1	அவர்கள் தேவனுடைய பெட்டியை உள்ளே கொண்டுவந்தபோது, தாவீது அதற்குப் போட்ட கூடாரத்தின் நடுவே அவர்கள் அதை வைத்து, தேவனுடைய சந்நிதியில் சர்வாங்க தகனபலிகளையும் சமாதானபலிகளையும் செலுத்தினார்கள்.	2சாமு 6:17-19 1இரா 8:6 2நாளா 5:7
2	தாவீது சர்வாங்க தகனபலிகளையும் சமாதானபலிகளையும் செலுத்தித் தீர்ந்தபின்பு, அவன் ஜனத்தைக் கர்த்தருடைய நாமத்திலே ஆசீர்வதித்து,	லேவி 1:3
3	புருஷர் தொடங்கி ஸ்திரீகள்மட்டும், இஸ்ரவேலராகிய அனைவருக்கும் அவரவருக்கு ஒவ்வொரு அப்பத்தையும், ஒவ்வொரு இறைச்சித் துண்டையும், ஒவ்வொருபடி திராட்சரசத்தையும் பங்கிட்டுக் கொடுத்தான்.	2நாளா 30:24 2நாளா 35:7 2நாளா 35:8 நெகே 8:10 எசே 45:17 1பேது 4:9
4	இஸ்ரவேலின் தேவனாகிய கர்த்தரைப் பிரஸ்தாபம்பண்ணித் துதித்துப் புகழுகிறதற்கு கர்த்தருடைய பெட்டிக்கு முன்பாகச் சேவிக்கத்தக்க லேவியரில் சிலரை நியமித்தான்.	1நாளா 15:16 1நாளா 23:2-6 1நாளா 24:3
5	அவர்களில் ஆசாப் தலைவனும், சகரியா அவனுக்கு இரண்டாவதுமாயிருந்தான்; ஏயெல், செமிரமோத், யெகியேல், மத்தித்தியா, எலியாப், பெனாயா, ஓபேத்ஏதோம், ஏயெல் என்பவர்கள் தம்புரு சுரமண்டலம் என்னும் கீதவாத்தியங்களை வாசிக்கவும், ஆசாப் கைத்தாளங்களைக் கொட்டவும்,	1நாளா 6:39 1நாளா 15:16-24 1நாளா 25:1-6
6	பெனாயா, யாகாசியேல் என்னும் ஆசாரியர் எப்போதும் தேவனுடைய உடன்படிக்கைப் பெட்டிக்கு முன்பாகப் பூரிகைகளை ஊதவும் நியமிக்கப்பட்டார்கள்.	எண் 10:8 2நாளா 5:12 2நாளா 5:13 2நாளா 13:12 2நாளா 29:26-28
7	அப்படி ஆரம்பித்த அந்நாளிலேதானே கர்த்தருக்குத் துதியாகப் பாடும்படி தாவீது ஆசாப்பிடத்திலும் அவன் சகோதரரிடத்திலும் கொடுத்த சங்கீதமாவது:	2சாமு 22:1 2சாமு 23:1 2சாமு 23:2 2நாளா 29:30 நெகே 12:24
8	கர்த்தரைத் துதித்து, அவருடைய நாமத்தைப் பிரஸ்தாபமாக்குங்கள்; அவருடைய செய்கைகளை ஜனங்களுக்குள்ளே பிரசித்தப்படுத்துங்கள்.	1நாளா 16:34-36 சங் 105:1-15
9	அவரைப் பாடி, அவரைக் கீர்த்தனம்பண்ணி, அவருடைய அதியசங்களையெல்லாம் தியானித்துப் பேசுங்கள்.	சங் 95:1 சங் 95:2 சங் 96:1 சங் 96:2 சங் 98:1-4 மல்கி 3:16
10	அவருடைய பரிசுத்த நாமத்தைக்குறித்து மேன்மைபாராட்டுங்கள்; கர்த்தரைத் தேடுகிறவர்களின் இருதயம் மகிழ்வதாக.	சங் 34:2 ஏசா 45:25 எரே 9:23 எரே 9:24 1கொரி 1:30 1கொரி 1:31
