1	ஒபதியாவின் தரிசனம்; கர்த்தராகிய ஆண்டவர் ஏதோமைக் குறித்துச் சொல்லுகிறது என்னவென்றால்: எழும்புங்கள், அதற்கு விரோதமாக யுத்தம்பண்ண எழும்புவோம் வாருங்கள் என்று அறிவிக்க ஸ்தானாபதி ஜாதிகளிடத்தில் அனுப்பப்படும் செய்தியைக் கர்த்தர் சொல்லக்கேட்டோம்.	சங் 137:7 ஏசா 21:11 ஏசா 34:1-17 ஏசா 63:1-6 எரே 9:25 எரே 9:26 எரே 25:17 எரே 25:21 எரே 49:17-22 புலம் 4:21 புலம் 4:22 எசே 25:12-14 எசே 35:3-15 யோவே 3:19 ஆமோ 1:11 ஆமோ 1:12 மல்கி 1:3 மல்கி 1:4
2	இதோ, நான் உன்னை ஜாதிகளில் சிறுகப்பண்ணினேன்; நீ மெத்தவும் அசட்டை பண்ணப்பட்டிருக்கிறாய்.	எண் 24:18 1சாமு 2:7 1சாமு 2:8 யோபு 34:25-29 சங் 107:39 சங் 107:40 ஏசா 23:9 எசே 29:15 மீகா 7:10 லூக் 1:51 லூக் 1:52
3	கன்மலை வெடிப்புகளாகிய உன் உயர்ந்த ஸ்தானத்திலே குடியிருந்து, என்னைத் தரையிலே விழத்தள்ளுகிறவன் யார் என்று உன் இருதயத்தில் சொல்லுகிறவனே, உன் இருதயத்தின் அகந்தை உன்னை மோசம்போக்குகிறது.	நீதி 16:18 நீதி 18:12 நீதி 29:23 ஏசா 10:14-16 ஏசா 16:6 எரே 48:29 எரே 48:30 எரே 49:16 மல்கி 1:4
4	நீ கழுகைப்போல உயரப்போனாலும், நீ நட்சத்திரங்களுக்குள்ளே உன் கூட்டைக் கட்டினாலும், அவ்விடத்திலிருந்தும் உன்னை விழத்தள்ளுவேன் என்று கர்த்தர் சொல்லுகிறார்.	யோபு 20:6 யோபு 20:7 யோபு 39:27 யோபு 39:28 எரே 49:16 ஆபகூ 2:9
5	நீ எவ்வளவாய்ச் சங்கரிக்கப்பட்டுப்போனாய்! திருடராகிலும் இராத்திரியில் கொள்ளையடிக்கிறவர்களாகிலும் உன்னிடத்தில் வந்தால், தங்களுக்குப் போதுமானமட்டும் திருடுவார்கள் அல்லவோ? திராட்சப்பழங்களை அறுக்கிறவர்கள் உன்னிடத்தில் வந்தால், சில பழங்களை விட்டுவிடுவார்கள் அல்லவோ?	எரே 49:9
6	ஏசாவினுடையவைகள் எவ்வளவாய்த் தேடிப்பார்க்கப்பட்டது; அவனுடைய அந்தரங்கப் பொக்கிஷங்கள் எவ்வளவாய் ஆராய்ந்தெடுத்துக்கொள்ளப்பட்டது.	சங் 139:1 ஏசா 10:13 ஏசா 10:14 ஏசா 45:3 எரே 49:10 எரே 50:37 மத் 6:19 மத் 6:20
7	உன்னோடு உடன்படிக்கை செய்த எல்லா மனுஷரும் உன்னை எல்லைமட்டும் துரத்திவிட்டார்கள்; உன்னோடு சமாதானமாயிருந்த மனுஷர் உன்னை மோசம்போக்கி, உன்னை மேற்கொண்டார்கள்; உன் அப்பத்தைச் சாப்பிட்டவர்கள் உனக்குக் கீழே கண்ணிவைத்தார்கள். அவனுக்கு உணர்வில்லை.	சங் 55:12 சங் 55:13 எரே 4:30 எரே 30:14 புலம் 1:19 எசே 23:22-25 வெளிப் 17:12-17
