1	இப்படியிருக்க, தேவன் தம்முடைய ஜனங்களைத் தள்ளிவிட்டாரோ என்று கேட்கிறேன், தள்ளிவிடவில்லையே; நானும் ஆபிரகாமின் சந்ததியிலும் பென்யமீன் கோத்திரத்திலும் பிறந்த இஸ்ரவேலன்.	1சாமு 12:22 2இரா 23:27 சங் 77:7 சங் 89:31-37 சங் 94:14 எரே 31:36 எரே 31:37 எரே 33:24-26 ஓசி 9:17 ஆமோ 9:8 ஆமோ 9:9
2	தேவன் தாம் முன்னறிந்துகொண்ட தம்முடைய ஜனங்களைத் தள்ளிவிடவில்லை. எலியாவைக்குறித்துச் சொல்லிய இடத்தில், வேதம் சொல்லுகிறதை அறியீர்களா? அவன் தேவனை நோக்கி:	ரோம 8:29 ரோம 8:30 ரோம 9:6 ரோம 9:23 அப் 13:48 அப் 15:18 1பேது 1:2
3	கர்த்தாவே, உம்முடைய தீர்க்கதரிசிகளை அவர்கள் கொலைசெய்து, உம்முடைய பலிபீடங்களை இடித்துப்போட்டார்கள்; நான் ஒருவன்மாத்திரம் மீதியாயிருக்கிறேன், என் பிராணனையும் வாங்கத்தேடுகிறார்களே என்று இஸ்ரவேலருக்கு விரோதமாய் விண்ணப்பம்பண்ணினபோது,	1இரா 18:4 1இரா 18:13 1இரா 19:10-18 நெகே 9:26 எரே 2:30
4	அவனுக்கு உண்டான தேவவுத்தரவு என்ன? பாகாலுக்குமுன்பாக முழங்காற்படியிடாத ஏழாயிரம்பேரை எனக்காக மீதியாகவைத்தேன் என்பதே.	1இரா 19:18
5	அப்படிப்போல இக்காலத்திலேயும் கிருபையினாலே உண்டாகும் தெரிந்துகொள்ளுதலின்படி ஒரு பங்கு மீதியாயிருக்கிறது.	ரோம 11:6 ரோம 11:7 ரோம 9:27
6	அது கிருபையினாலே உண்டாயிருந்தால் கிரியைகளினாலே உண்டாயிராது; அப்படியல்லவென்றால், கிருபையானது கிருபையல்லவே. அன்றியும் அது கிரியைகளினாலே உண்டாயிருந்தால் அது கிருபையாயிராது; அப்படியல்லவென்றால் கிரியையானது கிரியையல்லவே.	ரோம 3:27 ரோம 3:28 ரோம 4:4 ரோம 4:5 ரோம 5:20 ரோம 5:21 உபா 9:4-6 1கொரி 15:10 கலா 2:21 கலா 5:4 எபே 2:4-9 2தீமோ 1:9 தீத் 3:5
7	அப்படியானால் என்ன? இஸ்ரவேலர் தேடுகிறதை அடையாமலிருக்கிறார்கள்; தெரிந்துகொள்ளப்பட்டவர்களோ அதை அடைந்திருக்கிறார்கள்; மற்றவர்கள் இன்றையத்தினம்வரைக்கும் கடினப்பட்டிருக்கிறார்கள்.	ரோம 3:9 ரோம 6:15 1கொரி 10:19 பிலிப் 1:18
8	கனநித்திரையின் ஆவியையும், காணாதிருக்கிற கண்களையும், கேளாதிருக்கிற காதுகளையும், தேவன் அவர்களுக்குக் கொடுத்தார் என்று எழுதியிருக்கிறபடியாயிற்று.	ஏசா 29:10
9	அன்றியும், அவர்களுடைய பந்தி அவர்களுக்குச் சுருக்கும் கண்ணியும் இடறுதற்கான கல்லும் பதிலுக்குப் பதிலளித்தலுமாகக்கடவது;	சங் 69:22 சங் 69:23