11	கர்த்தரையும் அவர் வல்லமையையும் நாடுங்கள்; அவர் சமுகத்தை நித்தமும் தேடுங்கள்.	ஆமோ 5:6 செப் 2:2 செப் 2:3
12	அவருடைய தாசனாகிய இஸ்ரவேலின் சந்ததியே! அவரால் தெரிந்துகொள்ளப்பட்டவர்களாகிய யாக்கோபின் புத்திரரே!	1நாளா 16:8 1நாளா 16:9 சங் 103:2 சங் 111:4
13	அவர் செய்த அதிசயங்களையும் அவருடைய அற்புதங்களையும் அவர் வாக்கின் நியாயத்தீர்ப்புகளையும் நினைவுகூறுங்கள்.	ஆதி 17:7 ஆதி 28:13 ஆதி 28:14 ஆதி 35:10-12
14	அவரே நம்முடைய தேவனாகிய கர்த்தர்; அவருடைய நியாயத்தீர்ப்புகள் பூமியெங்கும் விளங்கும்.	யாத் 15:2 சங் 63:1 சங் 95:7 சங் 100:3 சங் 118:28
15	ஆயிரந்தலைமுறைக்கென்று அவர் கட்டளையிட்ட வாக்கையும், ஆபிரகாமோடே அவர் பண்ணின உடன்படிக்கையையும்,	சங் 25:10 சங் 44:17 சங் 105:8 மல்கி 4:4
16	அவர் ஈசாக்குக்கு இட்ட ஆணையையும் என்றென்றைக்கும் நினைத்திருங்கள்.	ஆதி 15:18 ஆதி 17:2 ஆதி 26:3 ஆதி 28:13 ஆதி 28:14 ஆதி 35:11 யாத் 3:15 நெகே 9:8 லூக் 1:72 லூக் 1:73 அப் 3:25 கலா 3:15-17 எபிரெ 6:13-18
17	அதை யாக்கோபுக்குப் பிரமாணமாகவும், இஸ்ரவேலுக்கு நித்திய உடன்படிக்கையாகவும் உறுதிப்படுத்தி:	சங் 78:10
18	உங்கள் சுதந்தரபாகமாக கானான் தேசத்தை உனக்குத் தருவேன் என்றார்.	ஆதி 12:7 ஆதி 13:15 ஆதி 17:8 ஆதி 28:13 ஆதி 28:14 ஆதி 35:11 ஆதி 35:12
19	அக்காலத்தில் அவர்கள் கொஞ்சத்தொகைக்குட்பட்ட சொற்பஜனங்களும் பரதேசிகளுமாயிருந்தார்கள்.	ஆதி 34:30 அப் 7:5 எபிரெ 11:13
20	அவர்கள் ஒரு ஜனத்தை விட்டு மறு ஜனத்தண்டைக்கும், ஒரு ராஜ்யத்தை விட்டு மறு தேசத்தாரண்டைக்கும் போனார்கள்.	ஆதி 12:10 ஆதி 20:1 ஆதி 46:3 ஆதி 46:6
21	அவர்களையொடுக்கும்படி ஒருவருக்கும் இடங்கொடாமல், அவர்கள் நிமித்தம் ராஜாக்களைக் கடிந்துகொண்டு:	ஆதி 31:24 ஆதி 31:29 ஆதி 31:42
22	நான் அபிஷேகம்பண்ணினவர்களை நீங்கள் தொடாமலும், என்னுடைய தீர்க்கதரிசிகளுக்குத் தீங்குசெய்யாமலும் இருங்கள் என்றார்.	1இரா 19:16 சங் 105:15 1யோவா 2:27
23	பூமியின் சகல குடிகளே, கர்த்தரைப் பாடி, நாளுக்குநாள் அவருடைய ரட்சிப்பைச் சுவிசேஷமாய் அறிவியுங்கள்.	1நாளா 16:9 சங் 96:1-13 யாத் 15:21 சங் 30:4 ஏசா 12:5
