1	ஞானமுள்ள மகன் தகப்பனுடைய போதகத்தைக் கேட்கிறான்; பரியாசக்காரனோ கடிந்துகொள்ளுதலுக்குச் செவிகொடான்.	நீதி 4:1-14 நீதி 4:20-22 நீதி 10:1 நீதி 15:5 நீதி 15:20
2	மனுஷன் தன் வாயின் பலனால் நன்மையைப் புசிப்பான்; துரோகிகளின் ஆத்துமாவோ கொடுமையைப் புசிக்கும்.	நீதி 12:14 நீதி 18:20
3	தன் வாயைக் காக்கிறவன் தன் பிராணனைக் காக்கிறான்; தன் உதடுகளை விரிவாய்த் திறக்கிறவனோ கலக்கமடைவான்.	நீதி 10:19 நீதி 12:13 நீதி 21:23 சங் 39:1 மத் 12:36 மத் 12:37 யாக் 1:26 யாக் 3:2-12
4	சோம்பேறியுடைய ஆத்துமா விரும்பியும் ஒன்றும் பெறாது; ஜாக்கிரதையுள்ளவர்களுடைய ஆத்துமாவோ புஷ்டியாகும்;	நீதி 10:4 நீதி 12:11 நீதி 12:24 நீதி 26:13 எண் 23:10
5	நீதிமான் பொய்ப்பேச்சை வெறுக்கிறான்; துன்மார்க்கனோ வெட்கமும் இலச்சையும் உண்டாக்குகிறான்.	நீதி 6:17 நீதி 30:8 சங் 119:163 எபே 4:25 கொலோ 3:9
6	நீதி உத்தமமார்க்கத்தானைத் தற்காக்கும்; துன்மார்க்கமோ பாவியைக் கவிழ்த்துப்போடும்.	நீதி 11:3 நீதி 11:5 நீதி 11:6 சங் 15:2 சங் 25:21 சங் 26:1
7	ஒன்றுமில்லாதிருக்கத் தன்னைச் செல்வனாகப் பாராட்டுகிறவனும் உண்டு; மிகுந்த செல்வமிருக்கத் தன்னைத் தரித்திரனாகப் பாராட்டுகிறவனும் உண்டு.	நீதி 13:11 நீதி 12:9 லூக் 18:11-14 1கொரி 4:8 2பேது 2:19 வெளிப் 3:17
8	மனுஷனுடைய ஐசுவரியம் அவன் பிராணனை மீட்கும்; தரித்திரனோ மிரட்டுதலைக் கேளாதிருக்கிறான்.	நீதி 6:35 யாத் 21:30 யோபு 2:4 சங் 49:6-10 எரே 41:8 மத் 16:26 1பேது 1:18 1பேது 1:19
9	நீதிமான்களின் வெளிச்சம் சந்தோஷிப்பிக்கும்; துன்மார்க்கரின் தீபமோ அணைந்துபோகும்.	நீதி 4:18 1இரா 11:36 சங் 97:11 சங் 112:4
10	அகந்தையினால் மாத்திரம் வாது பிறக்கும்; ஆலோசனையைக் கேட்கிறவர்களிடத்திலோ ஞானம் உண்டு.	நீதி 21:24 நியா 12:1-6 1இரா 12:10 1இரா 12:11 1இரா 12:16 2இரா 14:10 லூக் 22:24 1தீமோ 6:4 யாக் 3:14-16 யாக் 4:1 யாக் 4:5 யாக் 4:6 3யோவா 1:9 3யோவா 1:10
11	வஞ்சனையால் தேடின பொருள் குறைந்துபோகும்; கைப்பாடாய்ச் சேர்க்கிறவனோ விருத்தியடைவான்.	நீதி 10:2 நீதி 20:21 நீதி 28:8 யோபு 15:28 யோபு 15:29 யோபு 20:15 யோபு 20:19-22 யோபு 27:16 யோபு 27:17 பிரச 5:14 எரே 17:11 ஆபகூ 2:6 ஆபகூ 2:7 யாக் 5:1-5
12	நெடுங்காலமாய்க் காத்திருக்குதல் இருதயத்தை இளைக்கப்பண்ணும்; விரும்பினது வரும்போதோ ஜீவவிருட்சம்போல் இருக்கும்.	சங் 42:1-3 சங் 69:3 சங் 119:81-83 சங் 143:7 உன்ன 5:8