10	காணாதபடிக்கு அவர்களுடைய கண்கள் அந்தகாரப்படக்கடவது; அவர்களுடைய முதுகை எப்போதும் குனியப்பண்ணும் என்று தாவீதும் சொல்லியிருக்கிறான்.	ரோம 11:8 ரோம 1:21 சங் 69:23 சகரி 11:17 எபே 4:18 2பேது 2:4 2பேது 2:17 யூதா 1:6 யூதா 1:13
11	இப்படியிருக்க, விழுந்துபோகும்படிக்கா இடறினார்கள் என்று கேட்கிறேன், அப்படியல்லவே; அவர்களுக்குள்ளே வைராக்கியத்தை எழுப்பத்தக்கதாக அவர்களுடைய தவறுதலினாலே புறஜாதிகளுக்கு இரட்சிப்பு கிடைத்தது.	எசே 18:23 எசே 18:32 எசே 33:11
12	அவர்களுடைய தவறு உலகத்திற்கு ஐசுவரியமும், அவர்களுடைய குறைவு புறஜாதிகளுக்கு ஐசுவரியமுமாயிருக்க அவர்களுடைய நிறைவு எவ்வளவு அதிகமாய் அப்படியிருக்கும்.	ரோம 11:15 ரோம 11:33 ரோம 9:23 எபே 3:8 கொலோ 1:27
13	புறஜாதியாராகிய உங்களுடனே பேசுகிறேன்; புறஜாதிகளுக்கு நான் அப்போஸ்தலனாயிருக்கிறதினாலே என் இனத்தாருக்குள்ளே நான் வைராக்கியத்தை எழுப்பி, அவர்களில் சிலரை இரட்சிக்கவேண்டுமென்று,	ரோம 15:16-19 அப் 9:15 அப் 13:2 அப் 22:21 அப் 26:17 அப் 26:18 கலா 1:16 கலா 2:2 கலா 2:7-9 எபே 3:8 1தீமோ 2:7 2தீமோ 1:11 2தீமோ 1:12
14	என் ஊழியத்தை மேன்மைப்படுத்துகிறேன்.	1கொரி 7:16 1கொரி 9:20-22 2தீமோ 2:10
15	அவர்களைத் தள்ளிவிடுதல் உலகத்தை ஒப்புரவாக்குதலாயிருக்க, அவர்களை அங்கிகரித்துக்கொள்ளுதல் என்னமாயிராது; மரித்தோரிலிருந்து ஜீவன் உண்டானது போலிருக்குமல்லவோ?	ரோம 11:1 ரோம 11:2 ரோம 11:11 ரோம 11:12
16	மேலும் முதற்பலனாகிய மாவானது பரிசுத்தமாயிருந்தால், பிசைந்தமா முழுவதும் பரிசுத்தமாயிருக்கும்; வேரானது பரிசுத்தமாயிருந்தால், கிளைகளும் பரிசுத்தமாயிருக்கும்.	யாத் 22:29 யாத் 23:16 யாத் 23:19 லேவி 23:10 எண் 15:17-21 உபா 18:4 உபா 26:10 நெகே 10:35-37 நீதி 3:9 எசே 44:30 யாக் 1:18 வெளிப் 14:4
17	சில கிளைகள் முறித்துப்போடப்பட்டிருக்க, காட்டொலிவமரமாகிய நீ அவைகள் இருந்த இடத்தில் ஒட்டவைக்கப்பட்டு, ஒலிவமரத்தின் வேருக்கும் சாரத்துக்கும் உடன்பங்காளியாயிருந்தாயானால்,	சங் 80:11-16 ஏசா 6:13 ஏசா 27:11 எரே 11:16 எசே 15:6-8 மத் 8:11 மத் 8:12 மத் 21:43 யோவா 15:6
