1	பரிசுத்தவான்களுக்காகச் சேர்க்கப்படும் தர்மப்பணத்தைக்குறித்து நான் கலாத்தியா நாட்டுச் சபைகளுக்குப்பண்ணின திட்டத்தின்படியே நீங்களும் செய்யுங்கள்.	அப் 11:28 அப் 11:30 அப் 24:17 ரோம 15:25 ரோம 15:26 2கொரி 8:1-9 கலா 2:10
2	நான் வந்திருக்கும்போது பணஞ்சேர்க்குதல் இராதபடிக்கு, உங்களில் அவனவன் வாரத்தின் முதல்நாள்தோறும், தன்தன் வரவுக்குத்தக்கதாக எதையாகிலும் தன்னிடத்திலே சேர்த்துவைக்கக்கடவன்.	லூக் 24:1 யோவா 20:19 யோவா 20:26 அப் 20:7 வெளிப் 1:10
3	நான் வரும்போது உங்கள் உபகாரத்தை எருசலேமுக்குக் கொண்டுபோகும்படிக்கு, நீங்கள் தகுதியுள்ளவர்களாகக் குறிக்கிறவர்கள் எவர்களோ, அவர்களிடத்தில் நிருபங்களைக் கொடுத்து, அவர்களை அனுப்புவேன்.	1கொரி 4:19-21 1கொரி 11:34
4	நானும் போகத்தக்கதானால், அவர்கள் என்னுடனேகூட வரலாம்.	ரோம 15:25 2கொரி 8:4 2கொரி 8:19
5	நான் மக்கெதோனியா நாட்டின் வழியாய்ப்போகிறபடியால், மக்கெதோனியா நாட்டைக் கடந்தபின்பு உங்களிடத்திற்கு வருவேன்.	அப் 19:21 அப் 20:1-3 2கொரி 1:15-17
6	நான் எங்கே போனாலும் நீங்கள் என்னை வழிவிட்டனுப்பும்படிக்கு, நான் உங்களிடத்தில் சிலகாலம் தங்கவேண்டியதாயிருக்கும்; ஒருவேளை மழைகாலம் முடியும்வரைக்கும் இருப்பேன்.	அப் 27:12 அப் 28:11 தீத் 3:12
7	இப்பொழுது வழிப்பிரயாணத்திலே உங்களைக் கண்டுகொள்ளமாட்டேன்; கர்த்தர் உத்தரவு கொடுத்தால் உங்களிடத்தில் வந்து சிலகாலம் தங்கியிருக்கலாமென்று நம்புகிறேன்.	1கொரி 4:19 நீதி 19:21 எரே 10:23 அப் 18:21 ரோம 1:10 யாக் 4:15
8	ஆகிலும் பெந்தெகோஸ்தே பண்டிகைவரைக்கும் எபேசு பட்டணத்தில் இருப்பேன்.	1கொரி 15:32
9	ஏனெனில் இங்கே பெரிதும் அநுகூலமுமான கதவு எனக்குத் திறக்கப்பட்டிருக்கிறது; விரோதஞ்செய்கிறவர்களும் அநேகர் இருக்கிறார்கள்.	அப் 19:8-10
10	தீமோத்தேயு உங்களிடத்திற்கு வந்தானேயாகில், அவன் உங்களிடத்தில் பயமில்லாமலிருக்கப் பாருங்கள்; என்னைப்போல அவனும் கர்த்தருடைய கிரியையை நடப்பிக்கிறானே.	1கொரி 4:17 அப் 19:22
11	ஆனபடியினால் ஒருவனும் அவனை அற்பமாய் எண்ணாதிருப்பானாக; சகோதரரோடேகூட அவன் வருகிறதற்கு நான் காத்திருக்கிறபடியால், என்னிடத்தில் வரும்படிக்கு அவனைச் சமாதானத்தோடே வழிவிட்டனுப்புங்கள்.	1கொரி 16:10 லூக் 10:16 1தெச 4:8 1தீமோ 4:12 தீத் 2:15
12	சகோதரனாகிய அப்பொல்லோவைக்குறித்தோவெனில், சகோதரரோடேகூட உங்களிடத்தில் வரும்படிக்கு அவனை மிகவும் வேண்டிக்கொண்டேன்; ஆகிலும் இப்பொழுது வர அவனுக்கு மனதில்லை; அவனுக்கு நற்சமயம் உண்டாயிருக்கும்போது வருவான்.	1கொரி 1:12 1கொரி 3:5 1கொரி 3:22 அப் 18:24-28 அப் 19:1 தீத் 3:4
13	விழித்திருங்கள், விசுவாசத்திலே நிலைத்திருங்கள், புருஷராயிருங்கள், திடன்கொள்ளுங்கள்.	மத் 24:42-44 மத் 25:13 மத் 26:41 மாற் 13:33-37 மாற் 14:37 மாற் 14:38 லூக் 12:35-40 லூக் 21:36 எபே 6:18 கொலோ 4:2 1தெச 5:6 2தீமோ 4:5 1பேது 4:7 1பேது 5:8 வெளிப் 3:2 வெளிப் 3:3 வெளிப் 16:15
