1	நீங்கள் எனக்கு எழுதின காரியங்களைக்குறித்து நான் எழுதுகிறதென்னவென்றால், ஸ்திரீயைத் தொடாமலிருக்கிறது மனுஷனுக்கு நல்லது.	1கொரி 7:8 1கொரி 7:26 1கொரி 7:27 1கொரி 7:37 1கொரி 7:38 மத் 19:10 மத் 19:11
2	ஆகிலும் வேசித்தனம் இராதபடிக்கு அவனவன் தன் சொந்த மனைவியையும், அவளவள் தன் சொந்தப் புருஷனையும் உடையவர்களாயிருக்கவேண்டும்.	1கொரி 7:9 1கொரி 6:18 நீதி 5:18 நீதி 5:19 1தீமோ 4:3
3	புருஷன் தன் மனைவிக்குச் செய்யவேண்டிய கடமையைச் செய்யக்கடவன்; அப்படியே மனைவியும் தன் புருஷனுக்குச் செய்யக்கடவள்.	யாத் 21:10 1பேது 3:7
4	மனைவியானவள் தன் சுயசரீரத்திற்கு அதிகாரியல்ல, புருஷனே அதற்கு அதிகாரி; அப்படியே புருஷனும் தன் சுயசரீரத்திற்கு அதிகாரியல்ல, மனைவியே அதற்கு அதிகாரி.	ஓசி 3:3 மத் 19:9 மாற் 10:11 மாற் 10:12
5	உபவாசத்திற்கும் ஜெபத்திற்கும் தடையிராதபடிக்கு இருவரும் சிலகாலம் பிரிந்திருக்கவேண்டுமென்று சம்மதித்தாலன்றி, ஒருவரைவிட்டு ஒருவர் பிரியாதிருங்கள்; உங்களுக்கு விரதத்துவம் இல்லாமையால் சாத்தான் உங்களைத் தூண்டிவிடாதபடிக்கு, மறுபடியும் கூடிவாழுங்கள்.	யாத் 19:15 1சாமு 21:4 1சாமு 21:5 யோவே 2:16 சகரி 7:3 சகரி 12:12-14
6	இதை நான் கட்டளையாகச் சொல்லாமல், யோசனையாகச் சொல்லுகிறேன்.	1கொரி 7:12 1கொரி 7:25 2கொரி 8:8 2கொரி 11:17
7	எல்லா மனுஷரும் என்னைப்போலவே இருக்க விரும்புகிறேன். ஆகிலும் அவனவனுக்கு தேவனால் அருளப்பட்ட அவனவனுக்குரிய வரமுண்டு; அது ஒருவனுக்கு ஒருவிதமாயும், மற்றொருவனுக்கு வேறுவிதமாயும் இருக்கிறது.	1கொரி 9:5 1கொரி 9:15 அப் 26:29
8	விவாகமில்லாதவர்களையும், கைம்பெண்களையும்குறித்து நான் சொல்லுகிறது என்னவென்றால், அவர்கள் என்னைப்போல இருந்துவிட்டால் அவர்களுக்கு நலமாயிருக்கும்.	1கொரி 7:26 1கொரி 7:27 1கொரி 7:32 1கொரி 7:34 1கொரி 7:35
9	ஆகிலும் அவர்கள் விரத்தராயிருக்கக்கூடாதிருந்தால் விவாகம்பண்ணக்கடவர்கள்; வேகிறதைப்பார்க்கிலும் விவாகம்பண்ணுகிறது நலம்.	1கொரி 7:2 1கொரி 7:28 1கொரி 7:36 1கொரி 7:39 1தீமோ 5:11 1தீமோ 5:14
10	விவாகம்பண்ணிக்கொண்டவர்களுக்கு நானல்ல, கர்த்தரே கட்டளையிடுகிறதாவது: மனைவியானவள் தன் புருஷனை விட்டுப்பிரிந்து போகக்கூடாது.	1கொரி 7:12 1கொரி 7:25 1கொரி 7:40
11	பிரிந்துபோனால் அவள் விவாகமில்லாதிருக்கக்கடவள், அல்லது புருஷனோடே ஒப்புரவாகக்கடவள்; புருஷனும் தன் மனைவியைத் தள்ளிவிடக்கூடாது.	நியா 19:2 நியா 19:3 எரே 3:1
12	மற்றவர்களைக்குறித்துக் கர்த்தர் அல்ல, நானே சொல்லுகிறதாவது: சகோதரனொருவனுடைய மனைவி அவிசுவாசியாயிருந்தும், அவனுடனே வாசமாயிருக்க அவளுக்குச் சம்மதமிருந்தால், அவன் அவளைத் தள்ளிவிடாதிருக்கக்கடவன்.	1கொரி 7:6 1கொரி 7:25 2கொரி 11:17
13	அப்படியே ஒரு ஸ்திரீயினுடைய புருஷன் அவிசுவாசியாயிருந்தும், அவளுடனே வாசமாயிருக்க அவனுக்குச் சம்மதமிருந்தால், அவள் அவனைத் தள்ளிவிடாதிருக்கக்கடவள்.
