1	கர்த்தருடைய வார்த்தை எனக்கு உண்டாகி, அவர்:
2	மனுபுத்திரனே, தீர்க்கதரிசனம் சொல்லுகிற இஸ்ரவேலின் தீர்க்கதரிசிகளுக்கு விரோதமாக நீ தீர்க்கதரிசனம் உரைத்து, தங்கள் இருதயத்தில் இருக்கிறதையே எடுத்துத் தீர்க்கதரிசனஞ் சொல்லுகிறவர்களோடே நீ சொல்ல வேண்டியது என்னவென்றால்: கர்த்தருடைய வார்த்தையைக் கேளுங்கள்.	எசே 14:9 எசே 14:10 எசே 22:25 எசே 22:28 2நாளா 18:18-24 ஏசா 9:15 ஏசா 56:9-12 எரே 5:31 எரே 6:13 எரே 6:14 எரே 8:10 எரே 14:13-15 எரே 23:2 எரே 23:11-22 எரே 23:25-22 எரே 23:26-22 எரே 27:14 எரே 27:18 எரே 28:12-17 எரே 29:8 எரே 29:9 எரே 37:19 புலம் 4:13 மீகா 3:6 மீகா 3:11 செப் 3:4 2பேது 2:1-3
3	கர்த்தராகிய ஆண்டவர் உரைக்கிறதாவது: தாங்கள் ஒன்றும் தரிசியாதிருந்தும், தங்களுடைய ஆவியின் ஏவுதலைப்பின்பற்றுகிற மதிகெட்ட தீர்க்கதரிசிகளுக்கு ஐயோ!	எசே 13:18 எசே 34:2 எரே 23:1 மத் 23:13-29 லூக் 11:42-47 லூக் 11:52-47 1கொரி 9:16
4	இஸ்ரவேலே, உன் தீர்க்கதரிசிகள் வனாந்தரங்களிலுள்ள நரிகளுக்கு ஒப்பாயிருக்கிறார்கள்.	உன்ன 2:15 மீகா 2:11 மீகா 3:5 மத் 7:15 ரோம 16:18 2கொரி 11:13-15 கலா 2:4 எபே 4:14 2தெச 2:9 2தெச 2:10 1தீமோ 4:1 1தீமோ 4:2 தீத் 1:10-12 வெளிப் 13:11-14 வெளிப் 19:20
5	நீங்கள் கர்த்தருடைய நாளிலே யுத்தத்தில் நிலைநிற்கும்படிக்கு, திறப்புகளில் ஏறினதுமில்லை; இஸ்ரவேல் வம்சத்தாருக்காகச் சுவரை அடைத்ததுமில்லை.	எசே 22:30 யாத் 17:9-13 யாத் 32:11 யாத் 32:12 எண் 16:21 எண் 16:22 எண் 16:47 எண் 16:48 1சாமு 12:23 சங் 106:23 எரே 15:1 எரே 23:22 எரே 27:18 மல்கி 1:9
6	கர்த்தர் தங்களை அனுப்பாதிருந்தும், கர்த்தர் உரைத்தாரென்று சொல்லி, அவர்கள் அபத்தத்தையும் பொய்க்குறியையும் தரிசித்து, காரியத்தை நிர்வாகம்பண்ணலாமென்று நம்பிக்கையாயிருக்கிறார்கள்.	எசே 13:23 எசே 12:23 எசே 12:24 எசே 22:28 புலம் 2:14 2பேது 2:18
7	நான் உரைக்காதிருந்தும், நீங்கள் கர்த்தர் உரைத்தார் என்று சொல்லும்போது, அபத்தமான தரிசனையைத் தரிசித்து, பொய்க்குறியைச் சொல்லுகிறீர்கள் அல்லவா?	எசே 13:2 எசே 13:3 எசே 13:6 மத் 24:23 மத் 24:24
8	ஆகையால் கர்த்தராகிய ஆண்டவர் உரைக்கிறது என்னவென்றால்: நீங்கள் அபத்தமானதைச் சொல்லி, பொய்யானதைத் தரிசிக்கிறபடியினால், இதோ, நான் உங்களுக்கு விரோதமானவர் என்று கர்த்தராகிய ஆண்டவர் சொல்லுகிறார்.	எசே 5:8 எசே 21:3 எசே 26:3 எசே 28:22 எசே 29:3 எசே 29:4 எசே 29:10 எசே 35:3 எசே 38:3 எசே 38:4 எசே 39:1 எரே 50:31 எரே 50:32 எரே 51:25 நாகூ 2:13 நாகூ 3:5 நாகூ 3:6 1தீமோ 4:1 1தீமோ 4:8 1பேது 3:12
