1	ஆபகூக் என்னும் தீர்க்கதரிசி தரிசனமாய்க் கண்ட பாரம்.	ஏசா 22:1 நாகூ 1:1
2	கர்த்தாவே, நான் எதுவரைக்கும் உம்மை நோக்கிக் கூப்பிடுவேன், நீர் கேளாமலிருக்கிறீரே! கொடுமையினிமித்தம் நான் எதுவரைக்கும் உம்மை நோக்கிக் கூப்பிடுவேன், நீர் இரட்சியாமலிருக்கிறீரே!	சங் 13:1 சங் 13:2 சங் 74:9 சங் 74:10 சங் 94:3 வெளிப் 6:10
3	நீர் எனக்கு அக்கிரமத்தைக் காண்பித்து, என்னைத் தீவினையைப் பார்க்கப்பண்ணுகிறதென்ன? கொள்ளையும் கொடுமையும் எனக்கு எதிரே நிற்கிறது; வழக்கையும் வாதையும் எழுப்புகிறவர்கள் உண்டு.	சங் 12:1 சங் 12:2 சங் 55:9-11 சங் 73:3-9 சங் 120:5 சங் 120:6 பிரச 4:1 பிரச 5:8 எரே 9:2-6 எசே 2:6 மீகா 7:1-4 மத் 10:16 2பேது 2:8
4	ஆகையால் நியாயப்பிரமாணம் பெலனற்றதாகி, நியாயம் ஒருபோதும் செல்லாமற்போகிறது; துன்மார்க்கன் நீதிமானை வளைந்துகொள்ளுகிறான்; ஆதலால் நியாயம் புரட்டப்படுகிறது.	சங் 11:3 சங் 119:126 மாற் 7:9 ரோம 3:31
5	நீங்கள் புறஜாதிகளை நோக்கிப்பார்த்து, ஆச்சரியப்பட்டுப் பிரமியுங்கள்; விவரிக்கப்பட்டாலும் நீங்கள் விசுவாசியாத ஒரு கிரியையை உங்கள் நாட்களில் நடப்பிப்பேன்.	உபா 4:27 எரே 9:25 எரே 9:26 எரே 25:14-29
6	இதோ, நான் கல்தேயரென்னும் கொடிதும் வேகமுமான ஜாதியாரை எழுப்புவேன்; அவர்கள் தங்களுடையதல்லாத வாசஸ்தலங்களைக் கட்டிக்கொள்ள தேசத்தின் விசாலங்களில் நடந்துவருவார்கள்.	உபா 28:49-52 2இரா 24:2 2நாளா 36:6 2நாளா 36:17 ஏசா 23:13 ஏசா 39:6 ஏசா 39:7 எரே 1:15 எரே 1:16 எரே 4:6 எரே 4:8 எரே 5:15 எரே 6:22 எரே 6:23 எரே 21:4 எரே 25:9
7	அவர்கள் கெடியும் பயங்கரமுமானவர்கள்; அவர்களுடைய நியாயமும் அவர்களுடைய மேன்மையும் அவர்களாலேயே உண்டாகும்.	எரே 39:5-9 எரே 52:9-11 எரே 52:25-27 உபா 5:19 உபா 5:27
8	அவர்களுடைய குதிரைகள் சிவிங்கிகளிலும் வேகமும், சாயங்காலத்தில் திரிகிற ஓநாய்களிலும் தீவிரமுமாயிருக்கும்; அவர்களுடைய குதிரைவீரர் பரவுவார்கள்; அவர்களுடைய குதிரைவீரர் தூரத்திலிருந்து வருவார்கள்; இரைக்குத் தீவிரிக்கிற கழுகுகளைப்போல் பறந்து வருவார்கள்.	உபா 28:49 ஏசா 5:26-28
9	அவர்களெல்லாரும் கொடுமை செய்யவருவார்கள்; அவர்களுடைய முகங்கள் சுவறச் செய்யும் கீழ்க்காற்றைப்போலிருக்கும்; அவர்கள் மணலத்தனை ஜனங்களைச் சிறைபிடித்துச் சேர்ப்பார்கள்.	ஆபகூ 1:6 ஆபகூ 2:5-13 உபா 28:51 உபா 28:52 எரே 4:7 எரே 5:15-17 எரே 25:9
