்தர் உன்னைப் பூமியின் ஒரு முனை துவக்கி பூமியின் மறுமுனைமட்டும் இருக்கிற எல்லா ஜனங்களுக்குள்ளும் சிதற அடிப்பார்; அங்கே நீயும் உன் பிதாக்களும் அறியாத மரமும் கல்லுமான அந்நிய தேவர்களைச் சேவிப்பாய்.	உபா 4:27 உபா 4:28 லேவி 26:33 நெகே 1:8 எரே 16:13 எரே 50:17 எசே 11:16 எசே 11:17 லூக் 21:24
65	அந்த ஜாதிகளுக்குள்ளே உனக்கு இளைப்பாறுதல் இராது, உன் உள்ளங்கால்கள் தங்கித் தரிக்க இடமும் இராது; அங்கே கர்த்தர் உனக்குத் தத்தளிக்கிற இருதயத்தையும், சோர்ந்துபோகிற கண்களையும், மனச்சஞ்சலத்தையும் கொடுப்பார்.	ஆதி 8:9 ஏசா 57:21 எசே 5:12-17 எசே 20:32-35 ஆமோ 9:4 ஆமோ 9:9 ஆமோ 9:10
66	உன் ஜீவன் உனக்குச் சந்தேகத்தில் ஊசலாடும்; உன் ஜீவனைப்பற்றி நம்பிக்கையில்லாமல் இரவும் பகலும் திகில்கொண்டிருப்பாய்.	உபா 28:67 புலம் 1:13 எபிரெ 10:27 வெளிப் 6:15-17
67	நீ பயப்படும் உன் இருதயத்தின் திகிலினாலும், உன் கண்கள் காணும் காட்சியினாலும், விடியற்காலத்தில் எப்பொழுது சாயங்காலம் வருமோ என்றும், சாயங்காலத்தில், எப்பொழுது விடியற்காலம் வருமோ என்றும் சொல்லுவாய்.	உபா 28:34 யோபு 7:3 யோபு 7:4 வெளிப் 9:6
68	இனிக் காணாதிருப்பாய் என்று நான் உனக்குச் சொன்னவழியாய், கர்த்தர் உன்னைக் கப்பல்களிலே எகிப்திற்குத் திரும்பக் கொண்டுபோகப்பண்ணுவார்; அங்கே உங்கள் சத்துருக்களுக்கு வேலைக்காரராகவும், வேலைக்காரிகளாகவும் விற்கப்படுவீர்கள்; உங்களைக் கொள்வாரும் இல்லாதிருப்பார்கள் என்றான்.	உபா 17:16 எரே 43:7 எரே 44:12 ஓசி 8:13 ஓசி 9:3