1	வனாந்தரமும் வறண்ட நிலமும் மகிழ்ந்து, கடுவெளி களித்து, புஷ்பத்தைப்போல செழிக்கும்.	ஏசா 29:17 ஏசா 32:15 ஏசா 32:16 ஏசா 40:3 ஏசா 51:3 ஏசா 52:9 ஏசா 52:10 எசே 36:35
2	அது மிகுதியாய்ச் செழித்து பூரித்து ஆனந்தக்களிப்புடன் பாடும்; லீபனோனின் மகிமையும், கர்மேல் சாரோன் என்பவைகளின் அலங்காரமும் அதற்கு அளிக்கப்படும்; அவர்கள் கர்த்தருடைய மகிமையையும், நமது தேவனுடைய மகத்துவத்தையும் காண்பார்கள்.	ஏசா 42:10-12 ஏசா 49:13 ஏசா 55:12 ஏசா 55:13 1நாளா 16:33 சங் 65:12 சங் 65:13 சங் 89:12 சங் 96:11-13 சங் 98:7-9 சங் 148:9-13 சகரி 10:7 ரோம 10:15 ரோம 15:10
3	தளர்ந்த கைகளைத் திடப்படுத்தி, தள்ளாடுகிற முழங்கால்களைப் பலப்படுத்துங்கள்.	ஏசா 40:1 ஏசா 40:2 ஏசா 52:1 ஏசா 52:2 ஏசா 57:14-16 நியா 7:11 யோபு 4:3 யோபு 4:4 யோபு 16:5 லூக் 22:32 லூக் 22:43 அப் 18:23 எபிரெ 12:12
4	மனம் பதறுகிறவர்களைப் பார்த்து: நீங்கள் பயப்படாதிருங்கள், திடன் கொள்ளுங்கள்; இதோ, உங்கள் தேவன் நீதியைச் சரிக்கட்டவும், உங்கள் தேவன் பதிலளிக்கவும் வருவார்; அவர் வந்து உங்களை இரட்சிப்பார் என்று சொல்லுங்கள்.	ஏசா 28:16 ஏசா 32:4 சங் 116:11 ஆபகூ 2:3
5	அப்பொழுது குருடரின் கண்கள் திறக்கப்பட்டு, செவிடரின் செவிகள் திறவுண்டுபோகும்.	ஏசா 29:18 ஏசா 32:3 ஏசா 32:4 ஏசா 42:6 ஏசா 42:7 ஏசா 42:16 ஏசா 43:8 சங் 146:8 மத் 9:27-30 மத் 11:3-5 மத் 12:22 மத் 20:30-34 மத் 21:14 மாற் 8:22-25 லூக் 4:18 யோவா 9:1-7 யோவா 9:39-7 யோவா 11:37 அப் 9:17 அப் 9:18 அப் 26:18 எபே 1:17 எபே 1:18 எபே 5:14
6	அப்பொழுது முடவன் மானைப்போல் குதிப்பான்; ஊமையன் நாவும் கெம்பீரிக்கும்; வனாந்தரத்திலே தண்ணீர்களும், கடுவெளியிலே ஆறுகளும் பாய்ந்தோடும்.	மத் 11:5 மத் 15:30 மத் 15:31 மத் 21:14 யோவா 5:8 யோவா 5:9 அப் 3:2 அப் 3:6-8 அப் 8:7 அப் 14:8-10
7	வெட்டாந்தரை தண்ணீர்த்தடாகமும், வறண்ட நிலம் நீரூற்றுகளுமாகும், வலுசர்ப்பங்கள் தாபரித்துக்கிடந்த இடங்களிலே புல்லும் கொறுக்கையும் நாணலும் உண்டாகும்.	ஏசா 29:17 ஏசா 44:3 ஏசா 44:4 மத் 21:43 லூக் 13:29 யோவா 4:14 யோவா 7:38 1கொரி 6:9-11
8	அங்கே பெரும்பாதையான வழியும் இருக்கும்; அது பரிசுத்த வழி என்னப்படும்; தீட்டுள்ளவன் அதிலே நடந்துவருவதில்லை; அந்த வழியில் நடக்கிறவர்கள் பேதையராயிருந்தாலும் திசைகெட்டுப் போவதில்லை.	ஏசா 11:16 ஏசா 19:23 ஏசா 40:3 ஏசா 40:4 ஏசா 42:16 ஏசா 49:11 ஏசா 49:12 ஏசா 57:14 ஏசா 62:10 எரே 31:21 யோவா 14:6 எபிரெ 10:20-23
9	அங்கே சிங்கம் இருப்பதில்லை; துஷ்டமிருகம் அங்கே போவதுமில்லை, அங்கே காணப்படவுமாட்டாது; மீட்கப்பட்டவர்களே அதில் நடப்பார்கள்.	ஏசா 11:6-9 ஏசா 65:25 லேவி 26:6 எசே 34:25 ஓசி 2:18 வெளிப் 20:1-3
10	கர்த்தரால் மீட்கப்பட்டவர்கள் திரும்பி, ஆனந்தக்களிப்புடன் பாடி, சீயோனுக்கு வருவார்கள்; நித்திய மகிழ்ச்சி அவர்கள் தலையின்மேலிருக்கும்; சந்தோஷமும் மகிழ்ச்சியும் அடைவார்கள்; சஞ்சலமும் தவிப்பும் ஓடிப்போகும்.	ஏசா 51:10 ஏசா 51:11 மத் 20:28 1தீமோ 2:6