1	கர்த்தரால் எரேமியாவுக்கு உண்டான வசனம்:
2	நீ கர்த்தருடைய ஆலயத்தின் வாசலிலே நின்று, அங்கே கூறிச் சொல்லவேண்டிய வசனம் என்னவென்றால், கர்த்தரைப் பணிந்துகொள்ள இந்த வாசல்களுக்குள்ளே பிரவேசிக்கிற யூத ஜனங்களாகிய நீங்களெல்லாரும் கர்த்தருடைய வார்த்தையைக் கேளுங்கள்.	எரே 17:19 எரே 19:2 எரே 19:14 எரே 22:1 எரே 26:2 எரே 36:6 எரே 36:10 நீதி 1:20 நீதி 1:21 நீதி 8:2 நீதி 8:3 யோவா 18:20 அப் 5:20 அப் 5:42
3	இஸ்ரவேலின் தேவனாகிய சேனைகளின் கர்த்தர் சொல்லுகிறார்: உங்கள் வழிகளையும் உங்கள் கிரியையகளையும் சீர்ப்படுத்துங்கள், அப்பொழுது உங்களை இந்த ஸ்தலத்திலே குடியிருக்கப்பண்ணுவேன்.	எரே 7:5-7 எரே 18:11 எரே 26:13 எரே 35:15 நீதி 28:13 ஏசா 1:16-19 ஏசா 55:7 எசே 18:30 எசே 18:31 எசே 33:4-11 மத் 3:8-10 யாக் 4:8
4	கர்த்தரின் ஆலயம், கர்த்தரின் ஆலயம், கர்த்தரின் ஆலயம் இதுவே என்று சொல்லி, பொய்வார்த்தைகளை நம்பிக்கொள்ளாதிருங்கள்.	எரே 7:8 எரே 6:14 எரே 28:15 எரே 29:23 எரே 29:31 எசே 13:19 மத் 3:9 மத் 3:10
5	நீங்கள் உங்கள் வழிகளையும் உங்கள் கிரியைகளையும் நன்றாய்ச் சீர்ப்படுத்தி, நீங்கள் மனுஷனுக்கும் மனுஷனுக்குமுள்ள வழக்கை நியாயமாய்த் தீர்த்து,	எரே 7:3 எரே 4:1 எரே 4:2 ஏசா 1:19
6	பரதேசியையும் திக்கற்றவனையும் விதவையையும் ஒடுக்காமலும், குற்றமில்லாத இரத்தத்தை இந்த ஸ்தலத்திலே சிந்தாமலும்; உங்களுக்குக் கேடுண்டாக அந்நிய தேவர்களைப் பின்பற்றாமலும் இருப்பீர்களேயாகில்,	எரே 22:3 எரே 22:4 எரே 22:15 எரே 22:16 யாத் 22:21-24 உபா 24:17 உபா 27:19 யோபு 31:13-22 சங் 82:3 சங் 82:4 சகரி 7:9-12 மல்கி 3:5 யாக் 1:27
7	அப்பொழுது நான் உங்கள் பிதாக்களுக்குக் கொடுத்த தேசமாகிய இந்த ஸ்தலத்திலே உங்களைச் சதாகாலமும் குடியிருக்கப்பண்ணுவேன்.	எரே 17:20-27 எரே 18:7 எரே 18:8 எரே 25:5
8	இதோ, ஒன்றுக்கும் உதவாத பொய்வார்த்தைகளை நீங்கள் நம்புகிறீர்கள்.	எரே 7:4 எரே 4:10 எரே 5:31 எரே 8:10 எரே 14:13 எரே 14:14 எரே 23:14-16 எரே 23:26-16 எரே 23:32-16 ஏசா 28:15 ஏசா 30:10 எசே 13:6-16
9	நீங்கள் திருடி, கொலைசெய்து, விபசாரம்பண்ணி, பொய்யாணையிட்டு, பாகாலுக்குத் தூபங்காட்டி, நீங்கள் அறியாத அந்நிய தேவர்களைப் பின்பற்றி,	எரே 9:2-9 சங் 50:16-21 ஏசா 59:1-8 எசே 18:10-13 எசே 18:18-13 எசே 33:25 எசே 33:26 ஓசி 4:1-3 மீகா 3:8-12 செப் 1:5 சகரி 5:3 சகரி 5:4 மல்கி 3:5 ரோம 2:2 ரோம 2:17-29 1கொரி 6:9 1கொரி 6:10 கலா 5:19-21 எபே 5:5-7 2தீமோ 3:2-5 யாக் 4:1-4 வெளிப் 21:8 வெளிப் 22:15
