1	ஆகையால் என்னசொல்லுவோம்? கிருபை பெருகும்படிக்குப் பாவத்திலே நிலைநிற்கலாம் என்று சொல்லுவோமா? கூடாதே.	ரோம 3:5
2	பாவத்துக்கு மரித்த நாம் இனி அதிலே எப்படிப் பிழைப்போம்?	ரோம 3:1-4
3	கிறிஸ்து இயேசுவுக்குள்ளாக ஞானஸ்நானம் பெற்ற நாமனைவரும் அவருடைய மரணத்துக்குள்ளாக ஞானஸ்நானம் பெற்றதை அறியாமலிருக்கிறீர்களா?	ரோம 6:16 ரோம 7:1 1கொரி 3:16 1கொரி 5:6 1கொரி 6:2 1கொரி 6:3 1கொரி 6:9 1கொரி 6:15 1கொரி 6:16 1கொரி 6:19 1கொரி 9:13 1கொரி 9:24 2கொரி 13:5 யாக் 4:4
4	மேலும் பிதாவின் மகிமையினாலே கிறிஸ்து மரித்தோரிலிருந்து எழுப்பப்பட்டதுபோல, நாமும் புதிதான ஜீவனுள்ளவர்களாய் நடந்துகொள்ளும்படிக்கு, அவருடைய மரணத்திற்குள்ளாக்கும் ஞானஸ்நானத்தினாலே கிறிஸ்துவுடனேகூட அடக்கம்பண்ணப்பட்டோம்.	ரோம 6:3 கொலோ 2:12 கொலோ 2:13 கொலோ 3:1-3 1பேது 3:21
5	ஆதலால் அவருடைய மரணத்தின் சாயலில் நாம் இணைக்கப்பட்டவர்களானால், அவர் உயிர்த்தெழுதலின் சாயலிலும் இணைக்கப்பட்டிருப்போம்.	ரோம 6:8-12 எபே 2:5 எபே 2:6 பிலிப் 3:10 பிலிப் 3:11
6	நாம் இனிப் பாவத்துக்கு ஊழியஞ்செய்யாதபடிக்கு, பாவசரீரம் ஒழிந்துபோகும்பொருட்டாக, நம்முடைய பழைய மனுஷன் அவரோடேகூடச் சிலுவையில் அறையப்பட்டதென்று அறிந்திருக்கிறோம்.	கலா 2:20 கலா 5:24 கலா 6:14 எபே 4:22 கொலோ 3:5 கொலோ 3:9 கொலோ 3:10
7	மரித்தவன் பாவத்துக்கு நீங்கி விடுதலையாக்கப்பட்டிருக்கிறானே.	ரோம 6:2 ரோம 6:8 ரோம 7:2 ரோம 7:4 கொலோ 3:1-3 1பேது 4:1
8	ஆகையால் கிறிஸ்துவுடனேகூட நாம் மரித்தோமானால், அவருடனே கூடப்பிழைத்தும் இருப்போம் என்று நம்புகிறோம்.	ரோம 6:3-5 2தீமோ 2:11 2தீமோ 2:12
9	மரித்தோரிலிருந்து எழுந்த கிறிஸ்து இனி மரிப்பதில்லையென்று அறிந்திருக்கிறோம்; மரணம் இனி அவரை ஆண்டு கொள்ளுவதில்லை.	சங் 16:9-11 அப் 2:24-28 எபிரெ 7:16 எபிரெ 7:25 எபிரெ 10:12 எபிரெ 10:13 வெளிப் 1:18
10	அவர் மரித்தது, பாவத்திற்கென்று ஒரேதரம் மரித்தார்; அவர் பிழைத்திருக்கிறது, தேவனுக்கென்று பிழைத்திருக்கிறார்.	ரோம 8:3 2கொரி 5:21 எபிரெ 9:26-28 1பேது 3:18
11	அப்படியே நீங்களும், உங்களைப் பாவத்திற்கு மரித்தவர்களாகவும், நம்முடைய கர்த்தராகிய இயேசுகிறிஸ்துவுக்குள் தேவனுக்கென்று பிழைத்திருக்கிறவர்களாகவும் எண்ணிக்கொள்ளுங்கள்.	ரோம 8:18
12	ஆகையால், நீங்கள் சரீர இச்சைகளின்படி பாவத்திற்குக் கீழ்ப்படியத்தக்கதாக, சாவுக்கேதுவான உங்கள் சரீரத்தில் பாவம் ஆளாதிருப்பதாக.	ரோம 6:16 ரோம 5:21 ரோம 7:23 ரோம 7:24 எண் 33:55 உபா 7:2 யோசு 23:12 யோசு 23:13 நியா 2:3 சங் 19:13 சங் 119:133
13	நீங்கள் உங்கள் அவயவங்களை அநீதியின் ஆயுதங்களாகப் பாவத்திற்கு ஒப்புக்கொடாமல், உங்களை மரித்தோரிலிருந்து பிழைத்திருக்கிறவர்களாக தேவனுக்கு ஒப்புக்கொடுத்து, உங்கள் அவயவங்களை நீதிக்குரிய ஆயுதங்களாக தேவனுக்கு ஒப்புக்கொடுங்கள்.	ரோம 6:16 ரோம 6:19 ரோம 7:5 ரோம 7:23 1கொரி 6:15 கொலோ 3:5 யாக் 3:5 யாக் 3:6 யாக் 4:1
