1	பலவானே, பொல்லாப்பில் ஏன் பெருமைபாராட்டுகிறாய்? தேவனுடைய கிருபை எந்நாளுமுள்ளது.	சங் 54:3 1சாமு 21:7 1சாமு 22:9-19
2	நீ கேடுகளைச் செய்ய எத்தனம்பண்ணுகிறாய், கபடுசெய்யும் உன் நாவு தீட்டப்பட்ட சவரகன் கத்தியைப்போல் இருக்கிறது.	சங் 50:19 சங் 64:2-6 சங் 140:2 சங் 140:3 நீதி 6:16-19 நீதி 30:14 எரே 9:3 எரே 9:4 எரே 18:18 மத் 26:59 அப் 6:11-13 அப் 24:1 அப் 24:5 வெளிப் 12:10
3	நன்மையைப்பார்க்கிலும் தீமையையும், யாதார்த்தம் பேசுகிறதைப்பார்க்கிலும் பொய்யையும் விரும்புகிறாய். (சேலா)	எரே 4:22 மீகா 3:2 ரோம 1:25 2தீமோ 3:4
4	கபடமுள்ள நாவே, சங்கரிக்கும் சகல வார்த்தைகளையும் நீ விரும்புகிறாய்;	1சாமு 22:18 1சாமு 22:19 யாக் 3:6-9
5	தேவன் உன்னை என்றென்றைக்கும் இராதபடி அழித்துப்போடுவார்; அவர் உன்னைப் பிடித்து, உன் வாசஸ்தலத்திலிருந்து பிடுங்கி, நீ ஜீவனுள்ளோர் தேசத்தில் இராதபடிக்கு உன்னை நிர்மூலமாக்குவார். (சேலா)	சங் 7:14-16 சங் 55:23 சங் 64:7-10 சங் 120:2-4 சங் 140:9-11 நீதி 12:19 நீதி 19:5 நீதி 19:9 வெளிப் 21:8
6	நீதிமான்கள் அதைக்கண்டு பயந்து, அவனைப்பார்த்து நகைத்து:	சங் 37:34 சங் 64:9 சங் 97:8 யோபு 22:19 மல்கி 1:5 வெளிப் 15:4 வெளிப் 16:5-7 வெளிப் 18:20 வெளிப் 19:1 வெளிப் 19:2
7	இதோ, தேவனைத் தன் பெலனாக எண்ணாமல், தன் செல்வப்பெருக்கத்தை நம்பி, தன் தீவினையில் பலத்துக்கொண்ட மனுஷன் இவன்தான் என்பார்கள்.	ஏசா 14:16 ஏசா 14:17 யோவா 19:5
8	நானோ தேவனுடைய ஆலயத்தில் பச்சையான ஒலிவமரத்தைப் போலிருக்கிறேன், தேவனுடைய கிருபையை என்றென்றைக்கும் நம்பியிருக்கிறேன்.	சங் 1:3 சங் 92:12-14 எரே 11:16 ஓசி 14:6-8 ரோம 11:24
9	நீரே இதைச் செய்தீர் என்று உம்மை என்றென்றைக்கும் துதித்து, உமது நாமத்திற்குக் காத்திருப்பேன்; உம்முடைய பரிசுத்தவான்களுக்கு முன்பாக அது நலமாயிருக்கிறது.	சங் 145:1 சங் 145:2 சங் 146:2 எபே 3:20 எபே 3:21