1	கர்த்தருடைய வார்த்தை எனக்கு உண்டாகி, அவர்:
2	பிதாக்கள் திராட்சக்காய்களைத் தின்றார்கள், பிள்ளைகளின் பற்கள் கூசிப்போயின என்னும் பழமொழியை நீங்கள் இஸ்ரவேல் தேசத்தைக்குறித்துச் சொல்லுகிறது என்ன?	எசே 17:12 ஏசா 3:15 ரோம 9:20
3	இனி இஸ்ரவேலில் இந்தப் பழமொழியைச் சொல்வது இல்லை என்பதை என் ஜீவனைக்கொண்டு சொல்லுகிறேன் என்று கர்த்தராகிய ஆண்டவர் உரைக்கிறார்.	எசே 18:19 எசே 18:20 எசே 18:30 எசே 33:11-20 எசே 36:31 எசே 36:32 ரோம 3:19
4	இதோ, எல்லா ஆத்துமாக்களும் என்னுடையவைகள்; தகப்பனின் ஆத்துமா எப்படியோ, அப்படியே மகனின் ஆத்துமாவும் என்னுடையது; பாவஞ்செய்கிற ஆத்துமாவே சாகும்.	எண் 16:22 எண் 27:16 சகரி 12:1 எபிரெ 12:9
5	ஒருவன் நீதிமானாயிருந்து, நியாயத்தையும் நீதியையும் செய்து,	சங் 15:2-5 சங் 24:4-6 மத் 7:21-27 ரோம 2:7-10 யாக் 1:22-25 யாக் 2:14-26 1யோவா 2:3 1யோவா 2:29 1யோவா 3:7 1யோவா 5:2-5 வெளிப் 22:14
6	மலைகளின்மேல் சாப்பிடாமலும், இஸ்ரவேல் வம்சத்தாரின் நரகலான விக்கிரகங்களுக்கு நேராகத் தன் கண்களை ஏறெடுக்காமலும் தன் அயலானுடைய மனைவியைத் தீட்டுபடுத்தாமலும் தூரஸ்திரீயோடே சேராமலும்,	எசே 18:11 எசே 18:15 எசே 6:13 எசே 20:28 எசே 22:9 யாத் 34:15 எண் 25:2 1கொரி 10:20
7	ஒருவனையும் ஒடுக்காமலும், கொள்ளையிடாமலுமிருந்து, கடன் வாங்கினவனுக்கு அடைமானத்தைத் திரும்பக்கொடுத்து, தன் அப்பத்தைப் பசித்தவனுக்குப் பங்கிட்டு, வஸ்திரமில்லாதவனுக்கு வஸ்திரம் தரிப்பித்து,	எசே 18:12 எசே 18:16 எசே 18:18 எசே 22:12 எசே 22:13 எசே 22:27-29 யாத் 22:21-24 யாத் 23:9 லேவி 19:15 லேவி 25:14 1சாமு 12:3 1சாமு 12:4 யோபு 31:13-22 நீதி 3:31 நீதி 14:31 நீதி 22:22 நீதி 22:23 ஏசா 1:17 ஏசா 5:7 ஏசா 33:15 ஏசா 58:6 எரே 7:6 எரே 7:7 ஆமோ 2:6 ஆமோ 8:4-6 மீகா 2:1 மீகா 3:2 சகரி 7:9-11 மல்கி 3:5 யாக் 5:1-6
8	வட்டிக்குக் கொடாமலும், பொலிசை வாங்காமலும், அநியாயத்துக்குத் தன் கையை விலக்கி, மனிதருக்குள்ளவழக்கை உண்மையாய்த் தீர்த்து,	எசே 18:13 எசே 18:17 எசே 22:12 யாத் 22:25 லேவி 25:35-37 உபா 23:19 உபா 23:20 நெகே 5:1-11 சங் 15:5 நீதி 28:8 எரே 15:10
9	என் கட்டளைகளின்படி நடந்து, என் நியாயங்களைக் கைக்கொண்டு, உண்மையாயிருப்பானாகில் அவனே நீதிமான்; அவன் பிழைக்கவே பிழைப்பான் என்று கர்த்தராகிய ஆண்டவர் சொல்லுகிறார்.	எசே 18:17 எசே 20:13 எசே 33:15 எசே 36:27 எசே 37:24 உபா 4:1 உபா 5:1 உபா 6:1 உபா 6:2 உபா 10:12 உபா 10:13 உபா 11:1 நெகே 9:13 நெகே 9:14 சங் 19:7-11 சங் 105:44 சங் 105:45 சங் 119:1-6 லூக் 1:6 யோவா 14:21 அப் 24:16 யாக் 1:22-25
