1	பின்னும் கர்த்தர் மோசேயை நோக்கி:
2	நீ இஸ்ரவேல் புத்திரருக்குச் சொல்லவேண்டியது என்னவென்றால்: நான் உங்கள் தேவனாகிய கர்த்தர்.	லேவி 18:4 லேவி 11:44 லேவி 19:3 லேவி 19:4 லேவி 19:10 லேவி 19:34 லேவி 20:7 ஆதி 17:7 யாத் 6:7 யாத் 20:2 சங் 33:12 எசே 20:5 எசே 20:7 எசே 20:19 எசே 20:20
3	நீங்கள் குடியிருந்த எகிப்துதேசத்தாருடைய செய்கையின்படி செய்யாமலும், நான் உங்களை அழைத்துப்போகிற கானான் தேசத்தாருடைய செய்கையின்படி செய்யாமலும், அவர்களுடைய முறைமைகளின்படி நடவாமலும்,	சங் 106:35 எசே 20:7 எசே 20:8 எசே 23:8 எபே 5:7-11 1பேது 4:2-4
4	என்னுடைய நியாயங்களின்படி செய்து, என்னுடைய கட்டளைகளைக் கைக்கொண்டு நடவுங்கள்; நான் உங்கள் தேவனாகிய கர்த்தர்.	லேவி 18:26 லேவி 19:37 லேவி 20:22 உபா 4:1 உபா 4:2 உபா 6:1 சங் 105:45 சங் 119:4 எசே 20:19 எசே 36:27 எசே 37:24 லூக் 1:6 யோவா 15:14
5	ஆகையால் என் கட்டளைகளையும் என் நியாயங்களையும் கைக்கொள்ளக்கடவீர்கள்; அவைகளின்படி செய்கிறவன் எவனும் அவைகளால் பிழைப்பான்; நான் கர்த்தர்.	எசே 20:11 எசே 20:13 எசே 20:21 லூக் 10:28 ரோம 10:5 கலா 3:12
6	ஒருவனும் தனக்கு நெருங்கின இனமாகிய ஒருத்தியை நிர்வாணமாக்கும்படி அவளைச் சேரலாகாது; நான் கர்த்தர்.	லேவி 18:7-19 லேவி 20:11 லேவி 20:12 லேவி 20:17-21
7	உன் தகப்பனையாவது உன் தாயையாவது நிர்வாணமாக்கலாகாது; அவள் உன் தாயானவள்; அவளை நிர்வாணமாக்கலாகாது.	லேவி 20:11 எசே 22:10
8	உன் தகப்பனுடைய மனைவியை நிர்வாணமாக்கலாகாது; அது உன் தகப்பனுடைய நிர்வாணம்.	லேவி 20:11 ஆதி 35:22 ஆதி 49:4 உபா 22:30 உபா 27:20 2சாமு 16:21 2சாமு 16:22 எசே 22:10 ஆமோ 2:7 1கொரி 5:1
9	உன் தகப்பனுக்காவது உன் தாய்க்காவது வீட்டிலாகிலும் புறத்திலாகிலும் பிறந்த குமாரத்தியாகிய உன் சகோதரியை நிர்வாணமாக்கலாகாது.	லேவி 20:17 உபா 27:22 2சாமு 13:11-14 எசே 22:11
10	உன் குமாரனுடைய மகளையாவது உன் குமாரத்தியினுடைய மகளையாவது நிர்வாணமாக்கலாகாது; அது உன்னுடைய நிர்வாணம்.
11	உன் தகப்பனுடைய மனைவியினிடத்தில் உன் தகப்பனுக்குப் பிறந்த குமாரத்தியை நிர்வாணமாக்கலாகாது; அவள் உனக்குச் சகோதரி.
12	உன் தகப்பனுடைய சகோதரியை நிர்வாணமாக்கலாகாது; அவள் உன் தகப்பனுக்கு நெருங்கின இனமானவள்.	லேவி 20:19 யாத் 6:20
13	உன் தாயினுடைய சகோதரியை நிர்வாணமாக்கலாகாது; அவள் உன் தாய்க்கு நெருங்கின இனமானவள்.