14	என்னத்தினாலெனில், அவிசுவாசியான புருஷன் தன் மனைவியால் பரிசுத்தமாக்கப்படுகிறான்; அவிசுவாசியான மனைவியும் தன் புருஷனால் பரிசுத்தமாக்கப்படுகிறாள். இல்லாவிட்டால் உங்கள் பிள்ளைகள் அசுத்தமாயிருக்குமே; இப்பொழுதோ அவைகள் பரிசுத்தமாயிருக்கின்றன.	1கொரி 6:15-17 எஸ்றா 9:1 எஸ்றா 9:2 1தீமோ 4:5 தீத் 1:15
15	ஆகிலும், அவிசுவாசி பிரிந்துபோனால் பிரிந்துபோகட்டும், இப்படிப்பட்ட விஷயத்தில் சகோதரனாவது சகோதரியாவது அடிமைப்பட்டவர்களல்ல. சமாதானமாயிருக்கும்படிக்கே தேவன் நம்மை அழைத்திருக்கிறார்.	மத் 12:50 யாக் 2:15
16	மனைவியானவளே, நீ உன் புருஷனை இரட்சிப்பாயோ அல்லவோ உனக்கு எப்படித் தெரியும்? புருஷனே, நீ உன் மனைவியை இரட்சிப்பாயோ அல்லவோ உனக்கு எப்படித் தெரியும்?	1கொரி 9:22 நீதி 11:30 லூக் 15:10 1தீமோ 4:16 யாக் 5:19 யாக் 5:20 1பேது 3:1 1பேது 3:2
17	தேவன் அவனவனுக்குப் பகிர்ந்ததெப்படியோ, கர்த்தர் அவனவனை அழைத்ததெப்படியோ, அப்படியே அவனவன் நடக்கக்கடவன். எல்லாச் சபைகளிலேயும் இப்படியே திட்டம்பண்ணுகிறேன்.	1கொரி 7:7 மத் 19:12 ரோம 12:3-8 1பேது 4:10 1பேது 4:11
18	ஒருவன் விருத்தசேதனம் பெற்றவனாய் அழைக்கப்பட்டிருந்தால், விருத்தசேதனமில்லாதவனாயிருக்க வகைதேடானாக; ஒருவன் விருத்தசேதனமில்லாதவனாய் அழைக்கப்பட்டிருந்தால், விருத்தசேதனம் பெறாதிருப்பானாக.	அப் 15:1 அப் 15:5 அப் 15:19 அப் 15:24 அப் 15:28 கலா 5:1-3 கொலோ 3:11
19	விருத்தசேதனமும் ஒன்றுமில்லை, விருத்தசேதனமில்லாமையும் ஒன்றுமில்லை; தேவனுடைய கற்பனைகளைக் கைக்கொள்ளுகிறதே காரியம்.	1கொரி 8:8 ரோம 2:25-29 ரோம 3:30 கலா 5:6 கலா 6:15
20	அவனவன் தான் அழைக்கப்பட்ட நிலைமையிலே நிலைத்திருக்கக்கடவன்.	1கொரி 7:17 1கொரி 7:21-23 நீதி 27:8 லூக் 3:10-14 1தெச 4:11 2தெச 3:12
21	அடிமையாய் நீ அழைக்கப்பட்டிருந்தால், கவலைப்படாதே; நீ சுயாதீனனாகக்கூடுமானால் அதை நலமென்று அநுசரித்துக்கொள்.	1கொரி 12:13 கலா 3:28 கொலோ 3:11 1தீமோ 6:1-3 1பேது 2:18-24
22	கர்த்தருக்குள் அழைக்கப்பட்ட அடிமையானவன் கர்த்தருடைய சுயாதீனனாயிருக்கிறான்; அப்படியே அழைக்கப்பட்ட சுயாதீனன் கிறிஸ்துவினுடைய அடிமையாயிருக்கிறான்.	லூக் 1:74 லூக் 1:75 யோவா 8:32-36 ரோம 6:18-22 கலா 5:1 கலா 5:13 எபே 6:5 எபே 6:6 கொலோ 3:22-24 பிலேமோ 1:16 1பேது 2:16
