1	பின்மாரிகாலத்து மழையைக் கர்த்தரிடத்தில் வேண்டிக்கொள்ளுங்கள்; அப்பொழுது கர்த்தர் மின்னல்களை உண்டாக்கி, வயல்வெளியில் அவரவருக்குப் பயிருண்டாக அவர்களுக்கு மழையைக் கட்டளையிடுவார்.	எசே 36:37 மத் 7:7 மத் 7:8 யோவா 16:23 யாக் 5:16-18
2	சுரூபங்கள் அபத்தமானதைச் சொல்லிற்று; குறிசொல்லுகிறவர்கள் பொய்யைத்தரித்தார்கள்; சொப்பனக்காரர் வீணானதைச் சொல்லி, வியர்த்தமாகத் தேற்றரவுபண்ணினார்கள்; ஆகையால் ஜனங்கள் ஆடுகளைப்போலச் சிதறி, மேய்ப்பனில்லாததினால் சிறுமைப்பட்டார்கள்.	ஆதி 31:19 நியா 18:14 ஏசா 44:9 ஏசா 46:5 எரே 10:8 எரே 14:22 ஓசி 3:4 ஆபகூ 2:18
3	மேய்ப்பருக்கு விரோதமாக என் கோபம் மூண்டது; கடாக்களைத் தண்டித்தேன்; சேனைகளின் கர்த்தர் யூதா வம்சத்தாராகிய தமது மந்தையை விசாரித்து, அவர்களை யுத்தத்திலே தமது சிறந்த குதிரையாக நிறுத்துவார்.	சகரி 11:5-8 சகரி 11:17-8 ஏசா 56:9-12 எரே 10:21 எரே 23:1 எரே 23:2 எரே 50:6 எசே 34:2 எசே 34:7-10
4	அவர்களிலிருந்து கோடிக்கல்லும், அவர்களிலிருந்து கூடாரமுளையும், அவர்களிலிருந்து யுத்தவில்லும் வரும்; அவர்களிலிருந்து ஆளுகிற யாவரும் ஏகமாய்ப் புறப்படுவார்கள்.	சகரி 1:20 சகரி 1:21 சகரி 9:13-16 சகரி 12:6-8 எண் 24:17 ஏசா 41:14-16 ஏசா 49:2 ஏசா 54:16 எரே 1:18 மீகா 5:5-8 மத் 9:38 2கொரி 10:4 2கொரி 10:5 எபே 4:8-11 எபே 6:10-17 2தீமோ 2:4 வெளிப் 17:14 வெளிப் 19:13-15
5	அவர்கள் யுத்தத்திலே தங்கள் சத்துருக்களை வீதிகளின் சேற்றில் மிதிக்கிற பராக்கிரமசாலிகளைப்போல இருந்து யுத்தம்பண்ணுவார்கள்; கர்த்தர் அவர்களோடேகூட இருப்பார்; குதிரைகளின்மேல் ஏறிவருகிறவர்கள் வெட்கப்படுவார்கள்.	சகரி 9:13 சகரி 12:8 1சாமு 16:18 2சாமு 22:8 சங் 45:3 லூக் 24:19 அப் 7:22 அப் 18:24 2கொரி 10:4
6	நான் யூதா வம்சத்தாரைப் பலப்படுத்தி, யோசேப்பு வம்சத்தாரை இரட்சித்து, அவர்களைத் திரும்ப நிலைக்கப்பண்ணுவேன்; நான் அவர்களுக்கு இரங்கினேன்; அவர்கள் என்னால் ஒருக்காலும் தள்ளிவிடப்படாதவர்களைப்போல் இருப்பார்கள்; நான் அவர்களுடைய தேவனாகிய கர்த்தர், நான் அவர்களுக்குச் செவிகொடுப்பேன்.	சகரி 10:12 சங் 89:21 ஏசா 41:10 எசே 37:16 ஒபதி 1:18 மீகா 4:6 மீகா 4:13 மீகா 5:8 மீகா 7:16 செப் 3:19 செப் 3:20
7	எப்பிராயீமர் பராக்கிரமரைப்போல இருப்பார்கள்; மதுபானத்தால் களிப்பதுபோல, அவர்களுடைய இருதயம் களிக்கும்; அவர்களுடைய பிள்ளைகளும் அதைக் கண்டு மகிழுவார்கள்; அவர்கள் இருதயம் கர்த்தருக்குள் களிகூரும்.	சகரி 9:15 சகரி 9:17 ஆதி 43:34 சங் 104:15 நீதி 31:6 நீதி 31:7 அப் 2:13-18 எபே 5:18 எபே 5:19
8	நான் அவர்களைப் பார்த்துப் பயில்போட்டு அவர்களைக் கூட்டிக்கொள்ளுவேன்; அவர்களை மீட்டுக்கொண்டேன்; அவர்கள் பெருகியிருந்ததுபோலவே பெருகிப்போவார்கள்.	ஏசா 5:26 ஏசா 7:18 ஏசா 11:11 ஏசா 11:12 ஏசா 27:12 ஏசா 27:13 ஏசா 55:1-3 மத் 11:28 வெளிப் 22:17
9	நான் அவர்களை ஜனங்களுக்குள்ளே இறைத்தபின்பு, அவர்கள் தூரதேசங்களிலே என்னை நினைத்து தங்கள் பிள்ளைகளோடுங்கூடப் பிழைத்துத் திரும்புவார்கள்.	எஸ்தர் 8:17 எரே 31:27 தானி 3:1-6 ஓசி 2:23 ஆமோ 9:9 மீகா 5:7 அப் 8:1 அப் 8:4 அப் 11:19-21 அப் 13:1-38 அப் 14:1-21 ரோம 11:11-15
10	நான் அவர்களை எகிப்து தேசத்திலிருந்து திரும்பிவரப்பண்ணி, அவர்களை அசீரியாவிலிருந்து கூட்டிக்கொண்டு, அவர்களைக் கீலேயாத் தேசத்துக்கும் லீபனோனுக்கும் வரப்பண்ணுவேன்; அவர்களுக்கு இடம் போதாமற்போகும்.	சகரி 8:7 ஏசா 11:11-16 ஏசா 19:23-25 ஏசா 27:12 ஏசா 27:13 ஓசி 11:11 மீகா 7:11 மீகா 7:12
11	இடுக்கமென்கிற சமுத்திரத்தைக் கடக்கையில் அவர் சமுத்திரத்தின் அலைகளை அடிப்பார்; அப்பொழுது நதியின் ஆழங்கள் எல்லாம் வறண்டுபோகும்; அசீரியாவின் கர்வம் தாழ்த்தப்படும், எகிப்தின் கொடுங்கோல் விலகிப்போகும்.	சங் 66:10-12 ஏசா 11:15 ஏசா 11:16 ஏசா 42:15 ஏசா 42:16 ஏசா 43:2
12	நான் அவர்களைக் கர்த்தருக்குள் பலப்படுத்துவேன்; அவர்கள் அவருடைய நாமத்திலே நடந்துகொள்ளுவார்கள் என்று கர்த்தர் சொல்லுகிறார்.	சகரி 10:6 சகரி 12:5 சங் 68:34 சங் 68:35 ஏசா 41:10 ஏசா 45:24 எபே 6:10 பிலிப் 4:13 2தீமோ 2:1