1	நீதியைப் பின்பற்றி கர்த்தரைத் தேடுகிற நீங்கள் எனக்குச் செவிகொடுங்கள்; நீங்கள் வெட்டி எடுக்கப்பட்ட கன்மலையையும், நீங்கள் தோண்டி எடுக்கப்பட்ட துரவின் குழியையும் நோக்கிப்பாருங்கள்.	ஏசா 51:4 ஏசா 51:7 ஏசா 46:3 ஏசா 46:4 ஏசா 48:12 ஏசா 55:2 ஏசா 55:3
2	உங்கள் தகப்பனாகிய ஆபிரகாமையும், உங்களைப் பெற்ற சாராளையும் நோக்கிப்பாருங்கள்; அவன் ஒருவனாயிருக்கையில் நான் அவனை அழைத்து, அவனை ஆசீர்வதித்து, அவனைப் பெருகப்பண்ணினேன்.	ஆதி 15:1 ஆதி 15:2 ஆதி 18:11-13 யோசு 24:3 ரோம 4:1-5 ரோம 4:16-24
3	கர்த்தர் சீயோனுக்கு ஆறுதல் செய்வார்; அவர் அதின் பாழான ஸ்தலங்களையெல்லாம் தேறுதலடையச்செய்து, அதின் வனாந்தரத்தை ஏதேனைப்போலவும், அதின் அவாந்தரவெளியைக் கர்த்தரின் தோட்டத்தைப்போலவும் ஆக்குவார்; சந்தோஷமும் மகிழ்ச்சியும் துதியும் கீதசத்தமும் அதில் உண்டாயிருக்கும்.	ஏசா 51:12 ஏசா 12:1 ஏசா 40:1 ஏசா 40:2 ஏசா 49:13 ஏசா 54:6-8 ஏசா 61:1-3 ஏசா 66:10-14 சங் 85:8 எரே 31:12-14 எரே 31:25-14 செப் 3:14-20 2கொரி 1:3 2கொரி 1:4
4	என் ஜனங்களே, எனக்குச் செவிகொடுங்கள்; என் ஜாதியாரே, என் வாக்கைக் கவனியுங்கள்; வேதம் என்னிலிருந்து வெளிப்படும்; என் பிரமாணத்தை ஜனங்களின் வெளிச்சமாக ஸ்தாபிப்பேன்.	ஏசா 26:2 யாத் 19:6 யாத் 33:13 சங் 33:12 சங் 106:5 சங் 147:20 1பேது 2:9
5	என் நீதி சமீபமாயிருக்கிறது; என் இரட்சிப்பு வெளிப்படும்; என் புயங்கள் ஜனங்களை நியாயந்தீர்க்கும்; தீவுகள் எனக்குக் காத்திருந்து, என் புயத்தின்மேல் நம்பிக்கையாயிருக்கும்.	ஏசா 46:13 ஏசா 56:1 உபா 30:14 சங் 85:9 மத் 3:2 ரோம 1:16 ரோம 1:17 ரோம 10:6-10
6	உங்கள் கண்களை வானத்துக்கு ஏறெடுங்கள், கீழே இருக்கிற பூமியையும் நோக்கிப்பாருங்கள்; வானம் புகையைப்போல் ஒழிந்துபோம், பூமி வஸ்திரத்தைப்போல் பழசாய்ப்போகும்; அதின் குடிகளும் அப்படியே ஒழிந்துபோவார்கள்; என் இரட்சிப்போ என்றென்றைக்கும் இருக்கும்; என் நீதி அற்றுப்போவதில்லை.	ஏசா 40:26 உபா 4:19 சங் 8:3 சங் 8:4
7	நீதியை அறிந்தவர்களே, என் வேதத்தை இருதயத்தில் பதித்திருக்கிற ஜனங்களே, எனக்குச் செவிகொடுங்கள்; மனுஷரின் நிந்தனைக்குப் பயப்படாமலும், அவர்கள் தூஷணங்களால் கலங்காமலும் இருங்கள்.	பிலிப் 3:8 பிலிப் 3:10 தீத் 2:11 தீத் 2:12
