1	பிள்ளைகளே, நீங்கள் தகப்பன் போதகத்தைக் கேட்டு, புத்தியை அடையும்படி கவனியுங்கள்.	நீதி 1:8 நீதி 6:20-23 சங் 34:11 1தெச 2:11 1தெச 2:12
2	நான் உங்களுக்கு நற்போதகத்தைத் தருகிறேன்; என் உபதேசத்தை விடாதிருங்கள்.	நீதி 8:6-9 நீதி 22:20 நீதி 22:21 உபா 32:2 யோபு 33:3 சங் 49:1-3 யோவா 7:16 யோவா 7:17 1தீமோ 4:6 தீத் 1:9
3	நான் என் தகப்பனுக்குப் பிரியமான குமாரனும், என் தாய்க்கு மிகவும் அருமையான ஒரே பிள்ளையுமானவன்.	2சாமு 12:24 2சாமு 12:25 1இரா 1:13-17 1நாளா 3:5 1நாளா 22:5 1நாளா 29:1 எரே 10:23 ரோம 12:16
4	அவர் எனக்குப் போதித்துச் சொன்னது: உன் இருதயம் என் வார்த்தைகளைக் காத்துக்கொள்ளக்கடவது; என் கட்டளைகளைக் கைக்கொள், அப்பொழுது பிழைப்பாய்.	நீதி 22:6 ஆதி 18:19 1நாளா 22:11-16 1நாளா 28:9 எபே 6:4 2தீமோ 1:5 2தீமோ 3:15
5	ஞானத்தைச் சம்பாதி, புத்தியையும் சம்பாதி; என் வாயின் வார்த்தைகளை மறவாமலும் விட்டு விலகாமலும் இரு.	நீதி 1:22 நீதி 1:23 நீதி 2:2-4 நீதி 3:13-18 நீதி 8:5 நீதி 17:16 நீதி 18:1 நீதி 19:8 நீதி 23:23 யாக் 1:5
6	அதை விடாதே, அது உன்னைத் தற்காக்கும்; அதின்மேல் பிரியமாயிரு, அது உன்னைக் காத்துக்கொள்ளும்.	நீதி 4:21 நீதி 4:22 நீதி 2:10-12 எபே 3:17 2தெச 2:10
7	ஞானமே முக்கியம், ஞானத்தைச் சம்பாதி; என்னத்தைச் சம்பாதித்தாலும் புத்தியைச் சம்பாதித்துக்கொள்.	பிரச 7:12 பிரச 9:16-18 மத் 13:44-46 லூக் 10:42 பிலிப் 3:8
8	நீ அதை மேன்மைப்படுத்து, அது உன்னை மேன்மைப்படுத்தும்; நீ அதைத் தழுவிக்கொண்டால், அது உன்னைக் கனம்பண்ணும்.	நீதி 3:35 நீதி 22:4 1சாமு 2:30 1இரா 3:5-13 தானி 12:3
9	அது உன் தலைக்கு அலங்காரமான முடியைக் கொடுக்கும்; அது மகிமையான கிரீடத்தை உனக்குச் சூட்டும்.	நீதி 1:9 நீதி 3:22 1தீமோ 2:9 1தீமோ 2:10 1பேது 3:4
10	என் மகனே, கேள், என் வார்த்தைகளை ஏற்றுக்கொள்; அப்பொழுது உன் ஆயுசின் வருஷங்கள் அதிகமாகும்.	நீதி 8:10 நீதி 19:20 யோபு 22:22 எரே 9:20 யோவா 3:32 யோவா 3:33 1தெச 2:13 1தீமோ 1:15
11	ஞானமார்க்கத்தை நான் உனக்குப் போதித்தேன்; செவ்வையான பாதைகளிலே உன்னை நடத்தினேன்.	நீதி 4:4 உபா 4:5 1சாமு 12:24 பிரச 12:9
12	நீ அவைகளில் நடக்கும்போது உன் நடைகளுக்கு இடுக்கண் உண்டாவதில்லை; நீ அவைகளில் ஓடினாலும் இடறமாட்டாய்.	நீதி 6:22 2சாமு 22:37 யோபு 18:7 யோபு 18:8 சங் 18:36
13	புத்திமதியை உறுதியாய்ப் பற்றிக்கொள், அதை விட்டுவிடாதே; அதைக்காத்துக்கொள், அதுவே உனக்கு ஜீவன்.	நீதி 3:18 நீதி 23:23 அப் 2:42 அப் 11:23 1தெச 5:21 எபிரெ 2:1 வெளிப் 2:13 வெளிப் 12:11
14	துன்மார்க்கருடைய பாதையில் பிரவேசியாதே; தீயோருடைய வழியில் நடவாதே.	நீதி 1:10 நீதி 1:15 நீதி 2:11 நீதி 2:12 நீதி 9:6 நீதி 13:20 சங் 1:1 சங் 26:4 சங் 26:5 1கொரி 15:33
