1	மனுஷர் காணவேண்டுமென்று அவர்களுக்கு முன்பாக உங்கள் தர்மத்தைச் செய்யாதபடிக்கு எச்சரிக்கையாயிருங்கள்; செய்தால், பரலோகத்திலிருக்கிற உங்கள் பிதாவினிடத்தில் உங்களுக்குப் பலனில்லை.	மத் 16:6 மாற் 8:15 லூக் 11:35 லூக் 12:1 லூக் 12:15 எபிரெ 2:1
2	ஆகையால் நீ தர்மஞ்செய்யும்போது, மனுஷரால் புகழப்படுவதற்கு, மாயக்காரர் ஆலயங்களிலும் வீதிகளிலும் செய்வதுபோல, உனக்கு முன்பாகத் தாரை ஊதுவியாதே; அவர்கள் தங்கள் பலனை அடைந்து தீர்ந்ததென்று மெய்யாகவே உங்களுக்குச் சொல்லுகிறேன்.	யோபு 31:16-20 சங் 37:21 சங் 112:9 நீதி 19:17 பிரச 11:2 ஏசா 58:7 ஏசா 58:10-12 லூக் 11:41 லூக் 12:33 யோவா 13:29 அப் 9:36 அப் 10:2 அப் 10:4 அப் 10:31 அப் 11:29 அப் 24:17 ரோம 12:8 2கொரி 9:6-15 கலா 2:10 எபே 4:28 1தீமோ 6:18 பிலேமோ 1:7 எபிரெ 13:16 யாக் 2:15 யாக் 2:16 1பேது 4:11 1யோவா 3:17-19
3	நீயோ தர்மஞ்செய்யும்போது, உன் தர்மம் அந்தரங்கமாயிருப்பதற்கு, உன் வலதுகை செய்கிறதை உன் இடதுகை அறியாதிருக்கக்கடவது.	மத் 8:4 மத் 9:30 மத் 12:19 மாற் 1:44 யோவா 7:4
4	அப்பொழுது அந்தரங்கத்தில் பார்க்கிற உன் பிதா தாமே உனக்கு வெளியரங்கமாய்ப் பலனளிப்பார்.	மத் 6:6 மத் 6:18 சங் 17:3 சங் 44:21 சங் 139:1-3 சங் 139:12-3 எரே 17:10 எரே 23:24 எபிரெ 4:13 வெளிப் 2:23
5	அன்றியும் நீ ஜெபம்பண்ணும்போது மாயக்காரரைப்போலிருக்கவேண்டாம்; மனுஷர் காணும்படியாக அவர்கள் ஜெப ஆலயங்களிலும் வீதிகளின் சந்திகளிலும் நின்று ஜெபம்பண்ண விரும்புகிறார்கள்; அவர்கள் தங்கள் பலனை அடைந்து தீர்ந்ததென்று மெய்யாகவே உங்களுக்குச் சொல்லுகிறேன்.	மத் 7:7 மத் 7:8 மத் 9:38 மத் 21:22 சங் 5:2 சங் 55:17 நீதி 15:8 ஏசா 55:6 ஏசா 55:7 எரே 29:12 தானி 6:10 தானி 9:4-19 லூக் 18:1 யோவா 16:24 எபே 6:18 கொலோ 4:2 கொலோ 4:3 1தெச 5:17 யாக் 5:15 யாக் 5:16
6	நீயோ ஜெபம்பண்ணும்போது, உன் அறைவீட்டுக்குள் பிரவேசித்து, உன் கதவைப் பூட்டி, அந்தரங்கத்திலிருக்கிற உன் பிதாவை நோக்கி ஜெபம்பண்ணு; அப்பொழுது அந்தரங்கத்தில்பார்க்கிற உன் பிதா வெளியரங்கமாய் உனக்குப் பலனளிப்பார்.	மத் 14:23 மத் 26:36-39 ஆதி 32:24-29 2இரா 4:33 ஏசா 26:20 யோவா 1:48 அப் 9:40 அப் 10:9 அப் 10:30
