1	நியாயப்பிரமாணத்தை அறிந்திருக்கிறவர்களுடனே பேசுகிறேன். சகோதரரே, ஒரு மனுஷன் உயிரோடிருக்குமளவும் நியாயப்பிரமாணம் அவனை ஆளுகிறதென்று அறியாமலிருக்கிறீர்களா?	ரோம 6:3
2	அதெப்படியென்றால், புருஷனையுடைய ஸ்திரீ தன் புருஷன் உயிரோடிருக்குமளவும் நியாயப்பிரமாணத்தின்படியே அவனுடைய நிபந்தனைக்கு உட்பட்டிருக்கிறாள்; புருஷன் மரித்த பின்பு புருஷனைப்பற்றிய பிரமாணத்தினின்று விடுதலையாயிருக்கிறாள்.	ஆதி 2:23 ஆதி 2:24 எண் 30:7 எண் 30:8 1கொரி 7:4 1கொரி 7:39
3	ஆகையால், புருஷன் உயிரோடிருக்கையில் அவள் வேறொரு புருஷனை விவாகம்பண்ணினால் விபசாரியென்னப்படுவாள்; புருஷன் மரித்தபின்பு அவள் அந்தப் பிரமாணத்தினின்று விடுதலையானபடியால், வேறொரு புருஷனை விவாகம்பண்ணினாலும் விபசாரியல்ல.	யாத் 20:14 லேவி 20:10 எண் 5:13-31 உபா 22:22-24 மத் 5:32 மாற் 10:6-12 யோவா 8:3-5
4	அப்படிப்போல, என் சகோதரரே, நீங்கள் மரித்தோரிலிருந்து எழுந்த கிறிஸ்து என்னும் வேறொருவருடையவர்களாகி, தேவனுக்கென்று கனிகொடுக்கும்படி கிறிஸ்துவின் சரீரத்தினாலே நியாயப்பிரமாணத்துக்கு மரித்தவர்களானீர்கள்.	ரோம 7:6 ரோம 6:14 ரோம 8:2 கலா 2:19 கலா 2:20 கலா 3:13 கலா 5:18 எபே 2:15 கொலோ 2:14 கொலோ 2:20
5	நாம் மாம்சத்திற்கு உட்பட்டிருந்த காலத்தில் நியாயப்பிரமாணத்தினாலே தோன்றிய பாவ இச்சைகள் மரணத்திற்கு ஏதுவான கனிகளைக் கொடுக்கத்தக்கதாக நம்முடைய அவயவங்களிலே பெலன்செய்தது.	ரோம 8:8 ரோம 8:9 யோவா 3:6 கலா 5:16 கலா 5:17 கலா 5:24 எபே 2:3 எபே 2:11 தீத் 3:3
6	இப்பொழுதோ நாம் பழமையான எழுத்தின்படியல்ல, புதுமையான ஆவியின்படி ஊழியஞ்செய்யத்தக்கதாக, நம்மைக் கட்டியிருந்த நியாயப்பிரமாணத்துக்கு நாம் மரித்தவர்களாகி, அதினின்று விடுதலையாக்கப்பட்டிருக்கிறோம்.	ரோம 7:4 ரோம 6:14 ரோம 6:15 கலா 3:13 கலா 3:23-25 கலா 4:4 கலா 4:5
7	ஆகையால் என்ன சொல்லுவோம்? நியாயப்பிரமாணம் பாவமோ? அல்லவே, பாவம் இன்னதென்று நியாயப்பிரமாணத்தினால் நான் அறிந்தேனேயன்றி மற்றப்படி அறியவில்லை; இச்சியாதிருப்பாயாக என்று நியாயப்பிரமாணம் சொல்லாதிருந்தால், இச்சை பாவம் என்று நான் அறியாமலிருப்பேனே.	ரோம 3:5 ரோம 4:1 ரோம 6:15
8	பாவமானது கற்பனையினாலே சமயம்பெற்றுச் சகலவித இச்சைகளையும் என்னில் நடப்பித்தது. நியாயப்பிரமாணம் இல்லாவிட்டால் பாவம் செத்ததாயிருக்குமே.	ரோம 7:11 ரோம 7:13 ரோம 7:17 ரோம 4:15 ரோம 5:20