15	அதை வெறுத்துவிடு, அதின் வழியாய்ப் போகாதே; அதை விட்டு விலகிக் கடந்துபோ.	நீதி 5:8 நீதி 6:5 யாத் 23:7 யோபு 11:14 யோபு 22:23 ஏசா 33:15 எபே 5:11 1தெச 5:22
16	பொல்லாப்புச் செய்தாலொழிய அவர்களுக்கு நித்திரை வராது; அவர்கள் யாரையாகிலும் விழப்பண்ணாதிருந்தால் அவர்கள் தூக்கம் கலைந்துபோகும்.	நீதி 1:16 சங் 36:4 ஏசா 57:20 மீகா 2:1 லூக் 22:66 யோவா 18:28 2பேது 2:14
17	அவர்கள் ஆகாமியத்தின் அப்பத்தைப் புசித்து, கொடுமையின் இரசத்தைக் குடிக்கிறார்கள்.	நீதி 9:17 நீதி 20:17 யோபு 24:5 யோபு 24:6 சங் 14:4 எரே 5:26-28 எசே 22:25-29 ஆமோ 8:4-6 மீகா 3:5 மீகா 6:12 செப் 3:3 மத் 23:14 யாக் 5:4 யாக் 5:5
18	நீதிமான்களுடைய பாதை நடுப்பகல்வரைக்கும் அதிகமதிகமாய்ப் பிரகாசிக்கிற சூரியப்பிரகாசம் போலிருக்கும்.	2சாமு 23:4 யோபு 11:17 யோபு 23:10 சங் 84:7 ஓசி 6:3 சகரி 14:6 சகரி 14:7 மத் 5:14 மத் 5:16 மத் 5:45 யோவா 8:12 2கொரி 3:18 பிலிப் 2:15 2பேது 1:19 2பேது 3:18 வெளிப் 21:23 வெளிப் 22:5
19	துன்மார்க்கருடைய பாதையோ காரிருளைப்போலிருக்கும்; தாங்கள் இடறுவது இன்னதில் என்று அறியார்கள்.	1சாமு 2:9 யோபு 5:14 யோபு 12:25 யோபு 18:5 யோபு 18:6 யோபு 18:18 ஏசா 59:9 ஏசா 59:10 எரே 13:16 எரே 23:12 மத் 7:23 மத் 15:14 யோவா 12:35 1யோவா 2:11
20	என் மகனே, என் வார்த்தைகளைக் கவனி; என் வசனங்களுக்கு உன் செவியைச் சாய்.	நீதி 5:1 நீதி 6:20 நீதி 6:21 நீதி 7:1 சங் 78:1 சங் 90:12 ஏசா 55:3 மத் 17:5
21	அவைகள் உன் கண்களை விட்டுப் பிரியாதிருப்பதாக; அவைகளை உன் இருதயத்துக்குள்ளே காத்துக்கொள்.	நீதி 3:3 நீதி 3:21
22	அவைகளைக் கண்டுபிடிக்கிறவர்களுக்கு அவைகள் ஜீவனும், அவர்கள் உடலுக்கெல்லாம் ஆரோக்கியமுமாம்.	நீதி 4:4 நீதி 4:10
23	எல்லாக் காவலோடும் உன் இருதயத்தைக் காத்துக்கொள், அதினிடத்தினின்று ஜீவவூற்று புறப்படும்.	நீதி 22:5 நீதி 23:19 நீதி 28:26 உபா 4:9 சங் 139:23 சங் 139:24 எரே 17:9 மாற் 14:38 எபிரெ 12:15
24	வாயின் தாறுமாறுகளை உன்னை விட்டகற்றி, உதடுகளின் மாறுபாட்டை உனக்குத் தூரப்படுத்து.	யோபு 11:14 எசே 18:31 எபே 4:25-31 கொலோ 3:8 யாக் 1:21 யாக் 1:26 1பேது 2:1
25	உன் கண்கள் நேராய் நோக்கக்கடவது; உன் கண்ணிமைகள் உனக்கு முன்னே செவ்வையாய்ப் பார்க்கக்கடவது.	நீதி 23:5 நீதி 23:33 யோபு 31:1 சங் 119:37 மத் 6:22
26	உன் கால் நடையைச் சீர்தூக்கிப்பார்; உன் வழிகளெல்லாம் நிலைவரப்பட்டிருப்பதாக.	நீதி 5:6 சங் 119:59 எசே 18:28 ஆகா 1:5 ஆகா 1:7 எபே 5:15 எபே 5:17
27	வலதுபுறமாவது இடதுபுறமாவது சாயாதே; உன் காலைத் தீமைக்கு விலக்குவாயாக.	உபா 5:32 உபா 12:32 உபா 28:14 யோசு 1:7