1	பின்பு அவர்கள் கடலுக்கு அக்கரையிலுள்ள கதரேனருடைய நாட்டில் வந்தார்கள்.	மாற் 4:35 மத் 8:28-34 லூக் 8:26-39
2	அவர் படவிலிருந்து இறங்கினவுடனே, அசுத்த ஆவியுள்ள ஒரு மனுஷன் பிரேதக்கல்லறைகளிலிருந்து அவருக்கு எதிராக வந்தான்.	ஏசா 65:4 லூக் 8:27
3	அவனுடைய குடியிருப்பு கல்லறைகளிலே இருந்தது; அவனைச் சங்கிலிகளினாலும் கட்ட ஒருவனாலும் கூடாதிருந்தது.	மாற் 9:18-22 ஏசா 65:4 தானி 4:32 தானி 4:33 லூக் 8:29
4	அவன் அநேகந்தரம் விலங்குகளினாலும் சங்கிலிகளினாலும் கட்டப்பட்டிருந்தும், சங்கிலிகளை முறித்து, விலங்குகளைத் தகர்த்துப்போடுவான்; அவனையடக்க ஒருவனாலும் கூடாதிருந்தது.	யாக் 3:7 யாக் 3:8
5	அவன் எப்பொழுதும் இரவும் பகலும், மலைகளிலும் கல்லறைகளிலும் இருந்து, கூக்குரலிட்டு, கல்லுகளினாலே தன்னைக் காயப்படுத்திக்கொண்டிருந்தான்.	1இரா 18:28 யோபு 2:7 யோபு 2:8 யோவா 8:44
6	அவன் இயேசுவைத் தூரத்திலே கண்டபோது, ஓடிவந்து, அவரைப்பணிந்துகொண்டு:	சங் 66:3 சங் 72:9 லூக் 4:41 அப் 16:17 யாக் 2:19
7	இயேசுவே, உன்னதமான தேவனுடைய குமாரனே, எனக்கும் உமக்கும் என்ன? என்னை வேதனைப்படுத்தாதபடிக்கு தேவன்பேரில் உமக்கு ஆணையென்று மிகுந்த சத்தமிட்டுச் சொன்னான்.	மாற் 1:24 ஓசி 14:8 மத் 8:29 லூக் 4:34
8	ஏனெனில் அவர் அவனை நோக்கி: அசுத்த ஆவியே, இந்த மனுஷனை விட்டுப் புறப்பட்டுப் போ என்று சொல்லியிருந்தார்.	மாற் 1:25 மாற் 9:25 மாற் 9:26 அப் 16:18
9	அப்பொழுது அவர் அவனை நோக்கி: உன் பேர் என்னவென்று கேட்டார். அதற்கு அவன்: நாங்கள் அநேகராயிருக்கிறபடியால் என் பேர் லேகியோன் என்று சொல்லி,	லூக் 8:30 லூக் 11:21-26
10	தங்களை அந்தத் திசையிலிருந்து துரத்திவிடாதபடிக்கு அவரை மிகவும் வேண்டிக்கொண்டான்.	மாற் 5:13 மாற் 3:22
11	அப்பொழுது, அவ்விடத்தில் மலையருகே அநேகம் பன்றிகள் கூட்டமாக மேய்ந்துகொண்டிருந்தது.	லேவி 11:7 லேவி 11:8 உபா 14:8 ஏசா 65:4 ஏசா 66:3 மத் 8:30 லூக் 8:32
12	அந்தப் பிசாசுகளெல்லாம் அவரை நோக்கி: பன்றிகளுக்குள்ளே போகும்படி, அவைகளுக்குள்ளே எங்களை அனுப்பும் என்று அவரை வேண்டிக்கொண்டன.	யோபு 1:10-12 யோபு 2:5 லூக் 22:31 லூக் 22:32 2கொரி 2:11 1பேது 5:8
