1	இயேசுகிறிஸ்துவினுடைய ஊழியக்காரனும், யாக்கோபினுடைய சகோதரனுமாயிருக்கிற யூதா, பிதாவாகிய தேவனாலே பரிசுத்தமாக்கப்பட்டவர்களும், இயேசுகிறிஸ்துவினாலே காக்கப்பட்டவர்களுமாகிய அழைக்கப்பட்டவர்களுக்கு எழுதுகிறதாவது:	மத் 10:3
2	உங்களுக்கு இரக்கமும் சமாதானமும் அன்பும் பெருகக்கடவது.	ரோம 1:7 1பேது 1:2 2பேது 1:2 வெளிப் 1:4-6
3	பிரியமானவர்களே, பொதுவான இரட்சிப்பைக்குறித்து உங்களுக்கு எழுதும்படி நான் மிகவும் கருத்துள்ளவனாயிருக்கையில், பரிசுத்தவான்களுக்கு ஒருவிசை ஒப்புக்கொடுக்கப்பட்ட விசுவாசத்திற்காக நீங்கள் தைரியமாய்ப் போராடவேண்டுமென்று உங்களுக்கு எழுதி உணர்த்துவது எனக்கு அவசியமாய்க் கண்டது.	ரோம 15:15 ரோம 15:16 கலா 6:11 எபிரெ 13:22 1பேது 5:12 2பேது 1:12-15 2பேது 3:1
4	ஏனெனில் நமது தேவனுடைய கிருபையைக் காமவிகாரத்துக்கேதுவாகப் புரட்டி, ஒன்றான ஆண்டவராகிய தேவனையும், நம்முடைய கர்த்தராகிய இயேசுகிறிஸ்துவையும் மறுதலிக்கிற பக்தியற்றவர்களாகிய சிலர் பக்க வழியாய் நுழைந்திருக்கிறார்கள்; அவர்கள் இந்த ஆக்கினைக்குள்ளாவார்களென்று பூர்வத்திலே எழுதியிருக்கிறது.	மத் 13:25 அப் 15:24 கலா 2:4 எபே 4:14 2தீமோ 3:6 2பேது 2:1 2பேது 2:2
5	நீங்கள் முன்னமே அறிந்திருந்தாலும், நான் உங்களுக்கு நினைப்பூட்ட விரும்புகிறதென்னவெனில், கர்த்தர் தமது ஜனத்தை எகிப்துதேசத்திலிருந்து வரப்பண்ணி இரட்சித்து, பின்பு விசுவாசியாதவர்களை அழித்தார்.	ரோம 15:15 2பேது 1:12 2பேது 1:13 2பேது 3:1
6	தங்களுடைய ஆதிமேன்மையைக் காத்துக்கொள்ளாமல், தங்களுக்குரிய வாசஸ்தலத்தை விட்டுவிட்ட தூதர்களையும், மகாநாளின் நியாயத்தீர்ப்புக்கென்று நித்திய சங்கிலிகளினாலே கட்டி, அந்தகாரத்தில் அடைத்துவைத்திருக்கிறார்.	யோவா 8:44
7	அப்படியே சோதோம் கொமோரா பட்டணத்தார்களும், அவைகளைச் சூழ்ந்த பட்டணத்தார்களும், அவர்களைப்போல் விபசாரம்பண்ணி, அந்நிய மாம்சத்தைத் தொடர்ந்து, நித்திய அக்கினியின் ஆக்கினையை அடைந்து, திருஷ்டாந்தமாக வைக்கப்பட்டிருக்கிறார்கள்.	ஆதி 13:13 ஆதி 18:20 ஆதி 19:24-26 உபா 29:23 ஏசா 1:9 ஏசா 13:19 எரே 20:16 எரே 50:40 புலம் 4:6 எசே 16:49 எசே 16:50 ஓசி 11:8 ஆமோ 4:11 லூக் 17:29
8	அப்படிப்போலவே, சொப்பனக்காரராகிய இவர்களும் மாம்சத்தை அசுசிப்படுத்திக்கொண்டு, கர்த்தத்துவத்தை அசட்டைபண்ணி, மகத்துவங்களைத் தூஷிக்கிறார்கள்.	எரே 38:25-28
