1	அன்றியும் ஒரு பெரிய அடையாளம் வானத்திலே காணப்பட்டது; ஒரு ஸ்திரீ சூரியனை அணிந்திருந்தாள், அவள் பாதங்களின் கீழே சந்திரனும், அவள் சிரசின்மேல் பன்னிரண்டு நட்சத்திரங்களுள்ள கிரீடமும் இருந்தன.	வெளிப் 12:3 வெளிப் 11:19 வெளிப் 15:1 2நாளா 32:31 மாற் 13:25 அப் 2:19
2	அவள் கர்ப்பவதியாயிருந்து, பிரசவவேதனையடைந்து, பிள்ளைபெறும்படி வருத்தப்பட்டு அலறினாள்.	வெளிப் 12:4 ஏசா 53:11 ஏசா 54:1 ஏசா 66:7 ஏசா 66:8 மீகா 5:3 யோவா 16:21 கலா 4:19 கலா 4:27
3	அப்பொழுது வேறொரு அடையாளம் வானத்திலே காணப்பட்டது; ஏழு தலைகளையும், பத்துக் கொம்புகளையும், தன் தலைகளின்மேல் ஏழு முடிகளையுமுடைய சிவப்பான பெரிய வலுசர்ப்பமிருந்தது.	வெளிப் 12:1
4	அதின் வால் வானத்தின் நட்சத்திரங்களில் மூன்றிலொருபங்கை இழுத்து, அவைகளைப் பூமியில் விழத்தள்ளிற்று; பிரசவவேதனைப்படுகிற அந்த ஸ்திரீ பிள்ளைபெற்றவுடனே, அவளுடைய பிள்ளையைப் பட்சித்துப்போடும்படிக்கு அந்த வலுசர்ப்பம் அவளுக்கு முன்பாக நின்றது.	வெளிப் 9:10 வெளிப் 9:19 தானி 8:9-12
5	சகல ஜாதிகளையும் இருப்புக்கோலால் ஆளுகைசெய்யும் ஆண்பிள்ளையை அவள் பெற்றாள்; அவளுடைய பிள்ளை தேவனிடத்திற்கும் அவருடைய சிங்காசனத்தினிடத்திற்கும் எடுத்துக்கொள்ளப்பட்டது.	வெளிப் 12:2 ஏசா 7:14 எரே 31:22 மீகா 5:3 மத் 1:25
6	ஸ்திரீயானவள் வனாந்தரத்திற்கு ஓடிப்போனாள்; அங்கே ஆயிரத்திருநூற்றறுபதுநாளளவும் அவளைப் போஷிப்பதற்காக தேவனால் ஆயத்தமாக்கப்பட்ட இடம் அவளுக்கு உண்டாயிருந்தது.	வெளிப் 12:4 வெளிப் 12:14
7	வானத்திலே யுத்தமுண்டாயிற்று; மிகாவேலும் அவனைச் சேர்ந்த தூதர்களும் வலுசர்ப்பத்தோடே யுத்தம்பண்ணினார்கள்; வலுசர்ப்பமும் அதைச் சேர்ந்த தூதரும் யுத்தம்பண்ணியும் ஜெயங்கொள்ளவில்லை.	வெளிப் 13:7 வெளிப் 19:11-20 ஏசா 34:5 எபே 6:12
8	வானத்தில் அவர்கள் இருந்த இடமும் காணப்படாமற்போயிற்று.	வெளிப் 12:11 சங் 13:4 சங் 118:10-13 சங் 129:2 எரே 1:19 எரே 5:22 மத் 16:18 ரோம 8:31-39
9	உலகமனைத்தையும் மோசம்போக்குகிற பிசாசு என்றும் சாத்தான் என்றும் சொல்லப்பட்ட பழைய பாம்பாகிய பெரிய வலுசர்ப்பம் தள்ளப்பட்டது; அது பூமியிலே விழத்தள்ளப்பட்டது, அதனோடேகூட அதைச் சேர்ந்த தூதரும் தள்ளப்பட்டார்கள்.	வெளிப் 12:3 வெளிப் 12:7 லூக் 10:18 யோவா 12:31