7	அன்றியும் நீங்கள் ஜெபம்பண்ணும்போது, அஞ்ஞானிகளைப்போல வீண்வார்த்தைகளை அலப்பாதேயுங்கள்; அவர்கள், அதிக வசனிப்பினால் தங்கள் ஜெபம் கேட்கப்படுமென்று நினைக்கிறார்கள்.	1இரா 18:26-29 பிரச 5:2 பிரச 5:3 பிரச 5:7 அப் 19:34
8	அவர்களைப்போல நீங்கள் செய்யாதிருங்கள்; உங்கள் பிதாவை நோக்கி நீங்கள் வேண்டிக்கொள்ளுகிறதற்கு முன்னமே உங்களுக்கு இன்னது தேவை என்று அவர் அறிந்திருக்கிறார்.	மத் 6:32 சங் 38:9 சங் 69:17-19 லூக் 12:30 யோவா 16:23-27 பிலிப் 4:6
9	நீங்கள் ஜெபம்பண்ணவேண்டியவிதமாவது: பரமண்டலங்களிலிருக்கிற எங்கள் பிதாவே, உம்முடைய நாமம் பரிசுத்தப்படுவதாக.	லூக் 11:1 லூக் 11:2
10	உம்முடைய ராஜ்யம் வருவதாக; உம்முடைய சித்தம் பரமண்டலத்திலே செய்யப்படுகிறதுபோல பூமியிலேயும் செய்யப்படுவதாக.	மத் 3:2 மத் 4:17 மத் 16:28 சங் 2:6 ஏசா 2:2 எரே 23:5 தானி 2:44 தானி 7:13 தானி 7:27 சகரி 9:9 மாற் 11:10 லூக் 19:11 லூக் 19:38 கொலோ 1:13 வெளிப் 11:15 வெளிப் 12:10 வெளிப் 19:6 வெளிப் 20:4
11	எங்களுக்கு வேண்டிய ஆகாரத்தை இன்று எங்களுக்குத் தாரும்.	மத் 4:4 யாத் 16:16-35 யோபு 23:12 சங் 33:18 சங் 33:19 சங் 34:10 நீதி 30:8 ஏசா 33:16 லூக் 11:3 யோவா 6:31-59 2தெச 3:12 1தீமோ 6:8
12	எங்கள் கடனாளிகளுக்கு நாங்கள் மன்னிக்கிறதுபோல எங்கள் கடன்களை எங்களுக்கு மன்னியும்.	யாத் 34:7 1இரா 8:30 1இரா 8:34 1இரா 8:39 1இரா 8:50 சங் 32:1 சங் 130:4 ஏசா 1:18 தானி 9:19 அப் 13:38 எபே 1:7 1யோவா 1:7-9
13	எங்களைச் சோதனைக்குட்படப்பண்ணாமல், தீமையினின்று எங்களை இரட்சித்துக்கொள்ளும், ராஜ்யமும், வல்லமையும், மகிமையும் என்றென்றைக்கும் உம்முடையவைகளே, ஆமென், என்பதே.	மத் 26:41 ஆதி 22:1 உபா 8:2 உபா 8:16 நீதி 30:8 லூக் 22:31-46 1கொரி 10:13 2கொரி 12:7-9 எபிரெ 11:36 1பேது 5:8 2பேது 2:9 வெளிப் 2:10 வெளிப் 3:10
14	மனுஷருடைய தப்பிதங்களை நீங்கள் அவர்களுக்கு மன்னித்தால், உங்கள் பரமபிதா உங்களுக்கும் மன்னிப்பார்.	மத் 6:12 மத் 7:2 மத் 18:21-35 நீதி 21:13 மாற் 11:25 மாற் 11:26 எபே 4:32 கொலோ 3:13 யாக் 2:13 1யோவா 3:10
15	மனுஷருடைய தப்பிதங்களை நீங்கள் அவர்களுக்கு மன்னியாதிருந்தால், உங்கள் பிதா உங்கள் தப்பிதங்களையும் மன்னியாதிருப்பார்.