9	முன்னே நியாயப்பிரமாணமில்லாதவனாயிருந்தபோது நான் ஜீவனுள்ளவனாயிருந்தேன்; கற்பனை வந்தபோது பாவம் உயிர்கொண்டது, நான் மரித்தவனானேன்.	மத் 19:20 லூக் 10:25-29 லூக் 15:29 லூக் 18:9-12 லூக் 18:21-12 பிலிப் 3:5 பிலிப் 3:6
10	இப்படியிருக்க, ஜீவனுக்கேதுவான கற்பனையே எனக்கு மரணத்துக்கேதுவாயிருக்கக்கண்டேன்.	ரோம 10:5 லேவி 18:5 எசே 20:11 எசே 20:13 எசே 20:21 லூக் 10:27-29 2கொரி 3:7
11	பாவமானது கற்பனையினாலே சமயம்பெற்று, என்னை வஞ்சித்து, அதினாலே என்னைக் கொன்றது.	ரோம 7:8 ரோம 7:13
12	ஆகையால் நியாயப்பிரமாணம் பரிசுத்தமுள்ளதுதான், கற்பனையும் பரிசுத்தமாயும் நீதியாயும் நன்மையாயும் இருக்கிறது.	ரோம 7:14 ரோம 3:31 ரோம 12:2 உபா 4:8 உபா 10:12 நெகே 9:13 சங் 19:7-12 சங் 119:38 சங் 119:86 சங் 119:127 சங் 119:137 சங் 119:140 சங் 119:172 1தீமோ 1:8
13	இப்படியிருக்க, நன்மையானது எனக்கு மரணமாயிற்றோ? அப்படியல்ல; பாவமே எனக்கு மரணமாயிற்று; பாவம் கற்பனையினாலே மிகுந்த பாவமுள்ளதாகும்படிக்கும், அது நன்மையானதைக்கொண்டு எனக்கு மரணத்தை உண்டாக்கினதினாலே, பாவமாகவே விளங்கும்படிக்கும் அப்படியாயிற்று.	ரோம 8:3 கலா 3:21
14	மேலும், நமக்குத் தெரிந்திருக்கிறபடி, நியாயப்பிரமாணம் ஆவிக்குரியதாயிருக்கிறது, நானோ பாவத்துக்குக் கீழாக விற்கப்பட்டு, மாம்சத்துக்குரியவனாயிருக்கிறேன்.	லேவி 19:18 உபா 6:5 சங் 51:6 மத் 5:22 மத் 5:28 மத் 22:37-40 எபிரெ 4:12
15	எப்படியெனில், நான் செய்கிறது எனக்கே சம்மதியில்லை; நான் விரும்புகிறதைச் செய்யாமல், நான் வெறுக்கிறதையே செய்கிறேன்.	ரோம 14:22 லூக் 11:48
16	இப்படி நான் விரும்பாததைச் செய்கிறவனாயிருக்க, நியாயப்பிரமாணம் நல்லதென்று ஒத்துக்கொள்ளுகிறேனே.	ரோம 7:12 ரோம 7:14 ரோம 7:22 சங் 119:127 சங் 119:128
17	ஆதலால் நான் அல்ல, எனக்குள் வாசமாயிருக்கிற பாவமே அப்படிச் செய்கிறது.	ரோம 7:20 ரோம 4:7 ரோம 4:8 2கொரி 8:12 பிலிப் 3:8 பிலிப் 3:9
18	அதெப்படியெனில், என்னிடத்தில், அதாவது, என் மாம்சத்தில், நன்மை வாசமாயிருக்கிறதில்லையென்று நான் அறிந்திருக்கிறேன்; நன்மை செய்யவேண்டுமென்கிற விருப்பம் என்னிடத்திலிருக்கிறது நன்மை செய்வதோ என்னிடத்திலில்லை.	ஆதி 6:5 ஆதி 8:21 யோபு 14:4 யோபு 15:14-16 யோபு 25:4 சங் 51:5 ஏசா 64:6 மத் 15:19 மாற் 7:21-23 லூக் 11:13 எபே 2:1-5 தீத் 3:3 1பேது 4:2
19	ஆதலால் நான் விரும்புகிற நன்மையைச் செய்யாமல், விரும்பாத தீமையையே செய்கிறேன்.
