1	'தேவன் இல்லை' என்று மதிகேடன் தன் இருதயத்தில் சொல்லிக்கொள்ளுகிறான். அவர்கள் தங்களைக்கெடுத்து, அருவருப்பான கிரியைகளைச் செய்துவருகிறார்கள்; நன்மைசெய்கிறவன் ஒருவனும் இல்லை.	சங் 73:3 சங் 92:6 சங் 107:17 1சாமு 25:25 நீதி 1:7 நீதி 1:22 நீதி 13:19 நீதி 27:22 லூக் 12:20
2	தேவனைத் தேடுகிற உணர்வுள்ளவன் உண்டோ என்று பார்க்க, கர்த்தர் பரலோகத்திலிருந்து மனுபுத்திரரைக் கண்ணோக்கினார்.	சங் 33:13 சங் 33:14 சங் 102:19 சங் 102:20 ஆதி 6:12 ஆதி 11:5 ஆதி 18:21 ஏசா 63:15 ஏசா 64:1 புலம் 3:50
3	எல்லாரும் வழிவிலகி, ஏகமாய்க் கெட்டுப்போனார்கள்; நன்மை செய்கிறவன் இல்லை, ஒருவனாகிலும் இல்லை.	சங் 119:176 பிரச 7:29 ஏசா 53:6 ஏசா 59:7 ஏசா 59:8 ஏசா 59:13-15 எரே 2:13 ரோம 3:10-12 ரோம 3:23-12 எபே 2:3 2பேது 2:13-15
4	அக்கிரமக்காரரில் ஒருவனுக்கும் அறிவு இல்லையோ? அப்பத்தைப் பட்சிக்கிறதுபோல, என் ஜனத்தைப் பட்சிக்கிறார்களே; அவர்கள் கர்த்தரைத் தொழுதுகொள்ளுகிறதில்லை.	சங் 94:8 சங் 94:9 ஏசா 5:13 ஏசா 27:11 ஏசா 29:14 ஏசா 44:19 ஏசா 44:20 ஏசா 45:20 ரோம 1:21 ரோம 1:22 ரோம 1:28 2கொரி 4:3 2கொரி 4:4 எபே 4:17 எபே 4:18
5	அங்கே அவர்கள் மிகவும் பயந்தார்கள்; தேவன் நீதிமானுடைய சந்ததியோடே இருக்கிறாரே.	சங் 53:5 யாத் 15:16 எஸ்தர் 8:7 நீதி 1:26 நீதி 1:27 நீதி 28:1
6	சிறுமைப்பட்டவனுக்குக் கர்த்தர் அடைக்கலமாயிருக்கிறார் என்பதால், நீங்கள் அவனுடைய ஆலோசனையை அலட்சியம்பண்ணினீர்கள்.	சங் 3:2 சங் 4:2 சங் 22:7 சங் 22:8 சங் 42:10 நெகே 4:2-4 ஏசா 37:10 ஏசா 37:11 எசே 35:10 தானி 3:15 மத் 27:40-43
7	சீயோனிலிருந்து இஸ்ரவேலுக்கு இரட்சிப்பு வருவதாக; கர்த்தர் தம்முடைய ஜனத்தின் சிறையிருப்பைத் திருப்பும்போது, யாக்கோபுக்குக் களிப்பும், இஸ்ரவேலுக்கு மகிழ்ச்சியும் உண்டாகும்.	சங் 53:6