10	அப்பொழுது வானத்திலே ஒரு பெரிய சத்தமுண்டாகி: இப்பொழுது இரட்சிப்பும் வல்லமையும் நமது தேவனுடைய ராஜ்யமும், அவருடைய கிறிஸ்துவின் அதிகாரமும் உண்டாயிருக்கிறது; இரவும் பகலும் நம்முடைய தேவனுக்கு முன்பாக நம்முடைய சகோதரர்மேல் குற்றஞ்சுமத்தும்பொருட்டு அவர்கள்மேல் குற்றஞ்சாட்டுகிறவன் தாழத்தள்ளப்பட்டுப்போனான்.	வெளிப் 11:15 வெளிப் 19:1-7
11	மரணம் நேரிடுகிறதாயிருந்தாலும் அதற்குத் தப்பும்படி தங்கள் ஜீவனையும் பாராமல், ஆட்டுக்குட்டியின் இரத்தத்தினாலும் தங்கள் சாட்சியின் வசனத்தினாலும் அவனை ஜெயித்தார்கள்.	வெளிப் 2:7 வெளிப் 2:11 வெளிப் 2:17 வெளிப் 2:26 வெளிப் 3:5 வெளிப் 3:12 வெளிப் 3:21 யோவா 16:33 ரோம 8:33-39 ரோம 16:20 1கொரி 15:57 2கொரி 10:3-5 எபே 6:13-18 2தீமோ 4:7 2தீமோ 4:8 எபிரெ 2:14 எபிரெ 2:15 1யோவா 2:13 1யோவா 2:14 1யோவா 4:4 1யோவா 5:5
12	ஆகையால் பரலோகங்களே! அவைகளில் வாசமாயிருக்கிறவர்களே! களிகூருங்கள். பூமியிலும் சமுத்திரத்திலும் குடியிருக்கிறவர்களே! ஐயோ, பிசாசானவன் தனக்குக் கொஞ்சக்காலமாத்திரம் உண்டென்று அறிந்து, மிகுந்த கோபங்கொண்டு, உங்களிடத்தில் இறங்கினபடியால், உங்களுக்கு ஆபத்துவரும் என்று சொல்லக்கேட்டேன்.	வெளிப் 18:20 வெளிப் 19:1-7 சங் 96:11-13 சங் 148:1-4 ஏசா 49:13 ஏசா 55:12 ஏசா 55:13 லூக் 2:14 லூக் 15:10
13	வலுசர்ப்பமானது தான் பூமியிலே தள்ளப்பட்டதை அறிந்து, அந்த ஆண் பிள்ளையைப்பெற்ற ஸ்திரீயைத் துன்பப்படுத்தினது.	வெளிப் 12:4 வெளிப் 12:5 ஆதி 3:15 சங் 37:12-14 யோவா 16:33
14	ஸ்திரீயானவள் அந்த பாம்பின் முகத்திற்கு விலகி, ஒரு காலமும், காலங்களும், அரைக்காலமுமாகப் போஷிக்கப்படத்தக்கதாய் வனாந்தரத்திலுள்ள தன் இடத்திற்குப் பறந்துபோகும்படி பெருங்கழுகின் இரண்டு சிறகுகள் அவளுக்குக் கொடுக்கப்பட்டது.	யாத் 19:4 உபா 32:11 உபா 32:12 சங் 55:6 ஏசா 40:31
15	அப்பொழுது அந்த ஸ்திரீயை வெள்ளங்கொண்டுபோகும்படிக்குப் பாம்பானது தன் வாயிலிருந்து ஒரு நதிபோன்ற வெள்ளத்தை அவளுக்குப் பின்னாக ஊற்றிவிட்டது.	வெளிப் 17:15 சங் 18:4 சங் 65:7 சங் 93:3 சங் 93:4 ஏசா 8:7 ஏசா 28:2 ஏசா 59:19
16	பூமியானது ஸ்திரீக்கு உதவியாகத் தன் வாயைத் திறந்து, வலுசர்ப்பம் தன் வாயிலிருந்து ஊற்றின வெள்ளத்தை விழுங்கினது.	யாத் 12:35 யாத் 12:36 1இரா 17:6 2இரா 8:9
17	அப்பொழுது வலுசர்ப்பமானது ஸ்திரீயின்மேல் கோபங்கொண்டு, தேவனுடைய கற்பனைகளைக் கைக்கொள்ளுகிறவர்களும், இயேசுகிறிஸ்துவைக்குறித்துச் சாட்சியை உடையவர்களுமாகிய அவளுடைய சந்ததியான மற்றவர்களுடனே யுத்தம்பண்ணப்போயிற்று.	வெளிப் 12:12 யோவா 8:44 1பேது 5:8