23	நீங்கள் கிரயத்துக்குக் கொள்ளப்பட்டீர்கள்; மனுஷருக்கு அடிமைகளாகாதிருங்கள்.	1கொரி 6:20 லேவி 25:42 அப் 20:28 தீத் 2:14 1பேது 1:18 1பேது 1:19 1பேது 3:18 வெளிப் 5:9
24	சகோதரரே, அவனவன் தான் அழைக்கப்பட்ட நிலைமையிலே தேவனுக்கு முன்பாக நிலைத்திருக்கக்கடவன்.	1கொரி 7:17 1கொரி 7:20
25	அன்றியும் கன்னிகைகளைக்குறித்து, கர்த்தரால் எனக்குக் கட்டளை இல்லை. ஆகிலும் நான் உண்மையுள்ளவனாயிருக்கிறதற்குக் கர்த்தரால் இரக்கம்பெற்று, என் அபிப்பிராயத்தைத் தெரியப்படுத்துகிறேன்.	1கொரி 7:28 1கொரி 7:34 1கொரி 7:36-38 சங் 78:63
26	அதென்னவெனில், இப்பொழுது உண்டாயிருக்கிற துன்பத்தினிமித்தம் விவாகமில்லாமலிருக்கிறது மனுஷனுக்கு நலமாயிருக்குமென்று எண்ணுகிறேன்.	1கொரி 7:1 1கொரி 7:8 1கொரி 7:28 1கொரி 7:35-38 எரே 16:2-4 மத் 24:19 லூக் 21:23 லூக் 23:28 லூக் 23:29 1பேது 4:17
27	நீ மனைவியோடே கட்டப்பட்டிருந்தால், அவிழ்க்கப்பட வகைதேடாதே; நீ மனைவி இல்லாதவனாயிருந்தால். மனைவியைத் தேடாதே.	1கொரி 7:12-14 1கொரி 7:20-14
28	நீ விவாகம்பண்ணினாலும் பாவமல்ல; கன்னிகை விவாகம்பண்ணினாலும் பாவமல்ல. ஆகிலும் அப்படிப்பட்டவர்கள் சரீரத்திலே உபத்திரவப்படுவார்கள்; அதற்கு நீங்கள் தப்பவேண்டுமென்றிருக்கிறேன்.	1கொரி 7:36 எபிரெ 13:4
29	மேலும், சகோதரரே, நான் சொல்லுகிறதென்னவெனில், இனிவரும் காலம் குறுகினதானபடியால், மனைவிகளுள்ளவர்கள் மனைவிகளில்லாதவர்கள்போலவும்,	யோபு 14:1 யோபு 14:2 சங் 39:4-7 சங் 90:5-10 சங் 103:15 சங் 103:16 பிரச 6:12 பிரச 9:10 ரோம 13:11 ரோம 13:12 எபிரெ 13:13 எபிரெ 13:14 1பேது 4:7 2பேது 3:8 2பேது 3:9 1யோவா 2:17
30	அழுகிறவர்கள் அழாதவர்கள்போலவும், சந்தோஷப்படுகிறவர்கள் சந்தோஷப்படாதவர்கள்போலவும், கொள்ளுகிறவர்கள் கொள்ளாதவர்கள்போலவும்,	சங் 30:5 சங் 126:5 சங் 126:6 பிரச 3:4 ஏசா 25:8 ஏசா 30:19 லூக் 6:21 லூக் 6:25 லூக் 16:25 யோவா 16:22 வெளிப் 7:17 வெளிப் 18:7
31	இவ்வுலகத்தை அனுபவிக்கிறவர்கள் அதைத் தகாதவிதமாய் அனுபவியாதவர்கள்போலவும் இருக்கவேண்டும்; இவ்வுலகத்தின் வேஷம் கடந்துபோகிறதே.	1கொரி 9:18 பிரச 2:24 பிரச 2:25 பிரச 3:12 பிரச 3:13 பிரச 5:18-20 பிரச 9:7-10 பிரச 11:2 பிரச 11:9 பிரச 11:10 மத் 24:48-50 மத் 25:14-29 லூக் 12:15-21 லூக் 16:1 லூக் 16:2 லூக் 19:17-26 லூக் 21:34 1தீமோ 6:17 1தீமோ 6:18 யாக் 5:1-5