9	அபத்தமானதைத் தரிசித்து, பொய்க்குறியைச் சொல்லுகிற தீர்க்கதரிசிகளுக்கு என் கை விரோதமாயிருக்கும்; அவர்கள் என் ஜனத்தின் சங்கத்தில் இருப்பதுமில்லை; இஸ்ரவேல் வம்சத்தாரின் அட்டவணையில் எழுதப்படுவதுமில்லை; இஸ்ரவேல் தேசத்துக்குள் பிரவேசிப்பதுமில்லை; அப்பொழுது நான் கர்த்தராகிய ஆண்டவரென்று அறிந்துகொள்வீர்கள்.	எசே 11:13 எசே 14:9 எசே 14:10 சங் 101:7 எரே 20:3-6 எரே 28:15-17 எரே 29:21 எரே 29:22 எரே 29:31 எரே 29:32 வெளிப் 19:20
10	சமாதானம் இல்லாதிருந்தும் சமாதானமென்று சொல்லி, அவர்கள் என் ஜனத்தை மோசம் போக்குகிறார்கள்; ஒருவன் மண்சுவரை வைக்கிறான்; இதோ, மற்றவர்கள் சாரமில்லாத சாந்தை அதற்குப் பூசுகிறார்கள்.	2இரா 21:9 நீதி 12:26 எரே 23:13-15 1தீமோ 4:1 2தீமோ 3:13 1யோவா 2:26 வெளிப் 2:20
11	சாரமில்லாத சாந்தைப் பூசுகிறவர்களை நோக்கி: அது இடிந்து விழுமென்று சொல்; வெள்ளமாகப் பெருகுகிற மழை பெய்யும்; மகா கல்மழையே, நீ சொரிவாய்; கொடிய புசல்காற்றும் அதைப் பிளக்கும்.	எசே 38:22 யோபு 27:21 சங் 11:6 சங் 18:13 சங் 18:14 சங் 32:6 ஏசா 25:4 ஏசா 28:2 ஏசா 28:15-18 ஏசா 29:6 ஏசா 32:19 நாகூ 1:3 நாகூ 1:7 நாகூ 1:8 மத் 7:25 மத் 7:27 லூக் 6:48 லூக் 6:49
12	இதோ, சுவர் விழும்போது: நீங்கள் பூசின பூச்சு எங்கே என்று சொல்வார்கள் அல்லவா?	உபா 32:37 நியா 9:38 நியா 10:14 2இரா 3:13 எரே 2:28 எரே 29:31 எரே 29:32 எரே 37:19 புலம் 2:14 புலம் 2:15
13	ஆகையால் என் உக்கிரத்திலே கொடிய புசல்காற்றை எழும்பி அடிக்கப்பண்ணுவேன்; என் கோபத்திலே வெள்ளமாக அடிக்கிற மழையும், என் உக்கிரத்திலே நிர்மூலமாக்கத்தக்க பெருங்கல்மழையும், சொரியும் என்று கர்த்தராகிய ஆண்டவர் சொல்லுகிறார்.	லேவி 26:28 ஏசா 30:30 சங் 107:25 சங் 148:8 எரே 23:19 யோனா 1:4
14	அப்பொழுது நீங்கள் சாரமில்லாத சாந்தைப் பூசின சுவரை நான் இடித்து, அதின் அஸ்திபாரம் திறந்து கிடக்கும்படி அதைத் தரையிலே விழப்பண்ணுவேன்; உள்ளே இருக்கிற நீங்கள் நிர்மூலமாகும்படி அது விழும்; அப்பொழுது நான் கர்த்தர் என்று அறிந்துகொள்வீர்கள்.	சங் 11:3 மீகா 1:6 ஆபகூ 3:13 மத் 7:26 மத் 7:27 லூக் 6:49 1கொரி 3:11-15
15	இப்படிச் சுவரிலும், அதற்குச் சாரமில்லாத சாந்தைப் பூசினவர்களிலும் நான் என் உக்கிரத்தைத் தீர்த்துக்கொண்டு: சுவருமில்லை, அதற்குச் சாந்துபூசினவர்களுமில்லை.	நெகே 4:3 சங் 62:3 ஏசா 30:13
