1	தீவுகளே, எனக்கு முன்பாக மவுனமாயிருங்கள்; ஜனங்கள் தங்கள் பெலனைப் புதிதாக்கிக்கொண்டு, சமீபித்து வந்து, பின்பு பேசக்கடவர்கள்; நாம் ஒருமிக்க நியாயாசனத்துக்கு முன்பாகச் சேருவோம்.	ஏசா 49:1 சங் 46:10 ஆபகூ 2:20 சகரி 2:13
2	கிழக்கிலிருந்து நீதிமானை எழுப்பி, தமது பாதபடியிலே வரவழைத்தவர் யார்? ஜாதிகளை அவனுக்கு ஒப்புக்கொடுத்து, அவனை ராஜாக்களுக்கு ஆண்டவனாக்கி, அவர்களை அவன் பட்டயத்துக்குத் தூசியும், அவன் வில்லுக்குச் சிதறடிக்கப்பட்ட தாளடியுமாக்கி,	ஏசா 41:25 ஏசா 45:13 ஏசா 46:11 ஆதி 11:31 ஆதி 12:1-3 ஆதி 17:1 எபிரெ 11:8-10
3	அவன் அவர்களைத் துரத்தவும், தன் கால்கள் நடவாதிருந்த பாதையிலே சமாதானத்தோடே நடக்கவும் பண்ணினவர் யார்?	ஏசா 57:2 யோபு 5:24
4	அதைச் செய்து நிறைவேற்றி, ஆதிமுதற்கொண்டு தலைமுறைகளை வரவழைக்கிறவர் யார்? முந்தினவராயிருக்கிற கர்த்தராகிய நான்தானே; பிந்தினவர்களோடும் இருப்பவராகிய நான்தானே.	ஏசா 41:26 ஏசா 40:12 ஏசா 40:26 ஏசா 42:24
5	தீவுகள் அதைக் கண்டு பயப்படும், பூமியின் கடையாந்தரங்கள் நடுங்கும்; அவர்கள் சேர்ந்துவந்து,	ஆதி 10:5 எசே 26:15 எசே 26:16
6	ஒருவருக்கு ஒருவர் ஒத்தாசை செய்து திடன்கொள் என்று சகோதரனுக்குச் சகோதரன் சொல்லுகிறான்.	ஏசா 40:19 ஏசா 44:12 1சாமு 4:7-9 1சாமு 5:3-5 தானி 3:1-7 அப் 19:24-28
7	சித்திரவேலைக்காரன் தட்டானையும், சுத்தியாலே மெல்லிய தகடு தட்டுகிறவன் அடைகல்லின்மேல் அடிக்கிறவனையும் உற்சாகப்படுத்தி, இசைக்கிறதற்கான பக்குவமென்று சொல்லி, அது அசையாதபடிக்கு அவன் ஆணிகளால் அதை இறுக்குகிறான்.	ஏசா 40:19 ஏசா 44:12-15 ஏசா 46:6 ஏசா 46:7 எரே 10:3-5 எரே 10:9-5 தானி 3:1-7
8	என் தாசனாகிய இஸ்ரவேலே, நான் தெரிந்துகொண்ட யாக்கோபே, என் சிநேகிதனான ஆபிரகாமின் சந்ததியே,	ஏசா 43:1 ஏசா 44:1 ஏசா 44:2 ஏசா 44:21 ஏசா 48:12 ஏசா 49:3 யாத் 19:5 யாத் 19:6 லேவி 25:42 உபா 7:6-8 உபா 10:15 உபா 14:2 சங் 33:12 சங் 105:6 சங் 105:42-45 சங் 135:4 எரே 33:24
9	நான் பூமியின் கடையாந்தரங்களிலிருந்து, உன்னை எடுத்து, அதின் எல்லைகளிலிருந்து அழைத்து வந்து: நீ என் தாசன், நான் உன்னைத் தெரிந்துகொண்டேன், நான் உன்னை வெறுத்துவிடவில்லை என்று சொன்னேன்.	ஏசா 41:2 யோசு 24:2-4 நெகே 9:7-38 சங் 107:2 சங் 107:3 லூக் 13:29 வெளிப் 5:9
10	நீ பயப்படாதே, நான் உன்னுடனே இருக்கிறேன்; திகையாதே, நான் உன் தேவன்; நான் உன்னைப் பலப்படுத்தி உனக்குச் சகாயம்பண்ணுவேன்; என் நீதியின் வலதுகரத்தினால் உன்னைத் தாங்குவேன்.	ஏசா 41:13 ஏசா 41:14 ஏசா 12:2 ஏசா 43:1 ஏசா 43:5 ஏசா 44:2 ஏசா 51:12 ஏசா 51:13 ஆதி 15:1 உபா 20:1 உபா 31:6-8 யோசு 1:9 2நாளா 20:17 2நாளா 32:8 சங் 27:1 சங் 46:1 சங் 46:2 சங் 46:7 சங் 46:11 லூக் 1:13 லூக் 1:30 லூக் 2:10 லூக் 2:11 ரோம 8:31