13	திருவசனத்தை அவமதிக்கிறவன் நாசமடைவான்; கற்பனைக்குப் பயப்படுகிறவனோ பலனடைவான்.	நீதி 1:25 நீதி 1:30 நீதி 1:31 2சாமு 12:9 2சாமு 12:10 2நாளா 36:16 எரே 43:2 எரே 44:16 எரே 44:17 எசே 20:13 எசே 20:16 எசே 20:24 லூக் 16:31 எபிரெ 10:28 எபிரெ 10:29
14	ஞானவான்களுடைய போதகம் ஜீவஊற்று; அதினால் மரணக்கண்ணிகளுக்குத் தப்பலாம்.	நீதி 9:11 நீதி 10:11 நீதி 14:27 நீதி 16:22
15	நற்புத்தி தயையை உண்டாக்கும்; துரோகிகளுடைய வழியோ கரடுமுரடானது.	நீதி 3:4 நீதி 14:35 1சாமு 18:14-16 லூக் 2:52 அப் 7:10
16	விவேகியானவன் அறிவோடு நடந்துகொள்ளுகிறான்; மூடனோ தன் மூடத்தனத்தை வெளிப்படுத்துகிறான்.	நீதி 12:22 நீதி 12:23 நீதி 15:2 நீதி 21:24 சங் 112:5 ஏசா 52:13 மத் 10:16 ரோம 16:19 1கொரி 14:20 எபே 5:17
17	துரோகமுள்ள தூதன் தீதிலே விழுவான்; உண்மையுள்ள ஸ்தானாபதியோ ஒளஷதம்.	நீதி 10:26 நீதி 26:6 எரே 23:13-16 எரே 23:28-16 எசே 3:18 எசே 33:7 எசே 33:8 2கொரி 2:17
18	புத்திமதிகளைத் தள்ளுகிறவன் தரித்திரத்தையும் இலச்சையையும் அடைவான்; கடிந்து கொள்ளுதலைக் கவனித்து நடக்கிறவனோ கனமடைவான்.	நீதி 13:13 நீதி 5:9-14 நீதி 12:1 நீதி 15:5 நீதி 15:31 நீதி 15:32 நீதி 19:6 எரே 5:3-9 எபிரெ 12:25
19	வாஞ்சை நிறைவேறுவது ஆத்துமாவுக்கு இனிது; தீமையை விட்டு விலகுவது மூடருக்கு அருவருப்பு.	நீதி 13:12 1இரா 1:48 சங் 21:1 சங் 21:2 உன்ன 3:4 2தீமோ 4:7 2தீமோ 4:8 வெளிப் 7:14-17
20	ஞானிகளோடே சஞ்சரிக்கிறவன் ஞானமடைவான்; மூடருக்குத் தோழனோ நாசமடைவான்.	நீதி 2:20 சங் 119:63 உன்ன 1:7 உன்ன 1:8 மல்கி 3:16 அப் 2:42 எபிரெ 10:24
21	பாவிகளைத் தீவினை தொடரும்; நீதிமான்களுக்கோ நன்மை பலனாக வரும்.	ஆதி 4:7 எண் 32:23 சங் 32:10 சங் 140:11 அப் 28:4
22	நல்லவன் தன் பிள்ளைகளின் பிள்ளைகளுக்குச் சுதந்தரம் வைத்துப்போகிறான்; பாவியின் ஆஸ்தியோ நீதிமானுக்காகச் சேர்த்துவைக்கப்படும்.	ஆதி 17:7 ஆதி 17:8 சங் 25:12 சங் 25:13 சங் 102:28 சங் 112:2 சங் 128:6
23	ஏழைகளின் வயல் மிகுதியான ஆகாரத்தை விளைவிக்கும்; நியாயம் கிடையாமல் கெட்டுப்போகிறவர்களும் உண்டு.	நீதி 12:11 நீதி 12:14 நீதி 27:18 நீதி 27:23-27 நீதி 28:19 பிரச 5:9
24	பிரம்பைக் கையாடாதவன் தன் மகனைப் பகைக்கிறான்; அவன்மேல் அன்பாயிருக்கிறவனோ அவனை ஏற்கனவே தண்டிக்கிறான்.	நீதி 3:12 நீதி 8:36 நீதி 19:18 நீதி 22:15 நீதி 23:13 நீதி 23:14 நீதி 29:15 நீதி 29:17 லூக் 14:26 எபிரெ 12:6-8
25	நீதிமான் தனக்குத் திருப்தியாகப் புசிக்கிறான்; துன்மார்க்கருடைய வயிறோ பசித்திருக்கும்.	சங் 34:10 சங் 37:3 சங் 37:16 சங் 37:18 சங் 37:19 1தீமோ 4:8 எபிரெ 13:5