| 1 | ஆபிரகாமின் குமாரனாகிய தாவீதின் குமாரனான இயேசுகிறிஸ்துவினுடைய வம்ச வரலாறு: | ஆதி 2:4 ஆதி 5:1 ஏசா 53:8 லூக் 3:23-38 ரோம 9:5 |
| 2 | ஆபிரகாம் ஈசாக்கைப் பெற்றான்; ஈசாக்கு யாக்கோபைப் பெற்றான்; யாக்கோபு யூதாவையும் அவன் சகோதரரையும் பெற்றான்; | ஆதி 21:2-5 யோசு 24:2 யோசு 24:3 1நாளா 1:28 ஏசா 51:2 லூக் 3:34 அப் 7:8 ரோம 9:7-9 எபிரெ 11:11 எபிரெ 11:17 எபிரெ 11:18 |
| 3 | யூதா பாரேசையும் சாராவையும் தாமாரினிடத்தில் பெற்றான்; பாரேஸ் எஸ்ரோமைப் பெற்றான்; எஸ்ரோம் ஆராமைப் பெற்றான்; | ஆதி 38:27 ஆதி 38:29 ஆதி 38:30 ஆதி 46:12 எண் 26:20 எண் 26:21 1நாளா 2:3 1நாளா 2:4 |
| 4 | ஆராம் அம்மினதாபைப் பெற்றான்; அம்மினதாப் நகசோனைப் பெற்றான்; நகசோன் சல்மோனைப் பெற்றான்; | ரூத் 4:19 ரூத் 4:20 1நாளா 2:10-12 |
| 5 | சல்மோன் போவாசை ராகாபினிடத்தில் பெற்றான்; போவாஸ் ஓபேதை ரூத்தினிடத்தில் பெற்றான்; ஓபேத் ஈசாயைப் பெற்றான்; | ரூத் 4:21 1நாளா 2:11 1நாளா 2:12 |
| 6 | ஈசாய் தாவீது ராஜாவைப் பெற்றான்; தாவீது ராஜா உரியாவின் மனைவியாயிருந்தவளிடத்தில் சாலொமோனைப் பெற்றான்; | ரூத் 4:22 1சாமு 16:1 1சாமு 16:11-13 1சாமு 17:12 1சாமு 17:58 1சாமு 20:30 1சாமு 20:31 1சாமு 22:8 2சாமு 23:1 1நாளா 2:15 சங் 72:20 ஏசா 11:1 அப் 13:22 அப் 13:23 |
| 7 | சாலொமோன் ரெகொபெயாமைப் பெற்றான்; ரெகொபெயாம் அபியாவைப் பெற்றான்; அபியா ஆசாவைப் பெற்றான்; | 1இரா 11:43 1இரா 12:1-24 1நாளா 3:10 2நாளா 9:31 2நாளா 13:7 |
| 8 | ஆசா யோசபாத்தைப் பெற்றான்; யோசபாத் யோராமைப் பெற்றான்; யோராம் உசியாவைப் பெற்றான்; | 1இரா 15:24 1இரா 22:2-50 2இரா 3:1 2நாளா 17:1-20 |
| 9 | உசியா யோதாமைப் பெற்றான்; யோதாம் ஆகாசைப் பெற்றான்; ஆகாஸ் எசேக்கியாவைப் பெற்றான்; | 2இரா 15:7 2இரா 15:32-38 1நாளா 3:11-13 2நாளா 26:21 2நாளா 27:1-9 |
| 10 | எசேக்கியா மனாசேயைப் பெற்றான்; மனாசே ஆமோனைப் பெற்றான்; ஆமோன் யோசியாவைப் பெற்றான்; | 2இரா 20:21 2இரா 21:1-18 2இரா 24:3 2இரா 24:4 1நாளா 3:13-15 2நாளா 32:33 2நாளா 33:1-19 |
| 11 | பாபிலோனுக்குச் சிறைப்பட்டுப்போகுங்காலத்தில், யோசியா எகொனியாவையும் அவனுடைய சகோதரரையும் பெற்றான். | 2இரா 23:31-37 2இரா 24:1-20 1நாளா 3:15-17 2நாளா 36:1-8 எரே 2:10-28 |
| 12 | பாபிலோனுக்குச் சிறைப்பட்டுப்போனபின்பு எகொனியா சலாத்தியேலைப் பெற்றான்; சலாத்தியேல் சொரொபாபேலைப் பெற்றான்; | 2இரா 25:27 |
| 13 | சொரொபாபேல் அபியூதைப் பெற்றான்; அபியூத் எலியாக்கீமைப் பெற்றான்; எலியாக்கீம் ஆசோரைப் பெற்றான்; |
| 14 | ஆசோர் சாதோக்கைப் பெற்றான்; சாதோக்கு ஆகீமைப் பெற்றான்; ஆகீம் எலியூதைப் பெற்றான்; |
| 15 | எலியூத் எலெயாசாரைப் பெற்றான்; எலெயாசார் மாத்தானைப் பெற்றான்; மாத்தான் யாக்கோபைப் பெற்றான்; |
