1	கெங்கிரேயா ஊர் சபைக்கு ஊழியக்காரியாகிய நம்முடைய சகோதரி பெபேயாளை நீங்கள் கர்த்தருக்குள் பரிசுத்தவான்களுக்கேற்றபடி ஏற்றுக்கொண்டு,	2கொரி 3:1
2	எந்தக் காரியத்தில் உங்கள் உதவி அவளுக்குத் தேவையாயிருக்கிறதோ அதிலே நீங்கள் அவளுக்கு உதவிசெய்யவேண்டுமென்று அவளை உங்களிடத்தில் ஒப்புவிக்கிறேன்; அவள் அநேகருக்கும் எனக்குங்கூட ஆதரவாயிருந்தவள்.	ரோம 15:7 மத் 10:40-42 மத் 25:40 பிலிப் 2:29 கொலோ 4:10 பிலேமோ 1:12 பிலேமோ 1:17 2யோவா 1:10 3யோவா 1:5-10
3	கிறிஸ்து இயேசுவுக்குள் என் உடன் வேலையாட்களாகிய பிரிஸ்கில்லாளையும் ஆக்கில்லாவையும் வாழ்த்துங்கள்.	அப் 18:2-17 அப் 18:26-17 1கொரி 16:19 2தீமோ 4:19
4	அவர்கள் என் பிராணனுக்காகத் தங்கள் கழுத்தைக் கொடுத்தவர்கள்; அவர்களைப்பற்றி நான் மாத்திரமல்ல, புறஜாதியாரில் உண்டான சபையாரெல்லாரும் நன்றியறிதலுள்ளவர்களாயிருக்கிறார்கள்.	ரோம 5:7 யோவா 15:13 பிலிப் 2:30 1யோவா 3:16
5	அவர்களுடைய வீட்டிலே கூடிவருகிற சபையையும் வாழ்த்துங்கள். அகாயாவிலே கிறிஸ்துவுக்கு முதற்பலனாகிய என் பிரியமான எப்பனெத்தை வாழ்த்துங்கள்.	மத் 18:20 1கொரி 16:19 கொலோ 4:15 பிலேமோ 1:2
6	எங்களுக்காக மிகவும் பிரயாசப்பட்ட மரியாளை வாழ்த்துங்கள்.	ரோம 16:12 மத் 27:55 1தீமோ 5:10
7	அப்போஸ்தலருக்குள் பெயர்பெற்றவர்களும் எனக்கு முந்திக் கிறிஸ்துவுக்குள்ளானவர்களும் என் இனத்தாரும் என்னுடனேகூடக் காவலில் கட்டுண்டவர்களுமாயிருக்கிற அன்றோனீக்கையும் யூனியாவையும் வாழ்த்துங்கள்.	ரோம 16:11 ரோம 16:21
8	கர்த்தருக்குள் எனக்குப் பிரியமான அம்பிலியாவை வாழ்த்துங்கள்.	ரோம 16:5 பிலிப் 4:1 1யோவா 3:14
9	கிறிஸ்துவுக்குள் நம்மோடே உடன்வேலையாளாகிய உர்பானையும், என் பிரியமான ஸ்தாக்கியையும் வாழ்த்துங்கள்.	ரோம 16:2 ரோம 16:3 ரோம 16:21
10	கிறிஸ்துவுக்குள் உத்தமனாகிய அப்பெல்லேயை வாழ்த்துங்கள். அரிஸ்தொபூலுவின் வீட்டாரை வாழ்த்துங்கள்.	ரோம 14:18 உபா 8:2 1கொரி 11:19 2கொரி 2:9 2கொரி 8:22 பிலிப் 2:22 1தீமோ 3:10 1பேது 1:7
11	என் இனத்தானாகிய ஏரோதியோனை வாழ்த்துங்கள். நர்கீசுவின் வீட்டாரில் கர்த்தருக்குட்பட்டவர்களை வாழ்த்துங்கள்.
12	கர்த்தருக்குள் பிரயாசப்படுகிற திரிபேனாளையும் திரிபோசாளையும் வாழ்த்துங்கள். கர்த்தருக்குள் மிகவும் பிரயாசப்பட்ட பிரியமான பெர்சியாளை வாழ்த்துங்கள்.	மத் 9:38 1கொரி 15:10 1கொரி 15:58 1கொரி 16:16 கொலோ 1:29 கொலோ 4:12 1தெச 1:3 1தெச 5:12 1தெச 5:13 1தீமோ 4:10 1தீமோ 5:17 1தீமோ 5:18 எபிரெ 6:10 எபிரெ 6:11
13	கர்த்தருக்குள் தெரிந்துகொள்ளப்பட்ட ரூபையும், எனக்கும் தாயாகிய அவனுடைய தாயையும் வாழ்த்துங்கள்.	மாற் 15:21
14	அசிங்கிரீத்துவையும், பிலெகோனையும், எர்மாவையும், பத்திரொபாவையும், எர்மேயையும், அவர்களோடிருக்கிற சகோதரரையும் வாழ்த்துங்கள்.	ரோம 8:29 கொலோ 1:2 எபிரெ 3:1 1பேது 1:22 1பேது 1:23
15	பிலொலோகையும், யூலியாளையும், நேரேயையும், அவனுடைய சகோதரியையும், ஒலிம்பாவையும், அவர்களோடிருக்கிற பரிசுத்தவான்களெல்லாரையும் வாழ்த்துங்கள்.	ரோம 16:2 ரோம 1:7 ஏசா 60:21 எபே 1:1 1பேது 1:2