13	இயேசு அவைகளுக்கு உத்தரவு கொடுத்தவுடனே, அசுத்த ஆவிகள் புறப்பட்டுப் பன்றிகளுக்குள் போயின; உடனே ஏறக்குறைய இரண்டாயிரம் பன்றிகளுள்ள அந்தக் கூட்டம் உயர்ந்த மேட்டிலிருந்து ஓடி, கடலிலே பாய்ந்து, கடலில் அமிழ்ந்து மாண்டன.	1இரா 22:22 யோபு 1:12 யோபு 2:6 மத் 8:32 1பேது 3:22 வெளிப் 13:5-7 வெளிப் 20:7
14	பன்றிகளை மேய்த்தவர்கள் ஓடி, இதைப் பட்டணத்திலும் சுற்றுப்புறங்களிலும் அறிவித்தார்கள். அப்பொழுது சம்பவித்ததைப் பார்க்கும்படி ஜனங்கள் புறப்பட்டு;	மத் 8:33 லூக் 8:34
15	இயேசுவினிடத்தில் வந்து, லேகியோனாகிய பிசாசுகள் பிடித்திருந்தவன் வஸ்திரந்தரித்து, உட்கார்ந்து, புத்தி தெளிந்திருக்கிறதைக் கண்டு, பயந்தார்கள்.	மாற் 5:4 ஏசா 49:24 ஏசா 49:25 மத் 9:33 மத் 12:29 லூக் 8:35 லூக் 8:36 லூக் 10:39 கொலோ 1:13
16	பிசாசுகள் பிடித்திருந்தவனுக்கும் பன்றிகளுக்கும் சம்பவித்ததைக் கண்டவர்களும் அவர்களுக்கு விவரமாய்ச் சொன்னார்கள்.
17	அப்பொழுது தங்கள் எல்லைகளை விட்டுப்போகும்படி அவரை வேண்டிக்கொள்ளத் தொடங்கினார்கள்.	மாற் 5:7 மாற் 1:24 ஆதி 26:16 உபா 5:25 1இரா 17:18 யோபு 21:14 யோபு 21:15 மத் 8:34 லூக் 5:8 லூக் 8:37 அப் 16:39
18	அப்படியே அவர் படவில் ஏறுகிறபொழுது, பிசாசு பிடித்திருந்தவன், அவரோடேகூட இருக்கும்படி தனக்கு உத்தரவுகொடுக்க அவரை வேண்டிக்கொண்டான்.	மாற் 5:7 மாற் 5:17 சங் 116:12 லூக் 8:38 லூக் 8:39 லூக் 17:15-17 லூக் 23:42 லூக் 23:43 பிலிப் 1:23 பிலிப் 1:24
19	இயேசு அவனுக்கு உத்தரவுகொடாமல்: நீ உன் இனத்தாரிடத்தில் உன் வீட்டிற்குப்போய், கர்த்தர் உனக்கு இரங்கி, உனக்குச் செய்தவைகளையெல்லாம் அவர்களுக்கு அறிவியென்று சொன்னார்.	சங் 66:16 ஏசா 38:9-20 தானி 4:1-3 தானி 4:37-3 தானி 6:25-27 யோனா 2:1-10 யோவா 4:29 அப் 22:1-21 அப் 26:4-29
20	அந்தப்படி அவன் போய், இயேசு தனக்குச் செய்தவைகளையெல்லாம் தெக்கப்போலி என்னும் நாட்டில் பிரசித்தம்பண்ணத்தொடங்கினான்; எல்லாரும் ஆச்சரியப்பட்டார்கள்.	மாற் 7:31 மத் 4:25