10	பிற்பாடு வந்து, என் நாமம் தரிக்கப்பட்ட இந்த ஆலயத்திலே எனக்கு முன்பாக நின்று: இந்த அருவருப்புகளையெல்லாம் செய்வதற்காக விடுதலை பெற்றிருக்கிறோமென்று சொல்வீர்களோ?	நீதி 7:14 நீதி 7:15 நீதி 15:8 ஏசா 1:10-15 ஏசா 48:2 ஏசா 58:2-4 எசே 20:39 எசே 23:29 எசே 23:37 எசே 23:39 எசே 33:31 மத் 23:14 யோவா 13:18 யோவா 13:26 யோவா 13:27 யோவா 18:28
11	என் நாமம் தரிக்கப்பட்ட இந்த ஆலயம் உங்கள் பார்வைக்குக் கள்ளர் குகையாயிற்றோ? இதோ, நானும் இதைக் கண்டேன் என்று கர்த்தர் சொல்லுகிறார்.	2நாளா 6:33 ஏசா 56:7 மத் 21:13 மாற் 11:17 லூக் 19:45 லூக் 19:46 யோவா 2:16
12	நான் முந்தி என் நாமம் விளங்கப்பண்ணின சீலோவிலுள்ள என் ஸ்தலத்துக்கு நீங்கள் போய், இஸ்ரவேல் ஜனத்தினுடைய பொல்லாப்பினிமித்தம் நான் அதற்குச் செய்ததைப் பாருங்கள்.	யோசு 18:1 நியா 18:31 1சாமு 1:3
13	நீங்கள் இந்தக் கிரியைகளையெல்லாம் செய்தீர்கள், நான் உங்களுக்கு எற்கனவே சொல்லி வந்திருந்தும், நீங்கள் கேளாமலும், நான் உங்களைக் கூப்பிட்டும், நீங்கள் உத்தரவுகொடாமலும் போனபடியினால்,	எரே 7:25 எரே 11:7 எரே 25:3 எரே 35:15 எரே 44:4 2நாளா 36:15 2நாளா 36:16 நெகே 9:29 நெகே 9:30
14	என் நாமம் தரிக்கப்பட்டதும், நீங்கள் நம்பிக்கை கொண்டிருக்கிறதுமான இந்த ஆலயத்துக்கும், உங்களுக்கும் உங்கள் பிதாக்களுக்கும் நான் கொடுத்த ஸ்தலத்துக்கும், நான் சீலோவுக்குச் செய்ததுபோலச் செய்வேன்.	எரே 7:4 எரே 7:10 உபா 28:52 மீகா 3:11 அப் 6:13 அப் 6:14
15	நான் உங்களுடைய எல்லாச் சகோதரருமாகிய எப்பிராயீம் சந்ததி அனைத்தையும் தள்ளிப்போட்டதுபோல, உங்களையும் என் முகத்தைவிட்டுத் தள்ளிப்போடுவேன் என்று கர்த்தர் சொல்லுகிறார்.	எரே 3:8 எரே 15:1 எரே 23:39 எரே 52:3 2இரா 17:18-20 2இரா 17:23-20 2இரா 24:20 ஓசி 1:4 ஓசி 9:9 ஓசி 9:16 ஓசி 9:17 ஓசி 13:16
16	நீ இந்த ஜனத்துக்காக விண்ணப்பம் செய்யவேண்டாம்; அவர்களுக்காக மன்றாடவும் கெஞ்சவும் வேண்டாம், என்னிடத்தில் அவர்களுக்காகப் பரிந்துபேசவும் வேண்டாம், நான் உனக்குச் செவிகொடுப்பதில்லை.	எரே 11:14 எரே 14:11 எரே 14:12 எரே 15:1 எரே 18:20 யாத் 32:10 எசே 14:14-20 1யோவா 5:16
17	யூதாவின் பட்டணங்களிலும் எருசலேமின் வீதிகளிலும் அவர்கள் செய்கிறதை நீ காணவில்லையா?	எரே 6:27 எசே 8:6-18 எசே 14:23
18	எனக்கு மனமடிவுண்டாக அந்நிய தேவர்களுக்குப் பானபலிகளை வார்க்கிறார்கள்; அவர்கள் வானராக்கினிக்குப் பணியாரங்களைச் சுடும்படி பிள்ளைகள் விறகு பொறுக்குகிறார்கள், பிதாக்கள் நெருப்பு மூட்டுகிறார்கள், ஸ்திரீகள் மாப்பிசைகிறார்கள்.	எரே 44:17-19 எரே 44:25-19 1கொரி 10:22
19	அவர்கள் எனக்கா மனமடிவுண்டாக்குகிறார்கள்? தங்கள் முகங்கள் வெட்கத்துக்குட்படும்படி அவர்கள் தங்களுக்கே அல்லவோ மனமடிவுண்டாக்குகிறார்கள் என்று கர்த்தர் சொல்லுகிறார்.	எரே 2:17 எரே 2:19 உபா 32:16 உபா 32:21 உபா 32:22 ஏசா 1:20 ஏசா 1:24 எசே 8:17 எசே 8:18 1கொரி 10:22