24	ஜாதிகளுக்குள் அவருடைய மகிமையையும், சகல ஜனங்களுக்குள்ளும் அவருடைய அதிசயங்களையும் விவரித்துச் சொல்லுங்கள்.	2இரா 19:19 சங் 22:27 ஏசா 12:2-6 தானி 4:1-3
25	கர்த்தர் பெரியவரும் மிகவும் துதிக்கப்படத்தக்கவருமாயிருக்கிறார்; எல்லா தேவர்களிலும் பயப்படத்தக்கவர் அவரே.	சங் 89:7 சங் 144:3-6 ஏசா 40:12-17 வெளிப் 15:3 வெளிப் 15:4
26	சகல ஜனங்களுடைய தேவர்களும் விக்கிரகங்கள்தானே; கர்த்தரோ வானங்களை உண்டாக்கினவர்.	லேவி 19:4 சங் 115:4-8 ஏசா 44:9-20 எரே 10:10-14 அப் 19:26 1கொரி 8:4
27	மகிமையும் கனமும் அவர் சமுகத்தில் இருக்கிறது; வல்லமையும் மகிழ்ச்சியும் அவர் ஸ்தலத்தில் இருக்கிறது.	சங் 8:1 சங் 16:11 சங் 63:2 சங் 63:3 யோவா 17:24
28	ஜனங்களின் வம்சங்களே, கர்த்தருக்கு மகிமையையும் வல்லமையையும் செலுத்துங்கள்; கர்த்தருக்கே அதைச் செலுத்துங்கள்.	சங் 29:1 சங் 29:2 சங் 68:34
29	கர்த்தருக்கு அவருடைய நாமத்திற்குரிய மகிமையைச் செலுத்தி, காணிக்கைகளைக் கொண்டுவந்து, அவருடைய சந்நிதியில் பிரவேசியுங்கள்; பரிசுத்த அலங்காரத்துடனே கர்த்தரைத் தொழுதுகொள்ளுங்கள்.	சங் 89:5-8 சங் 108:3-5 சங் 148:13 சங் 148:14 ஏசா 6:3 வெளிப் 4:9-11 வெளிப் 5:12-14 வெளிப் 7:12
30	பூலோகத்தாரே, நீங்கள் யாவரும் அவருக்கு முன்பாக நடுங்குங்கள்; அவர் பூச்சக்கரத்தை அசையாதபடிக்கு உறுதிப்படுத்துகிறவர்.	1நாளா 16:23 1நாளா 16:25 சங் 96:9 வெளிப் 11:15
31	வானங்கள் மகிழ்ந்து, பூமி பூரிப்பதாக; கர்த்தர் ராஜரிகம்பண்ணுகிறார் என்று ஜாதிகளுக்குள்ளே சொல்லப்படுவதாக.	சங் 19:1 சங் 89:5 சங் 148:1-4 லூக் 2:13 லூக் 2:14 லூக் 15:10
32	சமுத்திரமும் அதின் நிறைவும் முழங்கி, நாடும் அதிலுள்ள யாவும் களிகூருவதாக.	சங் 93:4 சங் 98:7
33	அப்பொழுது கர்த்தருக்கு முன்பாகக் காட்டுவிருட்சங்களும் கெம்பீரிக்கும்; அவர் பூமியை நியாயந்தீர்க்க வருகிறார்.	சங் 96:12 சங் 96:13 எசே 17:22-24
34	கர்த்தரைத் துதியுங்கள், அவர் நல்லவர், அவர் கிருபை என்றுமுள்ளது.	2நாளா 5:13 2நாளா 7:3 எஸ்றா 3:11 சங் 106:1 சங் 107:1 சங் 118:1 சங் 136:1-26 எரே 33:11