18	நீ அந்தக் கிளைகளுக்கு விரோதமாய்ப் பெருமைபாராட்டாதே; பெருமைபாராட்டுவாயானால், நீ வேரைச் சுமக்காமல், வேர் உன்னைச் சுமக்கிறதென்று நினைத்துக்கொள்.	ரோம 11:20 ரோம 3:27 1இரா 20:11 நீதி 16:18 மத் 26:33 லூக் 18:9-11 1கொரி 10:12
19	நான் ஒட்டவைக்கப்படுவதற்கு அந்தக் கிளைகள் முறித்துப்போடப்பட்டதென்று சொல்லுகிறாயே.	ரோம 11:11 ரோம 11:12 ரோம 11:17 ரோம 11:23 ரோம 11:24
20	நல்லது, அவிசுவாசத்தினாலே அவைகள் முறித்துப்போடப்பட்டன, நீ விசுவாசத்தினாலே நிற்கிறாய்; மேட்டிமைச் சிந்தையாயிராமல் பயந்திரு.	யோவா 4:17 யோவா 4:18 யாக் 2:19
21	சுபாவக்கிளைகளை தேவன் தப்பவிடாதிருக்க, உன்னையும் தப்பவிடமாட்டார் என்று எச்சரிக்கையாயிரு.	ரோம 11:17 ரோம 11:19 ரோம 8:32 எரே 25:29 எரே 49:12 1கொரி 10:1-12 2பேது 2:4-9 யூதா 1:5
22	ஆகையால், தேவனுடைய தயவையும் கண்டிப்பையும் பார்; விழுந்தவர்களிடத்திலே கண்டிப்பையும், உன்னிடத்திலே தயவையும் காண்பித்தார்; அந்தத் தயவிலே நிலைத்திருப்பாயானால் உனக்குத் தயவு கிடைக்கும்; நிலைத்திராவிட்டால் நீயும் வெட்டுண்டுபோவாய்.	ரோம 2:4 ரோம 2:5 ரோம 9:22 ரோம 9:23 எண் 14:18-22 உபா 32:39-43 யோசு 23:15 யோசு 23:16 சங் 58:10 சங் 58:11 சங் 78:49-52 சங் 136:15-22 ஏசா 66:14
23	அன்றியும், அவர்கள் அவிசுவாசத்திலே நிலைத்திராதிருந்தால் அவர்களும் ஒட்டவைக்கப்படுவார்கள்; அவர்களை மறுபடியும் ஒட்டவைக்கிறதற்கு தேவன் வல்லவராயிருக்கிறாரே.	சகரி 12:10 மத் 23:39 2கொரி 3:16
24	சுபாவத்தின்படி காட்டொலிவமரத்திலிருந்து நீ வெட்டப்பட்டு, சுபாவத்திற்கு விரோதமாய் நல்ல ஒலிவமரத்திலே ஒட்டவைக்கப்பட்டிருந்தால், சுபாவக்கிளைகளாகிய அவர்கள் தங்கள் சுய ஒலிவமரத்திலே ஒட்டவைக்கப்படுவது அதிக நிச்சயமல்லவா?	ரோம 11:17 ரோம 11:18 ரோம 11:30
25	மேலும், சகோதரரே, நீங்கள் உங்களையே புத்திமான்களென்று எண்ணாதபடிக்கு ஒரு இரகசியத்தை நீங்கள் அறியவேண்டுமென்றிருக்கிறேன்; அதென்னவெனில், புறஜாதியாருடைய நிறைவு உண்டாகும்வரைக்கும் இஸ்ரவேலரில் ஒரு பங்குக்குக் கடினமான மனதுண்டாயிருக்கும்.	சங் 107:43 ஓசி 14:9 1கொரி 10:1 1கொரி 12:1 2பேது 3:8
26	இந்தப்பிரகாரம் இஸ்ரவேலரெல்லாரும் இரட்சிக்கப்படுவார்கள். மீட்கிறவர் சீயோனிலிருந்து வந்து, அவபக்தியை யாக்கோபைவிட்டு விலக்குவார் என்றும்;	ஏசா 11:11-16 ஏசா 45:17 ஏசா 54:6-10 எரே 3:17-23 எரே 30:17-22 எரே 31:31-37 எரே 32:37-41 எரே 33:24-26 எசே 34:22-31 எசே 37:21-28 எசே 39:25-29 எசே 40:1-48 ஓசி 3:5 யோவே 3:16-21 ஆமோ 9:14 ஆமோ 9:15 மீகா 7:15-20 செப் 3:12-20 சகரி 10:6-12