14	நீங்கள் நியாயப்பிரமாணத்திற்குக் கீழ்ப்பட்டிராமல் கிருபைக்குக் கீழ்பட்டிருக்கிறபடியால், பாவம் உங்களை மேற்கொள்ளமாட்டாது.	ரோம 6:12 ரோம 5:20 ரோம 5:21 ரோம 8:2 சங் 130:7 சங் 130:8 மீகா 7:19 மத் 1:21 யோவா 8:36 தீத் 2:14 எபிரெ 8:10
15	இதினால் என்ன? நாம் நியாயப்பிரமாணத்திற்குக் கீழ்ப்பட்டிராமல் கிருபைக்குக் கீழ்ப்பட்டிருக்கிறபடியால், பாவஞ்செய்யலாமா? கூடாதே.	ரோம 3:9
16	மரணத்துக்கேதுவான பாவத்துக்கானாலும், நீதிக்கேதுவான கீழ்ப்படிதலுக்கானாலும், எதற்குக் கீழ்ப்படியும்படி உங்களை அடிமைகளாக ஒப்புக்கொடுக்கிறீர்களோ, அதற்கே கீழ்ப்படிகிற அடிமைகளாயிருக்கிறீர்களென்று அறியீர்களா?	ரோம 6:13 யோசு 24:15 மத் 6:24 யோவா 8:34 2பேது 2:19
17	முன்னே நீங்கள் பாவத்திற்கு அடிமைகளாயிருந்தும், இப்பொழுது உங்களுக்கு ஒப்புவிக்கப்பட்ட உபதேச சட்டத்திற்கு நீங்கள் மனப்பூர்வமாய்க் கீழ்ப்படிந்ததினாலே தேவனுக்கு ஸ்தோத்திரம்.	ரோம 1:8 1நாளா 29:12-16 எஸ்றா 7:27 மத் 11:25 மத் 11:26 அப் 11:18 அப் 28:15 1கொரி 1:4 எபே 1:16 பிலிப் 1:3-5 கொலோ 1:3 கொலோ 1:4 1தெச 1:2 1தெச 1:3 1தெச 3:9 2தெச 1:3 2தீமோ 1:3-5 பிலேமோ 1:4 2யோவா 1:4 3யோவா 1:3
18	பாவத்தினின்று நீங்கள் விடுதலையாக்கப்பட்டு, நீதிக்கு அடிமைகளானீர்கள்.	ரோம 6:14 சங் 116:16 சங் 119:32 சங் 119:45 லூக் 1:74 லூக் 1:75 யோவா 8:32 யோவா 8:36 1கொரி 7:21 1கொரி 7:22 கலா 5:1 1பேது 2:16
19	உங்கள் மாம்ச பலவீனத்தினிமித்தம் மனுஷர் பேசுகிறபிரகாரமாய்ப் பேசுகிறேன். அக்கிரமத்தை நடப்பிக்கும்படி முன்னே நீங்கள் உங்கள் அவயவங்களை அசுத்தத்திற்கும் அக்கிரமத்திற்கும் அடிமைகளாக ஒப்புக்கொடுத்ததுபோல, இப்பொழுது பரிசுத்தமானதை நடப்பிக்கும்படி உங்கள் அவயவங்களை நீதிக்கு அடிமையாக ஒப்புக்கொடுங்கள்.	ரோம 3:5 1கொரி 9:8 1கொரி 15:32 கலா 3:15
20	பாவத்திற்கு நீங்கள் அடிமைகளாயிருந்த காலத்தில் நீதிக்கு நீங்கினவர்களாயிருந்தீர்கள்.	ரோம 6:16 ரோம 6:17 யோவா 8:34
21	இப்பொழுது உங்களுக்கு வெட்கமாகத் தோன்றுகிற காரியங்களினாலே அக்காலத்தில் உங்களுக்கு என்ன பலன் கிடைத்தது? அவைகளின் முடிவு மரணமே.	ரோம 7:5 நீதி 1:31 நீதி 5:10-13 நீதி 9:17 நீதி 9:18 ஏசா 3:10 எரே 17:10 எரே 44:20-24 கலா 6:7 கலா 6:8
22	இப்பொழுது நீங்கள் பாவத்தினின்று விடுதலையாக்கப்பட்டு, தேவனுக்கு அடிமைகளானதினால், பரிசுத்தமாகுதல் உங்களுக்குக் கிடைக்கும் பலன், முடிவோ நித்தியஜீவன்.	ரோம 6:14 ரோம 6:18 ரோம 8:2 யோவா 8:32 2கொரி 3:17 கலா 5:13
23	பாவத்தின் சம்பளம் மரணம்; தேவனுடைய கிருபைவரமோ நம்முடைய கர்த்தராகிய இயேசுகிறிஸ்துவினால் உண்டான நித்தியஜீவன்.	ரோம 5:12 ஆதி 2:17 ஆதி 3:19 ஏசா 3:11 எசே 18:4 எசே 18:20 1கொரி 6:9 1கொரி 6:10 கலா 3:10 கலா 6:7 கலா 6:8 யாக் 1:15 வெளிப் 21:8