1	தேவனுடைய கிருபையை நீங்கள் விருதாவாய்ப் பெறாதபடிக்கு, உடன் வேலையாட்களாகிய நாங்கள் உங்களுக்குப் புத்திசொல்லுகிறோம்.	2கொரி 5:18-20 1கொரி 3:9
2	அநுக்கிரக காலத்திலே நான் உனக்குச் செவிகொடுத்து, இரட்சணியநாளிலே உனக்கு உதவிசெய்தேன் என்று சொல்லியிருக்கிறாரே; இதோ, இப்பொழுதே அநுக்கிரககாலம், இப்பொழுதே இரட்சணியநாள்.	ஏசா 49:8 ஏசா 61:2 எசே 16:8 லூக் 4:19 லூக் 19:42-44 எபிரெ 3:7 எபிரெ 3:13 எபிரெ 4:7
3	இந்த ஊழியம் குற்றப்படாதபடிக்கு, நாங்கள் யாதொன்றிலும் இடறல் உண்டாக்காமல், எவ்விதத்தினாலேயும், எங்களை தேவஊழியக்காரராக விளங்கப்பண்ணுகிறோம்.	2கொரி 1:12 2கொரி 8:20 மத் 17:27 மத் 18:6 ரோம 14:13 1கொரி 8:9-13 1கொரி 9:12 1கொரி 9:22 1கொரி 10:23 1கொரி 10:24 1கொரி 10:32 1கொரி 10:33
4	மிகுந்த பொறுமையிலும், உபத்திரவங்களிலும், நெருக்கங்களிலும், இடுக்கண்களிலும்,	2கொரி 2:17 2கொரி 7:11 அப் 2:22 ரோம 14:18 ரோம 16:10 1கொரி 9:11 1தெச 2:3-11 1தீமோ 2:15
5	அடிகளிலும், காவல்களிலும், கலகங்களிலும், பிரயாசங்களிலும், கண்விழிப்புகளிலும், உபவாசங்களிலும்,	2கொரி 11:23-25 உபா 25:3 ஏசா 53:5 அப் 16:23
6	கற்பிலும், அறிவிலும், நீடிய சாந்தத்திலும், தயவிலும், பரிசுத்த ஆவியிலும், மாயமற்ற அன்பிலும்,	2கொரி 7:2 1தெச 2:10 1தீமோ 4:12 1தீமோ 5:2 தீத் 2:7
7	சத்தியவசனத்திலும், திவ்விய பலத்திலும்; நீதியாகிய வலதிடதுபக்கத்து ஆயுதங்களைத் தரித்திருக்கிறதிலும்,	2கொரி 1:18-20 2கொரி 4:2 2கொரி 7:14 சங் 119:43 எபே 1:13 எபே 4:21 கொலோ 1:5 2தீமோ 2:15 யாக் 1:18
8	கனத்திலும், கனவீனத்திலும், துர்க்கீர்த்தியிலும், நற்கீர்த்தியிலும்; எத்தரென்னப்பட்டாலும் நிஜஸ்தராகவும்,	அப் 4:21 அப் 5:13 அப் 5:40 அப் 5:41 அப் 14:11-20 அப் 16:20-22 அப் 16:39-22 அப் 28:4-10 1கொரி 4:10-13
9	அறியப்படாதவர்களென்னப்பட்டாலும் நன்றாய் அறியப்பட்டவர்களாகவும், சாகிறவர்கள் என்னப்பட்டாலும் உயிரோடிருக்கிறவர்களாகவும், தண்டிக்கப்படுகிறவர்கள் என்னப்பட்டாலும் கொல்லப்படாதவர்களாகவும்,	அப் 17:18 அப் 21:37 அப் 21:38 அப் 25:14 அப் 25:15 அப் 25:19 அப் 25:26 1கொரி 4:9
10	துக்கப்படுகிறவர்கள் என்னப்பட்டாலும் எப்பொழுதும் சந்தோஷப்படுகிறவர்களாகவும், தரித்திரர் என்னப்பட்டாலும் அநேகரை ஐசுவரியவான்களாக்குகிறவர்களாகவும், ஒன்றுமில்லாதவர்களென்னப்பட்டாலும் சகலத்தையுமுடையவர்களாகவும் எங்களை விளங்கப்பண்ணுகிறோம்.	2கொரி 2:4 2கொரி 7:3-10 மத் 5:4 மத் 5:12 லூக் 6:21 யோவா 16:22 அப் 5:41 அப் 16:25 ரோம 5:2 ரோம 5:3 ரோம 9:2 ரோம 12:15 ரோம 15:13 பிலிப் 4:4 1தெச 3:7-10 1தெச 5:16 எபிரெ 10:34 யாக் 1:2-4 1பேது 1:6-8 1பேது 4:13
