1	இதோ, யூதாவுக்கும் எருசலேமுக்கும் உண்டாயிருக்கிற சிறையிருப்பை நான் திருப்பும் அந்நாட்களிலும் அக்காலத்திலும்,	யோவே 2:29 தானி 12:1 செப் 3:19 செப் 3:20
2	நான் சகல ஜாதியாரையும் கூட்டி, யோசபாத்தின் பள்ளத்தாக்கிலே அவர்களை இறங்கிப்போகப்பண்ணி, அவர்கள் என் ஜனத்தையும் இஸ்ரவேலென்னும் என் சுதந்தரத்தையும் புறஜாதிகளுக்குள்ளே சிதறடித்து என் தேசத்தைப் பங்கிட்டுக்கொண்டதினிமித்தமும்,	செப் 3:8 சகரி 14:2-4 வெளிப் 16:14 வெளிப் 16:16 வெளிப் 19:19-21 வெளிப் 20:8
3	அவர்கள் என் ஜனத்தின்பேரில் சீட்டுப்போட்டு, ஆண்குழந்தைகளை வேசிப்பணையமாகக் கொடுத்து, மதுபானம் பண்ணும்படி, பெண் குழந்தைகளைத் திராட்சரசத்துக்குக் கிரயமாகக்கொடுத்ததினிமித்தமும், அங்கே அவர்களோடு வழக்காடுவேன்.	2நாளா 28:8 2நாளா 28:9 ஆமோ 2:6 ஒபதி 1:11 நாகூ 3:10 வெளிப் 18:13
4	தீருவே, சீதோனே, பெலிஸ்தியாவின் சகல எல்லைகளே, உங்களுக்கும் எனக்கும் என்ன? இப்படி எனக்குச் சரிக்கட்டுகிறீர்களோ? இப்படி எனக்குச் சரிக்கட்டுவீர்களாகில், நான் தாமதமின்றி அதிசீக்கிரமாய் நீங்கள் சரிகட்டுகிறதை உங்கள் தலையின்மேல் திரும்பும்படி செய்வேன்.	நியா 11:12 2நாளா 21:16 2நாளா 28:17 2நாளா 28:18 அப் 9:4
5	நீங்கள் என் வெள்ளியையும் என் பொன்னையும் எடுத்து, இன்பமும் உச்சிதமுமான என் பொருள்களை உங்கள் கோவில்களிலே கொண்டுபோய்,	2இரா 12:18 2இரா 16:8 2இரா 18:15 2இரா 18:16 2இரா 24:13 2இரா 25:13-17 எரே 50:28 எரே 51:11 தானி 5:2 தானி 5:3
6	யூதாவின் குமாரரையும் எருசலேமின் குமாரரையும் அவர்களுடைய எல்லைகளுக்குத் தூரமாக்கும்படிக்கு, கிரேக்கரிடத்தில் விற்றுப்போட்டீர்கள்.	யோவே 3:3 யோவே 3:8 உபா 28:32 உபா 28:68 எசே 27:13
7	இதோ, நீங்கள் அவர்களை விற்றுப்போட்ட அவ்விடத்திலிருந்து நான் அவர்களை எழும்பிவரப்பண்ணி, நீங்கள் சரிக்கட்டினதை உங்கள் தலையின்மேல் திரும்பும்படி செய்து,	ஏசா 11:12 ஏசா 43:5 ஏசா 43:6 ஏசா 49:12 எரே 23:8 எரே 30:10 எரே 30:16 எரே 31:8 எரே 32:37 எசே 34:12 எசே 34:13 எசே 36:24 எசே 38:8 சகரி 10:6-10
8	உங்கள் குமாரரையும் உங்கள் குமாரத்திகளையும் யூதா புத்திரரின் கையிலே விற்பேன்; இவர்கள் அவர்களைத் தூரதேசத்தாராகிய சபேயரிடத்தில் விற்றுப்போடுவார்கள்; கர்த்தர் இதைச் சொன்னார்.	உபா 32:30 நியா 2:14 நியா 4:2 நியா 4:9
9	இதைப் புறஜாதிகளுக்குள்ளே கூறுங்கள்; யுத்தத்துக்கு ஆயத்தம்பண்ணுங்கள்; பராக்கிரமசாலிகளை எழுப்புங்கள்; யுத்தவீரர் எல்லாரும் சேர்ந்து ஏறிவரக்கடவர்கள்.	சங் 96:10 ஏசா 34:1 எரே 31:10 எரே 50:2
10	உங்கள் மண்வெட்டிகளைப் பட்டயங்களாகவும், உங்கள் அரிவாள்களை ஈட்டிகளாகவும் அடியுங்கள்; பலிவீனனும் தன்னைப் பலவான் என்று சொல்வானாக.	ஏசா 2:4 மீகா 4:3 லூக் 22:36
