1	தீவுகளே, எனக்குச் செவிகொடுங்கள்; தூரத்திலிருக்கிற ஜனங்களே, கவனியுங்கள்; தாயின் கர்ப்பத்திலிருந்ததுமுதல் கர்த்தர் என்னை அழைத்து, நான் என் தாயின் வயிற்றில் இருக்கையில் என் நாமத்தைப் பிரஸ்தாபப்படுத்தினார்.	ஏசா 41:1 ஏசா 42:1-4 ஏசா 42:12-4 ஏசா 45:22 ஏசா 51:5 ஏசா 60:9 ஏசா 66:19 செப் 2:11
2	அவர் என் வாயைக் கூர்மையான பட்டயமாக்கி, தமது கரத்தின் நிழலினால் என்னை மறைத்து, என்னைத் துலக்கமான அம்பாக்கி, என்னைத் தமது அம்பறாத்தூணியிலே மூடிவைத்தார்.	ஏசா 11:4 சங் 45:2-5 ஓசி 6:5 எபிரெ 4:12 வெளிப் 1:16 வெளிப் 2:12 வெளிப் 19:15
3	அவர் என்னை நோக்கி: நீ என் தாசன்; இஸ்ரவேலே, நான் உன்னில் மகிமைப்படுவேன் என்றார்.	ஏசா 42:1 ஏசா 43:21 ஏசா 44:23 ஏசா 52:13 ஏசா 53:10 சகரி 3:8 மத் 17:5 லூக் 2:10-14 யோவா 12:28 யோவா 13:31 யோவா 13:32 யோவா 15:8 யோவா 17:1 யோவா 17:4 எபே 1:6 பிலிப் 2:6-11 1பேது 2:9
4	அதற்கு நான்: விருதாவாய் உழைக்கிறேன், வீணும் வியர்த்தமுமாய் என் பெலனைச் செலவழிக்கிறேன்; ஆகிலும் என் நியாயம் கர்த்தரிடத்திலும், என் பலன் என் தேவனிடத்திலும் இருக்கிறது என்று சொன்னேன்.	ஏசா 65:2 எசே 3:19 மத் 17:17 மத் 23:37 யோவா 1:11 ரோம 10:21 கலா 4:11
5	யாக்கோபைத் தம்மிடத்தில் திருப்பும்படி நான் தாயின் கர்ப்பத்திலிருந்ததுமுதல் கர்த்தர் தமக்குத் தாசனாக என்னை உருவாக்கினார்; இஸ்ரவேலோ சேராதேபோகிறது; ஆகிலும் கர்த்தருடைய பார்வையில் கனமடைவேன், என் தேவன் என் பெலனாயிருப்பார்.	ஏசா 56:8 மத் 15:24 அப் 10:36 ரோம 15:8
6	யாக்கோபின் கோத்திரங்களை எழுப்பவும், இஸ்ரவேலில் காக்கப்பட்டவர்களைத் திருப்பவும், நீர் எனக்குத் தாசனாயிருப்பது அற்பகாரியமாயிருக்கிறது; நீர் பூமியின் கடைசிபரியந்தமும் என்னுடைய இரட்சிப்பாயிருக்கும்படி, உம்மை ஜாதிகளுக்கு ஒளியாகவும் வைப்பேன் என்கிறார்.	2இரா 3:18 2இரா 20:10
7	இஸ்ரவேலின் மீட்பரும் அதின் பரிசுத்தருமாகிய கர்த்தர், மனுஷரால் அசட்டைபண்ணப்பட்டவரும், ஜாதியாரால் அருவருக்கப்பட்டவரும், அதிகாரிகளுக்கு ஊழியக்காரனுமாயிருக்கிறவரை நோக்கி, உண்மையுள்ள கர்த்தர் நிமித்தமும், உம்மைத் தெரிந்துகொண்ட இஸ்ரவேலின் பரிசுத்தர்நிமித்தமும், ராஜாக்கள் கண்டு எழுந்திருந்து, பிரபுக்கள் பணிந்துகொள்வார்கள் என்று சொல்லுகிறார்.	ஏசா 48:7 வெளிப் 3:7
8	பின்னும் கர்த்தர்: அநுக்கிரககாலத்திலே நான் உமக்குச் செவிகொடுத்து, இரட்சணிய நாளிலே உமக்கு உதவி செய்தேன்; நீர் பூமியைச் சீர்ப்படுத்தி, பாழாய்க்கிடக்கிற இடங்களைச் சுதந்தரிக்கப்பண்ணவும்;	சங் 69:13 யோவா 11:41 யோவா 11:42 2கொரி 6:2 எபே 1:6 எபிரெ 5:7
9	கட்டுண்டவர்களை நோக்கி: புறப்பட்டுப்போங்கள் என்றும்; இருளில் இருக்கிறவர்களை நோக்கி: வெளிப்படுங்கள் என்றும் சொல்லவும், நான் உம்மைக் காப்பாற்றி, உம்மை ஜனங்களுக்கு உடன்படிக்கையாக ஏற்படுத்துவேன்; அவர்கள் வழியோரங்களிலே மேய்வார்கள்; சகல மேடுகளிலும் அவர்களுக்கு மேய்ச்சல் உண்டாயிருக்கும்.	ஏசா 42:7 ஏசா 61:1 சங் 69:33 சங் 102:20 சங் 107:10-16 சங் 146:7 சகரி 9:11 சகரி 9:12 லூக் 4:18 கொலோ 1:13 1பேது 2:9
