1	அவர் தம்முடைய வார்த்தைகளையெல்லாம் ஜனங்களுடைய காதுகள் கேட்கும்படி சொல்லி முடித்தபின்பு, கப்பர்நகூமுக்குப் போனார்.	மத் 7:28 மத் 7:29
2	அங்கே நூற்றுக்கு அதிபதியாகிய ஒருவனுக்குப் பிரியமான வேலைக்காரன் வியாதிப்பட்டு மரண அவஸ்தையாயிருந்தான்.	லூக் 23:47 மத் 27:54 அப் 10:1 அப் 22:26 அப் 23:17 அப் 27:1 அப் 27:3 அப் 27:43
3	அவன் இயேசுவைக்குறித்துக் கேள்விப்பட்டபோது, அவர் வந்து தன் வேலைக்காரனைக் குணமாக்கவேண்டுமென்று, அவரை வேண்டிக்கொள்ளும்படி யூதருடைய மூப்பரை அவரிடத்தில் அனுப்பினான்.	லூக் 8:41 லூக் 9:38 மத் 8:5 யோவா 4:47 பிலேமோ 1:10
4	அவர்கள் இயேசுவினிடத்தில் வந்து, அவரைக் கருத்தாய் வேண்டிக்கொண்டு: நீர் இந்தத் தயவுசெய்கிறதற்கு அவன் பாத்திரனாயிருக்கிறான்.	லூக் 7:6 லூக் 7:7 லூக் 20:35 மத் 10:11 மத் 10:13 மத் 10:37 மத் 10:38 வெளிப் 3:4
5	அவன் நம்முடைய ஜனத்தை நேசிக்கிறான், நமக்கு ஒரு ஜெப ஆலயத்தையும் கட்டினான் என்றார்கள்.	1இரா 5:1 2நாளா 2:11 2நாளா 2:12 கலா 5:6 1யோவா 3:14 1யோவா 5:1-3
6	அப்பொழுது இயேசு அவர்களுடனே கூடப்போனார். வீட்டுக்குச் சமீபமானபோது, நூற்றுக்கு அதிபதி தன் சிநேகிதரை நோக்கி: நீங்கள் அவரிடத்தில்போய், ஆண்டவரே! நீர் வருத்தப்படவேண்டாம்; நீர் என் வீட்டு வாசலுக்குள் பிரவேசிக்க நான் பாத்திரன் அல்ல;	மத் 20:28 மாற் 5:24 அப் 10:38
7	நான் உம்மிடத்தில் வரவும் என்னைப் பாத்திரனாக எண்ணவில்லை; ஒரு வார்த்தைமாத்திரம் சொல்லும், அப்பொழுது என் வேலைக்காரன் சொஸ்தமாவான்.	லூக் 4:36 லூக் 5:13 யாத் 15:26 உபா 32:39 1சாமு 2:6 சங் 33:9 சங் 107:20 மாற் 1:27
8	நான் அதிகாரத்துக்குக் கீழ்ப்பட்டவனாயிருந்தும், எனக்குக் கீழ்ப்பட்டிருக்கிற சேவகருமுண்டு; நான் ஒருவனைப் போவென்றால் போகிறான், மற்றொருவனை வாவென்றால் வருகிறான், என் வேலைக்காரனை, இதைச் செய்யென்றால் செய்கிறான் என்று நான் சொன்னதாகச் சொல்லுங்கள் என்று அவர்களை அனுப்பினான்.	அப் 22:25 அப் 22:26 அப் 23:17 அப் 23:23 அப் 23:26 அப் 24:23 அப் 25:26
9	இயேசு இவைகளைக் கேட்டு அவனைக் குறித்து ஆச்சரியப்பட்டு, திரும்பி, தமக்குப் பின்செல்லுகிற திரளான ஜனங்களை நோக்கி: இஸ்ரவேலருக்குள்ளும் நான் இப்படிப்பட்ட விசவாசத்தைக் காணவில்லை என்று உங்களுக்குச் சொல்லுகிறேன் என்றார்.	மத் 8:10 மத் 15:28
10	அனுப்பப்பட்டவர்கள் வீட்டுக்குத் திரும்பிவந்தபோது, வியாதியாய்க்கிடந்த வேலைக்காரன் சுகமடைந்திருக்கிறதைக் கண்டார்கள்.	மத் 8:13 மத் 15:28 மாற் 9:23 யோவா 4:50-53