20	ஆதலால் இதோ, என் கோபமும் என் உக்கிரமும் இந்த ஸ்தலத்தின்மேலும், மனுஷர்மேலும், மிருகங்கள்மேலும், வெளியின் மரங்கள்மேலும், பூமியின் கனிகள்மேலும் ஊற்றப்படும்; அது அவியாமல் எரியும் என்று கர்த்தராகிய ஆண்டவர் சொல்லுகிறார்.	எரே 4:23-26 எரே 9:10 எரே 9:11 எரே 12:4 எரே 14:16 எரே 42:18 எரே 44:6 ஏசா 42:25 புலம் 2:3-5 புலம் 4:11 எசே 20:47 எசே 20:48 எசே 22:22 தானி 9:11 நாகூ 1:6 மல்கி 4:1 வெளிப் 14:10 வெளிப் 16:1-21
21	இஸ்ரவேலின் தேவனாகிய சேனைகளின் கர்த்தர் சொல்லுகிறதென்னவென்றால்: உங்கள் தகனபலிகளை மற்றப் பலிகளோடுங்கூட்டி, இறைச்சியைச் சாப்பிடுங்கள்.	எரே 6:20 ஏசா 1:11-15 ஓசி 8:13 ஆமோ 5:21-23
22	நான் உங்கள் பிதாக்களை எகிப்துதேசத்திலிருந்து அழைத்து வந்த நாளிலே, தகனபலியைக்குறித்தும், மற்ற பலிகளைக்குறித்தும் நான் அவர்களோடே பேசினதையும் கட்டளையிட்டதையும் பார்க்கிலும்,	1சாமு 15:22 சங் 40:6 சங் 50:8-17 சங் 51:16 சங் 51:17 ஓசி 6:6 மத் 9:13 மாற் 12:33
23	என் வாக்குக்குச் செவிகொடுங்கள், அப்பொழுது நான் உங்கள் தேவனாயிருப்பேன், நீங்கள் என் ஜனமாயிருப்பீர்கள்; நான் உங்களுக்குக் கற்பிக்கும் எல்லாவழியிலும், நீங்கள் உங்களுக்கு நன்மையுண்டாகும்படிக்கு நடவுங்கள் என்கிற விசேஷத்தையே அவர்களுக்குச் சொல்லிக் கட்டளையிட்டேன்.	எரே 11:4 எரே 11:7 யாத் 15:26 யாத் 19:5 யாத் 19:6 லேவி 26:3-12 உபா 5:29 உபா 5:33 உபா 6:3 உபா 11:27 உபா 13:4 உபா 30:2 உபா 30:8 உபா 30:20 ரோம 16:26 2கொரி 10:5 எபிரெ 5:9
24	அவர்களோ அதைக் கேளாமலும், தங்கள் செவியைச் சாயாமலும்போய், தங்கள் பொல்லாத இருதயத்தின் யோசனைகளின்படியும் கடினத்தின்படியும் நடந்து, முன்னிட்டல்ல பின்னிட்டே போனார்கள்.	எரே 7:26 எரே 11:7 எரே 11:8 யாத் 32:7 யாத் 32:8 நெகே 9:16-20 சங் 81:11 சங் 81:12 சங் 106:7-48 எசே 20:8 எசே 20:13 எசே 20:16 எசே 20:21
25	உங்கள் பிதாக்கள் எகிப்துதேசத்திலிருந்து புறப்பட்ட நாள்முதல் இந்நாள்மட்டும் நான் தீர்க்கதரிசிகளாகிய என் ஊழியக்காரரையெல்லாம் தினந்தினம் உங்களண்டைக்கு ஏற்கனவே அனுப்பிக்கொண்டிருந்தேன்.	எரே 32:30 எரே 32:31 உபா 9:7 உபா 9:21-24 1சாமு 8:7 1சாமு 8:8 எஸ்றா 9:7 நெகே 9:16-18 நெகே 9:26-18 சங் 106:13-22 எசே 2:3 எசே 20:5-32 எசே 23:2 எசே 23:3
26	ஆனாலும் அவர்கள் என் சொல்லைக்கேளாமலும், தங்கள் செவியைச் சாயாமலும் போய், தங்கள் கழுத்தைக் கடினப்படுத்தி, தங்கள் பிதாக்களைப்பார்க்கிலும் அதிக பொல்லாப்பு செய்தார்கள்.	எரே 7:24 எரே 6:17 எரே 11:8 எரே 17:23 எரே 25:3 எரே 25:7 எரே 26:5 எரே 29:19 எரே 34:14 எரே 44:16 2நாளா 33:10 நெகே 9:16 தானி 9:6