10	ஆனாலும் அவனுக்கு ஒரு குமாரன் பிறந்து, அவன் கள்ளனும் இரத்தஞ்சிந்துகிறவனும், மேற்சொல்லிய கடமைகளின்படி நடவாமல்,	லேவி 19:13 மல்கி 3:8 மல்கி 3:9 யோவா 18:40
11	இவைகளில் ஒன்றுக்கொப்பானதைச் செய்கிறவனுமாயிருந்து, மலைகளின்மேல் சாப்பிட்டு, தன் அயலானுடைய மனைவியைத் தீட்டுப்படுத்தி,	எசே 18:7 மத் 7:21-27 லூக் 11:28 யோவா 13:17 யோவா 15:14 பிலிப் 4:9 யாக் 2:17 1யோவா 3:22 வெளிப் 22:14
12	சிறுமையும் எளிமையுமானவனை ஒடுக்கி, கொள்ளைக்காரனாயிருந்து, அடைமானத்தைத் திரும்பக் கொடாமல், நரகலான விக்கிரகங்களுக்கு நேராக தன் கண்களை ஏறெடுத்து, அருவருப்பானதைச் செய்து,	எசே 18:7 எசே 18:16 ஓசி 12:7 ஆமோ 4:1 சகரி 7:10 யாக் 2:6
13	வட்டிக்குக் கொடுத்து, பொலிசை வாங்கினால், அவன் பிழைப்பானோ? அவன் பிழைப்பதில்லை; இந்த எல்லா அருவருப்புகளையும் செய்தானே; அவன் சாகவே சாவான்; அவன் இரத்தப்பழி அவன்மேல் இருக்கும்.	எசே 18:8 எசே 18:17
14	பின்னும், இதோ, அவனுக்கு ஒரு குமாரன் பிறந்து, அவன் தன் தகப்பன் செய்த எல்லாப் பாவங்களையும் கண்டு, தான் அவைகளின்படி செய்யாதபடிக்கு எச்சரிக்கையாயிருந்து,	எசே 18:10 நீதி 17:21 நீதி 23:24
15	மலைகளின்மேல் சாப்பிடாமலும், இஸ்ரவேல் வம்சத்தாரின் நரகலான விக்கிரகங்களுக்கு நேராகத் தன் கண்களை ஏறெடுக்காமலும், தன் அயலானுடைய மனைவியைத் தீட்டுப்படுத்தாமலும்,	எசே 18:6 எசே 18:7 எசே 18:11-13
16	ஒருவனையும் ஒடுக்காமலும், அடைமானத்தை வைத்துக்கொண்டிராமலும், கொள்ளையிடாமலும், தன் அப்பத்தைப் பசித்தவனுக்குப் பங்கிட்டு, வஸ்திரமில்லாதவனுக்கு வஸ்திரந்தரிப்பித்து,	யோபு 22:7 யோபு 31:19 நீதி 22:9 நீதி 25:21 நீதி 31:20 பிரச 11:1 பிரச 11:2 ஏசா 58:7-10 லூக் 11:41 லூக் 14:13
17	சிறுமையானவனுக்கு நோவுண்டாக்காதபடித் தன் கையை விலக்கி, வட்டியும் பொலிசையும் வாங்காமலிருந்து என் நியாயங்களின்படி செய்து, என் கட்டளைகளில் நடந்தால், அவன் தன் தகப்பனுடைய அக்கிரமத்தினிமித்தம் சாகாமல் பிழைக்கவே பிழைப்பான்.	எசே 18:8 யோபு 29:16 நீதி 14:31 நீதி 29:7 நீதி 29:14 எரே 22:16 தானி 4:27 மத் 18:27-35 லூக் 19:8
18	அவன் தகப்பனோவென்றால் கொடுமைசெய்து, சகோதரனைக் கொள்ளையிட்டு, தகாததைத் தன் ஜனங்களின் நடுவிலே செய்தபடியினால், இதோ, இவன் தன் அக்கிரமத்திலே சாவான்.	எசே 18:4 எசே 18:20 எசே 18:24 எசே 18:26 எசே 3:18 ஏசா 3:11 யோவா 8:21 யோவா 8:24
19	இதெப்படி, குமாரன் தகப்பனுடைய அக்கிரமத்தைச் சுமக்கிறதில்லையா என்று நீங்கள் கேட்டால், குமாரன் நியாயத்தையும் நீதியையும் செய்து, என் கட்டளைகளைக் கைக்கொண்டு, அவைகளின்படி செய்ததினால், அவன் பிழைக்கவே பிழைப்பான்.	யாத் 20:5 உபா 5:9 2இரா 23:26 2இரா 24:3 2இரா 24:4 எரே 15:4 புலம் 5:7