11	கொரிந்தியரே, எங்கள் வாய் உங்களோடே பேசத் திறந்திருக்கிறது, எங்கள் இருதயம் பூரித்திருக்கிறது.	கலா 3:1 பிலிப் 4:15
12	எங்கள் உள்ளம் உங்களைக்குறித்து நெருக்கமடையவில்லை, உங்கள் உள்ளமே எங்களைக்குறித்து நெருக்கமடைந்திருக்கிறது.	பிரச 6:9 யோபு 36:16 நீதி 4:12 மீகா 2:7
13	ஆதலால் அதற்குப் பதிலீடாக நீங்களும் பூரிப்பாகுங்களென்று, பிள்ளைகளுக்குச் சொல்லுகிறதுபோல, உங்களுக்குச் சொல்லுகிறேன்.	1கொரி 4:14 1கொரி 4:15 கலா 4:19 1தெச 2:11 எபிரெ 12:5 எபிரெ 12:6 1யோவா 2:1 1யோவா 2:12-14 1யோவா 3:7 1யோவா 3:18 3யோவா 1:4
14	அந்நிய நுகத்திலே அவிசுவாசிகளுடன் பிணைக்கப்படாதிருப்பீர்களாக; நீதிக்கும் அநீதிக்கும் சம்பந்தமேது? ஒளிக்கும் இருளுக்கும் ஐக்கியமேது?	யாத் 34:16 லேவி 19:19 உபா 7:2 உபா 7:3 உபா 22:9-11 எஸ்றா 9:1 எஸ்றா 9:2 எஸ்றா 9:11 எஸ்றா 9:12 எஸ்றா 10:19 நெகே 13:1-3 நெகே 13:23-26 சங் 106:35 நீதி 22:24 மல்கி 2:11 மல்கி 2:15 1கொரி 5:9 1கொரி 7:39 1கொரி 15:33 யாக் 4:4
15	கிறிஸ்துவுக்கும் பேலியாளுக்கும் இசைவேது? அவிசுவாசியுடனே விசுவாசிக்குப் பங்கேது?	1சாமு 5:2-4 1இரா 18:21 1கொரி 10:20 1கொரி 10:21
16	தேவனுடைய ஆலயத்துக்கும் விக்கிரகங்களுக்கும் சம்பந்தமேது? நான் அவர்களுக்குள்ளே வாசம்பண்ணி, அவர்களுக்குள்ளே உலாவி, அவர்கள் தேவனாயிருப்பேன், அவர்கள் என் ஜனங்களாயிருப்பார்கள் என்று, தேவன் சொன்னபடி, நீங்கள் ஜீவனுள்ள தேவனுடைய ஆலயமாயிருக்கிறீர்களே.	யாத் 20:3 யாத் 23:13 யாத் 34:14 உபா 4:23 உபா 4:24 உபா 5:7 உபா 6:14 உபா 6:15 யோசு 24:14-24 1சாமு 7:3 1சாமு 7:4 1இரா 18:21 2இரா 17:33 2இரா 17:34 2இரா 21:4 2இரா 21:5 2இரா 23:5-7 2நாளா 33:4 2நாளா 33:5 எசே 36:25 ஓசி 14:8 செப் 1:5 மத் 6:24 1யோவா 5:20 1யோவா 5:21
17	ஆனபடியால், நீங்கள் அவர்கள் நடுவிலிருந்து புறப்பட்டுப் பிரிந்துபோய், அசுத்தமானதைத் தொடாதிருங்கள் என்று கர்த்தர் சொல்லுகிறார்.	2கொரி 7:1 எண் 16:21 எண் 16:26 எண் 16:45 எஸ்றா 6:21 எஸ்றா 10:11 சங் 1:1-3 நீதி 9:6 ஏசா 52:11 எரே 51:6 அப் 2:40 வெளிப் 18:4
18	அப்பொழுது, நான் உங்களை ஏற்றுக்கொண்டு, உங்களுக்குப் பிதாவாயிருப்பேன், நீங்கள் எனக்குக் குமாரரும் குமாரத்திகளுமாயிருப்பீர்களென்று சர்வவல்லமையுள்ள கர்த்தர் சொல்லுகிறார்.	சங் 22:30 எரே 3:19 எரே 31:1 எரே 31:9 ஓசி 1:9 ஓசி 1:10 யோவா 1:12 ரோம 8:14-17 ரோம 8:29-17 கலா 3:26 கலா 4:5-7 எபே 1:5 1யோவா 3:1 1யோவா 3:2 வெளிப் 21:7