20	அந்தப்படி நான் விரும்பாததை நான் செய்தால், நான் அல்ல, எனக்குள்ளே வாசமாயிருக்கிற பாவமே அப்படிச் செய்கிறது.
21	ஆனபடியால் நன்மைசெய்ய விரும்புகிற என்னிடத்தில் தீமையுண்டென்கிற ஒரு பிரமாணத்தைக் காண்கிறேன்.	ரோம 7:23 ரோம 6:12 ரோம 6:14 ரோம 8:2 சங் 19:13 சங் 119:133 யோவா 8:34 எபே 6:11-13 2பேது 2:19
22	உள்ளான மனுஷனுக்கேற்றபடி தேவனுடைய நியாயப்பிரமாணத்தின்மேல் பிரியமாயிருக்கிறேன்.	ரோம 8:7 யோபு 23:12 சங் 1:2 சங் 19:8-10 சங் 40:8 சங் 119:16 சங் 119:24 சங் 119:35 சங் 119:47 சங் 119:48 சங் 119:72 சங் 119:92 சங் 119:97-104 சங் 119:111-104 சங் 119:113-104 சங் 119:127-104 சங் 119:167-104 சங் 119:174-104 ஏசா 51:7 யோவா 4:34 எபிரெ 8:10
23	ஆகிலும் என் மனதின் பிரமாணத்துக்கு விரோதமாய்ப் போராடுகிற வேறொரு பிரமாணத்தை என் அவயவங்களில் இருக்கக் காண்கிறேன்; அது என் அவயவங்களில் உண்டாயிருக்கிற பாவப்பிரமாணத்துக்கு என்னைச் சிறையாக்கிக் கொள்ளுகிறது.	ரோம 7:5 ரோம 7:21 ரோம 7:25 ரோம 8:2 பிரச 7:20 கலா 5:17 1தீமோ 6:11 1தீமோ 6:12 எபிரெ 12:4 யாக் 3:2 யாக் 4:1 1பேது 2:11
24	நிர்ப்பந்தமான மனுஷன் நான்! இந்த மரணசரீரத்தினின்று யார் என்னை விடுதலையாக்குவார்?	ரோம 8:26 1இரா 8:38 சங் 6:6 சங் 32:3 சங் 32:4 சங் 38:2 சங் 38:8-10 சங் 77:3-9 சங் 119:20 சங் 119:81-83 சங் 119:131-83 சங் 119:143 சங் 119:176 சங் 130:1-3 எசே 9:4 மத் 5:4 மத் 5:6 2கொரி 12:7-9 வெளிப் 21:4
25	நம்முடைய கர்த்தராகிய இயேசுகிறிஸ்து மூலமாய் தேவனை ஸ்தோத்திரிக்கிறேன். ஆதலால் நானே என் மனதினாலே தேவனுடைய நியாயப்பிரமாணத்துக்கும், மாம்சத்தினாலேயோ பாவப்பிரமாணத்துக்கும் ஊழியஞ்செய்கிறேன்.	ரோம 6:14 ரோம 6:17 சங் 107:15 சங் 107:16 சங் 116:16 சங் 116:17 ஏசா 12:1 ஏசா 49:9 ஏசா 49:13 மத் 1:21 1கொரி 15:57 2கொரி 9:15 2கொரி 12:9 2கொரி 12:10 எபே 5:20 பிலிப் 3:3 பிலிப் 4:6 கொலோ 3:17 1பேது 2:5 1பேது 2:9