1	ஐயோ! உஷ்ணகாலத்துக் கனிகளைச் சேர்த்து, திராட்சபழங்களை அறுத்தபின்பு வருகிறவனைப்போல் இருக்கிறேன்; புசிக்கிறதற்கு ஒரு திராட்சக்குலையும் என் ஆத்துமா இச்சித்த முதல் அறுப்பின் கனியும் இல்லை.	சங் 120:5 ஏசா 6:5 ஏசா 24:16 எரே 4:31 எரே 15:10 எரே 45:3
2	தேசத்தில் பக்தியுள்ளவன் அற்றுப்போனான்; மனுஷரில் செம்மையானவன் இல்லை; அவர்களெல்லாரும் இரத்தஞ்சிந்தப் பதிவிருக்கிறார்கள்; அவனவன் தன்தன் சகோதரனை வலையிலே பிடிக்க வேட்டையாடுகிறான்.	சங் 12:1 சங் 14:1-3 ஏசா 57:1 ரோம 3:10-18
3	பொல்லாப்புச் செய்ய அவர்கள் இரண்டு கைகளும் நன்றாய்க் கூடும்; அதிபதி கொடு என்கிறான்; நியாயாதிபதி கைக்கூலி கேட்கிறான்; பெரியவன் தன் துராசையைத் தெரிவிக்கிறான்; இவ்விதமாய்ப் புரட்டுகிறார்கள்.	நீதி 4:16 நீதி 4:17 எரே 3:5 எசே 22:6
4	அவர்களில் நல்லவன் முட்செடிக்கொத்தவன், செம்மையானவன் நெரிஞ்சிலைப்பார்க்கக் கடுங்கூர்மையானவன்; உன் காவற்காரர் அறிவித்த உன் தண்டனையின் நாள் வருகிறது; இப்பொழுதே அவர்களுக்குக் கலக்கம் உண்டு.	2சாமு 23:6 2சாமு 23:7 ஏசா 55:13 எசே 2:6 எபிரெ 6:8
5	சிநேகிதனை விசுவாசிக்கவேண்டாம், வழிகாட்டியை நம்பவேண்டாம்; உன் மடியிலே படுத்துக்கொள்ளுகிறவளுக்கு முன்பாக உன் வாயைத் திறவாமல் எச்சரிக்கையாயிரு.	யோபு 6:14 யோபு 6:15 சங் 118:8 சங் 118:9 எரே 9:4 மத் 10:16
6	மகன் தகப்பனைக் கனவீனப்படுத்துகிறான்; மகள் தன் தாய்க்கு விரோதமாகவும், மருமகள் தன் மாமிக்கு விரோதமாகவும் எழும்புகிறார்கள்; மனுஷனுடைய சத்துருக்கள் அவன் வீட்டார்தானே.	ஆதி 9:22-24 ஆதி 49:4 2சாமு 15:10-12 2சாமு 16:11 2சாமு 16:21-23 நீதி 30:11 நீதி 30:17 எசே 22:7 மத் 10:21 மத் 10:35 மத் 10:36 லூக் 12:53 லூக் 21:16 2தீமோ 3:2 2தீமோ 3:3
7	நானோவென்றால் கர்த்தரை நோக்கிக்கொண்டு, என் இரட்சிப்பின் தேவனுக்குக் காத்திருப்பேன்; என் தேவன் என்னைக் கேட்டருளுவார்.	சங் 34:5 சங் 34:6 சங் 55:16 சங் 55:17 சங் 109:4 சங் 142:4 சங் 142:5 ஏசா 8:17 ஏசா 45:22 ஆபகூ 3:17-19 லூக் 6:11 லூக் 6:12
8	என் சத்துருவே, எனக்கு விரோதமாய்ச் சந்தோஷப்படாதே; நான் விழுந்தாலும் எழுந்திருப்பேன்; நான் இருளிலே உட்கார்ந்தால், கர்த்தர் எனக்கு வெளிச்சமாயிருப்பார்.	யோபு 31:29 சங் 13:4-6 சங் 35:15 சங் 35:16 சங் 35:19 சங் 35:24-26 சங் 38:16 நீதி 24:17 நீதி 24:18 எரே 50:11 புலம் 4:21 புலம் 4:22 எசே 25:6 எசே 35:15 ஒபதி 1:12 யோவா 16:20 வெளிப் 11:10-12
9	நான் கர்த்தருக்கு விரோதமாகப் பாவஞ்செய்தேன்; அவர் எனக்காக வழக்காடி என் நியாயத்தை விசாரிக்குமட்டும் அவருடைய கோபத்தைச் சுமப்பேன்; அவர் என்னை வெளிச்சத்திலே கொண்டுவருவார், அவருடைய நீதியைப் பார்ப்பேன்.	லேவி 26:41 1சாமு 3:18 2சாமு 16:11 2சாமு 16:12 2சாமு 24:17 யோபு 34:31 யோபு 34:32 புலம் 1:18 புலம் 3:39-42 லூக் 15:18 லூக் 15:19 எபிரெ 12:6 எபிரெ 12:7
10	உன் தேவனாகிய கர்த்தர் எங்கே என்று என்னோடே சொல்லுகிற என் சத்துருவானவள் அதைப் பார்க்கும்போது வெட்கம் அவளை மூடும்; என் கண்கள் அவளைக் காணும்; இனி வீதிகளின் சேற்றைப்போல மிதிக்கப்படுவாள்.	சங் 137:8 சங் 137:9 ஏசா 47:5-9 எரே 50:33 எரே 50:34 எரே 51:8-10 எரே 51:24-10 நாகூ 2:1-3 வெளிப் 17:1-7