11	மறுநாளிலே அவர் நாயீன் என்னும் ஊருக்குப் போனார்; அவருடைய சீஷர் அநேகரும் திரளான ஜனங்களும் அவருடனேகூடப் போனார்கள்.	அப் 10:38
12	அவர் ஊரின் வாசலுக்குச் சமீபித்தபோது, மரித்துப்போன ஒருவனை அடக்கம்பண்ணும்படி கொண்டுவந்தார்கள்; அவன் தன் தாய்க்கு ஒரே மகனாயிருந்தான். அவளோ கைம்பெண்ணாயிருந்தாள்; ஊராரில் வெகு ஜனங்கள் அவளுடனேகூட வந்தார்கள்.	லூக் 8:42 ஆதி 22:2 ஆதி 22:12 2சாமு 14:7 1இரா 17:9 1இரா 17:12 1இரா 17:18 1இரா 17:23 2இரா 4:16 2இரா 4:20 சகரி 12:10
13	கர்த்தர் அவளைப் பார்த்து, அவள்மேல் மனதுருகி: அழாதே என்று சொல்லி,	நியா 10:16 சங் 86:5 சங் 86:15 சங் 103:13 ஏசா 63:9 எரே 31:20 புலம் 3:32 புலம் 3:33 மாற் 8:2 யோவா 11:33-35 எபிரெ 2:17 எபிரெ 4:15
14	கிட்டவந்து, பாடையைத் தொட்டார்; அதைச் சுமந்தவர்கள் நின்றார்கள்; அப்பொழுது அவர்: வாலிபனே, எழுந்திரு என்று உனக்குச் சொல்லுகிறேன் என்றார்.	லூக் 8:54 லூக் 8:55 1இரா 17:21 யோபு 14:12 யோபு 14:14 சங் 33:9 ஏசா 26:19 எசே 37:3-10 யோவா 5:21 யோவா 5:25 யோவா 5:28 யோவா 5:29 யோவா 11:25 யோவா 11:43 யோவா 11:44 அப் 9:40 அப் 9:41 ரோம 4:17 எபே 5:12
15	மரித்தவன் எழுந்து உட்கார்ந்து, பேசத்தொடங்கினான். அவனை அவன் தாயினிடத்தில் ஒப்புவித்தார்.	1இரா 17:23 1இரா 17:24 2இரா 4:32-37 2இரா 13:21
16	எல்லாரும் பயமடைந்து: மகா தீர்க்கதரிசியானவர் நமக்குள்ளே தோன்றியிருக்கிறார் என்றும், தேவன் தமது ஜனங்களைச் சந்தித்தார் என்றும் சொல்லி, தேவனை மகிமைப்படுத்தினார்கள்.	லூக் 1:65 லூக் 5:8 லூக் 5:26 லூக் 8:37 எரே 33:9 மத் 28:8 அப் 5:5 அப் 5:11-13
17	இந்தச் செய்தி யூதேயா தேசமுழுவதிலும் சுற்றியிருக்கிற திசைகள் யாவற்றிலும் பிரசித்தமாயிற்று.	லூக் 7:14 மத் 4:24 மத் 9:31 மாற் 1:28 மாற் 6:14
18	இவைகளையெல்லாம் யோவானுடைய சீஷர்கள் அவனுக்கு அறிவித்தார்கள். அப்பொழுது யோவான் தன் சீஷரில் இரண்டுபேரை அழைத்து,	மத் 11:2-6 யோவா 3:26
19	நீங்கள் இயேசுவினிடத்திற்குப் போய்: வருகிறவர் நீர்தானா? அல்லது வேறொருவர் வரக் காத்திருக்கவேண்டுமா? என்று கேளுங்கள் என்று சொல்லி அனுப்பினான்.	லூக் 10:1 யோசு 2:1 மாற் 6:7 அப் 10:7 அப் 10:8 வெளிப் 11:3
20	அந்தப்படி அவர்கள் அவரிடத்தில் வந்து: வருகிறவர் நீர்தானா? அல்லது வேறொருவர் வரக் காத்திருக்கவேண்டுமா? என்று கேட்கும்படி யோவான்ஸ்நானன் எங்களை உம்மிடத்திற்கு அனுப்பினார் என்றார்கள்.