10	அவர்கள் பசியாயிருப்பதுமில்லை, தாகமாயிருப்பதுமில்லை; உஷ்ணமாகிலும், வெயிலாகிலும் அவர்கள்மேல் படுவதுமில்லை; அவர்களுக்கு இரங்குகிறவர் அவர்களை நடத்தி, அவர்களை நீரூற்றுகளிடத்திற்குக் கொண்டுபோய்விடுவார்.	மத் 5:6 யோவா 6:35 வெளிப் 7:16 வெளிப் 7:17
11	என் மலைகளையெல்லாம் வழிகளாக்குவேன்; என் பாதைகள் உயர்த்தப்படும்.	ஏசா 11:16 ஏசா 35:8-10 ஏசா 40:3 ஏசா 40:4 ஏசா 43:19 ஏசா 57:14 ஏசா 62:10 சங் 107:4 சங் 107:7 லூக் 3:4 லூக் 3:5 யோவா 14:6
12	இதோ, இவர்கள் தூரத்திலிருந்து வருவார்கள்; இதோ, அவர்கள் வடக்கிலும் மேற்கிலுமிருந்து வருவார்கள்; இவர்கள் சீனீம் தேசத்திலுமிருந்து வருவார்கள் என்கிறார்.	ஏசா 2:2 ஏசா 2:3 ஏசா 11:10 ஏசா 11:11 ஏசா 43:5 ஏசா 43:6 ஏசா 60:9-14 ஏசா 66:19 ஏசா 66:20 சங் 22:27 சங் 72:10 சங் 72:11 சங் 72:17 மீகா 4:2 சகரி 2:11 சகரி 8:20-23 மத் 8:11 லூக் 13:29 வெளிப் 7:9 வெளிப் 11:15
13	வானங்களே, கெம்பீரித்துப் பாடுங்கள்; பூமியே, களிகூரு; பர்வதங்களே, கெம்பீரமாய் முழங்குங்கள்; கர்த்தர் தம்முடைய ஜனத்துக்கு ஆறுதல் செய்தார்; சிறுமைப்பட்டிருக்கிற தம்முடையவர்கள்மேல் இரக்கமாயிருப்பார்.	ஏசா 42:10 ஏசா 42:11 ஏசா 44:23 ஏசா 52:9 ஏசா 55:12 சங் 96:11-13 சங் 98:4-9 லூக் 2:13 லூக் 2:14 லூக் 15:10 வெளிப் 5:8-13 வெளிப் 7:9-12
14	சீயோனோ: கர்த்தர் என்னைக் கைவிட்டார், ஆண்டவர் என்னை மறந்தார் என்று சொல்லுகிறாள்.	ஏசா 40:27 சங் 22:1 சங் 31:22 சங் 77:6-9 சங் 89:38-46 ரோம 11:1-5
15	ஸ்திரீயானவள் தன் கர்ப்பத்தின் பிள்ளைக்கு இரங்காமல், தன் பாலகனை மறப்பாளோ? அவர்கள் மறந்தாலும், நான் உன்னை மறப்பதில்லை.	1இரா 3:26 1இரா 3:27 சங் 103:13 மல்கி 3:17 மத் 7:11
16	இதோ, என் உள்ளங்கைகளில் உன்னை வரைந்திருக்கிறேன்; உன் மதில்கள் எப்போதும் என்முன் இருக்கிறது.	யாத் 13:9 உன்ன 8:6 எரே 22:24 ஆகா 2:23
17	உன் குமாரர் தீவிரித்து வருவார்கள்; உன்னை நிர்மூலமாக்கினவர்களும் உன்னைப் பாழாக்கினவர்களும் உன்னை விட்டுப் புறப்பட்டுப்போவார்கள்.	ஏசா 51:18-20 ஏசா 62:5 எஸ்றா 1:5 நெகே 2:4-9 நெகே 2:17-9 எசே 28:24
18	உன் கண்களை ஏறெடுத்துச் சுற்றிலும் பார்; அவர்களெல்லாரும் ஏகமாய்க்கூடி உன்னிடத்தில் வருகிறார்கள்; நீ அவர்களெல்லாரையும் ஆபரணமாகத் தரித்து, மணமகள் அணிந்துகொள்வதுபோல, நீ அவர்களை அணிந்துகொள்வாய் என்று, என் ஜீவனைக்கொண்டு சொல்லுகிறேன் என்று கர்த்தர் உரைக்கிறார்.	ஏசா 60:4 ஆதி 13:14 மத் 13:41 மத் 13:42 வெளிப் 22:15