8	அந்நாளில் அல்லவோ நான் ஏதோமிலுள்ள ஞானிகளையும், ஏசாவின் பர்வதத்திலுள்ள புத்திமான்களையும் அழிப்பேன் என்று கர்த்தர் சொல்லுகிறார்.	யோபு 5:12-14 சங் 33:10 ஏசா 19:3 ஏசா 19:13 ஏசா 19:14 ஏசா 29:14 1கொரி 3:19 1கொரி 3:20
9	தேமானே, ஏசாவின் பர்வதத்திலுள்ள மனுஷர் யாவரும் கொலையினால் சங்கரிக்கப்படும்படி உன் பராக்கிரமசாலிகள் கலங்குவார்கள்.	சங் 76:5 சங் 76:6 ஏசா 19:16 ஏசா 19:17 எரே 49:22 எரே 50:36 எரே 50:37 ஆமோ 2:16 நாகூ 3:13
10	நீ உன் சகோதரனாகிய யாக்கோபுக்குச் செய்த கொடுமையினிமித்தம் வெட்கம் உன்னை மூடும்; நீ முற்றிலும் சங்கரிக்கப்பட்டுப்போவாய்.	ஆதி 27:11 ஆதி 27:41 எண் 20:14-21 சங் 83:5-9 சங் 137:7 புலம் 4:21 எசே 25:12 எசே 35:5 எசே 35:6 எசே 35:12-15 ஆமோ 1:11
11	நீ எதிர்த்துநின்ற நாளிலும், அந்நியர் அவன் சேனையைச் சிறைபிடித்துப்போன நாளிலும், மறுதேசத்தார் அவன் வாசல்களுக்குள் பிரவேசித்து எருசலேமின்பேரில் சீட்டுப்போட்ட காலத்தில், நீயும் அவர்களில் ஒருவனைப்போல் இருந்தாய்.	2இரா 24:10-16 2இரா 25:11 எரே 52:28-30
12	உன் சகோதரன் அந்நியர்வசமான நாளாகிய அவனுடைய நாளை நீ பிரியத்தோடே பாராமலும், யூதா புத்திரருடைய அழிவின் நாளிலே அவர்கள் நிமித்தம் சந்தோஷப்படாமலும், அவர்கள் நெருக்கப்படுகிற நாளிலே நீ பெருமையாய்ப் பேசாமலும் இருக்கவேண்டியதாயிருந்தது.	சங் 22:17 சங் 37:13 சங் 54:7 சங் 59:10 சங் 92:11 மீகா 4:11 மீகா 7:8-10 மத் 27:40-43
13	என் ஜனத்தின் ஆபத்து நாளிலே நீ அவர்கள் வாசல்களுக்குள் பிரவேசியாமலும், அவர்கள் ஆபத்துநாளிலே அவர்கள் அநுபவிக்கிற தீங்கை நீ பிரியத்தோடே பாராமலும், அவர்கள் ஆபத்துநாளிலே அவர்கள் ஆஸ்தியில் கைபோடாமலும்,	2சாமு 16:12 சங் 22:17 சகரி 1:15
14	அவர்களில் தப்பினவர்களைச் சங்கரிக்கும்படி வழிச்சந்திகளிலே நிற்காமலும், இக்கட்டு நாளில் அவர்களில் மீதியானவர்களைக் காட்டிக்கொடாமலும் இருக்கவேண்டியதாயிருந்தது.	ஆமோ 1:6 ஆமோ 1:9