27	நான் அவர்களுடைய பாவங்களை நீக்கும்போது, இதுவே நான் அவர்களுடனே செய்யும் உடன்படிக்கை என்றும் எழுதியிருக்கிறது.	ஏசா 55:3 ஏசா 59:21 எரே 31:31-34 எரே 32:38-40 எபிரெ 8:8-12 எபிரெ 10:16
28	சுவிசேஷத்தைக்குறித்து அவர்கள் உங்கள்நிமித்தம் பகைஞராயிருக்கிறார்கள்; தெரிந்துகொள்ளுதலைக் குறித்து அவர்கள் பிதாக்களினிமித்தம் அன்புகூரப்பட்டவர்களாயிருக்கிறார்கள்.	ரோம 11:11 ரோம 11:30 மத் 21:43 அப் 13:45 அப் 13:46 அப் 14:2 அப் 18:6 1தெச 2:15 1தெச 2:16
29	தேவனுடைய கிருபைவரங்களும், அவர்களை அழைத்த அழைப்பும் மாறாதவைகளே.	எண் 23:19 ஓசி 13:14 மல்கி 3:6
30	ஆதலால், நீங்கள் முற்காலத்திலே தேவனுக்குக் கீழ்ப்படியாதிருந்து, இப்பொழுது அவர்களுடைய கீழ்ப்படியாமையினாலே இரக்கம் பெற்றிருக்கிறதுபோல,	1கொரி 6:9-11 எபே 2:1 எபே 2:2 எபே 2:12 எபே 2:13 எபே 2:19-21 கொலோ 3:7 தீத் 3:3-7
31	அவர்களும் இப்பொழுது கீழ்ப்படியாமலிருந்தும், பின்பு உங்களுக்குக் கிடைத்த இரக்கத்தினாலே இரக்கம் பெறுவார்கள்.	ரோம 10:16 ரோம 11:15 ரோம 11:25
32	எல்லார்மேலும் இரக்கமாயிருக்கத்தக்கதாக, தேவன் எல்லாரையும் கீழ்ப்படியாமைக்குள்ளே அடைத்துப்போட்டார்.	ரோம 3:9 ரோம 3:22 கலா 3:22
33	ஆ! தேவனுடைய ஐசுவரியம், ஞானம், அறிவு என்பவைகளின் ஆழம் எவ்வளவாயிருக்கிறது! அவருடைய நியாயத்தீர்ப்புகள் அளவிடப்படாதவைகள், அவருடைய வழிகள் ஆராயப்படாதவைகள்!	சங் 107:8-43 நீதி 25:3 எபே 3:18
34	கர்த்தருடைய சிந்தையை அறிந்தவன் யார்? அவருக்கு ஆலோசனைக்காரனாயிருந்தவன் யார்?	யோபு 15:8 யோபு 36:22 ஏசா 40:13 எரே 23:18 1கொரி 2:16
35	தனக்குப் பதில்கிடைக்கும்படிக்கு முந்தி அவருக்கு ஒன்றைக் கொடுத்தவன் யார்?	யோபு 35:7 யோபு 41:11 மத் 20:15 1கொரி 4:7
36	சகலமும் அவராலும் அவர் மூலமாயும் அவருக்காகவும் இருக்கிறது; அவருக்கே என்றென்றைக்கும் மகிமையுண்டாவதாக. ஆமென்.	1நாளா 29:11 1நாளா 29:12 சங் 33:6 நீதி 16:4 தானி 2:20-23 தானி 4:3 தானி 4:34 மத் 6:13 அப் 17:25 அப் 17:26 அப் 17:28 1கொரி 8:6 எபே 4:6-10 கொலோ 1:15-17 வெளிப் 21:6