1	இஸ்ரவேல் புத்திரரே, கர்த்தருடைய வார்த்தையைக் கேளுங்கள்; தேசத்துக்குடிகளோடே கர்த்தருக்கு வழக்கு இருக்கிறது; அதேனென்றால் தேசத்திலே உண்மையும் இல்லை, இரக்கமும் இல்லை; தேவனைப்பற்றிய அறிவும் இல்லை.	1இரா 22:19 ஏசா 1:10 ஏசா 28:14 ஏசா 34:1 ஏசா 66:5 எரே 2:4 எரே 7:2 எரே 9:20 எரே 19:3 எரே 34:4 ஆமோ 7:16 வெளிப் 2:11 வெளிப் 2:29
2	பொய்யாணையிட்டு, பொய்சொல்லி, கொலைசெய்து, திருடி, விபசாரம்பண்ணி, மிஞ்சி மிஞ்சிப்போகிறார்கள்; இரத்தப்பழிகளோடே இரத்தப்பழிகள் சேருகிறது.	ஏசா 24:5 ஏசா 48:1 ஏசா 59:2-8 ஏசா 59:12-15 எரே 5:1 எரே 5:2 எரே 5:7-9 எரே 5:26-9 எரே 5:27-9 எரே 6:7 எரே 7:6-10 எரே 9:2-8 எரே 23:10-14 எசே 22:2-13 எசே 22:25-30 மீகா 2:1-3 மீகா 3:2 மீகா 3:9 மீகா 6:10 மீகா 7:2 செப் 3:1 சகரி 5:3 சகரி 7:9
3	இதினிமித்தம் தேசம் புலம்பும்; அதில் குடியிருக்கிற அனைவரோடுங்கூட மிருகஜீவன்களும் ஆகாயத்துப் பறவைகளும் தொய்ந்துபோகும்; கடலின் மச்சங்களும் வாரிக்கொள்ளப்படும்.	ஏசா 24:4-12 எரே 4:27 யோவே 1:10-13 ஆமோ 1:2 ஆமோ 5:16 ஆமோ 8:8 நாகூ 1:4
4	ஆகிலும் ஒருவனும் நியாயத்தைக் காண்பிக்கவும், ஒருவனும் அவர்களைக் கடிந்துகொள்ளவும் கூடாது; உன் ஜனங்கள் ஆசாரியனோடே வழக்காடுகிறவர்களைப்போல இருக்கிறார்கள்.	ஓசி 4:17 ஆமோ 5:13 ஆமோ 6:10 மத் 7:3-6
5	ஆகையால் நீ பகலிலே இடறிவிழுவாய்; இரவிலே உன்னோடேகூடத் தீர்க்கதரிசியும் இடறிவிழுவான்; உன் தாயை நான் சங்காரம்பண்ணுவேன்.	ஓசி 9:7 ஓசி 9:8 ஏசா 9:13-17 எரே 6:4 எரே 6:5 எரே 6:12-15 எரே 8:10-12 எரே 14:15 எரே 14:16 எரே 15:8 எரே 23:9 எசே 13:9-16 எசே 14:8-10 மீகா 3:5-7 சகரி 11:8 சகரி 13:2
6	என் ஜனங்கள் அறிவில்லாமையினால் சங்காரமாகிறார்கள்; நீ அறிவை வெறுத்தாய், ஆகையால் நீ என் ஆசாரியனாயிராதபடிக்கு நானும் உன்னை வெறுத்துவிடுவேன்; நீ உன் தேவனுடைய வேதத்தை மறந்தாய், ஆகையால் நானும் உன் பிள்ளைகளை மறந்துவிடுவேன்.	ஓசி 4:12 ஏசா 1:3 ஏசா 3:12 ஏசா 5:13 எரே 4:22 எரே 8:7
7	அவர்கள் எவ்வளவாய்ப் பெருகினார்களோ, அவ்வளவாய் எனக்கு விரோதமாய்ப் பாவஞ்செய்தார்கள்; அவர்களுடைய மகிமையை இலச்சையாக மாறப்பண்ணுவேன்.	ஓசி 4:10 ஓசி 5:1 ஓசி 6:9 ஓசி 13:6 ஓசி 13:14 எஸ்றா 9:7
8	அவர்கள் என் ஜனத்தின் பாவத்தைத் தின்று, அவர்களுடைய அக்கிரமத்தின்பேரில் பசிதாகமாயிருக்கிறார்கள்.	லேவி 6:26 லேவி 7:6 லேவி 7:7
9	ஆதலால் ஜனங்களுக்கு எப்படியோ ஆசாரியனுக்கும் அப்படியே; அவர்கள் வழிகளின்படி நான் அவர்களை விசாரித்து, அவர்கள் கிரியைகளின்படி அவர்களுக்குப் பலனளிப்பேன்.	ஏசா 9:14-16 ஏசா 24:2 எரே 5:31 எரே 8:10-12 எரே 23:11 எரே 23:12 எசே 22:26-31 மத் 15:14
