1	சாலொமோனின் நீதிமொழிகள்: ஞானமுள்ள மகன் தகப்பனைச் சந்தோஷப்படுத்துகிறான்; மூடத்தனமுள்ளவனோ தாய்க்குச் சஞ்சலமாயிருக்கிறான்.	நீதி 1:1 நீதி 25:1 1இரா 4:32 பிரச 12:9
2	அநியாயத்தின் திரவியங்கள் ஒன்றுக்கும் உதவாது; நீதியோ மரணத்துக்குத் தப்புவிக்கும்.	நீதி 11:4 சங் 49:6-10 ஏசா 10:2 ஏசா 10:3 செப் 1:18 லூக் 12:15-21 லூக் 16:22 லூக் 16:23 ரோம 2:5 யாக் 5:1-3
3	கர்த்தர் நீதிமான்களைப் பசியினால் வருந்தவிடார்; துன்மார்க்கருடைய பொருளையோ அகற்றிவிடுகிறார்.	யோபு 5:20 சங் 10:14 சங் 33:19 சங் 34:9 சங் 34:10 சங் 37:3 சங் 37:19 சங் 37:25 ஏசா 33:16 மத் 6:30-33 லூக் 12:22-24 லூக் 12:31-24 எபிரெ 13:5 எபிரெ 13:6
4	சோம்பற்கையால் வேலைசெய்கிறவன் ஏழையாவான்; சுறுசுறுப்புள்ளவன் கையோ செல்வத்தை உண்டாக்கும்.	நீதி 6:6-11 நீதி 11:24 நீதி 12:24 நீதி 19:15 நீதி 19:24 நீதி 20:4 நீதி 20:13 நீதி 24:30-34 பிரச 10:18 யோவா 6:27 எபிரெ 6:11 எபிரெ 6:12 2பேது 1:5-10
5	கோடைகாலத்தில் சேர்க்கிறவன் புத்தியுள்ள மகன்; அறுப்புகாலத்தில் தூங்குகிறவனோ இலச்சையை உண்டாக்குகிற மகன்.	நீதி 6:6 நீதி 6:8 நீதி 30:25 ஏசா 55:6 ஏசா 55:7
6	நீதிமானுடைய சிரசின்மேல் ஆசீர்வாதங்கள் தங்கும்; கொடுமையோ துன்மார்க்கனுடைய வாயை அடைக்கும்.	நீதி 11:26 நீதி 24:25 நீதி 28:20 உபா 28:2 யோபு 29:13 2தீமோ 1:16-18
7	நீதிமானுடைய பேர் புகழ்பெற்று விளங்கும்; துன்மார்க்கனுடைய பேரோ அழிந்துபோகும்.	1இரா 11:36 2இரா 19:34 2நாளா 24:16 சங் 112:6 மாற் 14:9 லூக் 1:48
8	இருதயத்தில் ஞானமுள்ளவன் கட்டளைகளை ஏற்றுக்கொள்ளுகிறான்; அலப்புகிற மூடனோ விழுவான்.	நீதி 1:5 நீதி 9:9 நீதி 12:1 நீதி 14:8 சங் 119:34 யாக் 3:13
9	உத்தமமாய் நடக்கிறவன் பத்திரமாய் நடக்கிறான்; கோணலான வழிகளில் நடக்கிறவனோ கண்டுபிடிக்கப்படுவான்.	நீதி 28:18 சங் 23:4 சங் 25:21 சங் 26:11 சங் 26:12 சங் 84:11 ஏசா 33:15 ஏசா 33:16 கலா 2:13 கலா 2:14
10	கண்சாடை காட்டுகிறவன் நோவு உண்டாக்குகிறான்; அலப்புகிற மூடன் விழுவான்.	நீதி 6:13 யோபு 15:12 சங் 35:19
11	நீதிமானுடைய வாய் ஜீவஊற்று; கொடுமையோ துன்மார்க்கனுடைய வாயை அடைக்கும்.	நீதி 10:20 நீதி 10:21 நீதி 10:32 நீதி 13:14 நீதி 15:7 நீதி 16:22-24 நீதி 18:4 நீதி 20:15 சங் 37:30 சங் 37:31 எபே 4:29
12	பகை விரோதங்களை எழுப்பும்; அன்போ சகல பாவங்களையும் மூடும்.	நீதி 15:18 நீதி 16:27 நீதி 28:25 நீதி 29:22 யாக் 4:1
13	புத்திமானுடைய உதடுகளில் விளங்குவது ஞானம்; மதிகேடனுடைய முதுகுக்கு ஏற்றது பிரம்பு.	நீதி 10:11 நீதி 10:21 நீதி 15:7 நீதி 15:23 நீதி 20:15 நீதி 26:3 யாத் 10:12 ஏசா 50:4 லூக் 4:22
14	ஞானவான்கள் அறிவைச் சேர்த்து வைக்கிறார்கள்; மூடனுடைய வாய்க்குக் கேடு சமீபித்திருக்கிறது.	நீதி 1:5 நீதி 9:9 நீதி 18:1 நீதி 18:15 நீதி 19:8 மத் 12:35 மத் 13:44 மத் 13:52 2கொரி 4:6 2கொரி 4:7
15	ஐசுவரியவானுடைய பொருள் அவனுக்கு அரணான பட்டணம்; ஏழைகளின் வறுமையோ அவர்களைக் கலங்கப்பண்ணும்.	நீதி 18:11 யோபு 31:24 யோபு 31:25 சங் 49:6 சங் 52:7 பிரச 7:12 எரே 9:23 மாற் 10:24 லூக் 12:19 1தீமோ 6:17