15	எல்லா ஜாதிகளுக்கும் விரோதமான நாளாகிய கர்த்தருடைய நாள் சமீபமாய் வந்திருக்கிறது; நீ செய்தபடியே உனக்கும் செய்யப்படும்; உன் செய்கையின் பலன் உன் தலையின்மேல் திரும்பும்.	சங் 110:5 சங் 110:6 எரே 9:25 எரே 9:26 எரே 25:15-29 எரே 49:12 புலம் 4:21 புலம் 4:22 எசே 30:3 யோவே 3:11-14 மீகா 5:15 சகரி 14:14-18
16	நீங்கள் என் பரிசுத்த பர்வதத்தின்மேல் மதுபானம்பண்ணினபடியே எல்லா ஜாதிகளும் எப்பொழுதும் மதுபானம்பண்ணுவார்கள்; அவர்கள் குடித்து விழுங்குவார்கள், இராதவர்களைப்போல் இருப்பார்கள்.	சங் 75:8 சங் 75:9 ஏசா 49:25 ஏசா 49:26 ஏசா 51:22 ஏசா 51:23 எரே 25:15 எரே 25:16 எரே 25:27-29 எரே 49:12 யோவே 3:17 1பேது 4:17
17	ஆனாலும் சீயோன் பர்வதத்திலே தப்பியிருப்பார் உண்டு, அவர்கள் பரிசுத்தமாயிருப்பார்கள்; யாக்கோபின் வம்சத்தார் தங்களுடைய சுதந்தரங்களைச் சுதந்தரித்துக்கொள்வார்கள்.	ஏசா 46:13 யோவே 2:32
18	யாக்கோபு வம்சத்தார் அக்கினியும், யோசேப்பு வம்சத்தார் அக்கினி ஜூவாலையுமாயிருப்பார்கள்; ஏசா வம்சத்தாரோ வைக்கோல் துரும்பாயிருப்பார்கள்; அவர்கள் இவர்களைக்கொளுத்தி, ஏசாவின் வம்சத்தில் மீதியிராதபடி இவர்களைப் பட்சிப்பார்கள்; கர்த்தர் இதைச் சொன்னார்.	ஏசா 10:17 ஏசா 31:9 மீகா 5:8 சகரி 12:6
19	தென்தேசத்தார் ஏசாவின் மலையையும், சமனான தேசத்தார் பெலிஸ்தரின் தேசத்தையும் சுதந்தரித்துக்கொள்வார்கள்; அவர்கள் எப்பிராயீமின் நாட்டையும், சமாரியாவின் நாட்டையும் சுதந்தரித்துக்கொள்வார்கள்; பென்யமீன் மனுஷர் கீலேயாத்தையும் சுதந்தரித்துக்கொள்வார்கள்.	எண் 24:18 எண் 24:19 யோசு 15:21 எரே 32:44 ஆமோ 9:12 மல்கி 1:4 மல்கி 1:5
20	சர்பாத்மட்டும் கானானியருக்குள்ளே சிறைப்பட்டுப்போன இஸ்ரவேல் புத்திரராகிய இந்தச் சேனையும், சேப்பாராத்தில் சிறைப்பட்டுப்போன எருசலேம் நகரத்தாரும் தென்திசைப்பட்டணங்களைச் சுதந்தரித்துக்கொள்வார்கள்.	எரே 3:18 எரே 33:26 எசே 34:12 எசே 34:13 ஓசி 1:10 ஓசி 1:11 ஆமோ 9:14 ஆமோ 9:15 சகரி 10:6-10
21	ஏசாவின் பர்வதத்தை நியாயந்தீர்ப்பதற்காக இரட்சகர்கள் சீயோன் பர்வதத்தில் வந்தேறுவார்கள்; அப்பொழுது ராஜ்யம் கர்த்தருடையதாய் இருக்கும்.	நியா 2:16 நியா 3:9 2இரா 13:5 ஏசா 19:20 தானி 12:3 யோவே 2:32 மீகா 5:4-9 சகரி 9:11-17 சகரி 10:5-12 1தீமோ 4:16 யாக் 5:20