1	புத்தியுள்ள ஸ்திரீ தன் வீட்டைக் கட்டுகிறாள்; புத்தியில்லாத ஸ்திரீயோ தன் கைகளினால் அதை இடித்துப்போடுகிறாள்.	நீதி 24:3 நீதி 24:4 நீதி 31:10-31 ரூத் 4:11
2	நிதானமாய் நடக்கிறவன் கர்த்தருக்குப் பயப்படுகிறான்; தன் வழிகளில் தாறுமாறானவனோ அவரை அலட்சியம்பண்ணுகிறான்.	நீதி 16:17 நீதி 28:6 1இரா 3:6 யோபு 1:1 யோபு 28:28 சங் 25:21 சங் 112:1 பிரச 12:13 மல்கி 2:5 மல்கி 2:6 அப் 9:31 அப் 10:22 அப் 10:35
3	மூடன் வாயிலே அவன் அகந்தைக்கேற்ற மிலாறுண்டு; ஞானவான்களின் உதடுகளோ அவர்களைக் காப்பாற்றும்.	நீதி 18:6 நீதி 21:24 நீதி 22:8 நீதி 28:25 1சாமு 2:3 யோபு 5:21 சங் 12:3 சங் 31:18 சங் 52:1 சங் 52:2 சங் 57:4 தானி 7:20 யாக் 3:5 யாக் 3:6 2பேது 2:18 வெளிப் 15:5 வெளிப் 15:6
4	எருதுகளில்லாத இடத்தில் களஞ்சியம் வெறுமையாயிருக்கும்; காளைகளின் பெலத்தினாலோ மிகுந்த வரத்துண்டு.	ஆமோ 4:6
5	மெய்ச்சாட்சிக்காரன் பொய்சொல்லான்; பொய்ச்சாட்சிக்காரனோ பொய்களை ஊதுகிறான்.	நீதி 14:25 நீதி 6:19 நீதி 12:17 நீதி 13:5 நீதி 19:5 நீதி 19:9 யாத் 20:16 யாத் 23:1 1இரா 21:13 1இரா 22:12-14
6	பரியாசக்காரன் ஞானத்தைத் தேடியும் கண்டுபிடியான்; புத்தியுள்ளவனுக்கோ அறிவு லேசாய்வரும்.	நீதி 18:2 நீதி 26:12 ஏசா 8:20 எரே 8:9 மத் 6:22 மத் 6:23 மத் 11:25-27 ரோம 1:21-28 ரோம 9:31 ரோம 9:32 1கொரி 3:18 1கொரி 3:19 1கொரி 8:2 2பேது 3:3-5
7	மூடனுடைய முகத்துக்கு விலகிப்போ; அறிவுள்ள உதடுகளை அங்கே காணாய்.	நீதி 9:6 நீதி 13:20 நீதி 19:27 1கொரி 5:11 எபே 5:11
8	தன் வழியைச் சிந்தித்துக்கொள்வது விவேகியின் ஞானம்; மூடர்களுடைய வஞ்சனையோ மூடத்தனம்.	நீதி 2:9 நீதி 8:20 சங் 111:10 சங் 119:5 சங் 119:34 சங் 119:35 சங் 119:73 சங் 143:8 எபே 5:17 கொலோ 1:9 கொலோ 1:10 2தீமோ 3:15-17 யாக் 3:13
9	மூடர் பாவத்தைக்குறித்துப் பரியாசம்பண்ணுகிறார்கள்; நீதிமான்களுக்குள்ளே தயை உண்டு.	நீதி 1:22 நீதி 10:23 நீதி 26:18 நீதி 26:19 நீதி 30:20 யோபு 15:16 யோபு 34:7-9 யூதா 1:18
10	இருதயத்தின் கசப்பு இருதயத்திற்கே தெரியும்; அதின் மகிழ்ச்சிக்கு அந்நியன் உடந்தையாகான்.	நீதி 15:13 நீதி 18:14 1சாமு 1:10 2இரா 4:27 யோபு 6:2-4 யோபு 7:11 யோபு 9:18 யோபு 10:1 எசே 3:14 மாற் 14:33 மாற் 14:34 யோவா 12:27
11	துன்மார்க்கனுடைய வீடு அழியும்; செம்மையானவனுடைய கூடாரமோ செழிக்கும்.	நீதி 3:33 நீதி 12:7 நீதி 21:12 யோபு 8:15 யோபு 15:34 யோபு 18:14 யோபு 18:15 யோபு 18:21 யோபு 20:26-28 யோபு 21:28 யோபு 27:13-23 சகரி 5:4 மத் 7:26 மத் 7:27
