1	அப்பொழுது தேவாலயத்திலிருந்து உண்டான ஒரு பெருஞ்சத்தம் அந்த ஏழுதூதருடனே: நீங்கள் போய் தேவனுடைய கோபகலசங்களைப் பூமியின்மேல் ஊற்றுங்கள் என்று சொல்லக்கேட்டேன்.	வெளிப் 14:15 வெளிப் 14:18 வெளிப் 15:5-8
2	முதலாம் தூதன் போய், தன் கலசத்திலுள்ளதைப் பூமியின்மேல் ஊற்றினான்; உடனே மிருகத்தின் முத்திரையைத் தரித்தவர்களும் அதின் சொரூபத்தை வணங்குகிறவர்களுமாகிய மனுஷர்களுக்குப் பொல்லாத கொடிய புண்ணுண்டாயிற்று.	வெளிப் 8:7 வெளிப் 14:16
3	இரண்டாம் தூதன் தன் கலசத்திலுள்ளதைச் சமுத்திரத்திலே ஊற்றினான்; உடனே அது செத்தவனுடைய இரத்தம்போலாயிற்று; சமுத்திரத்திலுள்ள பிராணிகள் யாவும் மாண்டுபோயின.	வெளிப் 8:8 வெளிப் 10:2 வெளிப் 13:1
4	மூன்றாம் தூதன் தன் கலசத்திலுள்ளதை ஆறுகளிலும், நீரூற்றுகளிலும் ஊற்றினான்; உடனே அவைகள் இரத்தமாயின.	வெளிப் 8:10 வெளிப் 8:11
5	அப்பொழுது தண்ணீர்களின் தூதன்: இருக்கிறவரும் இருந்தவரும் பரிசுத்தருமாகிய தேவரீர் இப்படி நியாயந்தீர்க்க நீதியுள்ளவராயிருக்கிறீர்.	வெளிப் 16:4
6	அவர்கள் பரிசுத்தவான்களுடைய இரத்தத்தையும் தீர்க்கதரிசிகளுடைய இரத்தத்தையும் சிந்தினபடியினால், இரத்தத்தையே அவர்களுக்குக் குடிக்கக்கொடுத்தீர்; அதற்குப் பாத்திரராயிருக்கிறார்கள் என்று சொல்லக்கேட்டேன்.	வெளிப் 6:10 வெளிப் 6:11 வெளிப் 13:10 வெளிப் 13:15 வெளிப் 17:6 வெளிப் 17:7 வெளிப் 18:24 வெளிப் 19:2 உபா 32:42 உபா 32:43 2இரா 24:4 ஏசா 49:26 ஏசா 51:22 ஏசா 51:23 எரே 2:30 புலம் 4:13 மத் 7:2 மத் 21:35-41 மத் 23:30-37
7	பலிபீடத்திலிருந்து வேறொருவன்: ஆம், சர்வவல்லமையுள்ள தேவனாகிய கர்த்தாவே, உம்முடைய நியாயத்தீர்ப்புகள் சத்தியமும் நீதியுமானவைகள் என்று சொல்லக்கேட்டேன்.	வெளிப் 6:9 வெளிப் 8:3-5 வெளிப் 14:18 ஏசா 6:6 எசே 10:2 எசே 10:7
8	நான்காம் தூதன் தன் கலசத்திலிலுள்ளதைச் சூரியன்மேல் ஊற்றினான்; தீயினால் மனுஷரைத் தகிக்கும்படி அதற்கு அதிகாரங்கொடுக்கப்பட்டது.	வெளிப் 6:12 வெளிப் 8:12 வெளிப் 9:2 ஏசா 24:23 லூக் 21:25 அப் 2:20
9	அப்பொழுது மனுஷர்கள் மிகுந்த உஷ்ணத்தினாலே தகிக்கப்பட்டு, இந்த வாதைகளைச் செய்ய அதிகாரமுள்ள தேவனுடைய நாமத்தைத் தூஷித்தார்களேயல்லாமல், அவரை மகிமைப்படுத்த மனந்திரும்பவில்லை.	வெளிப் 16:10 வெளிப் 16:11 வெளிப் 16:21 2இரா 6:33 2நாளா 28:22 ஏசா 1:5 ஏசா 8:21 எரே 5:3 எரே 6:29 எரே 6:30 எசே 24:13
10	ஐந்தாம் தூதன் தன் கலசத்திலுள்ளதை மிருகத்தினுடைய சிங்காசனத்தின்மேல் ஊற்றினான்; அப்பொழுது அதின் ராஜ்யம் இருளடைந்தது; அவர்கள் வருத்தத்தினாலே தங்கள் நாவுகளைக் கடித்துக்கொண்டு,	வெளிப் 11:2 வெளிப் 11:8 வெளிப் 13:2-4 வெளிப் 17:9 வெளிப் 17:17 வெளிப் 18:2 வெளிப் 18:21 வெளிப் 18:23