21	இயேசு படவில் ஏறி மறுபடியும் இக்கரைக்கு வந்து, கடலோரத்திலிருந்தபோது, திரளான ஜனங்கள் அவரிடத்தில் கூடிவந்தார்கள்.	மத் 9:1 லூக் 8:40
22	அப்பொழுது, ஜெபஆலயத்தலைவரில் ஒருவனாகிய யவீரு என்பவன் வந்து, அவரைக் கண்டவுடனே, அவர் பாதத்திலே விழுந்து:	மத் 9:18 மத் 9:19 லூக் 8:41 லூக் 8:42
23	என் குமாரத்தி மரணஅவஸ்தைப்படுகிறாள், அவள் ஆரோக்கியம் அடையும்படிக்கு நீர் வந்து, அவள்மேல் உமது கைகளை வையும், அப்பொழுது பிழைப்பாள் என்று அவரை மிகவும் வேண்டிக்கொண்டான்.	மாற் 7:25-27 மாற் 9:21 மாற் 9:22 2சாமு 12:15 2சாமு 12:16 சங் 50:15 சங் 107:19 லூக் 4:38 லூக் 7:2 லூக் 7:3 லூக் 7:12 யோவா 4:46 யோவா 4:47 யோவா 11:3
24	அவர் அவனோடேகூடப் போனார். திரளான ஜனங்கள் அவருக்குப் பின்சென்று, அவரை நெருக்கினார்கள்.	லூக் 7:6 அப் 10:38
25	அப்பொழுது பன்னிரண்டு வருஷமாய்ப் பெரும்பாடுள்ள ஒரு ஸ்திரீ,	மத் 9:20-22 லூக் 8:43 லூக் 8:44
26	அநேக வைத்தியர்களால் மிகவும் வருத்தப்பட்டு, தனக்கு உண்டானவைகளையெல்லாம் செலவழித்தும், சற்றாகிலும் குணமடையாமல் அதிக வருத்தப்படுகிறபொழுது,	யோபு 13:4 எரே 8:22 எரே 30:12 எரே 30:13 எரே 51:8
27	இயேசுவைக்குறித்துக் கேள்விப்பட்டு: நான் அவருடைய வஸ்திரங்களையாகிலும் தொட்டால் சொஸ்தமாவேன் என்று சொல்லி;	மாற் 6:56 2இரா 13:21 மத் 14:36 அப் 5:15 அப் 19:12
28	ஜனக்கூட்டத்துக்குள்ளே அவருக்குப் பின்னாக வந்து, அவருடைய வஸ்திரத்தைத் தொட்டாள்.
29	உடனே அவளுடைய உதிரத்தின் ஊறல் நின்றுபோயிற்று; அந்த வேதனை நீங்கி ஆரோக்கியமடைந்ததை அவள் தன் சரீரத்தில் உணர்ந்தாள்.	யாத் 15:26 யோபு 33:24 யோபு 33:25 சங் 30:2 சங் 103:3 சங் 107:20 சங் 147:3
30	உடனே இயேசு தம்மிலிருந்து வல்லமை புறப்பட்டதைத் தமக்குள் அறிந்து, ஜனக்கூட்டத்துக்குள்ளே திரும்பி: என் வஸ்திரங்களைத் தொட்டது யார் என்று கேட்டார்.	லூக் 6:19 லூக் 8:46 1பேது 2:9
31	அவருடைய சீஷர்கள் அவரை நோக்கி: திரளான ஜனங்கள் உம்மை நெருக்கிக்கொண்டிருக்கிறதை நீர் கண்டும், என்னைத் தொட்டது யார் என்று கேட்கிறீரே என்றார்கள்.	லூக் 8:45 லூக் 9:12
32	இதைச் செய்தவளைக் காணும்படிக்கு அவர் சுற்றிலும் பார்த்தார்.
