1	பாவத்தோடே பாவத்தைக் கூட்டும்படி, என்னை அல்லாமல் ஆலோசனைபண்ணி, என்ஆவியை அல்லாமல் தங்களை மூடிக்கொள்ளப் பார்க்கிறவர்களும்,	ஏசா 30:9 ஏசா 1:2 ஏசா 63:10 ஏசா 65:2 உபா 9:7 உபா 9:24 உபா 29:19 எரே 4:17 எரே 5:23 எசே 2:3 எசே 3:9 எசே 3:26 எசே 3:27 எசே 12:2 எசே 12:3 ஓசி 7:13 அப் 7:51 அப் 7:52
2	என் வாக்கைக் கேளாமல் பார்வோனின் பெலத்தினாலே பெலக்கவும், எகிப்தின் நிழலிலே ஒதுங்கவும் வேண்டும் என்று எகிப்துக்குப் போகிறவர்களுமாகிய முரட்டாட்டமுள்ள புத்திரருக்கு ஐயோ! என்று கர்த்தர் சொல்லுகிறார்.	ஏசா 20:5 ஏசா 20:6 ஏசா 31:1-3 ஏசா 36:6 உபா 28:68 2இரா 17:4 எரே 37:5 எரே 43:7 எசே 29:6 எசே 29:7
3	பார்வோனுடைய பெலன் உங்களுக்கு வெட்கமாகவும் எகிப்தினுடைய நிழலொதுக்கு உங்களுக்கு இலச்சையாகவும் இருக்கும்.	ஏசா 30:5-7 ஏசா 20:5 எரே 37:5-10
4	அவர்கள் பிரபுக்கள் சோவானிலேபோய், அவர்கள் ஸ்தானாபதிகள் ஆனேஸ்மட்டும் சேருகிறார்கள்.	ஏசா 57:9 2இரா 17:4 ஓசி 7:11 ஓசி 7:12 ஓசி 7:16
5	ஆனாலும் தங்கள் சகாயத்துக்கும் பிரயோஜனத்துக்கும் உதவாமல், வெட்கத்துக்கும் நிந்தைக்குமே உதவும் ஜனத்தினாலே யாவரும் வெட்கப்படுவார்கள்.	ஏசா 30:16 ஏசா 20:5 ஏசா 20:6 ஏசா 31:1-3 எரே 2:36
6	தெற்கேபோகிற மிருகஜீவன்களின் பாரம். துஷ்டசிங்கமும், கிழச்சிங்கமும், விரியனும், பறக்கிற கொள்ளிவாய்ச்சர்ப்பமும் வருகிறதும், நெருக்கமும் இடுக்கமும் அடைவிக்கிறதுமான தேசத்துக்கு, அவர்கள் கழுதை மறிகளுடைய முதுகின்மேல் தங்கள் ஆஸ்திகளையும், ஒட்டகங்களுடைய முதுகின்மேல் தங்கள் பொக்கிஷங்களையும், தங்களுக்கு உதவாத ஜனத்தண்டைக்கு ஏற்றிக்கொண்டுபோகிறார்கள்.	ஏசா 46:1 ஏசா 46:2 ஏசா 57:9 ஓசி 8:9 ஓசி 8:10 ஓசி 12:1
7	எகிப்தியர் சகாயம்பண்ணுவது வியர்த்தமும் வீணுமாம்; ஆகையால், சும்மாயிருப்பதே அவர்களுக்குப் பெலன் என்று அதற்காகக் கூறுகிறேன்.	ஏசா 31:1-5 எரே 37:7
8	இப்பொழுது நீ போய், இது பிற்காலத்துக்கு என்றென்றைக்கும் இருக்கும்படி, இதை அவர்களுக்கு முன்பாக ஒரு பலகையில் எழுதி, ஒரு புஸ்தகத்தில் வரை.	ஏசா 8:1 உபா 31:19 உபா 31:22 யோபு 19:23 யோபு 19:24 எரே 36:2 எரே 36:28-32 எரே 51:60 ஆபகூ 2:2
9	இவர்கள் கலகமுள்ள ஜனங்களும், பொய்பேசுகிற பிள்ளைகளும், கர்த்தருடைய வேதத்தைக் கேட்க மனதில்லாத புத்திரருமாயிருக்கிறார்கள்.	ஏசா 30:1 ஏசா 1:4 உபா 31:27-29 உபா 32:20 எரே 44:2-17 செப் 3:2 மத் 23:31-33 அப் 7:51