19	அப்பொழுது உன் வனாந்தரங்களும், உன் பாழிடங்களும், நிர்மூலமான உன் தேசமும், இனிக் குடிகளின் திரளினாலே உனக்கு நெருக்கமாயிருக்கும்; உன்னை விழுங்கினவர்கள் தூரமாவார்கள்.	ஏசா 49:8 ஏசா 51:3 ஏசா 54:1 ஏசா 54:2 எரே 30:18 எரே 30:19 எரே 33:10 எரே 33:11 எசே 36:9-15 ஓசி 1:10 ஓசி 1:11 சகரி 2:4 சகரி 2:11 சகரி 10:10
20	பிள்ளைகளற்றிருந்த உனக்கு உண்டாயிருக்கப்போகிற பிள்ளைகள்: இடம் எங்களுக்கு நெருக்கமாயிருக்கிறது; நாங்கள் குடியிருக்கும்படிக்கு விலகியிரு என்று, உன் காதுகள் கேட்கச்சொல்லுவார்கள்.	ஏசா 60:4 ஓசி 1:10 மத் 3:9 கலா 4:26-28
21	அப்பொழுது நீ: இவர்களை எனக்குப் பிறப்பித்தவர் யார்? நான் பிள்ளைகளற்றும், தனித்தும், சிறைப்பட்டும், நிலையற்றும் இருந்தேனே; இவர்களை எனக்கு வளர்த்தவர் யார்? இதோ, நான் ஒன்றியாய் விடப்பட்டிருந்தேனே; இவர்கள் எங்கேயிருந்தவர்கள்? என்று உன் இருதயத்தில் சொல்லுவாய்.	எரே 31:15-17 ரோம 11:11-17 ரோம 11:24-17 கலா 3:29 கலா 4:26-29
22	இதோ, ஜாதிகளுக்கு நேராக என் கரத்தை உயர்த்தி, ஜனங்களுக்கு நேராக என் கொடியை ஏற்றுவேன்; அப்பொழுது உன் குமாரரைக் கொடுங்கைகளில் ஏந்திக்கொண்டு வருவார்கள்; உன் குமாரத்திகள் தோளின்மேல் எடுத்துக்கொண்டு வரப்படுவார்கள் என்று கர்த்தராகிய ஆண்டவர் சொல்லுகிறார்.	ஏசா 49:12 ஏசா 2:2 ஏசா 2:3 ஏசா 11:10 ஏசா 11:11 ஏசா 42:1-4 ஏசா 60:3-11 ஏசா 66:20 சங் 22:27 சங் 67:4-7 சங் 72:8 சங் 72:17 சங் 86:9 மல்கி 1:11 லூக் 13:29
23	ராஜாக்கள் உன்னை வளர்க்கும் தந்தைகளும், அவர்களுடைய நாயகிகள் உன் கைத்தாய்களுமாயிருப்பார்கள்; தரையிலே முகங்குப்புறவிழுந்து உன்னைப் பணிந்து, உன் கால்களின் தூளை நக்குவார்கள்; நான் கர்த்தர், எனக்குக் காத்திருக்கிறவர்கள் வெட்கப்படுவதில்லை என்பதை அப்பொழுது அறிந்துகொள்வாய்.	ஏசா 49:7 ஏசா 52:15 ஏசா 60:3 ஏசா 60:10 ஏசா 60:11 ஏசா 60:16 ஏசா 62:2 எஸ்றா 1:2-4 எஸ்றா 6:7-12 எஸ்றா 7:11-28 நெகே 2:6-10 எஸ்தர் 8:1-10 சங் 2:10-12 சங் 68:31 சங் 72:10 சங் 72:11 சங் 138:4 வெளிப் 21:24-26
24	பராக்கிரமன் கையிலிருந்து கொள்ளைப்பொருளைப் பறிக்கக்கூடுமோ? அல்லது நீதியாய்ச் சிறைப்பட்டுப்போனவர்களை விடுவிக்ககூடுமோ?	எசே 37:3 எசே 37:11
25	என்றாலும் இதோ, பராக்கிரமனால் சிறைப்படுத்தப்பட்டவர்களும் விடுவிக்கப்படுவார்கள்; பெலவந்தனால் கொள்ளையிடப்பட்டதும் விடுதலையாக்கப்படும்; உன்னோடு வழக்காடுகிறவர்களோடே நான் வழக்காடி, உன் பிள்ளைகளை இரட்சித்துக்கொள்ளுவேன்.	ஏசா 10:27 ஏசா 52:2-5 எரே 29:10 எரே 50:17-19 எரே 50:33-19 எரே 50:34-19 சகரி 9:11 எபிரெ 2:14 எபிரெ 2:15 1யோவா 3:8
26	உன்னை ஒடுக்கினவர்களுடைய மாம்சத்தை அவர்களுக்கே தின்னக்கொடுப்பேன்; மதுபானத்தால் வெறிகொள்வதுபோல் தங்களுடைய இரத்தத்தினால் வெறிகொள்வார்கள்; கர்த்தரும் யாக்கோபின் வல்லவருமாகிய நான் உன் இரட்சகரும் உன் மீட்பருமாயிருக்கிறதை மாம்சமான யாவரும் அறிந்துகொள்வார்களென்று கர்த்தர் சொல்லுகிறார்.	ஏசா 9:20 நியா 7:22