16	நீங்கள் உபவாசிக்கும்போது, மாயக்காரரைப்போல முகவாடலாய் இராதேயுங்கள்; அவர்கள் உபவாசிக்கிறதை மனுஷர் காணும்பொருட்டாக, தங்கள் முகங்களை வாடப்பண்ணுகிறார்கள்; அவர்கள் தங்கள் பலனை அடைந்து தீர்ந்ததென்று, மெய்யாகவே உங்களுக்குச் சொல்லுகிறேன்.	மத் 9:14 மத் 9:15 2சாமு 12:16 2சாமு 12:21 நெகே 1:4 எஸ்தர் 4:16 சங் 35:13 சங் 69:10 சங் 109:24 தானி 9:3 லூக் 2:37 அப் 10:30 அப் 13:2 அப் 13:3 அப் 14:23 1கொரி 7:5 2கொரி 6:5 2கொரி 11:27
17	நீயோ உபவாசிக்கும்போது, இந்த உபவாசம் மனுஷர்களுக்குக் காணப்படாமல், அந்தரங்கத்தில் இருக்கிற உன் பிதாவுக்கே காணப்படும்படியாக, உன் தலைக்கு எண்ணெய் பூசி, உன் முகத்தைக் கழுவு.	ரூத் 3:3 2சாமு 14:2 பிரச 9:8 தானி 10:2 தானி 10:3
18	அப்பொழுது, அந்தரங்கத்தில் பார்க்கிற உன் பிதா உனக்கு வெளியரங்கமாய்ப் பலனளிப்பார்.	2கொரி 5:9 2கொரி 10:18 கொலோ 3:22-24 1பேது 2:13
19	பூமியிலே உங்களுக்குப் பொக்கிஷங்களைச் சேர்த்துவைக்கவேண்டாம்; இங்கே பூச்சியும் துருவும் அவைகளைக் கெடுக்கும்; இங்கே திருடரும் கன்னமிட்டுத் திருடுவார்கள்.	யோபு 31:24 சங் 39:6 சங் 62:10 நீதி 11:4 நீதி 16:16 நீதி 23:5 பிரச 2:26 பிரச 5:10-14 செப் 1:18 லூக் 12:21 லூக் 18:24 1தீமோ 6:8-10 1தீமோ 6:17-10 எபிரெ 13:5 யாக் 5:1-3 1யோவா 2:15 1யோவா 2:16
20	பரலோகத்திலே உங்களுக்குப் பொக்கிஷங்களைச் சேர்த்துவையுங்கள்; அங்கே பூச்சியாவது துருவாவது கெடுக்கிறதும் இல்லை; அங்கே திருடர் கன்னமிட்டுத் திருடுகிறதும் இல்லை.	மத் 19:21 ஏசா 33:6 லூக் 12:33 லூக் 18:22 1தீமோ 6:17 எபிரெ 10:34 எபிரெ 11:26 யாக் 2:5 1பேது 1:4 1பேது 5:4 வெளிப் 2:9
21	உங்கள் பொக்கிஷம் எங்கேயிருக்கிறதோ அங்கே உங்கள் இருதயமும் இருக்கும்.	ஏசா 33:6 லூக் 12:34 2கொரி 4:18
22	கண்ணானது சரீரத்தின் விளக்காயிருக்கிறது; உன் கண் தெளிவாயிருந்தால், உன் சரீரம் முழுவதும் வெளிச்சமாயிருக்கும்.	லூக் 11:34-36
23	உன் கண் கெட்டதாயிருந்தால், உன் சரீரம் முழுவதும் இருளாயிருக்கும்; இப்படி உன்னிலுள்ள வெளிச்சம் இருளாயிருந்தால், அவ்விருள் எவ்வளவு அதிகமாயிருக்கும்!	மத் 20:15 ஏசா 44:18-20 மாற் 7:22 எபே 4:18 எபே 5:8 1யோவா 2:11
24	இரண்டு எஜமான்களுக்கு ஊழியஞ்செய்ய ஒருவனாலும் கூடாது; ஒருவனைப் பகைத்து, மற்றவனைச் சிநேகிப்பான்; அல்லது ஒருவனைப் பற்றிக்கொண்டு, மற்றவனை அசட்டைபண்ணுவான்; தேவனுக்கும் உலகப்பொருளுக்கும் ஊழியஞ்செய்ய உங்களால் கூடாது.	மத் 4:10 யோசு 24:15 யோசு 24:19 யோசு 24:20 1சாமு 7:3 1இரா 18:21 2இரா 17:33 2இரா 17:34 2இரா 17:41 எசே 20:39 செப் 1:5 லூக் 16:13 ரோம 6:16-22 கலா 1:10 2தீமோ 4:10 யாக் 4:4 1யோவா 2:15 1யோவா 2:16