32	நீங்கள் கவலையற்றவர்களாயிருக்க விரும்புகிறேன். விவாகமில்லாதவன் கர்த்தருக்கு எப்படிப் பிரியமாயிருக்கலாமென்று, கர்த்தருக்குரியவைகளுக்காகக் கவலைப்படுகிறான்.	சங் 55:22 மத் 6:25-34 மத் 13:22 பிலிப் 4:6
33	விவாகம்பண்ணினவன் தன் மனைவிக்கு எப்படிப் பிரியமாயிருக்கலாமென்று, உலகத்திற்குரியவைகளுக்காகக் கவலைப்படுகிறான்.	நெகே 5:1-5 லூக் 12:22 1தெச 4:11 1தெச 4:12 1தீமோ 5:8
34	அதுபோல, மனைவியானவளுக்கும், கன்னிகைக்கும் வித்தியாசமுண்டு. விவாகமில்லாதவள் சரீரத்திலும் ஆத்துமாவிலும் பரிசுத்தமாயிருக்கும்படி, கர்த்தருக்குரியவைகளுக்காகக் கவலைப்படுகிறாள்; விவாகம்பண்ணினவள் தன் புருஷனுக்கு எப்படிப் பிரியமாயிருக்கலாமென்று, உலகத்திற்குரியவைகளுக்காகக் கவலைப்படுகிறாள்.	லூக் 2:36 லூக் 2:37 2கொரி 7:11 2கொரி 7:12 2கொரி 8:16 2கொரி 11:28 1தீமோ 3:5 தீத் 3:8
35	இதை நான் உங்களைக் கண்ணியில் அகப்படுத்தவேண்டுமென்று சொல்லாமல், உங்களுக்குத் தகுதியாயிருக்குமென்றும், நீங்கள் கவலையில்லாமல் கர்த்தரைப் பற்றிக்கொண்டிருக்கவேண்டுமென்றும், உங்கள் சுயபிரயோஜனத்துக்காகவே சொல்லுகிறேன்.	1கொரி 7:2 1கொரி 7:5-9 1கொரி 7:28-9 1கொரி 7:36-9 மத் 19:12
36	ஆகிலும் ஒருவன் தன் புத்திரியின் கன்னிகைப்பருவம் கடந்துபோனதினாலே, அவள் விவாகம் பண்ணாமலிருப்பது அவளுக்குத் தகுதியல்லவென்றும், அவள் விவாகம்பண்ணுவது அவசியமென்றும் நினைத்தால், அவன் தன் மனதின்படி செய்யக்கடவன்; அது பாவமல்ல, விவாகம்பண்ணட்டும்.	1சாமு 2:33
37	ஆயினும் அதற்கு அவசியத்தைக் காணாமல், தன் இருதயத்திலே உறுதியுள்ளவனாயும், சுயசித்தத்தின்படி செய்ய அதிகாரமுள்ளவனாயுமிருந்து, தன் புத்திரியின் கன்னிகைப் பருவத்தைக் காக்கவேண்டுமென்று தன் இருதயத்தில் தீர்மானிக்கிறவன் நன்மைசெய்கிறான்.
38	இப்படியிருக்க, அவளை விவாகம்பண்ணிக் கொடுக்கிறவனும் நன்மைசெய்கிறான்; கொடாமலிருக்கிறவனும் அதிக நன்மைசெய்கிறான்.	1கொரி 7:2 எபிரெ 13:4
39	மனைவியானவள் தன் புருஷன் உயிரோடிருக்குங்காலமளவும் பிரமாணத்தினால் கட்டப்பட்டிருக்கிறாள்; தன் புருஷன் மரித்தபின்பு தனக்கு இஷ்டமானவனாயும் கர்த்தருக்குட்பட்டவனாயுமிருக்கிற எவனையாகிலும் விவாகம்பண்ணிக்கொள்ள விடுதலையாயிருக்கிறாள்.	1கொரி 7:10 1கொரி 7:15 ரோம 7:2 ரோம 7:3
40	ஆகிலும் என்னுடைய அபிப்பிராயத்தின்படி அவள் அப்படியே இருந்துவிட்டால் பாக்கியவதியாயிருப்பாள். என்னிடத்திலும் தேவனுடைய ஆவி உண்டென்று எண்ணுகிறேன்.	1கொரி 7:1 1கொரி 7:8 1கொரி 7:26 1கொரி 7:35