10	இவர்கள் தரிசனக்காரரை நோக்கி: தரிசனங் காணவேண்டாம் என்றும், ஞானதிருஷ்டிக்காரரை நோக்கி: யதார்த்தமாய் எங்களுக்குத் தரிசனஞ்சொல்லாமல், எங்களுக்கு இதமான சொற்களை உரைத்து, மாயமானவைகளைத் திருஷ்டியுங்கள் என்றும்,	1இரா 21:20 2நாளா 16:10 2நாளா 18:7-27 2நாளா 24:19-21 2நாளா 25:16 எரே 5:31 எரே 11:21 எரே 26:11 எரே 26:20-23 எரே 29:27 எரே 38:4 ஆமோ 2:12 ஆமோ 7:13 மீகா 2:6 அப் 4:17 அப் 5:28 1தெச 2:15 1தெச 2:16 வெளிப் 11:7
11	நீங்கள் வழியை விட்டு, பாதையினின்று விலகி, இஸ்ரவேலின் பரிசுத்தரை எங்கள் முன்பாக இராமல் ஓயப்பண்ணுங்கள் என்றும் சொல்லுகிறார்கள்.	ஏசா 29:21 ஆமோ 7:13
12	நீங்கள் இந்த வார்த்தையை வெறுத்து, இடுக்கமும் தாறுமாறும் செய்கிறதை நம்பி, அதைச் சார்ந்து கொள்ளுகிறபடியால்,	ஏசா 30:1 ஏசா 30:7 ஏசா 30:15-17 ஏசா 5:24 ஏசா 31:1-3 2சாமு 12:9 2சாமு 12:10 ஆமோ 2:4 லூக் 10:16 1தெச 4:8
13	இந்த அக்கிரமம் உங்களுக்கு உயர்ந்த சுவரில் விழப் பிதுங்கிநிற்கிறதும், திடீரென்று சடிதியாய் இடியப்போகிறதுமான வெடிப்பைப்போல இருக்கும் என்று இஸ்ரவேலின் பரிசுத்தர் சொல்லுகிறார்.	1இரா 20:30 சங் 62:3 எசே 13:10-15 மத் 7:27 லூக் 6:49
14	அவர்களை அவர் தப்பவிடாமல் உடையும்படி குயக்கலத்தை நொறுக்குவதுபோல அவர்களை நொறுக்குவார்; அடுப்பிலே நெருப்பு எடுக்கிறதற்கும், குளத்திலே தண்ணீர் மொள்ளுகிறதற்கும் நொறுங்கின துண்டுகளில், ஒரு ஓடாகிலும் அகப்படாதேபோகும்.	சங் 2:9 எரே 19:10 எரே 19:11 வெளிப் 2:27
15	நீங்கள் மனந்திரும்பி அமர்ந்திருந்தால் இரட்சிக்கப்படுவீர்கள்; அமரிக்கையும் நம்பிக்கையுமே உங்கள் பெலனாயிருக்கும் என்று இஸ்ரவேலின் பரிசுத்தராயிருக்கிற கர்த்தராகிய தேவன் சொல்லுகிறார்; நீங்களோ அப்படிச் செய்ய மனதாயிராமல்;	ஏசா 30:11 எரே 23:36
16	அப்படியல்ல, குதிரைகளின்மேல் ஏறி ஓடிப்போவோம் என்கிறீர்கள்; அப்படியே ஓடிப்போவீர்கள், வேகமான வாகனங்களின்மேல் ஏறிப்போவோம் என்கிறீர்கள்; அப்படியே உங்களைத் துரத்துகிறவர்கள் வேகமாய்த் துரத்துவார்கள்.	ஏசா 5:26-30 ஏசா 10:28-32 ஏசா 31:1 உபா 28:25 2இரா 25:5 சங் 33:17 சங் 147:10 எரே 52:7 ஆமோ 2:14-16 ஆமோ 9:1 மீகா 1:13
17	நீங்கள் மலையுச்சியின்மேல் ஒரு கம்பத்தைப்போலவும், மேட்டின்மேல் ஒரு கொடியைப்போலவும் மீந்திருக்குமட்டாக, ஒருவன் பயமுறுத்த ஆயிரம்பேரும், ஐந்துபேர் பயமுறுத்த நீங்கள் அனைவரும் ஓடிப்போவீர்கள்.	லேவி 26:8 லேவி 26:36 உபா 28:25 உபா 32:30 யோசு 23:10 நீதி 28:1 எரே 37:10
18	ஆனாலும் உங்களுக்கு இரங்கும்படி கர்த்தர் காத்திருப்பார், உங்கள்மேல் மனதுருகும்படி எழுந்திருப்பார்; கர்த்தர் நீதிசெய்கிற தேவன்; அவருக்குக் காத்திருக்கிற அனைவரும் பாக்கிவான்கள்.	ஏசா 55:8 யாத் 34:6 ஓசி 2:14 ரோம 5:20 ரோம 9:15-18
