1	இப்படிப்பட்ட ஊழியத்தை உடையவர்களாகிய நாங்கள் இரக்கம்பெற்றிருப்பதால் சோர்ந்து போகிறதில்லை.	2கொரி 3:6 2கொரி 3:12 2கொரி 5:18 எபே 3:7 எபே 3:8
2	வெட்கமான அந்தரங்க காரியங்களை நாங்கள் வெறுத்து, தந்திரமாய் நடவாமலும், தேவ வசனத்தைப் புரட்டாமலும், சத்தியத்தை வெளிப்படுத்துகிறதினாலே தேவனுக்கு முன்பாக எல்லா மனுஷருடைய மனச்சாட்சிக்கும் எங்களை உத்தமரென்று விளங்கப்பண்ணுகிறோம்.	1கொரி 4:5
3	எங்கள் சுவிசேஷம் மறைபொருளாயிருந்தால், கெட்டுப்போகிறவர்களுக்கே அது மறைபொருளாயிருக்கும்.	ரோம 2:16 1தெச 1:5 1தீமோ 1:11
4	தேவனுடைய சாயலாயிருக்கிற கிறிஸ்துவின் மகிமையான சுவிசேஷத்தின் ஒளி, அவிசுவாசிகளாகிய அவர்களுக்குப் பிரகாசமாயிராதபடிக்கு, இப்பிரபஞ்சத்தின் தேவனானவன் அவர்களுடைய மனதைக் குருடாக்கினான்.	மத் 4:8 மத் 4:9 யோவா 12:31 யோவா 12:40 யோவா 14:30 யோவா 16:11 1கொரி 10:20 எபே 2:2 எபே 6:12 1யோவா 5:19 வெளிப் 20:2 வெளிப் 20:3
5	நாங்கள் எங்களையே பிரசங்கியாமல், கிறிஸ்து இயேசுவைக் கர்த்தரென்றும், எங்களையோ இயேசுவினிமித்தம் உங்கள் ஊழியக்காரரென்றும் பிரசங்கிக்கிறோம்.	மத் 3:11 யோவா 1:21-23 யோவா 3:27-31 யோவா 7:18 அப் 3:12 அப் 3:13 அப் 8:9 அப் 8:10 அப் 10:25 அப் 10:26 அப் 14:11-15 ரோம 15:17 ரோம 15:18 1கொரி 1:13-15 1கொரி 1:23-15 1கொரி 3:5 1கொரி 3:6 1கொரி 10:33 பிலிப் 1:15 1தெச 2:5 1தெச 2:6 தீத் 1:11 1பேது 5:2-5 2பேது 2:3
6	இருளிலிருந்து வெளிச்சத்தைப் பிரகாசிக்கச்சொன்ன தேவன் இயேசுகிறிஸ்துவின் முகத்திலுள்ள தமது மகிமையின் அறிவாகிய ஒளியைத் தோன்றப்பண்ணும்பொருட்டாக, எங்கள் இருதயங்களிலே பிரகாசித்தார்.	ஆதி 1:3 ஆதி 1:14 ஆதி 1:15 சங் 74:16 சங் 136:7-9 ஏசா 45:7
7	இந்த மகத்துவமுள்ள வல்லமை எங்களால் உண்டாயிராமல், தேவனால் உண்டாகியிருக்கிறதென்று விளங்கும்படி, இந்தப் பொக்கிஷத்தை மண்பாண்டங்களில் பெற்றிருக்கிறோம்.	2கொரி 4:1 2கொரி 6:10 மத் 13:44 மத் 13:52 எபே 3:8 கொலோ 1:27 கொலோ 2:3
8	நாங்கள் எப்பக்கத்திலும் நெருக்கப்பட்டும் ஒடுங்கிப்போகிறதில்லை; கலக்கமடைந்தும் மனமுறிவடைகிறதில்லை;	2கொரி 1:8-10 2கொரி 6:4 2கொரி 7:5 2கொரி 11:23-30
9	துன்பப்படுத்தப்பட்டும் கைவிடப்படுகிறதில்லை; கீழே தள்ளப்பட்டும் மடிந்துபோகிறதில்லை.	சங் 9:10 சங் 22:1 சங் 37:25 சங் 37:28 ஏசா 62:4 எபிரெ 13:5