21	அந்தச் சமயத்திலே நோய்களையும் கொடிய வியாதிகளையும் பொல்லாத ஆவிகளையும் கொண்டிருந்த அநேகரை அவர் குணமாக்கி, அநேகங்குருடருக்குப் பார்வையளித்தார்.	1இரா 8:37 சங் 90:7-9 மாற் 3:10 மாற் 5:29 மாற் 5:34 1கொரி 11:30-32 எபிரெ 12:6 யாக் 5:14 யாக் 5:15
22	இயேசு அவர்களுக்குப் பிரதியுத்தரமாக: நீங்கள் போய், கண்டவைகளையும் கேட்டவைகளையும் யோவானுக்கு அறிவியுங்கள்; குருடர் பார்வையடைகிறார்கள், சப்பாணிகள் நடக்கிறார்கள், குஷ்டரோகிகள் சுத்தமாகிறார்கள், செவிடர் கேட்கிறார்கள், மரித்தோர் எழுந்திருக்கிறார்கள், தரித்திரருக்குச் சுவிசேஷம் பிரசங்கிக்கப்படுகிறது.	யோவா 1:46
23	என்னிடத்தில் இடறலடையாதிருக்கிறவன் எவனோ அவன் பாக்கியவான் என்றார்.	லூக் 2:34 ஏசா 8:14 ஏசா 8:15 மத் 11:6 மத் 13:57 மத் 13:58 யோவா 6:60-66 ரோம 9:32 ரோம 9:33 1கொரி 1:21-28 1கொரி 2:14 1பேது 2:7 1பேது 2:8
24	யோவானுடைய தூதர்கள் போனபின்பு அவர் யோவானைக்குறித்து ஜனங்களுக்குச் சொன்னது என்னவென்றால்: எதைப்பார்க்க வனாந்தரத்திற்குப் போனீர்கள்? காற்றினால் அசையும் நாணலையோ?	மத் 11:7 மத் 11:8
25	அல்லவென்றால், எதைப்பார்க்கப்போனீர்கள்? மெல்லிய வஸ்திரந்தரித்த மனுஷனையோ? அலங்கார வஸ்திரந்தரித்துச் செல்வமாய் வாழ்கிறவர்கள் அரசர் மாளிகைகளிலே இருக்கிறார்கள்.	2இரா 1:8 ஏசா 59:17 மத் 3:4 1பேது 3:3 1பேது 3:4
26	அல்லவென்றால், எதைப்பார்க்கப் போனீர்கள்? தீர்க்கதரிசியையோ? ஆம், தீர்க்கதரிசியைப் பார்க்கிலும் மேன்மையுள்ளவனையே என்று உங்களுக்குச் சொல்லுகிறேன்.	லூக் 1:76 லூக் 20:6
27	இதோ, நான் என் தூதனை உமக்கு முன்பாக அனுப்புகிறேன்; அவன் உமக்கு முன்னே போய், உமது வழியை ஆயத்தம்பண்ணுவான் என்று எழுதிய வாக்கியத்தால் குறிக்கப்பட்டவன் இவன்தான்.	லூக் 1:15-17 லூக் 1:76-17 ஏசா 40:3 மல்கி 3:1 மல்கி 4:5 மல்கி 4:6 யோவா 1:23
28	ஸ்திரீகளிடத்திலே பிறந்தவர்களில் யோவான்ஸ்நானனைப்பார்க்கிலும் பெரிய தீர்க்கதரிசி ஒருவனுமில்லை; ஆகிலும், தேவனுடைய ராஜ்யத்தில் சிறியவனாயிருக்கிறவன் அவனிலும் பெரியவனாயிருக்கிறானென்று உங்களுக்குச் சொல்லுகிறேன் என்றார்.	லூக் 1:14 லூக் 1:15 லூக் 3:16
29	யோவானுடைய உபதேசத்தைக் கேட்ட ஆயக்காரர் முதலான சகல ஜனங்களும் அவனாலே ஞானஸ்நானம் பெற்று, தேவன் நீதிபரர் என்று அறிக்கையிட்டார்கள்.	லூக் 7:35 நியா 1:7 சங் 51:4 ரோம 3:4-6 ரோம 10:3 வெளிப் 15:3 வெளிப் 16:5
30	பரிசேயரும் நியாயசாஸ்திரிகளுமோ அவனாலே ஞானஸ்நானம் பெறாமல் தங்களுக்குக் கேடுண்டாக தேவனுடைய ஆலோசனையைத் தள்ளிவிட்டார்கள்.	லூக் 13:34 எரே 8:8 ரோம 10:21 2கொரி 6:1 கலா 2:21