19	சீயோனைச் சேர்ந்த ஜனங்கள் எருசலேமில் வாசமாயிருப்பார்கள்; இனி நீ அழுதுகொண்டிராய்; உன் கூப்பிடுதலின் சத்தத்துக்கு அவர் உருக்கமாய் இரங்கி, அதைக் கேட்டவுடனே உனக்கு மறுஉத்தரவு அருளுவார்.	ஏசா 10:24 ஏசா 12:6 ஏசா 46:13 ஏசா 65:9 எரே 31:6 எரே 31:12 எரே 50:4 எரே 50:5 எரே 50:28 எரே 51:10 எசே 20:40 எசே 37:25-28 செப் 3:14-20 சகரி 1:16 சகரி 1:17 சகரி 2:4-7 சகரி 8:3-8 ரோம 11:26
20	ஆண்டவர் உங்களுக்குத் துன்பத்தின் அப்பத்தையும், உபத்திரவத்தின் தண்ணீரையும் கொடுத்தாலும், உன் போதகர்கள் இனி ஒருபோதும் மறைந்திருக்கமாட்டார்கள்; உன் கண்கள் உன் போதகர்களைக் காணும்.	உபா 16:3 1இரா 22:27 2நாளா 18:26 சங் 30:5 சங் 80:5 சங் 102:9 சங் 127:2 எசே 4:13-17 எசே 24:22 எசே 24:23 அப் 14:22
21	நீங்கள் வலதுபுறமாய்ச் சாயும்போதும், இடதுபுறமாய்ச் சாயும்போதும்: வழி இதுவே, இதிலே நடவுங்கள் என்று உங்களுக்குப் பின்னாலே சொல்லும் வார்த்தையை உங்கள் காதுகள் கேட்கும்.	ஏசா 35:8 ஏசா 35:9 ஏசா 42:16 ஏசா 48:17 ஏசா 58:11 சங் 25:8 சங் 25:9 சங் 143:8-10 நீதி 3:5 நீதி 3:6 எரே 6:16 1யோவா 2:20 1யோவா 2:27
22	உன் சுரூபங்களை மூடிய வெள்ளித்தகட்டையும், உன் விக்கிரகங்களின் பொன் ஆடையாபரணத்தையும் தீட்டாக எண்ணி, அவைகளைத் தீட்டுப்பட்ட வஸ்திரம்போல எறிந்துவிட்டு, அதைச் சீ! போ என்பாய்.	ஏசா 2:20 ஏசா 2:21 ஏசா 17:7 ஏசா 17:8 ஏசா 27:9 ஏசா 31:7 2இரா 23:4-20 2நாளா 31:1 2நாளா 34:3-7 எசே 36:31 மீகா 5:10-14 சகரி 13:2 வெளிப் 19:20
23	அப்பொழுது நீ நிலத்தில் விதைக்கும் உன் விதைக்கு அவர் மழையையும், நிலத்தின் பலனாகிய ஆகாரத்தையும் தருவார்; அது கொழுமையும் புஷ்டியுமாய் இருக்கும்; அக்காலத்திலே உன் ஆடுமாடுகள் விஸ்தாரமான மேய்ச்சலுள்ள ஸ்தலத்திலே மேயும்;	ஏசா 5:6 ஏசா 32:20 ஏசா 44:2-4 ஏசா 55:10 ஏசா 55:11 ஏசா 58:11 சங் 65:9-13 சங் 104:13 சங் 104:14 சங் 107:35-38 எரே 14:22 எசே 36:25 எசே 36:26 ஓசி 2:21-23 யோவே 2:21-26 ஆமோ 4:7 ஆமோ 4:8 சகரி 8:11 சகரி 8:12 சகரி 10:1 மல்கி 3:10 மத் 6:33 1தீமோ 4:8
24	நிலத்தை உழுகிற எருதுகளும் கழுதைமறிகளும், முறத்தினாலும் தூற்றுக்கூடையினாலும் தூற்றப்பட்ட ருசியுள்ள கப்பிகளைத் தின்னும்.	உபா 25:4 1கொரி 9:9 1கொரி 9:10
25	கோபுரங்கள் விழுகிற மகா சங்காரத்தின் நாளிலே, உயரமான சகலமலைகளின்மேலும், உயரமான சகலமேடுகளின்மேலும் ஆறுகளும் வாய்க்கால்களும் உண்டாகும்.	ஏசா 2:14 ஏசா 2:15 ஏசா 35:6 ஏசா 35:7 ஏசா 41:18 ஏசா 41:19 ஏசா 43:19 ஏசா 43:20 ஏசா 44:3 ஏசா 44:4 எசே 17:22 எசே 34:13 எசே 34:26 யோவா 7:38 வெளிப் 22:1