12	மனுஷனுக்குச் செம்மையாய்த் தோன்றுகிற வழி உண்டு; அதின் முடிவோ மரணவழிகள்.	நீதி 12:15 நீதி 16:25 நீதி 30:12 மத் 7:13 மத் 7:14 லூக் 13:24 ரோம 6:21 கலா 6:3 எபே 5:6 யாக் 1:22
13	நகைப்பிலும் மனதுக்குத் துக்கமுண்டு; அந்த மகிழ்ச்சியின் முடிவு சஞ்சலம்.	நீதி 5:4 பிரச 2:2 பிரச 2:10 பிரச 2:11 பிரச 7:5 பிரச 7:6 பிரச 11:9 லூக் 16:25 யாக் 4:9 வெளிப் 18:7 வெளிப் 18:8
14	பின்வாங்கும் இருதயமுள்ளவன் தன் வழிகளிலேயும், நல்ல மனுஷனோ தன்னிலே தானும் திருப்தியடைவான்.	நீதி 1:32 எரே 2:19 எரே 8:5 எரே 17:5 ஓசி 4:16 செப் 1:6 எபிரெ 3:12 2பேது 2:20-22
15	பேதையானவன் எந்த வார்த்தையையும் நம்புவான்; விவேகியோ தன் நடையின்மேல் கவனமாயிருக்கிறான்.	நீதி 4:26 நீதி 22:3 நீதி 27:12 ரோம 16:18 ரோம 16:19 எபே 4:14 எபே 5:17 1யோவா 4:1
16	ஞானமுள்ளவன் பயந்து தீமைக்கு விலகுகிறான்; மதியீனனோ மூர்க்கங்கொண்டு துணிகரமாயிருக்கிறான்.	நீதி 3:7 நீதி 16:6 நீதி 16:17 நீதி 22:3 ஆதி 33:9 ஆதி 42:18 நெகே 5:15 யோபு 31:21-23 சங் 119:120 1தெச 5:22
17	முற்கோபி மதிகேட்டைச் செய்வான்; துர்ச்சிந்தனைக்காரன் வெறுக்கப்படுவான்.	நீதி 14:29 நீதி 12:16 நீதி 15:18 நீதி 16:32 நீதி 22:24 நீதி 29:22 பிரச 7:9 யாக் 1:19
18	பேதையர் புத்தியீனத்தைச் சுதந்தரிக்கிறார்கள்; விவேகிகளோ அறிவினால் முடிசூட்டப்படுகிறார்கள்.	நீதி 3:35 நீதி 11:29 எரே 16:19 எரே 44:17 மத் 23:29-32 1பேது 1:18
19	தீயோர் நல்லோருக்கு முன்பாகவும், துன்மார்க்கர் நீதிமான்களுடைய வாசற்படிகளிலும் குனிவதுண்டு.	ஆதி 42:6 ஆதி 43:28 யாத் 8:8 யாத் 9:27 யாத் 9:28 யாத் 11:8 2இரா 3:12 எஸ்தர் 7:7 எஸ்தர் 7:8 சங் 49:14 ஏசா 60:14 மீகா 7:9 மீகா 7:10 மீகா 7:16 மீகா 7:17 மல்கி 4:3 அப் 16:39 வெளிப் 3:9
20	தரித்திரன் தனக்கடுத்தவனாலும் பகைக்கப்படுகிறான்; ஐசுவரியவானுக்கோ அநேக சிநேகிதருண்டு.	நீதி 10:15 நீதி 19:7 யோபு 6:21-23 யோபு 19:13 யோபு 19:14 யோபு 30:10
21	பிறனை அவமதிக்கிறவன் பாவஞ்செய்கிறான்; தரித்திரனுக்கு இரங்குகிறவனோ பாக்கியமடைவான்.	நீதி 11:12 நீதி 17:5 நீதி 18:3 யோபு 31:13-15 யோபு 35:5 யோபு 35:6 சங் 22:24 லூக் 18:9 யாக் 2:5 யாக் 2:6 யாக் 2:14-16
22	தீமையை யோசிக்கிறவர்கள் தவறுகிறார்களல்லவோ? நன்மையை யோசிக்கிறவர்களுக்கோ கிருபையும் சத்தியமுமுண்டு.	நீதி 14:17 நீதி 12:2 ஏசா 32:7 ஏசா 32:8
