1	இப்படிப்பட்ட வாக்குத்தத்தங்கள் நமக்கு உண்டாயிருக்கிறபடியினால், பிரியமானவர்களே, மாம்சத்திலும் ஆவியிலும் உண்டான எல்லா அசுசியும் நீங்க, நம்மைச் சுத்திகரித்துக்கொண்டு, பரிசுத்தமாகுதலை தேவபயத்தோடே பூரணப்படுத்தக்கடவோம்.	2கொரி 1:20 2கொரி 6:17 2கொரி 6:18 ரோம 5:20 ரோம 5:21 ரோம 6:1-11 எபிரெ 4:1 2பேது 1:4-8
2	எங்களுக்கு இடங்கொடுங்கள்; நாங்கள் ஒருவனுக்கும் அநியாயஞ்செய்யவில்லை, ஒருவனையும் கெடுக்கவில்லை, ஒருவனையும் வஞ்சிக்கவில்லை.	2கொரி 11:16 மத் 10:14 மத் 10:40 லூக் 10:8 பிலிப் 2:29 கொலோ 4:10 பிலேமோ 1:12 பிலேமோ 1:17 2யோவா 1:10 3யோவா 1:8-10
3	உங்களைக் குற்றவாளிகளாக்கும் பொருட்டாக இப்படி நான் சொல்லுகிறதில்லை; முன்னே நான் சொல்லியபடி, உங்களுடனேகூடச் சாகவும் கூடப் பிழைக்கவுந்தக்கதாக எங்களிருதயங்களில் நீங்கள் இருக்கிறீர்களே.	2கொரி 7:12 2கொரி 2:4 2கொரி 2:5 2கொரி 13:10 1கொரி 4:14 1கொரி 4:15
4	மிகுந்த தைரியத்தோடே உங்களுடன் பேசுகிறேன்; உங்களைக்குறித்து மிகவும் மேன்மைபாராட்டுகிறேன், ஆறுதலால் நிறைந்திருக்கிறேன். எங்களுக்கு உண்டான சகல உபத்திரவத்திலேயும் பரிபூரண சந்தோஷமாயிருக்கிறேன்.	2கொரி 3:12 2கொரி 6:11 2கொரி 10:1 2கொரி 10:2 2கொரி 11:21 எபே 6:19 எபே 6:20 பிலிப் 1:20 1தெச 2:2
5	எப்படியென்றால், நாங்கள் மக்கெதோனியா நாட்டிலே வந்தபோது, எங்கள் சரீரத்திற்கு இளைப்பாறுதல் ஒன்றுமில்லாமல், எப்பக்கத்திலேயும் உபத்திரவப்பட்டோம்; புறம்பே போராட்டங்களும், உள்ளே பயங்களும் இருந்தன.	2கொரி 1:16 2கொரி 1:17 2கொரி 2:13 அப் 20:1 1கொரி 16:5
6	ஆகிலும், சிறுமைப்பட்டவர்களுக்கு ஆறுதல் செய்கிற தேவன் தீத்து வந்ததினாலே எங்களுக்கு ஆறுதல்செய்தார்.	2கொரி 1:3 2கொரி 1:4 2கொரி 2:14 ஏசா 12:1 ஏசா 51:12 ஏசா 57:15 ஏசா 57:18 ஏசா 61:1 ஏசா 61:2 எரே 31:13 மத் 5:4 யோவா 14:16 ரோம 15:5 பிலிப் 2:1 2தெச 2:16 2தெச 2:17
7	அவன் வந்ததினாலேமாத்திரமல்ல, உங்கள் வாஞ்சையையும், உங்கள் துக்கிப்பையும், என்னைப்பற்றி உங்களுக்கு உண்டான பக்திவைராக்கியத்தையும் அவன் கண்டு, உங்களால் அடைந்த ஆறுதலைத் தெரியப்படுத்தினதினாலும், நானும் ஆறுதலடைந்து அதிகமாய்ச் சந்தோஷப்பட்டேன்.	அப் 11:23 ரோம 1:12 கொலோ 2:5 1தெச 3:8 2யோவா 1:4
8	ஆதலால் நான் நிருபத்தினாலே உங்களைத் துக்கப்படுத்தியிருந்தும், அந்த நிருபம் கொஞ்சப்பொழுதாகிலும் உங்களைத் துக்கப்படுத்தினதென்று கண்டு நான் மனஸ்தாபப்பட்டிருந்தும், இப்பொழுது மனஸ்தாபப்படுதிறதில்லை.	2கொரி 7:6 2கொரி 7:11 2கொரி 2:2-11 புலம் 3:32 மத் 26:21 மத் 26:22 லூக் 22:61 லூக் 22:62 யோவா 16:6 யோவா 21:17 எபிரெ 12:9-11 வெளிப் 3:19