35	எங்கள் ரட்சிப்பின் தேவனே, நாங்கள் உமது பரிசுத்த நாமத்தைப் போற்றி, உம்மைத் துதிக்கிறதினால் மேன்மைபாராட்டும்படிக்கு, எங்களை இரட்சித்து, எங்களைச் சேர்த்துக்கொண்டு, ஜாதிகளுக்கு எங்களை நீங்கலாக்கியருளும் என்று சொல்லுங்கள்.	சங் 14:7 சங் 53:6 சங் 79:9 சங் 79:10 சங் 106:47 சங் 106:48
36	இஸ்ரவேலின் தேவனாகிய கர்த்தருக்கு சதாகாலங்களிலும் ஸ்தோத்திரம் உண்டாவதாக; அதற்கு ஜனங்களெல்லாரும் ஆமென் என்று சொல்லிக் கர்த்தரைத் துதித்தார்கள்.	1இரா 8:15 1இரா 8:56 சங் 72:18 சங் 72:19 சங் 106:48 எபே 1:3 1பேது 1:3
37	பின்பு பெட்டிக்கு முன்பாக நித்தம் அன்றாடக முறையாய்ச் சேவிக்கும்படி, அவன் அங்கே கர்த்தருடைய உடன்படிக்கைப் பெட்டிக்கு முன்பாக ஆசாப்பையும், அவன் சகோதரரையும், ஓபேத்ஏதோமையும், அவர்களுடைய சகோதரராகிய அறுபத்தெட்டுப்பேரையும் வைத்து,	1நாளா 16:4-6 1நாளா 15:17-24 1நாளா 25:1-6
38	எதித்தூனின் குமாரனாகிய இந்த ஓபேத்ஏதோமையும் ஓசாவையும் வாசல்காக்கிறவர்களாக வைத்தான்.	1நாளா 13:14 1நாளா 26:4-8
39	கிபியோனிலுள்ள மேட்டின்மேலிருக்கிற கர்த்தருடைய வாசஸ்தலத்திற்கு முன்பாக இருக்கிற சர்வாங்கதகன பலிபீடத்தின்மேல் சர்வாங்கதகனங்களை நித்தமும், அந்திசந்தியில், கர்த்தர் இஸ்ரவேலுக்குக் கற்பித்த நியாயப்பிரமாணத்தில் எழுதியிருக்கிறபடியெல்லாம் கர்த்தருக்குச் செலுத்துவதற்காக,	1நாளா 12:28
40	அங்கே அவன் ஆசாரியனாகிய சாதோக்கையும், அவன் சகோதரராகிய ஆசாரியரையும் வைத்து,	யாத் 29:38-42 எண் 28:3-8 1இரா 18:29 2நாளா 2:4 2நாளா 31:3 எஸ்றா 3:3 எசே 46:13-15 தானி 9:21 ஆமோ 4:4
41	இவர்களோடுங்கூட ஏமானையும், எதித்தூனையும், பேர்பேராகக் குறித்துத் தெரிந்துகொள்ளப்பட்ட மற்றச் சிலரையும்: கர்த்தருடைய கிருபை என்றுமுள்ளது என்று அவரைத் துதிக்கவும்,	1நாளா 16:37 1நாளா 6:39-47 1நாளா 25:1-6
42	பூரிகைகளையும் கைத்தாளங்களையும் தேவனைப் பாடுகிறதற்குரிய கீதவாத்தியங்களையும் தொனிக்கச்செய்யவும் அவர்களுடன் ஏமானையும் எதித்தூனையும் வைத்து, எதித்தூனின் குமாரரை வாசல் காக்கிறவர்களாகக் கட்டளையிட்டான்.	2நாளா 29:25-28 சங் 150:3-6
43	பின்பு ஜனங்கள் எல்லாரும் அவரவர் தங்கள் வீட்டிற்குப் போனார்கள்; தாவீதும் தன் வீட்டாரை ஆசீர்வதிக்கத்திரும்பினான்.	2சாமு 6:19 2சாமு 6:20 1இரா 8:66