8	பொட்டுப்பூச்சி அவர்களை வஸ்திரத்தைப்போல் அரித்து, புழு அவர்களை ஆட்டுமயிரைப்போல் தின்னும்; என்னுடைய நீதியோ என்றென்றைக்கும் நிலைக்கும், என் இரட்சிப்பு தலைமுறை தலைமுறைதோறும் இருக்கும்.	ஏசா 50:9 ஏசா 66:24 யோபு 4:19 யோபு 13:28 ஓசி 5:12
9	எழும்பு, எழும்பு, பெலன்கொள்; கர்த்தரின் புயமே, முந்தின நாட்களிலும் பூர்வ தலைமுறைகளிலும் எழும்பினபடி எழும்பு; இராகாபைத் துண்டித்ததும் வலுசர்ப்பத்தை வதைத்ததும் நீதானல்லவோ?	ஏசா 51:17 ஏசா 27:1 சங் 7:6 சங் 44:23 சங் 59:4 சங் 78:65 ஆபகூ 2:19
10	மகா ஆழத்தின் தண்ணீர்களாகிய சமுத்திரத்தை வற்றிப்போகப்பண்ணினதும், மீட்கப்பட்டவர்கள் கடந்துபோகக் கடலின் பள்ளங்களை வழியாக்கினதும் நீதானல்லவோ?	ஏசா 42:15 ஏசா 43:16 ஏசா 50:2 ஏசா 63:11 ஏசா 63:12 யாத் 14:21 யாத் 14:22 யாத் 15:13 சங் 74:13
11	அப்படியே கர்த்தரால் மீட்கப்பட்டவர்கள் ஆனந்தக்களிப்புடன் பாடி சீயோனுக்குத் திரும்பிவருவார்கள்; நித்திய மகிழ்ச்சி அவர்கள் தலையின்மேல் இருக்கும்; சந்தோஷமும் மகிழ்ச்சியும் அடைவார்கள்; சஞ்சலமும் தவிப்பும் ஓடிப்போகும்.	ஏசா 35:10 ஏசா 44:23 ஏசா 48:20 ஏசா 49:13 எரே 30:18 எரே 30:19 எரே 31:11 எரே 31:12 எரே 33:11 அப் 2:41-47 வெளிப் 5:9-13 வெளிப் 7:9 வெளிப் 7:10 வெளிப் 14:1-4 வெளிப் 19:1-7
12	நான், நானே உங்களுக்கு ஆறுதல் செய்கிறவர்; சாகப்போகிற மனுஷனுக்கும், புல்லுக்கொப்பாகிற மனுபுத்திரனுக்கும் பயப்படுகிறதற்கும், வானங்களை விரித்து, பூமியை அஸ்திபாரப்படுத்தி, உன்னை உண்டாக்கின கர்த்தரை மறக்கிறதற்கும் நீ யார்?	ஏசா 51:3 ஏசா 43:25 ஏசா 57:15-18 ஏசா 66:13 யோவா 14:18 யோவா 14:26 யோவா 14:27 அப் 9:31 2கொரி 1:3-5 2கொரி 7:5 2கொரி 7:6
13	இடுக்கண் செய்கிறவன் அழிக்க ஆயத்தமாகிறபோது, நீ அவனுடைய உக்கிரத்துக்கு நித்தம் இடைவிடாமல் பயப்படுகிறதென்ன? இடுக்கண் செய்கிறவனுடைய உக்கிரம் எங்கே?	ஏசா 17:10 உபா 32:18 எரே 2:32
14	சிறைப்பட்டுப்போனவன் தீவிரமாய் விடுதலையாவான்; அவன் கிடங்கிலே சாவதுமில்லை, அவனுடைய அப்பம் குறைவுபடுவதுமில்லை.	ஏசா 48:20 ஏசா 52:2 எஸ்றா 1:5 அப் 12:7 அப் 12:8
15	உன் தேவனாயிருக்கிற கர்த்தர் நானே; அலைகள் கொந்தளிக்கத்தக்கதாய் சமுத்திரத்தைக் குலுக்குகிற சேனைகளின் கர்த்தர் என்கிற நாமமுள்ளவர்.	ஏசா 51:10 நெகே 9:11 யோபு 26:12 சங் 74:13 சங் 114:3-5 சங் 136:13 எரே 31:35 ஆமோ 9:5 ஆமோ 9:6