23	சகல பிரயாசத்தினாலும் பிரயோஜனமுண்டு; உதடுகளின் பேச்சோ வறுமையை மாத்திரம் தரும்.	நீதி 12:24 நீதி 28:19 யோவா 6:27 எபிரெ 6:10 எபிரெ 6:11
24	ஞானிகளுக்கு முடி அவர்கள் செல்வம்; மூடரின் மதியீனம் மூடத்தனமே.	சங் 112:9 பிரச 7:11 பிரச 7:12 ஏசா 33:6 லூக் 16:9
25	மெய்ச்சாட்சி சொல்லுகிறவன் உயிர்களை இரட்சிக்கிறான்; வஞ்சனைக்காரனோ பொய்களை ஊதுகிறான்.	நீதி 14:5 அப் 20:21 அப் 20:26 அப் 20:27 அப் 26:16-20 1தீமோ 4:1-3 2பேது 3:3
26	கர்த்தருக்குப் பயப்படுகிறவனுக்குத் திடநம்பிக்கை உண்டு; அவன் பிள்ளைகளுக்கும் அடைக்கலம் கிடைக்கும்.	நீதி 3:7 நீதி 3:8 நீதி 3:25 நீதி 3:26 நீதி 19:23 ஆதி 31:42 சங் 34:7-11 சங் 112:1 சங் 112:6-8 சங் 115:13 சங் 115:14 பிரச 7:18 மல்கி 3:16-18 மல்கி 4:2 அப் 9:31
27	கர்த்தருக்குப் பயப்படுதல் ஜீவஊற்று; அதினால் மரணக்கண்ணிகளுக்குத் தப்பலாம்.	நீதி 13:14 ஏசா 33:6 வெளிப் 21:6
28	ஜனத்திரட்சி ராஜாவின் மகிமை; ஜனக்குறைவு தலைவனின் முறிவு.	யாத் 1:12 யாத் 1:22 1இரா 4:20 1இரா 4:21 1இரா 20:27 2இரா 10:32 2இரா 10:33 2இரா 13:7
29	நீடிய சாந்தமுள்ளவன் மகாபுத்திமான்; முற்கோபியோ புத்தியீனத்தை விளங்கப்பண்ணுகிறான்.	நீதி 14:17 நீதி 15:18 நீதி 16:32 எண் 12:3 மத் 11:29 1கொரி 13:4 1கொரி 13:5 யாக் 1:19 யாக் 3:17 யாக் 3:18
30	சொஸ்தமனம் உடலுக்கு ஜீவன்; பொறாமையோ எலும்புருக்கி.	நீதி 4:23 சங் 119:80 2தீமோ 1:7
31	தரித்திரனை ஒடுக்குகிறவன் அவனை உண்டாக்கினவரை நிந்திக்கிறான்; தரித்திரனுக்குத் தயைசெய்கிறவனோ அவரைக் கனம்பண்ணுகிறான்;	நீதி 17:5 நீதி 22:2 நீதி 22:16 நீதி 22:22 நீதி 22:23 யோபு 31:13-16 சங் 12:5 பிரச 5:8 மத் 25:40-46
32	துன்மார்க்கன் தன் தீமையிலே வாரிக்கொள்ளப்படுவான்; நீதிமானோ தன் மரணத்திலே நம்பிக்கையுள்ளவன்.	யோபு 18:18 யோபு 27:20-22 சங் 58:9 தானி 5:26-30 யோவா 8:21 யோவா 8:24 ரோம 9:22 1தெச 5:3
33	புத்திமானுடைய இருதயத்தில் ஞானம் தங்கும்; மதியீனரிடத்தில் உள்ளதோ வெளிப்படும்.	நீதி 12:16 நீதி 12:23 நீதி 13:16 நீதி 15:2 நீதி 15:28 நீதி 29:11 பிரச 10:3
34	நீதி ஜனத்தை உயர்த்தும்; பாவமோ எந்த ஜனத்துக்கும் இகழ்ச்சி.	உபா 4:6-8 உபா 28:1-14 நியா 2:6-14 எரே 2:2-25 ஓசி 13:1
35	ராஜாவின் தயை விவேகமுள்ள பணிவிடைக்காரன் மேலிருக்கும்; அவனுடைய கோபமோ இலச்சையுண்டாக்குகிறவன் மேலிருக்கும்.	நீதி 19:12 நீதி 19:13 நீதி 20:8 நீதி 20:26 நீதி 22:11 நீதி 25:5 நீதி 29:12 சங் 101:4-8 மத் 24:45-51 லூக் 12:42-48