| 1 | அக்காலத்திலே பலாதானின் குமாரனாகிய மெரோதாக்பலாதான் என்னும் பாபிலோனின் ராஜா, எசேக்கியா வியாதிப்பட்டிருந்து ஆரோக்கியமானதைக் கேள்விப்பட்டு, அவனிடத்திற்கு நிருபங்களையும் வெகுமானத்தையும் அனுப்பினான். | 2இரா 20:12-19 |
| 2 | எசேக்கியா அவர்களைக் கண்டு சந்தோஷப்பட்டு, தன் பொக்கிஷசாலையையும், வெள்ளியையும், பொன்னையும், கந்தவர்க்கங்களையும், நல்ல பரிமள தைலத்தையும், தன் ஆயுதசாலை அனைத்தையும், தன் பொக்கிஷசாலைகளில் உள்ளதெல்லாவற்றையும் அவர்களுக்குக் காண்பித்தான்; எசேக்கியா தன் அரமனையிலும், தன் ராஜ்யத்தில் எங்கும் அவர்களுக்குக் காண்பியாத பொருள் ஒன்றும் இல்லை. | 2நாளா 32:25 2நாளா 32:31 யோபு 31:25 சங் 146:3 சங் 146:4 நீதி 4:23 எரே 17:9 |
| 3 | அப்பொழுது ஏசாயா தீர்க்கதரிசி எசேக்கியா ராஜாவினிடத்தில் வந்து: அந்த மனுஷர் என்ன சொன்னார்கள் எங்கேயிருந்து உம்மிடத்தில் வந்தார்கள் என்று கேட்டான். அதற்கு எசேக்கியா: பாபிலோன் என்னும் தூரதேசத்திலிருந்து என்னிடத்திற்கு வந்தார்கள் என்றான். | ஏசா 38:1 ஏசா 38:5 2சாமு 12:1 2இரா 20:14 2இரா 20:15 2நாளா 16:7 2நாளா 19:2 2நாளா 25:15 எரே 22:1 எரே 22:2 |
| 4 | அப்பொழுது அவன்: உம்முடைய வீட்டில் என்னத்தைப் பார்த்தார்கள் என்று கேட்டான். அதற்கு எசேக்கியா: என் வீட்டிலுள்ளதெல்லாவற்றையும் பார்த்தார்கள்; என் பொக்கிஷங்களில் நான் அவர்களுக்குக் காண்பியாத பொருள் ஒன்றும் இல்லை என்றான். | யோசு 7:19 யோபு 31:33 நீதி 23:5 நீதி 28:13 1யோவா 1:9 |
| 5 | அப்பொழுது ஏசாயா எசேக்கியாவை நோக்கி: சேனைகளுடைய கர்த்தரின் வார்த்தையைக் கேளும். | 1சாமு 13:13 1சாமு 13:14 1சாமு 15:16 |
| 6 | இதோ, நாட்கள் வரும்; அப்பொழுது உன் வீட்டில் உள்ளதிலும், உன் பிதாக்கள் இந்நாள் வரைக்கும் சேர்த்ததிலும் ஒன்றும் மீதியாய் வைக்கப்படாமல் எல்லாம் பாபிலோனுக்குக் கொண்டுபோகப்படும். | 2இரா 20:17-19 2இரா 24:13 2இரா 25:13-15 2நாளா 36:10 2நாளா 36:18 எரே 20:5 எரே 27:21 எரே 27:22 எரே 52:17-19 தானி 1:2 |
| 7 | நீ பெறப்போகிற உன் சந்ததியாகிய உன் குமாரரிலும் சிலர் பாபிலோன் ராஜாவின் அரமனையிலே அரமனை வேலைக்காரராயிருப்பார்கள் என்று கர்த்தர் சொல்லுகிறார் என்றான். | 2இரா 24:12 2இரா 25:6 2இரா 25:7 2நாளா 33:11 2நாளா 36:10 2நாளா 36:20 எரே 39:7 எசே 17:12-20 |
| 8 | அப்பொழுது எசேக்கியா ஏசாயாவை நோக்கி: நீர் சொன்ன கர்த்தருடைய வார்த்தை நல்லதுதான் என்று சொல்லி, என் நாட்களிலாவது சமாதானமும் உண்மையும் இருக்குமே என்றான். | லேவி 10:3 1சாமு 3:18 2சாமு 15:26 யோபு 1:21 சங் 39:9 புலம் 3:22 புலம் 3:39 1பேது 5:6 |
