| 1 | ஆபகூக் தீர்க்கதரிசி சிகாயோனில் பாடின விண்ணப்பம். | சங் 86:1-17 சங் 90:1-17 |
| 2 | கர்த்தாவே, நீர் வெளிப்படுத்தினதை நான் கேட்டேன், எனக்குப் பயமுண்டாயிற்று; கர்த்தாவே, வருஷங்களின் நடுவிலே உம்முடைய கிரியையை உயிர்ப்பியும், வருஷங்களின் நடுவிலே அதை விளங்கப்பண்ணும்; கோபித்தாலும் இரக்கத்தை நினைத்தருளும். | ஆபகூ 3:16 ஆபகூ 1:5-10 யாத் 9:20 யாத் 9:21 2நாளா 34:27 2நாளா 34:28 யோபு 4:12-21 சங் 119:120 ஏசா 66:2 எரே 36:21-24 தானி 8:17 எபிரெ 11:7 எபிரெ 12:21 வெளிப் 15:4 |
| 3 | தேவன் தேமானிலிருந்தும், பரிசுத்தர் பாரான் பர்வதத்திலிருந்தும் வந்தார்; (சேலா.) அவருடைய மகிமை வானங்களை மூடிக்கொண்டது; அவர் துதியினால் பூமி நிறைந்தது. | நியா 5:4 நியா 5:5 சங் 68:7 சங் 68:8 ஏசா 64:3 |
| 4 | அவருடைய பிரகாசம் சூரியனைப்போலிருந்தது; அவருடைய கரத்திலிருந்து கிரணங்கள் வீசின; அங்கே அவருடைய பராக்கிரமம் மறைந்திருந்தது. | யாத் 13:21 யாத் 14:20 நெகே 9:12 சங் 104:2 ஏசா 60:19 ஏசா 60:20 மத் 17:2 1தீமோ 6:16 வெளிப் 21:23 வெளிப் 22:5 |
| 5 | அவருக்கு முன்பாகக் கொள்ளைநோய் சென்றது; அவர் அடிகளிலிருந்து எரிபந்தமான காய்ச்சல் புறப்பட்டது. | யாத் 12:29 யாத் 12:30 எண் 14:12 எண் 16:46-49 சங் 78:50 சங் 78:51 நாகூ 1:2 நாகூ 1:3 |
| 6 | அவர் நின்று பூமியை அளந்தார்; அவர் பார்த்துப் புறஜாதிகளைக் கரையப்பண்ணினார்; பூர்வ பர்வதங்கள் சிதறடிக்கப்பட்டது, என்றுமுள்ள மலைகள் தாழ்ந்தது; அவருடைய நடைகள் நித்திய நடைகளாயிருந்தது. | யாத் 15:17 யாத் 21:31 எண் 34:1-29 உபா 32:8 அப் 17:26 |
| 7 | கூஷானின் கூடாரங்கள் வருத்தத்தில் அகப்பட்டிருக்கக்கண்டேன்; மீதியான் தேசத்தின் திரைகள் நடுங்கின. | யாத் 15:14-16 எண் 22:3 எண் 22:4 யோசு 2:10 யோசு 9:24 |
| 8 | கர்த்தர் நதிகளின்மேல் கோபமாயிருந்தாரோ? தேவரீர் உம்முடைய குதிரைகளின்மேலும் இரட்சிப்புண்டாக்குகிற உம்முடைய இரதங்களின்மேலும் ஏறிவருகிறபோது, உமது கோபம் நதிகளுக்கும் உமது சினம் சமுத்திரத்திற்கும் விரோதமாயிருந்ததோ? | யாத் 14:21 யாத் 14:22 யோசு 3:16 யோசு 3:17 சங் 114:3 சங் 114:5 ஏசா 50:2 நாகூ 1:4 மாற் 4:39 வெளிப் 16:12 |
| 9 | கோத்திரங்களுக்கு ஆணையிட்டுக்கொடுத்த வாக்கின்படியே உம்முடைய வில் நாணேற்றப்பட்டதாக விளங்கினது; (சேலா.) நீரே பூமியைப் பிளந்து ஆறுகளை உண்டாக்கினீர். | உபா 32:23 சங் 7:12 சங் 7:13 சங் 35:1-3 ஏசா 51:9 ஏசா 51:10 ஏசா 52:10 புலம் 2:4 |
| 10 | பர்வதங்கள் உம்மைக்கண்டு நடுங்கின; ஜலம் பிரவாகித்துக் கடந்துபோயிற்று; ஆழி இரைந்தது, அதின் கைகளை உயர எடுத்தது. | ஆபகூ 3:6 யாத் 19:16-18 நியா 5:4 நியா 5:5 சங் 68:7 சங் 68:8 சங் 77:18 சங் 97:4 சங் 97:5 சங் 114:4 சங் 114:6 ஏசா 64:1 ஏசா 64:2 எரே 4:24 மீகா 1:4 நாகூ 1:5 மத் 27:51 வெளிப் 6:14 வெளிப் 20:11 |