11	உன் மதில்களை எடுப்பிக்கும் நாள் வருகிறது; அந்நாளிலே பிரமாணம் வெகுதூரம் பரவிப்போகும்.	நெகே 2:17 நெகே 3:1-16 நெகே 4:3 நெகே 4:6 தானி 9:25 ஆமோ 9:11-15
12	அந்நாளிலே அசீரியா முதல் எகிப்தின் பட்டணங்கள் வரைக்கும், எகிப்து முதல் நதிவரைக்கும், ஒரு சமுத்திரமுதல் மறு சமுத்திரம்வரைக்கும், ஒரு பர்வதமுதல் மறு பர்வதம்வரைக்குமுள்ள ஜனங்கள் உன்னிடத்திற்கு வருவார்கள்.	ஏசா 11:16 ஏசா 19:23-25 ஏசா 27:12 ஏசா 27:13 ஏசா 43:6 ஏசா 49:12 ஏசா 60:4-9 ஏசா 66:19 ஏசா 66:20 எரே 3:18 எரே 23:3 எரே 31:8 எசே 37:21 எசே 29:21 ஓசி 11:11
13	ஆனாலும் தன் குடிகளினிமித்தமும் அவர்கள் கிரியைகளுடைய பலன்களினிமித்தமும் தேசம் பாழாயிருக்கும்.	லேவி 26:33-39 ஏசா 6:11-13 ஏசா 24:3-8 எரே 25:11 தானி 4:26 தானி 4:27 லூக் 21:20-24
14	கர்மேலின் நடுவிலே தனித்து வனவாசமாயிருக்கிற உமது சுதந்தரமான மந்தையாகிய உம்முடைய ஜனத்தை உமது கோலினால் மேய்த்தருளும்; பூர்வநாட்களில் மேய்ந்தது போலவே அவர்கள் பாசானிலும் கீலேயாத்திலும் மேய்வார்களாக.	மீகா 5:4 சங் 23:1-4 சங் 28:9 சங் 95:7 சங் 100:3 ஏசா 40:11 ஏசா 49:10 மத் 2:6 யோவா 10:27-30
15	நீ எகிப்து தேசத்திலிருந்து புறப்பட்டநாளில் நடந்ததுபோலவே உன்னை அதிசயங்களைக் காணப்பண்ணுவேன்.	சங் 68:22 சங் 78:12-72 ஏசா 11:16 ஏசா 51:9 ஏசா 63:11-15 எரே 23:7 எரே 23:8
16	புறஜாதிகள் கண்டு தங்களுடைய எல்லாப் பராக்கிரமத்தையுங்குறித்து வெட்கப்படுவார்கள்; கையை வாயின்மேல் வைத்துக்கொள்வார்கள்; அவர்கள் காதுகள் செவிடாய்ப் போகும்.	மீகா 5:8 சங் 126:2 ஏசா 26:11 ஏசா 66:18 எசே 38:23 எசே 39:17-21 சகரி 8:20-23 சகரி 12:9 வெளிப் 11:18
17	பாம்பைப்போல மண்ணை நக்குவார்கள்; பூமியின் ஊர்வனவற்றைப்போலத் தங்கள் மறைவிடங்களிலிருந்து நடுநடுங்கிப் புறப்படுவார்கள்; நமது தேவனாகிய கர்த்தரிடத்திற்குத் திகிலோடே சேர்ந்து, உனக்குப் பயப்படுவார்கள்.	ஆதி 3:14 ஆதி 3:15 சங் 72:9 ஏசா 49:23 ஏசா 60:14 ஏசா 65:25 புலம் 3:29 வெளிப் 3:9
18	தமது சுதந்தரத்தில் மீதியானவர்களுடைய அக்கிரமத்தைப் பொறுத்து, மீறுதலை மன்னிக்கிற தேவரீருக்கு ஒப்பான தேவன் யார்? அவர் கிருபை செய்ய விரும்புகிறபடியால் அவர் என்றென்றைக்கும் கோபம் வையார்.	யாத் 15:11 உபா 33:26 1இரா 8:23 சங் 35:10 சங் 71:19 சங் 89:6 சங் 89:8 சங் 113:5 சங் 113:6 ஏசா 40:18 ஏசா 40:25 ஏசா 46:8 ஏசா 46:9
19	அவர் திரும்ப நம்மேல் இரங்குவார்; நம்முடைய அக்கிரமங்களை அடக்கி, நம்முடைய பாவங்களையெல்லாம் சமுத்திரத்தின் ஆழங்களில் போட்டுவிடுவார்.	உபா 30:3 உபா 32:36 எஸ்றா 9:8 எஸ்றா 9:9 சங் 90:13 சங் 90:14 ஏசா 63:15-17 எரே 31:20 புலம் 3:32 ஓசி 14:4
20	தேவரீர் பூர்வநாட்கள்முதல் எங்கள் பிதாக்களுக்கு ஆணையிட்ட சத்தியத்தை யாக்கோபுக்கும், கிருபையை ஆபிரகாமுக்கும் கட்டளையிடுவீராக.	ஆதி 12:2 ஆதி 12:3 ஆதி 17:7 ஆதி 17:8 ஆதி 22:16-18 ஆதி 26:3 ஆதி 26:4 ஆதி 28:13 ஆதி 28:14 சங் 105:8-10 எரே 33:25 எரே 33:26 லூக் 1:54 லூக் 1:55 லூக் 1:72-74 அப் 3:25 அப் 3:26 ரோம 11:26-31 எபிரெ 6:13-18