31	பின்னும் கர்த்தர் சொன்னது: இந்தச் சந்ததியை யாருக்கு ஒப்பிடுவேன்? இவர்கள் யாருக்கு ஒப்பாயிருக்கிறார்கள்?	புலம் 2:13 மத் 11:16-19 மாற் 4:30
32	சந்தை வெளியில் உட்கார்ந்து, ஒருவரையொருவர் பார்த்து: உங்களுக்காகக் குழல் ஊதினோம், நீங்கள் கூத்தாடவில்லை; உங்களுக்காகப் புலம்பினோம், நீங்கள் அழவில்லை என்று குறை சொல்லுகிற பிள்ளைகளுக்கு ஒப்பாயிருக்கிறார்கள்.	நீதி 17:16 ஏசா 28:9-13 ஏசா 29:11 ஏசா 29:12 எரே 5:3-5 மத் 11:16-19
33	எப்படியெனில், யோவான்ஸ்நானன் அப்பம் புசியாதவனும் திராட்சரசம் குடியாதவனுமாய் வந்தான்; அதற்கு நீங்கள்: அவன் பிசாசு பிடித்திருக்கிறவன் என்கிறீர்கள்.	லூக் 1:15 எரே 16:8-10 மத் 3:4 மாற் 1:6
34	மனுஷகுமாரன் போஜனபானம்பண்ணுகிறவராய் வந்தார்; அதற்கு நீங்கள்: இதோ, போஜனப்பிரியனும் மதுபானப்பிரியனுமான மனுஷன், ஆயக்காரருக்கும் பாவிகளுக்கும் சிநேகிதன் என்கிறீர்கள்.	லூக் 7:36 லூக் 5:29 லூக் 11:37 லூக் 14:1 யோவா 2:2 யோவா 12:2
35	ஆனாலும் ஞானமானது அதன் பிள்ளைகளெல்லாராலும் நீதியுள்ளதென்று ஒப்புக்கொள்ளப்படும் என்றார்.	லூக் 7:29 நீதி 8:32-36 நீதி 17:16 ஓசி 14:9 மத் 11:19 1கொரி 2:14 1கொரி 2:15
36	பரிசேயரில் ஒருவன் தன்னுடனே போஜனம்பண்ணவேண்டுமென்று அவரை வேண்டிக்கொண்டான்; அவர் அந்தப் பரிசேயனுடைய வீட்டில் பிரவேசித்துப் பந்தியிருந்தார்.	மத் 26:6-5 மாற் 14:3-9 யோவா 11:2-16
37	அப்பொழுது அந்த ஊரிலிருந்த பாவியாகிய ஒரு ஸ்திரீ அவர் பரிசேயன் வீட்டிலே பந்தியிருக்கிறதை அறிந்து, ஒரு பரணியில் பரிமளதைலம் கொண்டுவந்து,	லூக் 7:34 லூக் 7:39 லூக் 5:30 லூக் 5:32 லூக் 18:13 லூக் 19:7 மத் 21:31 யோவா 9:24 யோவா 9:31 ரோம 5:8 1தீமோ 1:9 1தீமோ 1:15 1பேது 4:18
38	அவருடைய பாதங்களின் அருகே பின்னாக நின்று அழுதுகொண்டு, அவருடைய பாதங்களைத் தன் கண்ணீரினால் நனைத்து, தன் தலைமயிரினால் துடைத்து, அவருடைய பாதங்களை முத்தஞ்செய்து, பரிமளதைலத்தைப் பூசினாள்.	லூக் 6:21 லூக் 22:62 நியா 2:4 நியா 2:5 எஸ்றா 10:1 சங் 6:6-8 சங் 38:18 சங் 51:17 சங் 126:5 சங் 126:6 ஏசா 61:3 எரே 31:9 எரே 31:18-20 யோவே 2:12 சகரி 12:10 மத் 5:4 2கொரி 7:10 2கொரி 7:11 யாக் 4:9
39	அவரை அழைத்த பரிசேயன் அதைக் கண்டபோது, இவர் தீர்க்கதரிசியாயிருந்தால் தம்மைத் தொடுகிற ஸ்திரீ இன்னாளென்றும் இப்படிப்பட்டவளென்றும் அறிந்திருப்பார்; இவள் பாவியாயிருக்கிறாளே என்று தனக்குள்ளே சொல்லிக்கொண்டான்.	லூக் 3:8 லூக் 12:17 லூக் 16:3 லூக் 18:4 2இரா 5:20 நீதி 23:7 மாற் 2:6 மாற் 2:7 மாற் 7:21