26	கர்த்தர் தமது ஜனத்தின் முறிவைக் கட்டி, அதின் அடிக்காயத்தைக் குணமாக்கும் நாளிலே, சந்திரனுடைய வெளிச்சம் சூரியனுடைய வெளிச்சத்தைப்போலவும், சூரியனுடைய வெளிச்சம் ஏழத்தனையாய் ஏழு பகலின் வெளிச்சத்தைப்போலவும் இருக்கும்.	ஏசா 11:9 ஏசா 24:23 ஏசா 60:19 ஏசா 60:20 சகரி 12:8 சகரி 14:7 வெளிப் 21:23 வெளிப் 22:5
27	இதோ, கர்த்தருடைய நாமம் தூரத்திலிருந்து வரும்; அவருடைய கோபம் எரிகிறதும் கனன்று புகைகிறதுமாயிருக்கும்; அவருடைய உதடுகள் சினத்தால் நிறைந்து, அவருடைய நாவு பட்சிக்கிற அக்கினிபோல இருக்கும்.	ஏசா 9:5 ஏசா 10:16 ஏசா 10:17 ஏசா 33:12 ஏசா 34:9 உபா 32:22 உபா 33:2 சங் 18:7-9 சங் 79:5 புலம் 1:12 புலம் 1:13 தானி 7:9 நாகூ 1:5 நாகூ 1:6 2தெச 2:8 எபிரெ 12:29
28	நாசம் என்னும் சல்லடையிலே ஜாதிகளை அரிக்கும்படிக்கு அவர் ஊதும் சுவாசம் கழுத்துமட்டும் எட்டுகிற ஆற்றுவெள்ளத்தைப்போலவும், ஜனங்களுடைய வாயிலே போட்டு அலைக்கழிக்கிற கடிவாளத்தைப்போலவும் இருக்கும்.	ஏசா 11:4 சங் 18:15 லூக் 22:31 2தெச 2:8 எபிரெ 4:12 வெளிப் 1:16 வெளிப் 2:16
29	பண்டிகை ஆசரிக்கப்படும் இராத்திரியிலே பாடுகிறதுபோலப் பாடுவீர்கள்; கர்த்தருடைய பர்வதமாகிய இஸ்ரவேலின் கன்மலையண்டைக்குப்போக நாகசுரத்தோடே நடந்து வருகிறபோது மகிழுகிறதுபோல மகிழுவீர்கள்.	ஏசா 12:1 ஏசா 26:1 யாத் 15:1-21 2நாளா 20:27 2நாளா 20:28 சங் 32:7 எரே 33:11 வெளிப் 15:3 எரே 19:1-7
30	கர்த்தர் மகத்துவமானவர்; தமது சத்தத்தைக் கேட்கப்பண்ணி, உக்கிர கோபத்தினாலும், பட்சிக்கிற அக்கினிஜூவாலையினாலும், இடி பெருவெள்ளம் கல்மழையினாலும், தமது புயத்தின் வல்லமையைக் காண்பிப்பார்.	ஏசா 29:6 சங் 2:5 சங் 18:13 சங் 18:14 சங் 46:6
31	அப்பொழுது தண்டாயுதத்தினால் அடித்த அசீரியன் கர்த்தருடைய சத்தத்தினாலே நொறுங்குண்டு போவான்.	ஏசா 30:30 ஏசா 37:32-38
32	கர்த்தர் அவன்மேல் சுமத்தும் ஆக்கினைத்தண்டம் செல்லுமிடமெங்கும், மேளங்களும் வீணைகளும் அதினுடன் போகும்; கொடிய யுத்தங்களினால் அவனை எதிர்த்து யுத்தஞ்செய்வார்.	ஏசா 30:29 ஏசா 24:8 ஆதி 31:27 1சாமு 10:5 யோபு 21:11 யோபு 21:12 சங் 81:1 சங் 81:2
33	தோப்பேத் ஏற்கனவே ஏற்படுத்தப்பட்டது; ராஜாவுக்கு அது ஆயத்தப்படுத்தப்பட்டது; அதை ஆழமும் விசாலமுமாக்கினார்; வேகும்படி அக்கினியும் மிகுந்த விறகுமுண்டு: கர்த்தரின் சுவாசம் கெந்தகத் தீயைப்போல அதைக் கொளுத்தும்.	2இரா 23:10 எரே 7:31 எரே 7:32 எரே 19:6 எரே 19:11-14 மத் 4:22 மத் 18:8 மத் 18:9