27	நீ இந்த வார்த்தைகளையெல்லாம் அவர்களுக்குச் சொன்னாலும், அவர்கள் உனக்குச் செவிகொடுக்கமாட்டார்கள்; நீ அவர்களை நோக்கிக் கூப்பிட்டாலும், அவர்கள் உனக்கு மறுஉத்தரவு கொடுக்கமாட்டார்கள்.	எரே 1:7 எரே 26:2 எசே 2:4-7 எசே 3:17 எசே 3:18 அப் 20:27
28	ஆகையால் தங்கள் தேவனாகிய கர்த்தருடைய சத்தத்தைக் கேளாமலும், புத்தியை ஏற்றுக்கொள்ளாமலும் இருக்கிற ஜாதி இதுதான் என்றும், சத்தியம் அழிந்து, அது அவர்கள் வாயிலிருந்து அற்றுப்போனதென்றும் அவர்களுக்குச் சொல்.	எரே 2:30 எரே 5:3 எரே 6:29 எரே 6:30 ஏசா 1:4 ஏசா 1:5 செப் 3:2
29	நீ உன் தலைமயிரைச் சிரைத்து, எறிந்துவிட்டு, உயர்தலங்களிலே புலம்பிக்கொண்டிரு; கர்த்தர் தமது சினத்துக்கு ஏதுவான சந்ததியை வெறுத்து நெகிழவிட்டார்.	எரே 16:6 எரே 47:5 எரே 48:37 யோபு 1:20 ஏசா 15:2 ஏசா 15:3 மீகா 1:16
30	யூதா புத்திரர் என் பார்வைக்குப் பொல்லாப்பானதைச் செய்தார்கள் என்று கர்த்தர் சொல்லுகிறார்; என் நாமம் தரித்திருக்கிற ஆலயத்தைத் தீட்டுப்படுத்தத் தங்கள் அருவருப்புகளை அதிலே வைத்தார்கள்.	எரே 23:11 எரே 32:34 2இரா 21:4 2இரா 21:7 2இரா 23:4-6 2இரா 23:12-6 2நாளா 33:4 2நாளா 33:5 2நாளா 33:7 2நாளா 33:15 எசே 7:20 எசே 8:5-17 எசே 43:7 எசே 43:8 தானி 9:27
31	தங்கள் குமாரரையும் தங்கள் குமாரத்திகளையும் அக்கினியிலே தகனிக்கிறதற்காக, அவர்கள் இன்னோம் குமாரனின் பள்ளத்தாக்கிலுள்ள தோப்பேத்தின் மேடைகளைக் கட்டினார்கள்; அதை நான் கட்டளையிடவுமில்லை, அது என் மனதில் தோன்றவுமில்லை.	எரே 19:5 எரே 19:6 எரே 32:35 2இரா 23:20 2நாளா 33:6
32	ஆதலால், இதோ, நாட்கள் வருமென்று கர்த்தர் சொல்லுகிறார்; அப்பொழுது அது அப்புறம் தோப்பேத் என்றும், இன்னோம் குமாரனின் பள்ளத்தாக்கென்றும் சொல்லப்படாமல், சங்காரப்பள்ளத்தாக்கென்று சொல்லப்படும்; தோப்பேத்திலே இடங்கிடையாமற்போகுமட்டும் சவங்களை அடக்கம்பண்ணுவார்கள்.	எரே 19:6 லேவி 26:30 எசே 6:5-7
33	இந்த ஜனத்தின் பிணங்கள் ஆகாயத்தின் பறவைகளுக்கும் பூமியின் மிருகங்களுக்கும் இரையாகும்; அவைகளை வெருட்டுவாரும் இல்லாதிருப்பார்கள்.	எரே 8:1 எரே 8:2 எரே 9:22 எரே 12:9 எரே 16:4 எரே 22:19 எரே 25:33 எரே 34:20 உபா 28:26 சங் 79:2 சங் 79:3 எசே 39:4 எசே 39:18-20 வெளிப் 19:17 வெளிப் 19:18
34	நான் யூதாவின் பட்டணங்களிலும் எருசலேமின் வீதிகளிலும் களிப்பின் சத்தத்தையும், மகிழ்ச்சியின் சத்தத்தையும், மணவாளனின் சத்தத்தையும், மணவாட்டியின் சத்தத்தையும் ஓயப்பண்ணுவேன்; தேசம் பாழாகும்.	எரே 16:9 எரே 25:10 எரே 33:10 ஏசா 24:7 ஏசா 24:8 எசே 26:13 ஓசி 2:11 வெளிப் 18:23