1	இப்போதும் ஆசாரியர்களே, இந்தக் கட்டளை உங்களுக்குரியது.	மல்கி 1:6 எரே 13:13 புலம் 4:13 ஓசி 5:1
2	நீங்கள் கேளாமலும் என் நாமத்துக்கு மகிமையைச் செலுத்தும்படி இதைச் சிந்தியாமலுமிருந்தால், நான் உங்களுக்குள்ளே சாபத்தை அனுப்பி, உங்கள் ஆசீர்வாதங்களையும் சாபமாக்குவேன்; ஆம், நீங்கள் அதைச் சிந்தியாமற்போனதினால் அவைகளைச் சபித்தேன் என்று சேனைகளின் கர்த்தர் சொல்லுகிறார்.	லேவி 26:14-46 உபா 28:15-68 உபா 30:17 உபா 30:18 சங் 81:11 சங் 81:12 ஏசா 30:8-13 எரே 6:16-20 எரே 13:17 எரே 25:4-9 எரே 34:17 எசே 3:7 சகரி 1:3-6 சகரி 7:11-14
3	இதோ, நான் உங்களுடைய பயிரைக் கெடுத்து, உங்கள் பண்டிகைகளின் சாணியையே உங்கள் முகங்களில் இறைப்பேன்; அதனோடுகூட நீங்களும் தள்ளுபடியாவீர்கள்.	யோவே 1:17
4	லேவியோடேபண்ணின என் உடன்படிக்கை நிலைத்திருக்கும்படிக்கு இந்தக் கட்டளையை உங்களிடத்திற்கு அனுப்பினேன் என்கிறதை அப்பொழுது அறிந்துகொள்வீர்கள் என்று சேனைகளின் கர்த்தர் சொல்லுகிறார்.	1இரா 22:25 ஏசா 26:11 எரே 28:9 எசே 33:33 எசே 38:23 லூக் 10:11
5	அவனோடே பண்ணின என் உடன்படிக்கை ஜீவனும் சமாதானமுமாக இருந்தது; அவன் எனக்குப் பயப்படும் பயத்தோடே இருக்கவேண்டுமென்று, இவைகளை அவனுக்குக் கட்டளையிட்டேன்; அப்படியே அவன் என் நாமத்துக்குப் பயந்தும் இருந்தான்.	எண் 3:45 எண் 8:15 எண் 16:9 எண் 16:10 எண் 18:8-24 எண் 25:12 எண் 25:13 உபா 33:8-10 சங் 106:30 சங் 106:31 எசே 34:25 எசே 37:26
6	சத்தியவேதம் அவன் வாயில் இருந்தது; அவனுடைய உதடுகளில் அநியாயம் காணப்படவில்லை; அவன் என்னோடே சமாதானமும் யதார்த்தமுமாய்ச் சஞ்சரித்து, அநேகரை அக்கிரமத்தினின்று திருப்பினான்.	சங் 37:30 எசே 44:23 எசே 44:24 ஓசி 4:6 மத் 22:16 மாற் 12:14 லூக் 20:21 2தீமோ 2:15 2தீமோ 2:16 தீத் 1:7-9 வெளிப் 14:5
7	ஆசாரியனுடைய உதடுகள் அறிவைக் காக்கவேண்டும்; வேதத்தை அவன் வாயிலே தேடுவார்களே; அவன் சேனைகளுடைய கர்த்தரின் தூதன்.	லேவி 10:11 உபா 17:8-11 உபா 21:5 உபா 24:8 2நாளா 17:8 2நாளா 17:9 2நாளா 30:22 எஸ்றா 7:10 நெகே 8:2-8 எரே 15:19 எரே 18:18 ஆகா 2:11-13 2தீமோ 2:24 2தீமோ 2:25
8	நீங்களோ வழியைவிட்டு விலகி, அநேகரை வேதத்தைக்குறித்து இடறப்பண்ணினீர்கள்; லேவியின் உடன்படிக்கையைக் கெடுத்துப்போட்டீர்கள் என்று சேனைகளின் கர்த்தர் சொல்லுகிறார்.	சங் 18:21 சங் 119:102 ஏசா 30:11 ஏசா 59:13 எரே 17:5 எரே 17:13 எசே 44:10 தானி 9:5 தானி 9:6 எபிரெ 3:12
9	நீங்கள் என் வழிகளைக் கைக்கொள்ளாமல் வேதத்தைக்குறித்துப் பட்சபாதம்பண்ணினபடியினால் நானும் உங்களை எல்லா ஜனத்துக்கு முன்பாகவும் அற்பரும் நீசருமாக்கினேன்.	மல்கி 2:3 1சாமு 2:30 நீதி 10:7 தானி 12:2 தானி 12:3 மீகா 3:6 மீகா 3:7
