1	அவர் ஏழாம் முத்திரையை உடைத்தபோது, பரலோகத்தில் ஏறக்குறைய அரைமணிநேரமளவும் அமைதல் உண்டாயிற்று.	வெளிப் 5:1 வெளிப் 5:9 வெளிப் 6:1 வெளிப் 6:3 வெளிப் 6:5 வெளிப் 6:7 வெளிப் 6:9 வெளிப் 6:12
2	பின்பு, தேவனுக்குமுன்பாக நிற்கிற ஏழு தூதர்களையுங்கண்டேன்; அவர்களுக்கு ஏழு எக்காளங்கள் கொடுக்கப்பட்டது.	வெளிப் 15:1 வெளிப் 16:1 மத் 18:10 லூக் 1:19
3	வேறொரு தூதனும் வந்து, தூபங்காட்டும் பொற்கலசத்தைப் பிடித்துப் பலிபீடத்தின் படியிலே நின்றான்; சிங்காசனத்திற்குமுன்பாக இருந்த பொற்பீடத்தின்மேல் சகல பரிசுத்தவான்களுடைய ஜெபங்களோடும் செலுத்தும்படி மிகுந்த தூபவர்க்கம் அவனுக்குக் கொடுக்கப்பட்டது.	வெளிப் 7:2 வெளிப் 10:1 ஆதி 48:15 ஆதி 48:16 யாத் 3:2-18 அப் 7:30-32
4	அப்படியே பரிசுத்தவான்களுடைய ஜெபங்களோடும் செலுத்தப்பட்ட தூபவர்க்கத்தின் புகையானது தூதனுடைய கையிலிருந்து தேவனுக்குமுன்பாக எழும்பிற்று.	வெளிப் 8:3 வெளிப் 15:8 யாத் 30:1 சங் 141:2 லூக் 1:10
5	பின்பு, அந்தத் தூதன் தூபகலசத்தை எடுத்து, அதைப் பலிபீடத்து நெருப்பினால் நிரப்பி, பூமியிலே கொட்டினான்; உடனே சத்தங்களும், இடிமுழக்கங்களும், மின்னல்களும், பூமியதிர்ச்சியும் உண்டாயின.	வெளிப் 16:1-21 ஏசா 66:6 ஏசா 66:14-16 எரே 51:11 எசே 10:2-7 லூக் 12:49
6	அப்பொழுது, ஏழு எக்காளங்களையுடைய ஏழு தூதர்கள் எக்காளம் ஊதுகிறதற்குத் தங்களை ஆயத்தப்படுத்தினார்கள்.	வெளிப் 8:2
7	முதலாம் தூதன் எக்காளம் ஊதினான்; அப்பொழுது இரத்தங்கலந்த கல்மழையும் அக்கினியும் உண்டாகி, பூமியிலே கொட்டப்பட்டது; அதினால் மரங்களில் மூன்றிலொருபங்கு வெந்துபோயிற்று, பசும்புல்லெல்லாம் எரிந்துபோயிற்று.	வெளிப் 16:21 யாத் 9:23-25 யாத் 9:33-25 யோசு 10:11 சங் 11:5 சங் 11:6 சங் 18:12 சங் 18:13 சங் 78:47 சங் 78:48 சங் 105:32 ஏசா 28:2 ஏசா 29:6 ஏசா 30:30 ஏசா 32:19 எசே 13:10-15 எசே 38:22 மத் 7:25-27
8	இரண்டாம் தூதன் எக்காளம் ஊதினான்; அப்பொழுது அக்கினியால் எரிகிற பெரிய மலைபோன்றதொன்று சமுத்திரத்திலே போடப்பட்டது. அதனால் சமுத்திரத்தில் மூன்றிலொருபங்கு இரத்தமாயிற்று.	எரே 51:25 மாற் 11:23
9	சமுத்திரத்திலிருந்த ஜீவனுள்ள சிருஷ்டிகளில் மூன்றிலொருபங்கு செத்துப்போயிற்று; கப்பல்களில் மூன்றிலொருபங்கு சேதமாயிற்று.	வெளிப் 8:7 வெளிப் 8:10 வெளிப் 8:12 வெளிப் 16:3 யாத் 7:21 சகரி 13:8
10	மூன்றாம் தூதன் எக்காளம் ஊதினான்; அப்பொழுது ஒரு பெரிய நட்சத்திரம் தீவட்டியைப்போல எரிந்து, வானத்திலிருந்து விழுந்தது; அது ஆறுகளில் மூன்றிலொருபங்கின்மேலும், நீரூற்றுகளின்மேலும் விழுந்தது.	வெளிப் 1:20 வெளிப் 6:13 வெளிப் 9:1 வெளிப் 12:4 ஏசா 14:12 லூக் 10:18 யூதா 1:13
11	அந்த நட்சத்திரத்திற்கு எட்டியென்று பெயர்; அதினால் தண்ணீரில் மூன்றிலொருபங்கு எட்டியைப் போலக் கசப்பாயிற்று; இப்படிக் கசப்பான தண்ணீரினால் மனுஷரில் அநேகர் செத்தார்கள்.	உபா 29:18 ரூத் 1:20 நீதி 5:4 எரே 9:15 எரே 23:15 புலம் 3:5 புலம் 3:19 ஆமோ 5:7 ஆமோ 6:12 எபிரெ 12:15
12	நான்காம் தூதன் எக்காளம் ஊதினான்; அப்பொழுது சூரியனில் மூன்றிலொரு பங்கும், சந்திரனில் மூன்றிலொருபங்கும், நட்சத்திரங்களில் மூன்றிலொருபங்கும் சேதப்பட்டது, அவற்றவற்றில் மூன்றிலொருபங்கு இருளடைந்தது; பகலிலும் மூன்றிலொருபங்கு பிரகாசமில்லாமற்போயிற்று, இரவிலும் அப்படியேயாயிற்று.	வெளிப் 16:8 வெளிப் 16:9 ஏசா 13:10 ஏசா 24:23 எரே 4:23 எசே 32:7 எசே 32:8 யோவே 2:10 யோவே 2:31 ஆமோ 8:9 மத் 24:29 மத் 27:45 மாற் 13:24 மாற் 15:33 லூக் 21:25 லூக் 23:44 லூக் 23:45 அப் 2:20
13	பின்பு, ஒரு தூதன் வானத்தின் மத்தியிலே பறந்துவரக்கண்டேன்; அவன் மகா சத்தமிட்டு: இனி எக்காளம் ஊதப்போகிற மற்ற மூன்று தூதருடைய எக்காளசத்தங்களினால் பூமியில் குடியிருக்கிறவர்களுக்கு ஐயோ, ஐயோ, ஐயோ (ஆபத்துவரும்) என்று சொல்லக்கேட்டேன்.	வெளிப் 14:3 வெளிப் 14:6 வெளிப் 19:17 சங் 103:20 எபிரெ 1:14