| 11 | சந்திரனும் சூரியனும் தன்தன் மண்டலத்தில் நின்றன; உமது அம்புகளின் ஜோதியிலும், உமது ஈட்டியினுடைய மின்னல் பிரகாசத்திலும் நடந்தன. | யோசு 10:12 யோசு 10:13 ஏசா 28:21 ஏசா 38:8 |
| 12 | நீர் கோபத்தோடே பூமியில் நடந்தீர், உக்கிரத்தோடே ஜாதிகளைப் போரடித்தீர். | எண் 21:23-35 யோசு 6:1-12 நெகே 9:22-24 சங் 44:1-3 சங் 78:55 அப் 13:19 |
| 13 | உமது ஜனத்தின் இரட்சிப்புக்காகவும் நீர் அபிஷேகம்பண்ணுவித்தவனின் இரட்சிப்புக்காகவுமே நீர் புறப்பட்டீர்; கழுத்தளவாக அஸ்திபாரத்தைத் திறப்பாக்கி, துஷ்டனுடைய வீட்டிலிருந்த தலைவனை வெட்டினீர்; சேலா. | யாத் 14:13 யாத் 14:14 யாத் 15:1 யாத் 15:2 சங் 68:7 சங் 68:19-23 |
| 14 | என்னைச் சிதறடிப்பதற்குப் பெருங்காற்றைப்போல் வந்தார்கள்; சிறுமையானவனை மறைவிடத்திலே பட்சிப்பது அவர்களுக்குச் சந்தோஷமாயிருந்தது; நீர் அவனுடைய ஈட்டிகளினாலேயே அவனுடைய கிராமத்து அதிபதிகளை உருவக் குத்தினீர். | யாத் 11:4-7 யாத் 12:12 யாத் 12:13 யாத் 12:29 யாத் 12:30 யாத் 14:17 யாத் 14:18 சங் 78:50 சங் 78:51 சங் 83:9-11 |
| 15 | திரளான தண்ணீர்க் குவியலாகிய சமுத்திரத்துக்குள் உமது குதிரைகளோடே நடந்துபோனீர். | ஆபகூ 3:8 சங் 77:19 |
| 16 | நான் கேட்டபோது என் குடல் குழம்பிற்று; அந்தச் சத்தத்துக்கு என் உதடுகள் துடித்தது; என் எலும்புகளில் உக்கல் உண்டாயிற்று; என் நிலையிலே நடுங்கினேன்; ஆனாலும் எங்களோடே எதிர்க்கும் ஜனங்கள் வரும்போது, இக்கட்டுநாளிலே நான் இளைப்பாறுதல் அடைவேன். | ஆபகூ 3:2 ஆபகூ 1:5-11 |
| 17 | அத்திமரம் துளிர்விடாமற்போனாலும், திராட்சச்செடிகளில் பழம் உண்டாகாமற்போனாலும், ஒலிவமரத்தின் பலன் அற்றுப்போனாலும், வயல்கள் தானியத்தை விளைவியாமற்போனாலும், கிடையில் ஆட்டுமந்தைகள் முதலற்றுப்போனாலும், தொழுவத்திலே மாடு இல்லாமற்போனாலும், | உபா 28:15-18 உபா 28:30-41 எரே 14:2-8 யோவே 1:10-13 யோவே 1:16-18 ஆமோ 4:6-10 ஆகா 2:16 ஆகா 2:17 |
| 18 | நான் கர்த்தருக்குள் மகிழ்ச்சியாயிருப்பேன், என் இரட்சிப்பின் தேவனுக்குள் களிகூருவேன். | உபா 12:18 1சாமு 2:1 யோபு 13:15 சங் 33:1 சங் 46:1-5 சங் 85:6 சங் 97:12 சங் 104:34 சங் 118:15 சங் 149:2 ஏசா 41:16 ஏசா 61:10 சகரி 10:7 லூக் 1:46 லூக் 1:47 ரோம 5:2 ரோம 5:3 பிலிப் 4:4 யாக் 1:2 யாக் 1:9 யாக் 1:10 1பேது 1:8 1பேது 4:12 1பேது 4:13 |
| 19 | ஆண்டவராகிய கர்த்தர் என் பெலன்; அவர் என் கால்களை மான்கால்களைப்போலாக்கி, உயரமான ஸ்தலங்களில் என்னை நடக்கப்பண்ணுவார். இது நெகிநோத் என்னும் வாத்தியத்தில் வாசிக்க இராகத்தலைவனுக்கு ஒப்புவிக்கப்பட்ட சங்கீதம். | சங் 18:1 சங் 27:1 சங் 46:1 ஏசா 12:2 ஏசா 45:24 சகரி 10:12 2கொரி 12:9 2கொரி 12:10 எபே 3:16 பிலிப் 4:13 கொலோ 1:11 |