10	நம்மெல்லாருக்கும் ஒரே பிதா இல்லையோ? ஒரே தேவன் நம்மைச் சிருஷ்டித்ததில்லையோ? நாம் நம்முடைய பிதாக்களின் உடன்படிக்கையைப் பரிசுத்தக்குலைச்சலாக்கி, அவனவன் தன்தன் சகோதரனுக்குத் துரோகம்பண்ணுவானேன்?	மல்கி 1:6 யோசு 24:3 ஏசா 51:2 ஏசா 63:16 ஏசா 64:8 எசே 33:24 மத் 3:9 லூக் 1:73 லூக் 3:8 யோவா 8:39 யோவா 8:53 யோவா 8:56 அப் 7:2 ரோம 4:1 ரோம 9:10 1கொரி 8:6 எபே 4:6 எபிரெ 12:9
11	யூதா ஜனங்கள் துரோகம்பண்ணினார்கள்; இஸ்ரவேலிலும் எருசலேமிலும் அருவருப்பான காரியம் செய்யப்பட்டது; கர்த்தர் சிநேகிக்கிற பரிசுத்தத்தை யூதா ஜனங்கள் பரிசுத்தக்குலைச்சலாக்கி அந்நிய தேவதையின் குமாரத்திகளை விவாகம்பண்ணினார்கள்.	லேவி 18:24-30 எரே 7:10 எசே 18:13 எசே 22:11 வெளிப் 21:8
12	இப்படிச் செய்கிறவன் எவனோ, அவன் காவல்காக்கிறவனாயினும், உத்தரவு கொடுக்கிறவனாயினும், சேனைகளின் கர்த்தருக்குக் காணிக்கை செலுத்துகிறவனாயினும், அவனை யாக்கோபின் கூடாரங்களில் இராதபடிக்குக் கர்த்தர் சங்கரிப்பார்.	லேவி 18:29 லேவி 20:3 எண் 15:30 எண் 15:31 யோசு 23:12 யோசு 23:13 1சாமு 2:31-34
13	நீங்கள் இரண்டாந்தரமும் இதைச் செய்து, கர்த்தருடைய பீடத்தைக் கண்ணீரினாலும் அழுகையினாலும் பெருமூச்சினாலும் நிரப்புகிறீர்கள்; ஆகையால், அவர் இனிக் காணிக்கையை மதியார், அதை உங்கள் கைகளில் பிரியமாய் ஏற்றுக்கொள்ளவுமாட்டார்.	உபா 15:9 1சாமு 1:9 1சாமு 1:10 2சாமு 13:19 2சாமு 13:20 சங் 78:34-37 பிரச 4:1
14	ஏன் என்று கேட்கிறீர்கள்; கர்த்தர் உனக்கும் உன் இளவயதின் மனைவிக்கும் சாட்சியாயிருக்கிறார்; உன் தோழியும் உன் உடன்படிக்கையின் மனைவியுமாகிய அவளுக்கு நீ துரோகம்பண்ணினாயே.	மல்கி 1:6 மல்கி 1:7 மல்கி 3:8 நீதி 30:20 ஏசா 58:3 எரே 8:12
15	அவர் ஒருவனையல்லவா படைத்தார்? ஆவி அவரிடத்தில் பரிபூரணமாயிருந்ததே, பின்னை ஏன் ஒருவனைப் படைத்தார்? தேவபக்தியுள்ள சந்ததியைப் பெறும்படிதானே. ஆகையால் ஒருவனும் தன் இளவயதின் மனைவிக்குத் துரோகம்பண்ணாதபடிக்கு, உங்கள் ஆவியைக்குறித்து எச்சரிக்கையாயிருங்கள்.	ஆதி 1:27 ஆதி 2:20-24 மத் 19:4-6 மாற் 10:6-8 1கொரி 7:2
16	தள்ளிவிடுதலை நான் வெறுக்கிறேன் என்று இஸ்ரவேலின் தேவனாகிய கர்த்தர் சொல்லுகிறார்; அப்படிப்பட்டவன் கொடுமையினால் தன் வஸ்திரத்தை மூடுகிறான் என்று சேனைகளின் கர்த்தர் சொல்லுகிறார்; ஆகையால் நீங்கள் துரோகம்பண்ணாமல் உங்கள் ஆவியைக்குறித்து எச்சரிக்கையாயிருங்கள்.	உபா 24:1-4 ஏசா 50:1 மத் 5:31 மத் 5:32 மத் 19:3-9 மாற் 10:2-12 லூக் 16:18
17	உங்கள் வார்த்தைகளினாலே கர்த்தரை வருத்தப்படுத்துகிறீர்கள்; ஆனாலும் எதினாலே அவரை வருத்தப்படுத்துகிறோம் என்கிறீர்கள்; பொல்லாப்பைச் செய்கிறவனெவனும் கர்த்தரின் பார்வைக்கு நல்லவன் என்றும், அப்படிப்பட்டவர்கள்பேரில் அவர் பிரியமாயிருக்கிறாரென்றும், நியாயந்தீர்க்கிற தேவன் எங்கேயென்றும், நீங்கள் சொல்லுகிறதினாலேயே.	சங் 95:9 சங் 95:10 ஏசா 1:14 ஏசா 7:13 ஏசா 43:24 எரே 15:6 எசே 16:43 ஆமோ 2:13