33	தன்னிடத்திலே சம்பவித்ததை அறிந்த அந்த ஸ்திரீயானவள் பயந்து, நடுங்கி, அவர் முன்பாக வந்து விழுந்து, உண்மையையெல்லாம் அவருக்குச் சொன்னாள்.	மாற் 4:41 லூக் 1:12 லூக் 1:29 லூக் 8:47
34	அவர் அவளைப் பார்த்து: மகளே, உன் விசுவாசம் உன்னை இரட்சித்தது, நீ சமாதானத்தோடேபோய், உன் வேதனை நீங்கி, சுகமாயிரு என்றார்.	மத் 9:2 மத் 9:22 லூக் 8:48
35	அவர் இப்படிப் பேசிக்கொண்டிருக்கையில், ஜெபஆலயத்தலைவனுடைய வீட்டிலிருந்து சிலர் வந்து: உம்முடைய குமாரத்தி மரித்துப்போனாள், இனி ஏன் போதகரை வருத்தப்படுத்துகிறீர் என்றார்கள்.	லூக் 8:49
36	அவர்கள் சொன்ன வார்த்தையை இயேசு கேட்டவுடனே, ஜெபஆலயத்தலைவனை நோக்கி: பயப்படாதே, விசுவாசமுள்ளவனாயிரு என்று சொல்லி;	மாற் 5:34 மாற் 9:23 2நாளா 20:20 மத் 9:28 மத் 9:29 மத் 17:20 லூக் 8:50 யோவா 4:48-50 யோவா 11:40 ரோம 4:18-24
37	பேதுருவையும், யாக்கோபையும், யாக்கோபின் சகோதரன் யோவானையும் தவிர, வேறொருவரும் தம்மோடே வருகிறதற்கு இடங்கொடாமல்;	லூக் 8:51 அப் 9:40
38	ஜெபஆலயத்தலைவனுடைய வீட்டிலே வந்து, சந்தடியையும் மிகவும் அழுது புலம்புகிறவர்களையும் கண்டு,	எரே 9:17-20 மத் 9:23 மத் 9:24 மத் 11:17 லூக் 8:52 லூக் 8:53 அப் 9:39
39	உள்ளே பிரவேசித்து: நீங்கள் சந்தடிபண்ணி அழுகிறதென்ன? பிள்ளை மரிக்கவில்லை, நித்திரையாயிருக்கிறாள் என்றார்.	தானி 12:2 யோவா 11:11-13 அப் 20:10 1கொரி 11:30 1தெச 4:13 1தெச 4:14 1தெச 5:10
40	அதற்காக அவரைப்பார்த்து நகைத்தார்கள். எல்லாரையும் அவர் வெளியே போகப்பண்ணி, பிள்ளையின் தகப்பனையும் தாயையும் தம்மோடே வந்தவர்களையும் அழைத்துக்கொண்டு, பிள்ளையிருந்த இடத்தில் பிரவேசித்து,	ஆதி 19:14 நெகே 2:19 யோபு 12:4 சங் 22:7 சங் 123:3 சங் 123:4 லூக் 16:14 அப் 17:32
41	பிள்ளையின் கையைப் பிடித்து: தலீத்தாகூமி என்றார்; அதற்கு, சிறுபெண்ணே எழுந்திரு என்று உனக்குச் சொல்லுகிறேன் என்று அர்த்தமாம்.	மாற் 1:31 அப் 9:40 அப் 9:41
42	உடனே சிறுபெண் எழுந்து நடந்தாள்; அவள் பன்னிரண்டு வயதுள்ளவளாயிருந்தாள். அவர்கள் மிகுந்த ஆச்சரியப்பட்டுப் பிரமித்தார்கள்.	மாற் 1:27 மாற் 4:41 மாற் 6:51 மாற் 7:37 அப் 3:10-13
43	அதை ஒருவருக்கும் அறிவியாதபடி அவர்களுக்கு உறுதியாகக் கட்டளையிட்டு, அவளுக்கு ஆகாரம் கொடுக்கும்படி சொன்னார்.	மாற் 1:43 மாற் 3:12 மாற் 7:36 மத் 8:4 மத் 9:30 மத் 12:16-18 மத் 17:9 லூக் 5:14 லூக் 8:56 யோவா 5:41