| 16 | யாக்கோபு மரியாளுடைய புருஷனாகிய யோசேப்பைப் பெற்றான்; அவளிடத்தில் கிறிஸ்து என்னப்படுகிற இயேசு பிறந்தார். | மத் 1:18-25 மத் 2:13 லூக் 1:27 லூக் 2:4 லூக் 2:5 லூக் 2:48 லூக் 3:23 லூக் 4:22 |
| 17 | இவ்விதமாய் உண்டான தலைமுறைகளெல்லாம் ஆபிரகாம்முதல் தாவீதுவரைக்கும் பதினாலு தலைமுறைகளும்; தாவீதுமுதல் பாபிலோனுக்குச் சிறைப்பட்டுப்போன காலம்வரைக்கும் பதினாலு தலைமுறைகளும்; பாபிலோனுக்குச் சிறைப்பட்டுப்போன காலமுதல் கிறிஸ்துவரைக்கும் பதினாலு தலைமுறைகளுமாம். |
| 18 | இயேசு கிறிஸ்துவினுடைய ஜனனத்தின் விவரமாவது: அவருடைய தாயாகிய மரியாள் யோசேப்புக்கு நியமிக்கப்பட்டிருக்கையில், அவர்கள் கூடிவருமுன்னே, அவள் பரிசுத்த ஆவியினாலே கர்ப்பவதியானாள் என்று காணப்பட்டது. | லூக் 1:27-38 |
| 19 | அவள் புருஷனாகிய யோசேப்பு நீதிமானாயிருந்து, அவளை அவமானப்படுத்த மனதில்லாமல், இரகசியமாய் அவளைத் தள்ளிவிட யோசனையாயிருந்தான். | லேவி 19:20 உபா 22:23 உபா 22:24 |
| 20 | அவன் இப்படிச் சிந்தித்துக்கொண்டிருக்கையில், கர்த்தருடைய தூதன் சொப்பனத்தில் அவனுக்குக் காணப்பட்டு: தாவீதின் குமாரனாகிய யோசேப்பே, உன் மனைவியாகிய மரியாளைச் சேர்த்துக்கொள்ள ஐயப்படாதே; அவளிடத்தில் உற்பத்தியாயிருக்கிறது பரிசுத்த ஆவியினால் உண்டானது. | சங் 25:8 சங் 25:9 சங் 94:19 சங் 119:125 சங் 143:8 நீதி 3:5 நீதி 3:6 நீதி 12:5 ஏசா 26:3 ஏசா 30:21 |
| 21 | அவள் ஒரு குமாரனைப் பெறுவாள், அவருக்கு இயேசு என்று பேரிடுவாயாக; ஏனெனில் அவர் தமது ஜனங்களின் பாவங்களை நீக்கி அவர்களை இரட்சிப்பார் என்றான். | ஆதி 17:19 ஆதி 17:21 ஆதி 18:10 நியா 13:3 2இரா 4:16 2இரா 4:17 லூக் 1:13 லூக் 1:35 லூக் 1:36 |
| 22 | தீர்க்கதரிசியின் மூலமாய்க் கர்த்தராலே உரைக்கப்பட்டது நிறைவேறும்படி இதெல்லாம் நடந்தது. | மத் 2:15 மத் 2:23 மத் 5:17 மத் 8:17 மத் 12:17 மத் 13:35 மத் 13:21 1இரா 8:15 1இரா 8:24 எஸ்றா 1:1 லூக் 21:22 லூக் 24:44 யோவா 10:35 யோவா 12:38-40 யோவா 15:25 யோவா 17:12 யோவா 18:9 யோவா 19:36 யோவா 19:37 அப் 3:18 அப் 13:27-29 வெளிப் 17:17 |
| 23 | அவன்: இதோ, ஒரு கன்னிகை கர்ப்பவதியாகி ஒரு குமாரனைப் பெறுவாள்; அவருக்கு இம்மானுவேல் என்று பேரிடுவார்கள் என்று சொன்னான். இம்மானுவேல் என்பதற்கு தேவன் நம்மோடிருக்கிறார் என்று அர்த்தமாம். | ஏசா 7:14 |
| 24 | யோசேப்பு நித்திரைதெளிந்து எழுந்து, கர்த்தருடைய தூதன் தனக்குக் கட்டளையிட்டபடியே தன் மனைவியைச் சேர்த்துக்கொண்டு; | ஆதி 6:22 ஆதி 7:5 ஆதி 22:2 ஆதி 22:3 யாத் 40:16 யாத் 40:19 யாத் 40:25 யாத் 40:27 யாத் 40:32 2இரா 5:11-14 யோவா 2:5-8 யோவா 15:14 எபிரெ 11:7 எபிரெ 11:8 எபிரெ 11:24-31 யாக் 2:21-26 |
| 25 | அவள் தன் முதற்பேறான குமாரனைப் பெறுமளவும் அவளை அறியாதிருந்து, அவருக்கு இயேசு என்று பேரிட்டான். | யாத் 13:2 யாத் 22:29 லூக் 2:7 ரோம 8:29 |