11	இதோ, உன்மேல் எரிச்சலாயிருக்கிற யாவரும் வெட்கி இலச்சையடைவார்கள்; உன்னோடே வழக்காடுகிறவர்கள் நாசமாகி ஒன்றுமில்லாமற்போவார்கள்.	ஏசா 45:24 ஏசா 49:26 ஏசா 54:17 ஏசா 60:12-14 யாத் 11:8 யாத் 23:22 சகரி 12:3 அப் 13:8-11 அப் 16:39 வெளிப் 3:9
12	உன்னோடே போராடினவர்களைத் தேடியும் காணாதிருப்பாய்; உன்னோடே யுத்தம்பண்ணின மனுஷர் ஒன்றுமில்லாமல் இல்பொருளாவார்கள்.	யோபு 20:7-9 சங் 37:35 சங் 37:36
13	உன் தேவனாயிருக்கிற கர்த்தராகிய நான் உன் வலதுகையைப் பிடித்து: பயப்படாதே, நான் உனக்குத் துணைநிற்கிறேன் என்று சொல்லுகிறேன்.	ஏசா 43:6 ஏசா 45:1 ஏசா 51:18 உபா 33:26-29 சங் 63:8 சங் 73:23 சங் 109:31 2தீமோ 4:17
14	யாக்கோபு என்னும் பூச்சியே, இஸ்ரவேலின் சிறுகூட்டமே, பயப்படாதே; நான் உனக்குத் துணைநிற்கிறேன் என்று கர்த்தரும் இஸ்ரவேலின் பரிசுத்தருமாகிய உன் மீட்பர் உரைக்கிறார்.	யோபு 25:6 சங் 22:6
15	இதோ, போரடிக்கிறதற்கு நான் உன்னைப் புதிதும் கூர்மையுமான பற்களுள்ள இயந்தரமாக்குகிறேன்; நீ மலைகளை மிதித்து நொறுக்கி, குன்றுகளைப் பதருக்கு ஒப்பாக்கிவிடுவாய்.	ஏசா 21:10 ஏசா 28:27 ஆபகூ 3:12
16	அவைகளைத் தூற்றுவாய், அப்பொழுது காற்று அவைகளைக் கொண்டுபோய், சுழல்காற்று அவைகளைப் பறக்கடிக்கும்; நீயோ கர்த்தருக்குள்ளே களிகூர்ந்து, இஸ்ரவேலின் பரிசுத்தருக்குள்ளே மேன்மைபாராட்டிக் கொண்டிருப்பாய்.	ஏசா 17:13 சங் 1:4 எரே 15:7 எரே 51:2 மத் 3:12
17	சிறுமையும் எளிமையுமானவர்கள் தண்ணீரைத் தேடி, அது கிடையாமல், அவர்கள் நாவு தாகத்தால் வறளும்போது, கர்த்தராகிய நான் அவர்களுக்குச் செவிகொடுத்து, இஸ்ரவேலின் தேவனாகிய நான் அவர்களைக் கைவிடாதிருப்பேன்.	ஏசா 61:1 ஏசா 66:2 சங் 68:9 சங் 68:10 சங் 72:12 சங் 72:13 சங் 102:16 சங் 102:17 மத் 5:3
18	உயர்ந்த மேடுகளில் ஆறுகளையும், பள்ளத்தாக்குகளின் நடுவே ஊற்றுகளையும் திறந்து, வனாந்தரத்தைத் தண்ணீர்த் தடாகமும், வறண்ட பூமியை நீர்க்கேணிகளுமாக்கி,	ஏசா 12:3 ஏசா 30:25 ஏசா 32:2 ஏசா 35:6 ஏசா 35:7 ஏசா 43:19 ஏசா 43:20 ஏசா 44:3 ஏசா 48:21 ஏசா 49:9 ஏசா 49:10 ஏசா 58:11 சங் 46:4 சங் 78:15 சங் 78:16 சங் 105:41 சங் 107:35 எசே 47:1-8 யோவே 3:18 சகரி 14:8 வெளிப் 7:17 வெளிப் 22:1
19	வனாந்தரத்திலே கேதுருமரங்களையும், சீத்தீம்மரங்களையும், மிருதுச்செடிகளையும், ஒலிவமரங்களையும் நட்டு, அவாந்தரவெளியிலே தேவதாருவிருட்சங்களையும், பாய்மரவிருட்சங்களையும், புன்னைமரங்களையும் உண்டுபண்ணுவேன்.	ஏசா 27:6 ஏசா 32:15 ஏசா 37:31 ஏசா 37:32 ஏசா 51:3 ஏசா 55:13 ஏசா 60:21 ஏசா 61:3 ஏசா 61:11 சங் 92:13 சங் 92:14 எசே 17:22-24 எசே 47:12