16	நீதிமானுடைய பிரயாசம் ஜீவனையும், துன்மார்க்கனுடைய விளைவோ பாவத்தையும் பிறப்பிக்கும்.	நீதி 11:30 ஏசா 3:10 ஏசா 3:11 யோவா 6:27 1கொரி 15:58 கலா 6:7-9 எபிரெ 6:10
17	புத்திமதிகளைக் காத்துக்கொள்ளுகிறவன் ஜீவவழியில் இருக்கிறான்; கண்டனையை வெறுக்கிறவனோ மோசம்போகிறான்.	நீதி 3:1 நீதி 3:2 நீதி 3:18 நீதி 4:4 நீதி 4:13 நீதி 12:1 நீதி 22:17-19 மத் 7:24-27 லூக் 11:28 எபிரெ 2:1 2பேது 1:5-11
18	பகையை மறைக்கிறவன் பொய் உதடன்; புறங்கூறுகிறவன் மதிகேடன்.	நீதி 26:24-26 1சாமு 18:21 1சாமு 18:22 1சாமு 18:29 2சாமு 3:27 2சாமு 11:8-15 2சாமு 13:23-29 2சாமு 20:9 2சாமு 20:10 சங் 5:9 சங் 12:2 சங் 55:21 லூக் 20:20 லூக் 20:21
19	சொற்களின் மிகுதியில் பாவமில்லாமற்போகாது; தன் உதடுகளை அடக்குகிறவனோ புத்திமான்.	பிரச 5:3 பிரச 10:13 பிரச 10:14 யாக் 3:2
20	நீதிமானுடைய நாவு சுத்தவெள்ளி; துன்மார்க்கனுடைய மனம் அற்பவிலையும் பெறாது.	நீதி 12:18 நீதி 15:4 நீதி 16:13 நீதி 25:11 நீதி 25:12 மத் 12:35
21	நீதிமானுடைய உதடுகள் அநேகரைப் போஷிக்கும்; மூடரோ மதியீனத்தினால் மாளுவார்கள்.	நீதி 12:18 நீதி 15:4 யோபு 4:3 யோபு 4:4 யோபு 23:12 யோபு 29:21 யோபு 29:22 சங் 37:30 பிரச 12:9 பிரச 12:10 எரே 3:15 எரே 15:16 யோவா 21:15-17 1பேது 5:2
22	கர்த்தரின் ஆசீர்வாதமே ஐசுவரியத்தைத் தரும்; அதனோடே அவர் வேதனையைக் கூட்டார்.	ஆதி 12:2 ஆதி 13:2 ஆதி 14:23 ஆதி 24:35 ஆதி 26:12 உபா 8:17 உபா 8:18 1சாமு 2:7 1சாமு 2:8 சங் 37:22 சங் 107:38 சங் 113:7 சங் 113:8
23	தீவினைசெய்வது மூடனுக்கு விளையாட்டு; புத்திமானுக்கோ ஞானம் உண்டு.	நீதி 14:9 நீதி 15:21 நீதி 26:18 நீதி 26:19 பிரச 11:9
24	துன்மார்க்கன் பயப்படும் காரியம் அவனுக்கு வந்து நேரிடும்; நீதிமான் விரும்புகிற காரியம் அவனுக்குக் கொடுக்கப்படும்.	யோபு 3:25 யோபு 15:21 எபிரெ 10:27
25	சுழல்காற்று கடந்துபோவதுபோல் துன்மார்க்கன் கடந்துபோவான்; நீதிமானோ நித்திய அஸ்திபாரமுள்ளவன்;	நீதி 1:27 யோபு 27:19-21 சங் 37:9 சங் 37:10 சங் 58:9 சங் 73:18-20 ஏசா 40:24
26	பற்களுக்குக் காடியும், கண்களுக்குப் புகையும் எப்படியிருக்கிறதோ, அப்படியே சோம்பேறியும் தன்னை அனுப்புகிறவர்களுக்கு இருக்கிறான்.	நீதி 25:13 நீதி 25:20
27	கர்த்தருக்குப் பயப்படுதல் ஆயுசு நாட்களைப் பெருகப்பண்ணும்; துன்மார்க்கருடைய வருஷங்களோ குறுகிப்போகும்.	நீதி 3:2 நீதி 3:16 நீதி 9:11 சங் 21:4 சங் 34:11-13 சங் 91:16
28	நீதிமான்களின் நம்பிக்கை மகிழ்ச்சியாகும்; துன்மார்க்கருடைய அபேட்சையோ அழியும்.	சங் 16:9 சங் 73:24-26 ரோம 5:2 ரோம 12:12 ரோம 15:13 2தெச 2:16
29	கர்த்தரின் வழி உத்தமர்களுக்கு அரண், அக்கிரமக்காரருக்கோ கலக்கம்.	சங் 84:7 ஏசா 40:31 சகரி 10:12 பிலிப் 4:13
30	நீதிமான் என்றும் அசைக்கப்படுவதில்லை; துன்மார்க்கர் பூமியில் வசிப்பதில்லை.	நீதி 10:25 சங் 16:8 சங் 37:22 சங் 37:28 சங் 37:29 சங் 112:6 சங் 125:1 ரோம 8:35-39 2பேது 1:10 2பேது 1:11
31	நீதிமானுடைய வாய் ஞானத்தை வெளிப்படுத்தும்; மாறுபாடுள்ள நாவோ அறுப்புண்டுபோகும்.	நீதி 10:11 நீதி 10:13 நீதி 10:20 நீதி 10:21 சங் 37:30
32	நீதிமான்களுடைய உதடுகள் பிரியமானவைகளைப்பேச அறியும்; துன்மார்க்கருடைய வாயோ மாறுபாடுள்ளது.	பிரச 12:10 தானி 4:27 தீத் 2:8