10	அவர்கள் கர்த்தரை மதியாமலிருக்கிறபடியினால் அவர்கள் தின்றாலும் திருப்தியடையாதிருப்பார்கள்; அவர்கள் வேசித்தனம்பண்ணினாலும் பலுகாதிருப்பார்கள்.	லேவி 26:26 நீதி 13:25 ஏசா 65:13-16 மீகா 6:14 ஆகா 1:6 மல்கி 2:1-3
11	வேசித்தனமும் திராட்சரசமும் மதுபானமும் இருதயத்தை மயக்கும்.	ஓசி 4:12 நீதி 6:32 நீதி 20:1 நீதி 23:27-35 பிரச 7:7 ஏசா 5:12 ஏசா 28:7 லூக் 21:34 ரோம 13:11-14
12	என் ஜனங்கள் கட்டையினிடத்தில் ஆலோசனை கேட்கிறார்கள்; அவர்களுடைய கோல் அவர்களுக்குச் செய்தியை அறிவிக்குமென்றிருக்கிறார்கள்; வேசித்தன ஆவி அவர்களை வழிதப்பித் திரியப்பண்ணிற்று; அவர்கள் தங்கள் தேவனுக்குக் கீழ்ப்பட்டிராமல் சோரமார்க்கம்போனார்கள்.	எரே 2:27 எரே 10:8 எசே 21:21 ஆபகூ 2:19
13	அவர்கள் மலையுச்சியில் பலியிட்டு, மேடுகளிலே கர்வாலிமரங்களின் கீழும், புன்னைமரங்களின் கீழும், அரசமரங்களின் கீழும், அவைகளின் நிழல் நல்லதென்று, தூபங்காட்டுகிறார்கள்; இதினிமித்தம் உங்கள் குமாரத்திகள் வேசித்தனமும், உங்கள் மருமக்கள்மார் விபசாரமும் செய்கிறார்கள்.	ஏசா 1:29 ஏசா 57:5 ஏசா 57:7 எரே 3:6 எரே 3:13 எசே 6:13 எசே 16:16 எசே 16:25 எசே 20:28 எசே 20:29
14	உங்கள் குமாரத்திகள் வேசித்தனம் செய்கிறதினிமித்தமும், உங்கள் மருமக்கள்மார் விபசாரம் செய்கிறதினிமித்தமும், நான் அவர்களை தண்டியாமலிருப்பேனோ? அவர்கள் விலகி வேசிகளோடே கூடப்போய் தாசிகளோடே பலியிடுகிறார்கள்; உணர்வில்லாத ஜனங்கள் அதினால் சிக்குண்டு விழுவார்கள்.	ஓசி 4:17 ஏசா 1:5 எபிரெ 12:8
15	இஸ்ரவேலே, நீ சோரம்போனாலும், யூதாவாகிலும் அந்தப் பாவத்துக்குள்ளாகாதிருப்பதாக; கில்காலுக்கு வராமலும், பெத்தாவேனுக்குப் போகாமலும் கர்த்தருடைய ஜீவனாணை என்று ஆணையிடாமலும் இருப்பீர்களாக.	ஓசி 4:12 எரே 3:6-10 எசே 23:4-8
16	இஸ்ரவேல் அடங்காத கிடாரியைப்போல் அடங்காதிருக்கிறது; இப்போது கர்த்தர் அவர்களை விஸ்தாரமான வெளியிலே ஆட்டுக்குட்டியைப்போல் மேய்ந்து அலையப்பண்ணுவார்.	ஓசி 11:7 1சாமு 15:11 எரே 3:6 எரே 3:8 எரே 3:11 எரே 5:6 எரே 7:24 எரே 8:5 எரே 14:7 சகரி 7:11
17	எப்பிராயீம் விக்கிரகங்களோடு இணைந்திருக்கிறான், அவனைப் போகவிடு.	ஓசி 11:2 ஓசி 12:1 ஓசி 13:2
18	அவர்களுடைய மதுபானம் புளித்தது, அவர்கள் எப்போதும் சோரம்போகிறார்கள்; அவர்களுடைய அதிபதிகள் தாருங்களென்று இலச்சையானதை நாடுகிறார்கள்.	உபா 32:32 உபா 32:33 ஏசா 1:21 ஏசா 1:22 எரே 2:21
19	காற்று அவர்களைத் தன் செட்டைகளில் இறுகப்பிடிக்கும்; அவர்கள் தங்கள் பலிகளால் வெட்கப்படுவார்கள்.	எரே 4:11 எரே 4:12 எரே 51:1 சகரி 5:9-11