10	அவர்கள் ராஜாக்களை ஆகடியம்பண்ணுவார்கள்; அதிபதிகள் அவர்களுக்குப் பரியாசமாயிருப்பார்கள்; அவர்கள் அரண்களையெல்லாம் பார்த்து நகைத்து, மண்மேடுகளைக் குவித்து அவைகளைப் பிடிப்பார்கள்.	2இரா 24:12 2இரா 25:6 2இரா 25:7 2நாளா 36:6 2நாளா 36:10
11	அப்பொழுது அவனுடைய மனம்மாற, அவன் தன் பெலன் தன் தேவனாலே உண்டானதென்று சொல்லி மிஞ்சிப்போய்க் குற்றவாளியாவான்.	தானி 4:30-34
12	கர்த்தாவே, நீர் பூர்வகாலமுதல் என் தேவனும், என் பரிசுத்தருமானவர் அல்லவா? நாங்கள் சாவதில்லை; கர்த்தாவே, நியாயத்தீர்ப்புச் செய்ய அவனை வைத்தீர்; கன்மலையே, தண்டனை செய்ய அவனை நியமித்தீர்.	உபா 33:27 சங் 90:2 சங் 93:2 ஏசா 40:28 ஏசா 57:15 புலம் 5:19 மீகா 5:2 1தீமோ 1:17 1தீமோ 6:16 எபிரெ 1:10-12 எபிரெ 13:8 வெளிப் 1:8 வெளிப் 1:11
13	தீமையைப் பார்க்கமாட்டாத சுத்தக்கண்ணனே, அநியாயத்தை நோக்கிக்கொண்டிருக்கமாட்டீரே; பின்னை துரோகிகளை நீர் நோக்கிக் கொண்டிருக்கிறதென்ன? துன்மார்க்கன் தன்னைப் பார்க்கிலும் நீதிமானை விழுங்கும்போது நீர் மௌனமாயிருக்கிறதென்ன?	யோபு 15:15 சங் 5:4 சங் 5:5 சங் 11:4-7 சங் 34:15 சங் 34:16 1பேது 1:15 1பேது 1:16
14	மனுஷரைச் சமுத்திரத்து மச்சங்களுக்கும், அதிகாரியில்லாத ஊர்வனவற்றிற்கும் சமானமாக்குகிறதென்ன?	நீதி 6:7
15	அவர்களெல்லாரையும் தூண்டிலினால் இழுத்துக்கொள்ளுகிறான்; அவர்களைத் தன் வலையினால் பிடித்து, தன் பறியிலே சேர்த்துக்கொள்ளுகிறான்; அதினால் சந்தோஷப்பட்டுக் களிகூருகிறான்.	எரே 16:16 எசே 29:4 எசே 29:5 ஆமோ 4:2 மத் 17:27
16	ஆகையால் அவைகளினால் தன் பங்கு கொழுப்புள்ளதும், தன் போஜனம் ருசிகரமுள்ளதுமாயிற்று என்று சொல்லி அவன் தன் வலைக்குப் பலியிட்டுத் தன் பறிக்குத் தூபங்காட்டுகிறான்.	ஆபகூ 1:11 உபா 8:17 ஏசா 10:13-15 ஏசா 37:24 எசே 28:3 எசே 29:3 தானி 4:30 தானி 5:23
17	இதற்காக அவன் தன் வலையை இழுத்து அதிலுள்ளவைகளைக் கொட்டிக்கொண்டிருந்து, இரக்கமில்லாமல் ஜாதிகளை எப்போதும் கொன்றுபோடவேண்டுமோ?	ஆபகூ 1:9 ஆபகூ 1:10 ஆபகூ 2:5-8 ஆபகூ 2:17-8 ஏசா 14:16 ஏசா 14:17 எரே 25:9-26 எரே 46:1-49 எரே 52:1-34 எசே 25:1-30