11	தங்கள் வருத்தங்களாலும், தங்கள் புண்களாலும், பரலோகத்தின் தேவனைத் தூஷித்தார்களேயல்லாமல், தங்கள் கிரியைகளை விட்டு மனந்திரும்பவில்லை.	வெளிப் 16:9 வெளிப் 16:21
12	ஆறாம் தூதன் தன் கலசத்திலுள்ளதை ஐபிராத் என்னும் பெரிய நதியின்மேல் ஊற்றினான்; அப்பொழுது சூரியன் உதிக்குந்திசையிலிருந்துவரும் ராஜாக்களுக்கு வழி ஆயத்தமாகும்படி அந்த நதியின் தண்ணீர் வற்றிப்போயிற்று.	வெளிப் 9:14 வெளிப் 11:14 ஏசா 8:7
13	அப்பொழுது, வலுசர்ப்பத்தின் வாயிலும் மிருகத்தின் வாயிலும் கள்ளத்தீர்க்கதரிசியின் வாயிலுமிருந்து தவளைகளுக்கு ஒப்பான மூன்று அசுத்த ஆவிகள் புறப்பட்டுவரக் கண்டேன்.	வெளிப் 16:14 2தெச 2:9-11 1தீமோ 4:1-3 2தீமோ 3:1-6 2பேது 2:1-3 1யோவா 4:1-3
14	அவைகள் அற்புதங்களைச்செய்கிற பிசாசுகளின் ஆவிகள்; அவைகள் பூலோகமெங்குமுள்ள ராஜாக்களைச் சர்வவல்லமையுள்ள தேவனுடைய மகாநாளில் நடக்கும் யுத்தத்திற்குக் கூட்டிச்சேர்க்கும்படிக்குப் புறப்பட்டுப்போகிறது.	வெளிப் 12:9 1இரா 22:19-23 2நாளா 18:18-22 எசே 14:9 யோவா 8:44 2கொரி 11:13-15 1தீமோ 4:1 யாக் 3:15
15	இதோ, திருடனைப்போல் வருகிறேன். தன் மானம் காணப்படத்தக்கதாக நிர்வாணமாய் நடவாதபடிக்கு விழித்துக்கொண்டு, தன் வஸ்திரங்களைக் காத்துக்கொள்ளுகிறவன் பாக்கியவான்.	வெளிப் 3:3 மத் 24:43 1தெச 5:2 1தெச 5:3 2பேது 3:10
16	அப்பொழுது எபிரெயு பாஷையிலே அர்மகெதோன் என்னப்பட்ட இடத்திலே அவர்களைக் கூட்டிச் சேர்த்தான்.	வெளிப் 17:14 வெளிப் 19:17-21 நியா 4:7 யோவே 3:9-14 சகரி 14:2 சகரி 14:3
17	ஏழாம் தூதன் தன் கலசத்திலுள்ளதை ஆகாயத்தில் ஊற்றினான்; அப்பொழுது பரலோகத்தின் ஆலயத்திலுள்ள சிங்காசனத்திலிருந்து: ஆயிற்று என்று சொல்லிய பெருஞ்சத்தம் பிறந்தது.	வெளிப் 20:1-3 எபே 2:2 எபே 6:12
18	சத்தங்களும் இடிமுழக்கங்களும் மின்னல்களும் உண்டாயின; பூமி மிகவும் அதிர்ந்தது, பூமியின்மேல் மனுஷர்கள் உண்டான நாள்முதற்கொண்டு அப்படிப்பட்ட பெரிய அதிர்ச்சியுண்டானதில்லை.	வெளிப் 4:5 வெளிப் 8:5 வெளிப் 11:19
19	அப்பொழுது மகா நகரம் மூன்று பங்காகப் பிரிக்கப்பட்டது, புறஜாதிகளுடைய பட்டணங்கள் விழுந்தன. மகா பாபிலோனுக்குத் தேவனுடைய உக்கிரமான கோபாக்கினையாகிய மதுவுள்ள பாத்திரத்தைக் கொடுக்கும்படி அது அவருக்குமுன்பாக நினைப்பூட்டப்பட்டது.	வெளிப் 14:8 வெளிப் 17:18 வெளிப் 18:2 வெளிப் 18:10 வெளிப் 18:16-19 வெளிப் 18:21-19
20	தீவுகள் யாவும் அகன்றுபோயின; பர்வதங்கள் காணப்படாமற்போயின.	வெளிப் 6:14 வெளிப் 20:11 ஏசா 2:14-17 எரே 4:23-25
21	தாலந்து நிறையான பெரிய கல்மழையும் வானத்திலிருந்து மனுஷர்மேல் விழுந்தது; அந்தக் கல்மழையினால் உண்டான வாதையினிமித்தம் மனுஷர்கள் தேவனைத் தூஷித்தார்கள்; அந்த வாதை மகா கொடிதாயிருந்தது.	வெளிப் 8:7 வெளிப் 11:19 யாத் 9:23-26 யோசு 10:11 ஏசா 30:30 எசே 13:11 எசே 13:13 எசே 38:21 எசே 38:22