20	பாவஞ்செய்கிற ஆத்துமாவே சாகும்; குமாரன் தகப்பனுடைய அக்கிரமத்தைச் சுமப்பதுமில்லை, தகப்பன் குமாரனுடைய அக்கிரமத்தைச் சுமப்பதுமில்லை; நீதிமானுடைய நீதி அவன்மேல் தான் இருக்கும், துன்மார்க்கனுடைய துன்மார்க்கமும் அவன்மேல் தான் இருக்கும்.	எசே 18:4 எசே 18:13 உபா 24:16 1இரா 14:13 2இரா 14:6 2இரா 22:18-20 2நாளா 25:4 எரே 31:29 எரே 31:30
21	துன்மார்க்கன் தான் செய்த எல்லாப் பாவங்களையும் விட்டுத் திரும்பி, என் கட்டளைகளையெல்லாம் கைக்கொண்டு, நியாயத்தையும் நீதியையும் செய்வானேயாகில், அவன் பிழைக்கவே பிழைப்பான், அவன் சாவதில்லை.	எசே 18:27 எசே 18:28 எசே 18:30 எசே 33:11-16 எசே 33:19-16 2நாளா 33:12 2நாளா 33:13 நீதி 28:13 ஏசா 1:16-20 ஏசா 55:6 ஏசா 55:7 லூக் 24:47 அப் 3:19 அப் 26:18-20 1தீமோ 1:13-16 யாக் 4:8-10
22	அவன் செய்த எல்லா மீறுதல்களும் நினைக்கப்படுவதில்லை; அவன் தான் செய்த நீதியிலே பிழைப்பான்.	எசே 18:24 எசே 33:16 1இரா 17:18 சங் 25:7 சங் 32:1 சங் 32:2 சங் 51:1 சங் 103:12 ஏசா 43:25 எரே 31:34 எரே 50:20 மீகா 7:19 ரோம 8:1 எபிரெ 8:12 எபிரெ 10:3 எபிரெ 10:4
23	துன்மார்க்கன் சாகிறது எனக்கு எவ்வளவேனும் பிரியமோ? அவன் தன் வழிகளை விட்டுத் திரும்பிப் பிழைப்பது அல்லவோ எனக்குப் பிரியம் என்று கர்த்தராகிய ஆண்டவர் சொல்லுகிறார்.	எசே 18:32 எசே 33:11 புலம் 3:33 ஓசி 11:8 1தீமோ 2:4 2பேது 3:9
24	நீதிமான் தன் நீதியைவிட்டுவிலகி, அநீதி செய்து, துன்மார்க்கன் செய்கிற சகல அருவருப்புகளின்படியும் செய்வானேயாகில், அவன் பிழைப்பானோ? அவன் செய்த அவனுடைய எல்லா நீதிகளும் நினைக்கப்படுவதில்லை; அவன் செய்த தன் துரோகத்திலேயும் அவன் செய்த தன் பாவத்திலேயும் சாவான்.	எசே 18:26 எசே 3:20 எசே 3:21 எசே 33:12 எசே 33:13 எசே 33:18 1சாமு 15:11 2நாளா 24:2 2நாளா 24:17-22 சங் 36:3 சங் 36:4 சங் 125:5 செப் 1:6 மத் 13:20 மத் 13:21 யோவா 6:66-70 கலா 5:7 எபிரெ 10:38 எபிரெ 10:39 2பேது 2:18-22 1யோவா 2:19 1யோவா 5:16-18 யூதா 1:12
25	நீங்களோ, ஆண்டவருடைய வழி செம்மையாய் இருக்கவில்லை என்கிறீர்கள்; இஸ்ரவேல் வம்சத்தாரே, கேளுங்கள்; என் வழி செம்மையாயிராதோ? உங்கள் வழிகள் அல்லவோ செம்மையல்லாததாயிருக்கிறது.	எசே 18:29 எசே 33:17 எசே 33:20 யோபு 32:2 யோபு 34:5-10 யோபு 35:2 யோபு 40:8 யோபு 42:4-6 மல்கி 2:17 மல்கி 3:13-15 மத் 20:11-15 ரோம 3:5 ரோம 3:20 ரோம 9:20 ரோம 10:3
26	நீதிமான் தன் நீதியைவிட்டு விலகி, அநீதிசெய்து அதிலே செத்தால், அவன் செய்த தன் அநீதியினிமித்தம் அவன் சாவான்.