10	கர்த்தராகிய இயேசுவினுடைய ஜீவனும் எங்கள் சரீரத்திலே விளங்கும்படிக்கு, இயேசுவின் மரணத்தை எப்பொழுதும் எங்கள் சரீரத்தில் சுமந்து திரிகிறோம்.	2கொரி 1:5 2கொரி 1:9 ரோம 8:17 ரோம 8:18 கலா 6:17 பிலிப் 3:10 பிலிப் 3:11 கொலோ 1:24
11	எப்படியெனில், சாவுக்கினமான எங்கள் மாம்சத்திலே இயேசுவினுடைய ஜீவனும் விளங்கும்படிக்கு உயிரோடிருக்கிற நாங்கள் எப்பொழுதும் இயேசுவினிமித்தம் மரணத்திற்கு ஒப்புக்கொடுக்கப்படுகிறோம்.	சங் 44:22 சங் 141:7 ரோம 8:36 1கொரி 15:31 1கொரி 15:49
12	இப்படி மரணமானது எங்களிடத்திலும், ஜீவனானது உங்களிடத்திலும் பெலன் செய்கிறது.	2கொரி 12:15 2கொரி 13:9 அப் 20:24 1கொரி 4:10 பிலிப் 2:17 பிலிப் 2:30 1யோவா 3:16
13	விசுவாசித்தேன், ஆகையால் பேசினேன் என்று எழுதியிருக்கிறபடி, நாங்களும் அந்த விசுவாசத்தின் ஆவியை உடையவர்களாயிருந்து, விசுவாசிக்கிறபடியால் பேசுகிறோம்.	அப் 15:11 ரோம 1:12 1கொரி 12:9 எபிரெ 11:1-40 2பேது 1:1
14	கர்த்தராகிய இயேசுவை எழுப்பினவர் எங்களையும் இயேசுவைக்கொண்டு எழுப்பி, உங்களுடனேகூடத் தமக்குமுன்பாக நிறுத்துவாரென்று அறிந்திருக்கிறோம்.	2கொரி 5:1-4 ஏசா 26:19 யோவா 11:25 யோவா 11:26 ரோம 8:11 1கொரி 6:14 1கொரி 15:20-22 1தெச 4:14
15	தேவனுடைய மகிமை விளங்குவதற்கேதுவாகக் கிருபையானது அநேகருடைய ஸ்தோத்திரத்தினாலே பெருகும்படிக்கு, இவையெல்லாம் உங்கள்நிமித்தம் உண்டாகியிருக்கிறது.	2கொரி 1:4-6 ரோம 8:28 1கொரி 3:21-23 கொலோ 1:24 2தீமோ 2:10
16	ஆனபடியினாலே நாங்கள் சோர்ந்துபோகிறதில்லை; எங்கள் புறம்பான மனுஷனானது அழிந்தும், உள்ளான மனுஷனானது நாளுக்குநாள் புதிதாக்கப்படுகிறது.	2கொரி 4:1 சங் 27:13 சங் 119:81 ஏசா 40:29 1கொரி 15:58
17	மேலும் காணப்படுகிறவைகளையல்ல, காணப்படாதவைகளை நோக்கியிருக்கிற நமக்கு, அதிசீக்கிரத்தில் நீங்கும் இலேசான நம்முடைய உபத்திரவம் மிகவும் அதிகமான நித்திய கனமகிமையை உண்டாக்குகிறது.	2கொரி 11:23-28 சங் 30:5 ஏசா 54:8 அப் 20:23 ரோம 8:18 ரோம 8:34 ரோம 8:37 1பேது 1:6 1பேது 4:7 1பேது 5:10
18	ஏனெனில், காணப்படுகிறவைகள் அநித்தியமானவைகள், காணப்படாதவைகளோ நித்தியமானவைகள்.	2கொரி 5:7 ரோம 8:24 ரோம 8:25 எபிரெ 11:1 எபிரெ 11:25-27 எபிரெ 12:2 எபிரெ 12:3