16	நான் வானத்தை நிலைப்படுத்தி, பூமியை அஸ்திபாரப்படுத்தி, சீயோனை நோக்கி: நீ என் ஜனமென்று சொல்லுவதற்காக, நான் என் வார்த்தையை உன் வாயிலே அருளி, என் கரத்தின் நிழலினால் உன்னை மறைக்கிறேன்.	ஏசா 50:4 ஏசா 59:21 உபா 18:18 யோவா 3:34 யோவா 8:38-40 யோவா 17:8 வெளிப் 1:1
17	எழும்பு, எழும்பு, கர்த்தருடைய உக்கிரத்தின் பாத்திரத்தை அவர் கையில் வாங்கிக் குடித்திருக்கிற எருசலேமே, எழுந்துநில், தத்தளிக்கச்செய்யும் பாத்திரத்தின் வண்டல்களை உறிஞ்சிக் குடித்தாய்.	ஏசா 51:9 ஏசா 52:1 ஏசா 60:1 ஏசா 60:2 நியா 5:12 1கொரி 15:34 எபே 5:14
18	அவள் பெற்ற புத்திரரெல்லாரிலும் அவளை நடத்துவார் ஒருவருமில்லை; அவள் வளர்த்த குமாரரெல்லாரிலும் அவளைக் கைகொடுத்து அழைப்பார் ஒருவருமில்லை.	ஏசா 3:4-8 ஏசா 49:21 சங் 88:18 சங் 142:4 மத் 9:36 மத் 15:14
19	இவ்விரண்டும் உனக்குச் சம்பவித்தது; உனக்குப் பரிதபிக்கிறவன் யார்? பாழ்க்கடிப்பும், சங்காரமும், பஞ்சமும், பட்டயமும் வந்தன; யாரைக்கொண்டு உனக்கு ஆறுதல் செய்வேன்?	ஏசா 47:9 எசே 14:21
20	உன் குமாரர் மூர்ச்சித்து விழுந்தார்கள்; அவர்கள், வலையிலே சிக்குண்ட கலைமானைப்போல, எல்லா வீதிகளின் முனையிலும், கர்த்தருடைய உக்கிரத்தினாலும், உன் தேவனுடைய கண்டிதத்தினாலும் நிறைந்தவர்களாய்க் கிடக்கிறார்கள்.	ஏசா 40:30 எரே 14:18 புலம் 1:15 புலம் 1:19 புலம் 2:11 புலம் 2:12 புலம் 4:2 புலம் 5:13
21	ஆகையால் சிறுமைப்பட்டவளே, மதுபானங்குடியாமல் வெறிகொண்டவளே, நீ கேள்.
22	கர்த்தராகிய உன் ஆண்டவரும் தம்முடைய ஜனத்துக்காக வழக்காடப்போகிற உன் தேவனுமானவர் சொல்லுகிறது என்னவென்றால்: இதோ, தத்தளிப்பின் பாத்திரத்தை உன் கையிலிருந்து நீக்கிப்போடுகிறேன், இனி என் உக்கிரத்தினுடைய பாத்திரத்தின் வண்டல்களை நீ குடிப்பதில்லை.	1சாமு 25:39 சங் 35:1 நீதி 22:23 எரே 50:34 எரே 51:36 யோவே 3:2 மீகா 7:9
23	உன்னை நோக்கி: நாங்கள் கடந்துபோகும்படிக்குக் குனியென்று சொல்லி, கடந்துபோகிறவர்களுக்கு நீ உன் முதுகைத் தரையும் வீதியுமாக்கும்படி, உன்னைச் சஞ்சலப்படுத்தினவர்களின் கையில் அதைக் கொடுப்பேன் என்றார்.	ஏசா 49:25 ஏசா 49:26 நீதி 11:8 நீதி 21:18 எரே 25:17-29 சகரி 12:2 வெளிப் 17:6-8 வெளிப் 17:18-8