1	ஆ, நீர் என் தாயின் பால்குடித்த என் சகோதரனைப்போலிருந்தீரானால், நான் உம்மை வெளியிலே சந்தித்து முத்தமிடுவேன்; என்னை நிந்திக்கவுமாட்டார்கள்.	ஏசா 7:14 ஏசா 9:6 ஆகா 2:7 சகரி 9:9 மல்கி 3:1 மத் 13:16 மத் 13:17 லூக் 2:26-32 லூக் 2:38-32 லூக் 10:23 லூக் 10:24 1தீமோ 3:16 எபிரெ 2:11 எபிரெ 2:12
2	நான் உம்மைக் கூட்டிக்கொண்டு, என் தாயின் வீட்டுக்கு அழைத்துக்கொண்டுபோவேன்; நீர் என்னைப் போதிப்பீர், கந்தவர்க்கமிட்ட திராட்சரசத்தையும், என் மாதளம்பழரசத்தையும் உமக்குக் குடிக்கக்கொடுப்பேன்.	உன்ன 3:4 கலா 4:26
3	அவர் இடதுகை என் தலையின்கீழிருக்கும், அவர் வலதுகை என்னை அணைக்கும்.	உன்ன 2:6 உபா 33:27 ஏசா 62:4 ஏசா 62:5 2கொரி 12:9
4	எருசலேமின் குமாரத்திகளே! எனக்குப் பிரியமானவளுக்கு மனதாகுமட்டும் நீங்கள் அவளை விழிக்கப்பண்ணாமலும் எழுப்பாமலும் இருக்க உங்களை ஆணையிடுகிறேன்.	உன்ன 2:7 உன்ன 3:5
5	தன் நேசர்மேல் சார்ந்துகொண்டு வனாந்தரத்திலிருந்து வருகிற இவள் யார்? கிச்சிலிமரத்தின்கீழ் உம்மை எழுப்பினேன்; அங்கே உமது தாய் உம்மைப் பெற்றாள்; அங்கே உம்மைப் பெற்றவள் வேதனைப்பட்டு உம்மைப் பெற்றாள்.	உன்ன 3:6 உன்ன 6:10
6	நீர் என்னை உமது இருதயத்தின்மேல் முத்திரையைப்போலவும், உமது புயத்தின்மேல் முத்திரையைப்போலவும் வைத்துக்கொள்ளும்; நேசம் மரணத்தைப்போல் வலிது; நேசவைராக்கியம் பாதாளத்தைப்போல் கொடிதாயிருக்கிறது; அதின் தழல் அக்கினித்தழலும் அதின் ஜூவாலை கடும் ஜூவாலையுமாயிருக்கிறது.	யாத் 28:9-12 யாத் 28:21-12 யாத் 28:29-12 யாத் 28:30-12 ஏசா 49:16 எரே 22:24 ஆகா 2:23 சகரி 3:9 2தீமோ 2:19
7	திரளான தண்ணீர்கள் நேசத்தை அவிக்கமாட்டாது, வெள்ளங்களும் அதைத் தணிக்கமாட்டாது; ஒருவன் தன் வீட்டிலுள்ள ஆஸ்திகளையெல்லாம் நேசத்துக்காகக் கொடுத்தாலும், அது முற்றிலும் அசட்டைபண்ணப்படும்.	ஏசா 43:2 மத் 7:24 மத் 7:25 ரோம 8:28-39
8	நமக்கு ஒரு சிறிய சகோதரியுண்டு, அவளுக்கு ஸ்தனங்களில்லை; நம்முடைய சகோதரியைக் கேட்கும் நாளில் அவளுக்காக நாம் என்ன செய்வோம்?	எசே 16:46 எசே 16:55 எசே 16:56 எசே 16:61 எசே 23:33 யோவா 10:16 அப் 15:14-17 ரோம 15:9-12
9	அவள் ஒரு மதிலானால், அதின்மேல் வெள்ளிக்கோட்டையைக் கட்டுவோம்; அவள் கதவானால், கேதுருப்பலகைகளை அதற்கு இணைப்போம்.	உன்ன 2:9 வெளிப் 21:12-19
10	நான் மதில்தான், என் ஸ்தனங்கள் கோபுரங்கள்; அவருடைய கண்களில் கடாட்சம் பெறலானேன்.	உன்ன 4:5 உன்ன 7:3 உன்ன 7:4 உன்ன 7:7 உன்ன 7:8 எசே 16:7
11	பாகால் ஆமோனிலே சாலொமோனுக்கு ஒரு திராட்சத்தோட்டம் உண்டாயிருந்தது, அந்தத் தோட்டத்தைக் காவலாளிகள் வசத்திலே அதின் பலனுக்காக, ஒவ்வொருவன் ஆயிரம் வெள்ளிக்காசு கொண்டுவரும்படி விட்டார்.	உன்ன 7:12 பிரச 2:4 ஏசா 5:1-7 மத் 21:33-43 மாற் 12:1
12	என் திராட்சத்தோட்டம் எனக்கு முன்பாக இருக்கிறது; சாலொமோனே! உமக்கு அந்த ஆயிரமும், அதின் கனியைக் காக்கிறவர்களுக்கு இருநூறும் சேரும்.	உன்ன 1:6 நீதி 4:23 அப் 20:28 1தீமோ 4:15 1தீமோ 4:16
13	தோட்டங்களில் வாசம்பண்ணுகிறவளே! தோழர் உன் சத்தத்தைக் கேட்கிறார்கள்; நானும் அதைக் கேட்கட்டும்.	உன்ன 2:13 உன்ன 4:16 உன்ன 6:2 உன்ன 6:11 உன்ன 7:11 உன்ன 7:12 மத் 18:20 மத் 28:20 யோவா 14:21-23
14	என் நேசரே! தீவிரியும், கந்தவர்க்கங்களின் மலைகள்மேலுள்ள வெளிமானுக்கும் மரைகளின் குட்டிக்கும் சமானமாயிரும்.	உன்ன 2:17 லூக் 19:12 பிலிப் 1:23 வெளிப் 22:17 வெளிப் 22:20