14	உன் தகப்பனுடைய சகோதரனை நிர்வாணமாக்கலாகாது; அவன் மனைவியைச் சேராயாக; அவள் உன் தகப்பனுடைய சகோதரி.	லேவி 20:20
15	உன் மருமகளை நிர்வாணமாக்கலாகாது; அவள் உன் குமாரனுக்கு மனைவி, அவளை நிர்வாணமாக்கலாகாது.	லேவி 20:12 ஆதி 38:18 ஆதி 38:19 ஆதி 38:26 எசே 22:11
16	உன் சகோதரனுடைய மனைவியை நிர்வாணமாக்கலாகாது; அது உன் சகோதரனுடைய நிர்வாணம்.	லேவி 20:21 உபா 25:5 மத் 14:3 மத் 14:4 மத் 22:24 மாற் 6:17 மாற் 12:19 லூக் 3:19
17	ஒரு ஸ்திரீயையும் அவள் மகளையும் நிர்வாணமாக்கலாகாது; அவளுடைய குமாரரின் மகளையும் குமாரத்தியின் மகளையும் நிர்வாணமாக்குபடி விவாகம்பண்ணலாகாது; இவர்கள் அவளுக்கு நெருங்கின இனமானவர்கள்; அது முறைகேடு.	லேவி 20:14 உபா 27:23 ஆமோ 2:7
18	உன் மனைவி உயிரோடிருக்கையில், அவளுக்கு உபத்திரவமாக அவள் சகோதரியையும் நிர்வாணமாக்கும்பொருட்டு அவளை விவாகம் பண்ணலாகாது.	ஆதி 4:19 ஆதி 29:28 யாத் 26:3
19	ஸ்திரீயானவள் சூதகத்தால் விலக்கத்திலிருக்கையில், அவளை நிர்வாணமாக்க அவளோடே சேராதே.	லேவி 15:19 லேவி 15:24 லேவி 20:18 எசே 18:6 எசே 22:10
20	பிறனுடைய மனைவியோடே சேரும்படி சயனித்து, அவளால் உன்னைத் தீட்டுப்படுத்திக் கொள்ளவேண்டாம்.	லேவி 20:10 யாத் 20:14 உபா 5:18 உபா 22:22 உபா 22:25 2சாமு 11:3 2சாமு 11:4 2சாமு 11:27 நீதி 6:25 நீதி 6:29-33 மல்கி 3:5 மத் 5:27 மத் 5:28 ரோம 2:22 1கொரி 6:9 கலா 5:19 எபிரெ 13:4
21	நீ உன் சந்ததியில் யாரையாகிலும் மோளேகுக்கென்று தீக்கடக்கும்படி இடங்கொடாதே; உன் தேவனுடைய நாமத்தைப் பரிசுத்தக் குலைச்சலாக்காதே; நான் கர்த்தர்.	லேவி 20:2 உபா 12:31 உபா 18:10 2இரா 16:3 2இரா 21:6 2இரா 23:10 சங் 106:37 சங் 106:38 எரே 7:31 எரே 19:5 எசே 20:31 எசே 23:37
22	பெண்ணோடு சம்யோகம் பண்ணுகிறதுபோல ஆணோடே சம்யோகம் பண்ணவேண்டாம்; அது அருவருப்பானது.	லேவி 20:13 ஆதி 19:5 நியா 19:22 1இரா 14:24 ரோம 1:26 ரோம 1:27 1கொரி 6:9 1தீமோ 1:10 யூதா 1:7
23	யாதொரு மிருகத்தோடும் நீ புணர்ச்சிசெய்து, அதினாலே உன்னைத்தீட்டுப்படுத்த வேண்டாம்; ஸ்திரீயானவள் மிருகத்தோடே புணரும்படி அதற்கு முன்பாக நிற்கலாகாது; அது அருவருப்பான தாறுமாறு.	லேவி 20:15 லேவி 20:16 யாத் 22:19
24	இவைகளில் ஒன்றினாலும் உங்களைத் தீட்டுப்படுத்தாதிருங்கள்; நான் உங்கள் முன்னின்று துரத்திவிடுகிற ஜாதிகள் இவைகளெல்லாவற்றினாலும் தங்களைத் தீட்டுப்படுத்தியிருக்கிறார்கள்; தேசமும் தீட்டுப்படுத்தப்பட்டிருக்கிறது.	லேவி 18:6-23 லேவி 18:30-23 எரே 44:4 மத் 15:18-20 மாற் 7:10-23 1கொரி 3:17
25	ஆகையால் அதின் அக்கிரமத்தை விசாரிப்பேன்; தேசம் தன் குடிகளைக் கக்கிப்போடும்.	எண் 35:33 எண் 35:34 சங் 106:38 ஏசா 24:5 எரே 2:7 எரே 16:18 எசே 36:17 எசே 36:18 ரோம 8:22
26	இந்த அருவருப்புகளையெல்லாம் உங்களுக்குமுன் இருந்த அந்த தேசத்தின் மனிதர் செய்ததினாலே தேசம் தீட்டாயிற்று.	லேவி 18:5 லேவி 18:30 உபா 4:1 உபா 4:2 உபா 4:40 உபா 12:32 சங் 105:44 சங் 105:45 லூக் 8:15 லூக் 11:28 யோவா 14:15 யோவா 14:21-23 யோவா 15:14
27	இப்பொழுதும் உங்களுக்கு முன் இருந்த ஜாதிகளை தேசம் கக்கிப்போட்டதுபோல, நீங்கள் அதைத் தீட்டுப்படுத்தும்போது அது உங்களையும் கக்கிப்போடாதபடிக்கு,	லேவி 18:24 உபா 20:18 உபா 23:18 உபா 25:16 உபா 27:15 1இரா 14:24 2இரா 16:3 2இரா 21:2 2நாளா 36:14 எசே 16:50 எசே 22:11 ஓசி 9:10
28	நீங்கள் என் கட்டளைகளையும் என் நியாயங்களையும் கைக்கொண்டு, தேசத்திலே பிறந்தவனானாலும் உங்கள் நடுவே தங்குகிற அந்நியனானாலும் இந்த அருவருப்புகளில் ஒன்றையும் செய்யவேண்டாம்.	லேவி 18:25 லேவி 20:22 எரே 9:19 எசே 36:13 எசே 36:17 ரோம 8:22 வெளிப் 3:16
29	இப்படிபட்ட அருவருப்பானவைகளில் யாதொன்றை யாராவது செய்தால், செய்த அந்த ஆத்துமாக்கள் ஜனத்தில் இராதபடிக்கு அறுப்புண்டு போவார்கள்.	லேவி 17:10 லேவி 20:6 யாத் 12:15
30	ஆகையால் உங்களுக்குமுன் செய்யப்பட்ட அருவருப்பான முறைமைகளில் யாதொன்றை நீங்கள் செய்து, அவைகளால் உங்களைத் தீட்டுப்படுத்திக்கொள்ளாதபடிக்கு என் கட்டளையைக் கைக்கொள்ளுங்கள்; நான் உங்கள் தேவனாகிய கர்த்தர் என்று சொல் என்றார்.	லேவி 18:3 லேவி 18:26 லேவி 18:27 லேவி 20:23 உபா 18:9-12