9	பிரதான தூதனாகிய மிகாவேல் மோசேயினுடைய சரீரத்தைக்குறித்துப் பிசாசுடனே தர்க்கித்துப் பேசினபோது, அவனைத் தூஷணமாய்க் குற்றப்படுத்தத்துணியாமல்: கர்த்தர் உன்னைக் கடிந்து கொள்வாராக என்று சொன்னான்.	தானி 10:13 தானி 10:21 தானி 12:1 வெளிப் 12:7
10	இவர்கள் தங்களுக்குத் தெரியாதவைகளைத் தூஷிக்கிறார்கள்; புத்தியில்லாத மிருகங்களைப்போல சுபாவப்படி தங்களுக்குத் தெரிந்திருக்கிறவைகளாலே தங்களைக் கெடுத்துக்கொள்ளுகிறார்கள்.	2பேது 2:12
11	இவர்களுக்கு ஐயோ! இவர்கள் காயீனுடைய வழியில் நடந்து, பிலேயாம் கூலிக்காகச்செய்த வஞ்சகத்திலே விரைந்தோடி, கோரா எதிர்த்துப்பேசின பாவத்திற்குள்ளாகி, கெட்டுப்போனார்கள்.	ஏசா 3:9 ஏசா 3:11 எரே 13:27 எசே 13:3 சகரி 11:17 மத் 11:21 மத் 23:13-16 லூக் 11:42-47
12	இவர்கள் உங்கள் அன்பின் விருந்துகளில் கறைகளாயிருந்து, பயமின்றிக் கூட விருந்துண்டு, தங்களைத் தாங்களே மேய்த்துக்கொள்ளுகிறார்கள்; இவர்கள் காற்றுகளால் அடியுண்டோடுகிற தண்ணீரற்ற மேகங்களும், இலையுதிர்ந்து கனியற்று இரண்டுதரஞ்செத்து வேரற்றுப்போன மரங்களும்,	2பேது 2:13 2பேது 2:14
13	தங்கள் அவமானங்களை நுரைதள்ளுகிற அமளியான கடலலைகளும், மார்க்கந்தப்பி அலைகிற நட்சத்திரங்களுமாயிருக்கிறார்கள்; இவர்களுக்காக என்றென்றைக்கும் காரிருளே வைக்கப்பட்டிருக்கிறது.	சங் 65:7 சங் 93:3 சங் 93:4 ஏசா 57:20 எரே 5:22 எரே 5:23
14	ஆதாமுக்கு ஏழாந்தலைமுறையான ஏனோக்கும் இவர்களைக்குறித்து: இதோ, எல்லாருக்கும் நியாயத்தீர்ப்புக் கொடுக்கிறதற்கும், அவர்களில் அவபக்தியுள்ளவர்கள் யாவரும் அவபக்தியாய்ச் செய்துவந்த சகல அவபக்தியான கிரியைகளினிமித்தமும்,	ஆதி 5:18 ஆதி 5:24 1நாளா 1:1-3 எபிரெ 11:5 எபிரெ 11:6
15	தமக்கு விரோதமாய் அவபக்தியுள்ள பாவிகள் பேசின கடின வார்த்தைகளெள்லாவற்றினிமித்தமும், அவர்களைக் கண்டிக்கிறதற்கும், ஆயிரமாயிரமான தமது பரிசுத்தவான்களோடுங்கூட கர்த்தர் வருகிறார் என்று முன்னறிவித்தான்.	சங் 9:7 சங் 9:8 சங் 37:6 சங் 50:1-6 சங் 98:9 சங் 149:9 பிரச 11:9 பிரச 12:14 யோவா 5:22 யோவா 5:23 யோவா 5:27 அப் 17:31 ரோம 2:16 ரோம 14:10 1கொரி 4:5 1கொரி 5:13 வெளிப் 22:12-15 வெளிப் 22:20-15