25	ஆகையால், என்னத்தை உண்போம், என்னத்தைக் குடிப்போம் என்று உங்கள் ஜீவனுக்காகவும்; என்னத்தை உடுப்போம் என்று உங்கள் சரீரத்துக்காகவும் கவலைப்படாதிருங்கள் என்று, உங்களுக்குச் சொல்லுகிறேன்; ஆகாரத்தைப்பார்க்கிலும் ஜீவனும், உடையைப்பார்க்கிலும் சரீரமும் விசேஷித்தவைகள் அல்லவா?	மத் 5:22-28 லூக் 12:4 லூக் 12:5 லூக் 12:8 லூக் 12:9 லூக் 12:22
26	ஆகாயத்துப் பட்சிகளைக் கவனித்துப்பாருங்கள்; அவைகள் விதைக்கிறதுமில்லை, அறுக்கிறதுமில்லை, களஞ்சியங்களில் சேர்த்துவைக்கிறதுமில்லை; அவைகளையும் உங்கள் பரமபிதா பிழைப்பூட்டுகிறார்; அவைகளைப்பார்க்கிலும் நீங்கள் விசேஷித்தவர்கள் அல்லவா?	மத் 10:29-31 ஆதி 1:29-31 யோபு 35:11 யோபு 38:41 சங் 104:11 சங் 104:12 சங் 104:27 சங் 104:28 சங் 145:15 சங் 145:16 சங் 147:9 லூக் 12:6 லூக் 12:7 லூக் 12:24-31
27	கவலைப்படுகிறதினாலே உங்களில் எவன் தன் சரீர அளவோடு ஒரு முழத்தைக் கூட்டுவான்?	மத் 5:36 சங் 39:6 பிரச 3:14 லூக் 12:25 லூக் 12:26 1கொரி 12:18
28	உடைக்காகவும் நீங்கள் கவலைப்படுகிறதென்ன? காட்டுப் புஷ்பங்கள் எப்படி வளருகிறதென்று கவனித்துப்பாருங்கள்; அவைகள் உழைக்கிறதுமில்லை, நூற்கிறதுமில்லை;	மத் 6:25 மத் 6:31 மத் 10:10 லூக் 3:11 லூக் 22:35 லூக் 22:36
29	என்றாலும், சாலொமோன் முதலாய் தன் சர்வ மகிமையிலும் அவைகளில் ஒன்றைப்போலாகிலும் உடுத்தியிருந்ததில்லை என்று, உங்களுக்குச் சொல்லுகிறேன்.	1இரா 10:5-7 2நாளா 9:4-6 2நாளா 9:20-22 1தீமோ 2:9 1தீமோ 2:10 1பேது 3:2-5
30	அற்ப விசுவாசிகளே! இன்றைக்கு இருந்து நாளைக்கு அடுப்பிலே போடப்படும் காட்டுப் புல்லுக்கு தேவன் இவ்விதமாக உடுத்துவித்தால், உங்களுக்கு உடுத்துவிப்பது அதிக நிச்சயமல்லவா?	சங் 90:5 சங் 90:6 சங் 92:7 ஏசா 40:6-8 லூக் 12:28 யாக் 1:10 யாக் 1:11 1பேது 1:24
31	ஆகையால், என்னத்தை உண்போம், என்னத்தைக் குடிப்போம், என்னத்தை உடுப்போம் என்று, கவலைப்படாதிருங்கள்.	மத் 4:4 மத் 15:33 லேவி 25:20-22 2நாளா 25:9 சங் 37:3 சங் 55:22 சங் 78:18-31 லூக் 12:29 1பேது 5:7
32	இவைகளையெல்லாம் அஞ்ஞானிகள் நாடித்தேடுகிறார்கள்; இவைகளெல்லாம் உங்களுக்கு வேண்டியவைகள் என்று உங்கள் பரமபிதா அறிந்திருக்கிறார்.	மத் 5:46 மத் 5:47 மத் 20:25 மத் 20:26 சங் 17:14 லூக் 12:30 எபே 4:17 1தெச 4:5
33	முதலாவது தேவனுடைய ராஜ்யத்தையும் அவருடைய நீதியையும் தேடுங்கள், அப்பொழுது இவைகளெல்லாம் உங்களுக்குக்கூடக் கொடுக்கப்படும்.	1இரா 3:11-13 1இரா 17:13 2நாளா 1:7-12 2நாளா 31:20 2நாளா 31:21 நீதி 2:1-9 நீதி 3:9 நீதி 3:10 ஆகா 1:2-11 ஆகா 2:16-19 லூக் 12:31 யோவா 6:27
34	ஆகையால், நாளைக்காகக் கவலைப்படாதிருங்கள்; நாளையத்தினம் தன்னுடையவைகளுக்காகக் கவலைப்படும்; அந்தந்த நாளுக்கு அதினதின் பாடுபோதும்.	மத் 6:11 மத் 6:25 யாத் 16:18-20 புலம் 3:23