16	எருசலேமைக்குறித்துத் தீர்க்கதரிசனஞ்சொல்லி, சமாதானம் இல்லாதிருந்தும் சமாதானம் உண்டென்று தரிசனங்காண்கிற இஸ்ரவேலின் தீர்க்கதரிசிகள் இல்லாமற்போவார்கள் என்று உங்களுக்குச் சொல்லுகிறேன் என்று கர்த்தராகிய ஆண்டவர் உரைக்கிறார்.	எசே 13:10 எரே 5:31 எரே 6:14 எரே 8:11 எரே 28:1 எரே 28:9-17 எரே 29:31
17	மனுபுத்திரனே, தங்களுடைய இருதயத்தில் இருக்கிறதையே எடுத்து, தீர்க்கதரிசனஞ்சொல்லுகிற உன் ஜனத்தின் குமாரத்திகளுக்கு எதிராக உன் முகத்தைத் திருப்பி, அவர்களுக்கு விரோதமாகத் தீர்க்கதரிசனம் உரைத்து, சொல்லவேண்டியது என்னவென்றால்:	எசே 4:3 எசே 20:46 எசே 21:2
18	ஆத்துமாக்களை வேட்டையாடும்படிக்குச் சகல கைகளுக்கும் தழுவணைகளைத் தைத்து, அந்தந்த வயதுள்ளவர்களுடைய தலைக்கும் தலையணைகளை உண்டுபண்ணுகிறவர்களுக்கு ஐயோ! நீங்கள் என் ஜனத்தின் ஆத்துமாக்களை வேட்டையாடி, அவைகளை உங்களுக்கு உயிரோடே காப்பாற்றுவீர்களோ?	எசே 13:10 எசே 13:16 எரே 4:10 எரே 6:14 2தீமோ 4:3
19	சாகத்தகாத ஆத்துமாக்களைக் கொல்வதற்கும், உயிரோடே இருக்கத்தகாத ஆத்துமாக்களை உயிரோடே காப்பாற்றுவதற்குமாக நீங்கள் பொய்க்குச் செவிகொடுக்கிற என் ஜனத்துக்குப் பொய் சொல்லுகிறதினாலே சில சிறங்கை வாற்கோதுமைக்காகவும் அப்பத்துண்டுகளுக்காகவும் என்னை என் ஜனத்துக்குள்ளே பரிசுத்தக்குலைச்சலாக்குவீர்களோ என்று கர்த்தராகிய ஆண்டவர் உரைக்கிறார்.	எசே 20:39 எசே 22:26
20	ஆகையால் கர்த்தராகிய ஆண்டவர் சொல்லுகிறது என்னவென்றால்: இதோ, நீங்கள் ஆத்துமாக்களைப் பறக்கடிக்கும்படி வேட்டையாடுகிற உங்கள் தழுவணைகளுக்கு விரோதமாக நான் வந்து, அவைகளை உங்கள் புயங்களிலிருந்து பிடுங்கிக்கிழித்து, நீங்கள் பறக்கடிக்க வேட்டையாடுகிற ஆத்துமாக்களை நான் விடுதலைபண்ணி,	எசே 13:8 எசே 13:9 எசே 13:15 எசே 13:16
21	உங்கள் தலையணைகளைக் கிழித்து, என் ஜனத்தை உங்கள் கைகளுக்கு நீங்கலாக்கிவிடுவேன்; அவர்கள் இனி வேட்டையாடப்படும்படி உங்கள் கைகளில் இரார்கள்; அப்பொழுது நான் கர்த்தர் என்று அறிந்துகொள்வீர்கள்.
22	நான் சஞ்சலப்படுத்தாத நீதிமானின் இருதயத்தை நீங்கள் வீணாய் முறியப்பண்ணினபடியினாலும், துன்மார்க்கன் தன் பொல்லாத வழியைவிட்டுத் திரும்பவும் நான் அவனை உயிரோடே காக்கவுங்கூடாதபடிக்கு நீங்கள் அவனுடைய கைகளைத் திடப்படுத்தினபடியினாலும்,	எசே 9:4 எரே 4:10 எரே 14:13-17 எரே 23:9 எரே 23:14 புலம் 2:11-14
23	நீங்கள் இனி அபத்தமானதைத் தரிசிப்பதுமில்லை, சாஸ்திரம் பார்ப்பதுமில்லை; நான் என் ஜனத்தை உங்கள் கைகளுக்கு நீங்கலாக்கிவிடுவேன்; அப்பொழுது நான் கர்த்தர் என்று அறிந்துகொள்வீர்கள் என்று சொல் என்றார்.	எசே 13:6-16 எசே 12:24 உபா 18:20 மீகா 3:6 சகரி 13:3 2தீமோ 3:9