27	துன்மார்க்கன் தான் செய்த துன்மார்க்கத்தைவிட்டு விலகி, நியாயத்தையும் நீதியையும் செய்வானேயாகில், அவன் தன் ஆத்துமாவைப் பிழைக்கப்பண்ணுவான்.	எசே 18:21 ஏசா 1:18 ஏசா 55:7 மத் 9:13 மத் 21:28-32 அப் 3:19 அப் 20:21 அப் 26:20
28	அவன் எச்சரிப்படைந்து, தான் செய்த எல்லா மீறுதல்களையும் விட்டுத் திரும்புகிறபடியினாலே அவன் பிழைக்கவே பிழைப்பான், அவன் சாவதில்லை.	எசே 18:14 எசே 12:3 உபா 32:29 சங் 119:1 சங் 119:6 சங் 119:59 எரே 31:18-20 லூக் 15:17 லூக் 15:18
29	இஸ்ரவேல் வம்சத்தாரோ: ஆண்டவருடைய வழி செம்மையாய் இருக்கவில்லை என்கிறார்கள்; இஸ்ரவேல் வம்சத்தாரே, என் வழிகள் செம்மையாயிராதோ? உங்கள் வழிகள் அல்லவோ செம்மையல்லாததாயிருக்கிறது.	எசே 18:2 எசே 18:25 நீதி 19:3
30	ஆகையால் இஸ்ரவேல் வம்சத்தாரே, நான் உங்களில் அவனவனை அவனவன் வழிகளுக்குத் தக்கதாக நியாயந்தீர்பேன் என்று கர்த்தராகிய ஆண்டவர் சொல்லுகிறார்; நீங்கள் மனந்திரும்புங்கள், உங்களுடைய எல்லா மீறுதல்களையும் விட்டுத் திரும்புங்கள்; அப்பொழுது அக்கிரமம் உங்கள் கேட்டுக்குக் காரணமாயிருப்பதில்லை.	எசே 7:3 எசே 7:8 எசே 7:9 எசே 7:27 எசே 33:20 எசே 34:20 பிரச 3:17 பிரச 12:14 1பேது 1:17 வெளிப் 20:12
31	நீங்கள் துரோகம்பண்ணின உங்களுடைய எல்லாத் துரோகங்களையும் உங்கள்மேல் இராதபடிக்கு விலக்கி, உங்களுக்குப் புது இருதயத்தையும் புது ஆவியையும் உண்டுபண்ணிக்கொள்ளுங்கள்; இஸ்ரவேல் வம்சத்தாரே, நீங்கள் ஏன் சாகவேண்டும்?	எசே 20:7 சங் 34:14 ஏசா 1:16 ஏசா 1:17 ஏசா 30:22 ஏசா 55:7 ரோம 8:13 எபே 4:22-32 கொலோ 3:5-9 யாக் 1:21 1பேது 1:14 1பேது 2:1 1பேது 4:2-4
32	மனந்திரும்புங்கள், அப்பொழுது பிழைப்பீர்கள்; சாகிறவனுடைய சாவை நான் விரும்புவதில்லை என்று கர்த்தராகிய ஆண்டவர் சொல்லுகிறார்.	எசே 18:23 புலம் 3:33 2பேது 3:9