20	கர்த்தருடைய கரம் அதைச் செய்தது என்றும், இஸ்ரவேலின் பரிசுத்தர் அதைப் படைத்தார் என்றும், யாவரும் கண்டு உணர்ந்து சிந்தித்து அறிவார்கள்.	ஏசா 43:7-13 ஏசா 43:21-13 ஏசா 44:23 ஏசா 45:6-8 ஏசா 66:18 யாத் 9:16 எண் 23:23 யோபு 12:9 சங் 109:27 எபே 2:6-10 2தெச 1:10
21	உங்கள் வழக்கைக் கொண்டுவாருங்கள் என்று கர்த்தர் சொல்லுகிறார்; உங்கள் பலமான நியாயங்களை வெளிப்படுத்துங்கள் என்று யாக்கோபின் ராஜா உரைக்கிறார்.	யோபு 23:3 யோபு 23:4 யோபு 31:37 யோபு 38:3 யோபு 40:7-9 மீகா 6:1 மீகா 6:2
22	அவர்கள் அவைகளைக் கொண்டுவந்து, சம்பவிக்கப்போகிறவைகளை நமக்குத் தெரிவிக்கட்டும்; அவைகளில் முந்தி சம்பவிப்பவைகள் இன்னவைகளென்று சொல்லி, நாம் நம்முடைய மனதை அவைகளின்மேல் வைக்கும்படிக்கும், பிந்தி சம்பவிப்பவைகளையும் நாம் அறியும்படிக்கும் நமக்குத் தெரிவிக்கட்டும்; வருங்காரியங்களை நமக்கு அறிவிக்கட்டும்.	ஏசா 42:9 ஏசா 43:9-12 ஏசா 45:21 ஏசா 48:14 யோவா 13:19 யோவா 16:14
23	பின்வரும் காரியங்களை எங்களுக்குத் தெரிவியுங்கள்; அப்பொழுது நீங்கள் தேவர்கள் என்று அறிவோம்; அல்லது நன்மையாவது தீமையாவது செய்யுங்கள்; அப்பொழுது நாங்கள் திகைத்து ஏகமாய்க் கூடி அதைப்பார்ப்போம்.	ஏசா 42:9 ஏசா 44:7 ஏசா 44:8 ஏசா 45:8 ஏசா 46:9 ஏசா 46:10 யோவா 13:19 அப் 15:18
24	இதோ, நீங்கள் சூனியத்திலும் சூனியமாயிருக்கிறீர்கள்; உங்கள் செயல் வெறுமையிலும் வெறுமையானது; உங்களைத் தெரிந்துகொள்ளுகிறவன் அருவருப்பானவன்.	ஏசா 41:29 ஏசா 44:9 ஏசா 44:10 சங் 115:8 எரே 10:8 எரே 10:14 எரே 51:17 எரே 51:18 1கொரி 8:4
25	நான் வடக்கேயிருந்து ஒருவனை எழும்பப்பண்ணுவேன், அவன் வருவான்; சூரியோதய திசையிலிருந்து என் நாமத்தைத் தொழுதுகொள்ளுவான்; அவன் வந்து அதிபதிகளைச் சேற்றைப்போலவும், குயவன் களிமண்ணை மிதிப்பதுபோலவும் மிதிப்பான்.	ஏசா 21:2 ஏசா 44:28 ஏசா 45:1-6 ஏசா 45:13-6 ஏசா 46:10 ஏசா 46:11 எரே 51:27-29
26	நாம் அதை அறியும்படியாக ஆதியில் சொன்னவன் யார்? நாம் அவனை யதார்த்தவான் என்று சொல்லும்படி பூர்வகாலத்தில் அறிவித்தவன் யார்? அறிவிக்கிறவன் ஒருவனும் இல்லையே; உரைக்கிறவனும் இல்லையே; உங்கள் வார்த்தைகளைக் கேட்டிருக்கிறவனும் இல்லையே.	ஏசா 41:22 ஏசா 43:9 ஏசா 44:7 ஏசா 45:21 ஆபகூ 2:18-20
27	முதல் முதல், நானே, சீயோனை நோக்கி: இதோ, அவைகளைப் பார் என்று சொல்லி, எருசலேமுக்குச் சுவிசேஷகரைக் கொடுக்கிறேன்.	ஏசா 41:4 ஏசா 43:10 ஏசா 44:6 ஏசா 48:12 வெளிப் 2:8
28	நான் பார்த்தேன், அவர்களில் அறிவிக்கிறவன் ஒருவனுமில்லை; நான் கேட்குங் காரியத்துக்குப் பிரதியுத்தரம் கொடுக்கத்தக்க ஒரு ஆலோசனைக்காரனும் அவர்களில் இல்லை.	ஏசா 63:5 தானி 2:10 தானி 2:11 தானி 4:7 தானி 4:8 தானி 5:8
29	இதோ, அவர்கள் எல்லாரும் மாயை, அவர்கள் கிரியைகள் விருதா; அவர்களுடைய விக்கிரகங்கள் காற்றும் வெறுமையுந்தானே.	ஏசா 41:24 ஏசா 44:9-20 சங் 115:4-8 சங் 135:15-18 எரே 10:2-16 ஆபகூ 2:18