11	சகல ஜாதிகளே, நீங்கள் சுற்றிலுமிருந்து ஏகமாய் வந்து கூடுங்கள்; கர்த்தாவே, நீரும் அங்கே உம்முடைய பராக்கிரமசாலிகளை இறங்கப்பண்ணுவீராக.	யோவே 3:2 எசே 38:9-18 மீகா 4:12 செப் 3:8 சகரி 14:2 சகரி 14:3 வெளிப் 16:14-16 வெளிப் 19:19 வெளிப் 19:20 வெளிப் 20:8 வெளிப் 20:9
12	ஜாதிகள் எழும்பி யோசபாத்தின் பள்ளத்தாக்குக்கு வருவார்களாக; சுற்றிலுமுள்ள ஜாதிகளை நியாயந்தீர்க்க அங்கே நான் வீற்றிருப்பேன்.	யோவே 3:2 யோவே 3:14 2நாளா 20:26 எசே 39:11 சகரி 14:4 சங் 2:8 சங் 2:9 சங் 7:6 சங் 76:8 சங் 76:9 சங் 96:13 சங் 98:9 சங் 110:5 சங் 110:6 ஏசா 2:4 ஏசா 3:13 எசே 30:3 மீகா 4:3 வெளிப் 19:11
13	பயிர் முதிர்ந்தது, அரிவாளை நீட்டி அறுங்கள், வந்து இறங்குங்கள்; ஆலை நிரம்பியிருக்கிறது, ஆலையின் தொட்டிகள் வழிந்தோடுகிறது; அவர்களுடைய பாதகம் பெரியது.	உபா 16:9 மாற் 4:29 வெளிப் 14:15 வெளிப் 14:16
14	நியாயத்தீர்ப்பின் பள்ளத்தாக்கிலே ஜனங்கள் திரள்திரளாய் இருக்கிறார்கள்; நியாயத்தீர்ப்பின் பள்ளத்தாக்கிலே கர்த்தரின் நாள் சமீபமாயிருக்கிறது.	யோவே 3:2 ஏசா 34:2-8 ஏசா 63:1-7 எசே 38:8-23 எசே 39:8-20 வெளிப் 16:14-16 வெளிப் 19:19-21
15	சூரியனும், சந்திரனும் இருண்டுபோகும், நட்சத்திரங்கள் ஒளிமழுங்கும்.	யோவே 2:10 யோவே 2:31 ஏசா 13:10 மத் 24:29 லூக் 21:25 லூக் 21:26 வெளிப் 6:12 வெளிப் 6:13
16	கர்த்தர் சீயோனிலிருந்து கெர்ச்சித்து, எருசலேமிலிருந்து சத்தமிடுவார்; வானமும் பூமியும் அதிரும்; ஆனாலும் கர்த்தர் தமது ஜனத்துக்கு அடைக்கலமும் இஸ்ரவேல் புத்திரருக்கு அரணான கோட்டையுமாயிருப்பார்.	யோவே 2:11 ஏசா 42:13 எரே 25:30 எரே 25:31 ஓசி 11:10 ஆமோ 1:2 ஆமோ 3:8
17	என் பரிசுத்த பர்வதமாகிய சீயோனிலே வாசமாயிருக்கிற நான் உங்கள் தேவனாகிய கர்த்தர் என்று அப்பொழுது அறிந்துகொள்வீர்கள்; அப்பொழுது எருசலேம் பரிசுத்தமாயிருக்கும்; அந்நியர் இனி அதைக் கடந்துபோவதில்லை.	யோவே 3:21 யோவே 2:27 சங் 9:11 சங் 76:2 ஏசா 12:6 எசே 48:35 மீகா 4:7 செப் 3:14-16
18	அக்காலத்தில் பர்வதங்கள் திராட்சரசத்தைப் பொழியும், மலைகள் பாலாய் ஓடும், யூதாவின் ஆறுகள் எல்லாம் பிரவாகித்து ஓடும்; ஒரு ஊற்று கர்த்தருடைய ஆலயத்திலிருந்து புறப்பட்டு சித்தீம் என்னும் பள்ளத்தாக்கை நீர்ப்பாய்ச்சலாக்கும்.	யோபு 29:6 ஏசா 55:12 ஏசா 55:13 ஆமோ 9:13 ஆமோ 9:14
19	யூதா புத்திரரின் தேசத்திலே குற்றமில்லாத இரத்தத்தைச் சிந்தி, அவர்களுக்குச் செய்த கொடுமையினிமித்தம் எகிப்து பாழாய்ப்போகும், ஏதோம் பாழான வனாந்தரமாகும்.	ஏசா 11:15 ஏசா 19:1-15 சகரி 10:10 சகரி 14:18 சகரி 14:19
20	ஆனால் யூதாவோ சதாகாலமாகவும், எருசலேம் தலைமுறை தலைமுறையாகவும் குடியேற்றப்பட்டிருக்கும்.	ஏசா 33:20 எசே 37:25 ஆமோ 9:15
21	நான் தண்டியாமல் விட்டிருந்த அவர்களுடைய இரத்தப்பழியை தண்டியாமல் விடேன்; கர்த்தர் சீயோனிலே வாசமாயிருக்கிறார்.	ஏசா 4:4 எசே 36:25 எசே 36:29 மத் 27:25