40	இயேசு அவனை நோக்கி: சீமோனே, உனக்கு நான் ஒரு காரியம் சொல்லவேண்டும் என்றார் அதற்கு அவன்: போதகரே, சொல்லும் என்றான்.	லூக் 5:22 லூக் 5:31 லூக் 6:8 யோவா 16:19 யோவா 16:30
41	அப்பொழுது அவர்: ஒருவனிடத்தில் இரண்டுபேர் கடன்பட்டிருந்தார்கள்; ஒருவன் ஐந்நூறு வெள்ளிக்காசும், மற்றவன் ஐம்பது வெள்ளிக்காசும் கொடுக்கவேண்டியதாயிருந்தது.	லூக் 11:4 லூக் 13:4 ஏசா 50:1 மத் 6:12 மத் 18:23-25
42	கொடுக்க அவர்களுக்கு நிர்வாகமில்லாதபோது, இருவருக்கும் கடனை மன்னித்துவிட்டான். இப்படியிருக்க, அவர்களில் எவன் அவனிடத்தில் அதிக அன்பாயிருப்பான்? அதைச் சொல் என்றார்.	சங் 49:7 சங் 49:8 மத் 18:25 மத் 18:26 மத் 18:34 ரோம 5:6 கலா 3:10
43	சீமோன் பிரதியுத்தரமாக: எவனுக்கு அதிகமாய் மன்னித்துவிட்டானோ அவனே அதிக அன்பாயிருப்பான் என்று நினைக்கிறேன் என்றான்; அதற்கு அவர்: சரியாய் நிதானித்தாய் என்று சொல்லி,	லூக் 7:47 1கொரி 15:9 1கொரி 15:10 2கொரி 5:14 2கொரி 5:15 1தீமோ 1:13-16
44	ஸ்திரீயினிடமாய்த் திரும்பி, சீமோனை நோக்கி: இந்த ஸ்திரீயைப் பார்க்கிறாயே; நான் உன் வீட்டில் பிரவேசித்தேன், நீ என் கால்களுக்குத் தண்ணீர்த் தரவில்லை, இவளோ, கண்ணீரினால் என் கால்களை நனைத்து, தன் தலைமயிரினால் அவைகளைத் துடைத்தாள்.	ஆதி 19:2 நியா 19:21 1சாமு 25:41 1தீமோ 5:10 யாக் 2:6
45	நீ என்னை முத்தஞ்செய்யவில்லை, இவளோ, நான் உட்பிரவேசித்தது முதல், என் பாதங்களை ஓயாமல் முத்தஞ்செய்தாள்.	ஆதி 29:11 ஆதி 33:4 2சாமு 15:5 2சாமு 19:39 மத் 26:48 ரோம 16:16 1கொரி 16:20 1தெச 5:26
46	நீ என் தலையில் எண்ணெய் பூசவில்லை, இவளோ என் பாதங்களில் பரிமளதைலம் பூசினாள்.	ரூத் 3:3 2சாமு 14:2 சங் 23:5 சங் 104:15 பிரச 9:8 தானி 10:3 ஆமோ 6:6 மீகா 6:15 மத் 6:17
47	ஆதலால் நான் உனக்குச் சொல்லுகிறேன்: இவள் செய்த அநேக பாவங்கள் மன்னிக்கப்பட்டது; இவள் மிகவும் அன்புகூர்ந்தாளே. எவனுக்குக் கொஞ்சம் மன்னிக்கப்படுகிறதோ, அவன் கொஞ்சமாய் அன்புகூருவான் என்று சொல்லி;	லூக் 7:42 லூக் 5:20 லூக் 5:21 யாத் 34:6 யாத் 34:7
48	அவளை நோக்கி: உன் பாவங்கள் மன்னிக்கப்பட்டது என்றார்.	மத் 9:2 மாற் 2:5
49	அப்பொழுது கூடப் பந்தியிருந்தவர்கள்: பாவங்களை மன்னிக்கிற இவன் யார் என்று தங்களுக்குள்ளே சொல்லிக்கொண்டார்கள்.	லூக் 5:20 லூக் 5:21 மத் 9:3 மாற் 2:7
50	அவர் ஸ்திரீயை நோக்கி: உன் விசுவாசம் உன்னை இரட்சித்தது, சமாதானத்தோடே போ என்றார்.	லூக் 8:18 லூக் 8:42 லூக் 8:48 லூக் 18:42 ஆபகூ 2:4 மத் 9:22 மாற் 5:34 மாற் 10:52 எபே 2:8-10 யாக் 2:14-26