16	ஒருவரையொருவர் பரிசுத்த முத்தத்தோடு வாழ்த்துங்கள். கிறிஸ்துவின் சபையார் உங்களை வாழ்த்துகிறார்கள்.	அப் 20:37 1கொரி 16:20 2கொரி 13:12 1தெச 5:26 1பேது 5:14
17	அன்றியும் சகோதரரே, நீங்கள் கற்றுக்கொண்ட உபதேசத்திற்கு விரோதமாய்ப் பிரிவினைகளையும் இடறல்களையும் உண்டாக்குகிறவர்களைக்குறித்து எச்சரிக்கையாயிருந்து, அவர்களை விட்டு விலகவேண்டுமென்று உங்களுக்குப் புத்தி சொல்லுகிறேன்.	பிலிப் 3:17 2தெச 3:14 2தெச 3:15
18	அப்படிப்பட்டவர்கள் நம்முடைய கர்த்தராகிய இயேசுகிறிஸ்துவுக்கு ஊழியஞ்செய்யாமல் தங்கள் வயிற்றுக்கே ஊழியஞ்செய்து, நயவசனிப்பினாலும் இச்சகப்பேச்சினாலும், கபடில்லாதவர்களுடைய இருதயங்களை வஞ்சிக்கிறவர்களாயிருக்கிறார்கள்.	மத் 6:24 யோவா 12:26 கலா 1:10 பிலிப் 2:21 கொலோ 3:24 யாக் 1:1 யூதா 1:1 வெளிப் 1:1
19	உங்கள் கீழ்ப்படிதல் யாவருக்கும் தெரியவந்திருக்கிறது. ஆகையால் உங்களைக்குறித்துச் சந்தோஷப்படுகிறேன்; ஆனாலும் நீங்கள் நன்மைக்கு ஞானிகளும் தீமைக்குப் பேதைகளுமாயிருக்கவேண்டுமென்று விரும்புகிறேன்.	ரோம 1:8 1தெச 1:8 1தெச 1:9
20	சமாதானத்தின் தேவன் சீக்கிரமாய்ச் சாத்தானை உங்கள் கால்களின் கீழே நசுக்கிப்போடுவார். நம்முடைய கர்த்தராகிய இயேசுகிறிஸ்துவினுடைய கிருபை உங்களுடனேகூட இருப்பதாக. ஆமென்.	ரோம 15:33
21	என் உடன்வேலையாளாகிய தீமோத்தேயும், என் இனத்தாராகிய லூகியும், யாசோனும், சொசிபத்தரும் உங்களை வாழ்த்துகிறார்கள்.	அப் 16:1-3 அப் 17:14 அப் 18:5 அப் 19:22 அப் 20:4 2கொரி 1:1 2கொரி 1:19 கொலோ 1:1 பிலிப் 1:1 பிலிப் 2:19-23 1தெச 1:1 1தெச 3:2 1தெச 3:6 2தெச 1:1 1தீமோ 1:2 1தீமோ 6:11 1தீமோ 6:20 2தீமோ 1:2 எபிரெ 13:23
22	இந்த நிருபத்தை எழுதின தெர்தியுவாகிய நான் கர்த்தருக்குள் உங்களை வாழ்த்துகிறேன்.	கலா 6:11
23	என்னையும் சபையனைத்தையும் உபசரித்துவருகிற காயு உங்களை வாழ்த்துகிறான். பட்டணத்து உக்கிராணக்காரனாகிய ஏரஸ்தும், சகோதரனாகிய குவர்த்தும் உங்களை வாழ்த்துகிறார்கள்.	1கொரி 1:14 3யோவா 1:1-6
24	நம்முடைய கர்த்தராகிய இயேசுகிறிஸ்துவினுடைய கிருபை உங்கள் அனைவரோடுங்கூட இருப்பதாக. ஆமென்.	ரோம 16:20 1தெச 5:28
25	ஆதிகாலமுதல் அடக்கமாயிருந்து, இப்பொழுது தீர்க்கதரிசன ஆகமங்களினாலே அநாதி தேவனுடைய கட்டளையின்படி வெளியரங்கமாக்கப்பட்டதும், சகல ஜாதிகளும் விசுவாசத்திற்குக் கீழ்ப்படியும்படிக்கு அவர்களுக்கு அறிவிக்கப்பட்டதுமாயிருக்கிற இரகசியத்தை வெளிப்படுத்துகிறதான,	ரோம 14:4 அப் 20:32 எபே 3:20 எபே 3:21 1தெச 3:13 2தெச 2:16 2தெச 2:17 2தெச 3:3 எபிரெ 7:25 1பேது 5:10 யூதா 1:24 யூதா 1:25
26	இயேசுகிறிஸ்துவைப்பற்றிய பிரசங்கமாகிய என் சுவிசேஷத்தின்படியே உங்களை ஸ்திரப்படுத்த வல்லவரும்,	எபே 1:9 கொலோ 1:26 2தீமோ 1:10 தீத் 1:2 தீத் 1:3
27	தாம் ஒருவரே ஞானமுள்ளவருமாயிருக்கிற தேவனுக்கு இயேசுகிறிஸ்துவின் மூலமாய் என்றென்றைக்கும் மகிமை உண்டாவதாக. ஆமென்.	ரோம 11:36 கலா 1:4 கலா 1:5 எபே 3:20 எபே 3:21 பிலிப் 4:20 1தீமோ 1:17 1தீமோ 6:16 2தீமோ 4:18 எபிரெ 13:15 எபிரெ 13:21 1பேது 2:5 1பேது 5:10 1பேது 5:11 2பேது 3:18 வெளிப் 1:5 வெளிப் 1:6 வெளிப் 4:9-11 வெளிப் 5:9-14 வெளிப் 7:10-12 வெளிப் 19:1-6