14	உங்கள் காரியங்களெல்லாம் அன்போடே செய்யப்படக்கடவது.	1கொரி 8:1 1கொரி 12:31 1கொரி 13:1-13 1கொரி 14:1 யோவா 13:34 யோவா 13:35 யோவா 15:17 ரோம 13:8-10 ரோம 14:15 கலா 5:13 கலா 5:14 கலா 5:22 எபே 4:1-3 பிலிப் 2:1-3 1தெச 3:6 1தெச 3:12 1தெச 4:9 1தெச 4:10 2தெச 1:3 1தீமோ 1:5 எபிரெ 13:4 1பேது 4:8 2பேது 1:7 1யோவா 4:7 1யோவா 4:8
15	சகோதரரே, ஸ்தேவானுடைய வீட்டார் அகாயா நாட்டிலே முதற்பலனானவர்களென்றும், பரிசுத்தவான்களுக்கு ஊழியஞ்செய்யும்படிக்குத் தங்களை ஒப்புவித்திருக்கிறார்களென்றும் அறிந்திருக்கிறீர்களே.	1கொரி 16:17 1கொரி 1:16
16	இப்படிப்பட்டவர்களுக்கும், உடன்வேலையாட்களாய்ப் பிரயாசப்படுகிற மற்ற யாவருக்கும் நீங்கள் கீழ்ப்படிந்திருக்கவேண்டுமென்று உங்களுக்குப் புத்திசொல்லுகிறேன்.	எபே 5:21 எபிரெ 13:17 1பேது 5:5
17	ஸ்தேவான், பொர்த்துனாத்து, அகாயுக்கு என்பவர்கள் வந்ததற்காகச் சந்தோஷமாயிருக்கிறேன், நீங்கள் எனக்குச் செய்யவேண்டியதாயிருந்ததை அவர்கள் செய்திருக்கிறார்கள்.	2கொரி 11:9 பிலிப் 2:30 பிலேமோ 1:13
18	அவர்கள் என் ஆவிக்கும் உங்கள் ஆவிக்கும் ஆறுதல் செய்தார்கள்; இப்படிப்பட்டவர்களை அங்கிகாரம்பண்ணுங்கள்.	நீதி 25:13 நீதி 25:25 ரோம 15:32 2கொரி 7:6 2கொரி 7:7 2கொரி 7:13 பிலிப் 2:28 கொலோ 4:8 1தெச 3:6 1தெச 3:7 3யோவா 1:4
19	ஆசியா நாட்டிலுள்ள சபையார் உங்களை வாழ்த்துகிறார்கள். ஆக்கில்லாவும் பிரிஸ்கில்லாளும் தங்கள் வீட்டிலே கூடுகிற சபையோடுங்கூடக் கர்த்தருக்குள் உங்களை மிகவும் வாழ்த்துகிறார்கள்.	அப் 19:10 1பேது 1:1 வெளிப் 1:11
20	சகோதரரெல்லாரும் உங்களை வாழ்த்துகிறார்கள். ஒருவரையொருவர் பரிசுத்த முத்தத்தோடே வாழ்த்துங்கள்.	ரோம 16:16 ரோம 16:21 ரோம 16:23 2கொரி 13:13 பிலிப் 4:22 பிலேமோ 1:23 பிலேமோ 1:24 எபிரெ 13:24
21	பவுலாகிய நான் என் கையெழுத்தாலே உங்களை வாழ்த்துகிறேன்.	கலா 6:11 கொலோ 4:18 2தெச 3:17
22	ஒருவன் கர்த்தராகிய இயேசுகிறிஸ்துவினிடத்தில் அன்புகூராமற்போனால், அவன் சபிக்கப்பட்டவனாயிருக்கக்கடவன், கர்த்தர் வருகிறார்.	உன்ன 1:3 உன்ன 1:4 உன்ன 1:7 உன்ன 3:1-3 உன்ன 5:16 ஏசா 5:1 மத் 10:37 மத் 25:40 மத் 25:45 யோவா 8:42 யோவா 14:15 யோவா 14:21 யோவா 14:23 யோவா 15:24 யோவா 16:14 யோவா 21:15-17 2கொரி 5:14 2கொரி 5:15 2கொரி 8:8 2கொரி 8:9 கலா 5:6 எபே 6:24 எபிரெ 6:10 1பேது 1:8 1பேது 2:7 1யோவா 4:19 1யோவா 5:1
23	கர்த்தராகிய இயேசுகிறிஸ்துவினுடைய கிருபை உங்களுடனேகூட இருப்பதாக.	ரோம 16:20 ரோம 16:24
24	கிறிஸ்து இயேசுவுக்குள்ளான என்னுடைய அன்பு உங்களெல்லாரோடுங்கூட இருப்பதாக. ஆமென்.	1கொரி 16:14 1கொரி 4:14 1கொரி 4:15 2கொரி 11:11 2கொரி 12:15 பிலிப் 1:8 வெளிப் 3:19