16	இவர்கள் முறுமுறுக்கிறவர்களும், முறையிடுகிறவர்களும், தங்கள் இச்சைகளின்படி நடக்கிறவர்களுமாயிருக்கிறார்கள்; இவர்களுடைய வாய் இறுமாப்பானவைகளைப் பேசும்; தற்பொழிவுக்காக முகஸ்துதி செய்வார்கள்.	எண் 14:36 எண் 16:11 உபா 1:27 சங் 106:25 ஏசா 29:24 லூக் 5:30 லூக் 15:2 லூக் 19:7 யோவா 6:41 யோவா 6:61 1கொரி 10:10 பிலிப் 2:14
17	நீங்களோ பிரியமானவர்களே, நம்முடைய கர்த்தராகிய இயேசுகிறிஸ்துவின் அப்போஸ்தலரால் முன் சொல்லப்பட்ட வார்த்தைகளை நினைவுகூருங்கள்.	மல்கி 4:4 அப் 20:35 எபே 2:20 எபே 4:11 2பேது 3:2 1யோவா 4:6
18	கடைசிக்காலத்திலே தங்கள் துன்மார்க்கமான இச்சைகளின்படி நடக்கிற பரியாசக்காரர் தோன்றுவார்கள் என்று உங்களுக்குச் சொன்னார்களே.	அப் 20:29 1தீமோ 4:1 1தீமோ 4:2 2தீமோ 3:1-5 2தீமோ 3:13-5 2தீமோ 4:3 2பேது 2:1 2பேது 3:3
19	இவர்கள் பிரிந்துபோகிறவர்களும், ஜென்மசுபாவத்தாரும், ஆவியில்லாதவர்களுமாமே.	நீதி 18:1 ஏசா 65:5 எசே 14:7 ஓசி 4:14 ஓசி 9:10 எபிரெ 10:25
20	நீங்களோ பிரியமானவர்களே, உங்கள் மகா பரிசுத்தமான விசுவாசத்தின்மேல் உங்களை உறுதிப்படுத்திக்கொண்டு, பரிசுத்த ஆவிக்குள் ஜெபம்பண்ணி,	அப் 9:31 ரோம 15:2 1கொரி 1:8 1கொரி 10:23 1கொரி 14:4 1கொரி 14:5 1கொரி 14:26 எபே 4:12 எபே 4:16 எபே 4:29 கொலோ 2:7 1தெச 5:11 1தீமோ 1:4
21	தேவனுடைய அன்பிலே உங்களைக் காத்துக்கொண்டு, நித்தியஜீவனுக்கேதுவாக நம்முடைய கர்த்தராகிய இயேசுகிறிஸ்துவினுடைய இரக்கத்தைப்பெறக் காத்திருங்கள்.	யூதா 1:24 யோவா 14:21 யோவா 15:9 யோவா 15:10 அப் 11:23 1யோவா 4:16 1யோவா 5:18 1யோவா 5:21 வெளிப் 12:11
22	அல்லாமலும், நீங்கள் பகுத்தறிவுள்ளவர்களாயிருந்து, சிலருக்கு இரக்கம்பாராட்டி, சிலரை அக்கினியிலிருந்து இழுத்துவிட்டு, பயத்தோடே இரட்சித்து,	யூதா 1:4-13 எசே 34:17 கலா 4:20 கலா 6:1 எபிரெ 6:4-8 யாக் 5:19 யாக் 5:20 1யோவா 5:16-18
23	மாம்சத்தால் கறைப்பட்டிருக்கிற வஸ்திரத்தையும் வெறுத்துத் தள்ளுங்கள்.	ரோம 11:14 1கொரி 5:3-5 2கொரி 7:10-12 1தீமோ 4:16
24	வழுவாதபடி உங்களைக் காக்கவும், தமது மகிமையுள்ள சந்நிதானத்திலே மிகுந்த மகிழ்ச்சியோடே உங்களை மாசற்றவர்களாய் நிறுத்தவும் வல்லமையுள்ளவரும்,	யூதா 1:21 யோவா 10:29 யோவா 10:30 ரோம 8:31 ரோம 14:4 ரோம 16:25-27 எபே 3:20 2தீமோ 4:18
25	தாம் ஒருவரே ஞானமுள்ளவருமாகிய நம்முடைய இரட்சகரான தேவனுக்குக் கனமும் மகத்துவமும் வல்லமையும் அதிகாரமும் இப்பொழுதும் எப்பொழுதும் உண்டாவதாக. ஆமென்.	சங் 104:24 சங் 147:5 ரோம 11:33 ரோம 16:27 எபே 1:8 எபே 3:10 1தீமோ 1:17