9	இப்பொழுது சந்தோஷப்படுகிறேன்; நீங்கள் துக்கப்பட்டதற்காக அல்ல, மனந்திரும்புகிறதற்கேதுவாகத் துக்கப்பட்டதற்காகவே சந்தோஷப்படுகிறேன்; நீங்கள் ஒன்றிலும் எங்களால் நஷ்டப்படாதபடிக்கு, தேவனுக்கேற்ற துக்கம் அடைந்தீர்களே.	2கொரி 7:6 2கொரி 7:7 2கொரி 7:10 பிரச 7:3 எரே 31:18-20 சகரி 12:10 லூக் 15:7 லூக் 15:10 லூக் 15:17-24 லூக் 15:32-24 அப் 20:21
10	தேவனுக்கேற்ற துக்கம் பின்பு மனஸ்தாபப்படுகிறதற்கு இடமில்லாமல் இரட்சிப்புக்கேதுவான மனந்திரும்புதலை உண்டாக்குகிறது; லெளகிக துக்கமோ மரணத்தை உண்டாக்குகிறது.	2கொரி 12:21 2சாமு 12:13 1இரா 8:47-50 யோபு 33:27 யோபு 33:28 எரே 31:9 எசே 7:16 எசே 18:27-30 யோனா 3:8 யோனா 3:10 மத் 21:28-32 மத் 26:75 லூக் 15:10 லூக் 18:13 அப் 3:19 அப் 11:18 2தீமோ 2:25 2தீமோ 2:26
11	பாருங்கள், நீங்கள் தேவனுக்கேற்ற துக்கமடைந்ததுண்டே; அது உங்களிடத்தில் எவ்வளவு ஜாக்கிரதையையும், குற்றந்தீர எவ்வளவு நியாயஞ்சொல்லுதலையும், எவ்வளவு வெறுப்பையும், எவ்வளவு பயத்தையும், எவ்வளவு ஆவலையும், எவ்வளவு பக்திவைராக்கியத்தையும், எவ்வளவு கண்டிப்பையும் உண்டாக்கிற்று. இந்தக் காரியத்திலே நீங்கள் எல்லாவிதத்திலும் உங்களைச் சுத்தவான்களென்று விளங்கப்பண்ணினீர்கள்.	2கொரி 7:9 ஏசா 66:2 சகரி 12:10-14 1கொரி 5:2
12	ஆதலால் நான் உங்களுக்கு அப்படி எழுதியிருந்தும், அநியாயஞ்செய்தவனிமித்தமுமல்ல, அநியாயஞ்செய்யப்பட்டவனிமித்தமுமல்ல, தேவனுக்கு முன்பாக உங்களைக்குறித்து எங்களுக்கு உண்டாயிருக்கிற ஜாக்கிரதை உங்களுக்கு வெளிப்படும் பொருட்டே அப்படி எழுதினேன்.	2கொரி 2:9 1கொரி 5:1
13	இதினிமித்தம் நீங்கள் ஆறுதலடைந்ததினாலே நாங்களும் ஆறுதலடைந்தோம்; விசேஷமாகத் தீத்துவினுடைய ஆவி உங்கள் அனைவராலும் ஆறுதலைடந்ததினாலே, அவனுக்கு உண்டான சந்தோஷத்தினால் அதிக சந்தோஷப்பட்டோம்.	2கொரி 2:3 ரோம 12:15 1கொரி 12:26 1கொரி 13:5-7 பிலிப் 2:28 1பேது 3:8
14	இப்படியிருக்க, உங்களுக்குப் புகழ்ச்சியாய் நான் அவனுடனே சொன்ன யாதொன்றைக்குறித்தும் வெட்கப்படமாட்டேன்; நாங்கள் சகலத்தையும் உங்களுக்குச் சத்தியமாய்ச் சொன்னதுபோல, தீத்துவுடனே நாங்கள் உங்களுக்குப் புகழ்ச்சியாய்ச் சொன்னதும் சத்தியமாக விளங்கிற்றே.	2கொரி 7:4 2கொரி 8:24 2கொரி 9:2-4
15	மேலும் நீங்களெல்லாரும் கட்டளைக்கு அமைந்து, பயத்தோடும் நடுக்கத்தோடும் தன்னை ஏற்றுக்கொண்டதை அவன் நினைக்கையில், அவனுடைய உள்ளம் உங்களைப்பற்றி அதிக அன்பாயிருக்கிறது.	2கொரி 6:12 ஆதி 43:30 1இரா 3:26 உன்ன 5:4 பிலிப் 1:8 கொலோ 3:12 1யோவா 3:17
16	ஆகையால் எல்லாவிதத்திலும் உங்களைக்குறித்து எனக்குத் திடநம்பிக்கை உண்டாயிருக்கிறதென்று சந்தோஷப்படுகிறேன்.	2தெச 3:4 பிலேமோ 1:8 பிலேமோ 1:21