1	பின்னும் அவர்: மனுபுத்திரனே, சவரகன் கத்தியாகிய கருக்கான கத்தியை வாங்கி, அதினால் உன் தலையையும் உன் தாடியையும் சிரைத்துக்கொண்டு, பின்பு நிறுக்கும் தராசை எடுத்து, அந்த மயிரைப் பங்கிடக்கடவாய்.	எசே 44:20 லேவி 21:5 ஏசா 7:20
2	மூன்றில் ஒரு பங்கை எடுத்து முற்றிக்கைபோடும் நாட்கள் முடிகிறபோது நகரத்தின் நடுவிலே அக்கினியால் சுட்டெரித்து, மூன்றில் ஒரு பங்கை எடுத்து, அதைச் சுற்றிலும் கத்தியாலே வெட்டி, மூன்றில் ஒரு பங்கை எடுத்துக் காற்றிலே தூற்றக்கடவாய்; அவைகளின் பின்னாக நான் பட்டயத்தை உருவுவேன்.	எசே 5:12 எரே 9:21 எரே 9:22 எரே 15:2 எரே 24:10 எரே 38:2
3	அதில் கொஞ்சம்மாத்திரம் எடுத்து, அதை உன் வஸ்திரத்தோரங்களில் முடிந்துவைப்பாயாக.	2இரா 25:12 எரே 39:10 எரே 40:6 எரே 52:16 மத் 7:14 லூக் 13:23 லூக் 13:24 1பேது 4:18
4	பின்னும் அதில் கொஞ்சம் எடுத்து, அதைத் தீயின் நடுவில் எறிந்து, அதை அக்கினியால் சுட்டெரிப்பாயாக; அதிலிருந்து இஸ்ரவேல் வம்சத்தார் அனைவருக்கும் விரோதமாக அக்கினி புறப்படும்.	2இரா 25:25 எரே 41:1-44 எரே 52:30
5	கர்த்தராகிய ஆண்டவர் சொல்லுகிறது என்னவென்றால், இதுவே எருசலேம், புறஜாதிகளின் நடுவிலே நான் அதை வைத்தேன், அதைச் சுற்றிலும் தேசங்கள் இருக்கிறது.	எசே 4:1 எரே 6:6 லூக் 22:19 லூக் 22:20 1கொரி 10:4
6	அது புறஜாதிகளைப்பார்க்கிலும் என் நியாயங்களையும், தன்னைச் சுற்றிலும் இருக்கிற தேசங்களைப்பார்க்கிலும் என் கட்டளைகளையும் அக்கிரமமாக மாற்றிப்போட்டது; அவர்கள் என் நியாயங்களை வெறுத்து, என் கட்டளைகளில் நடவாமற்போனார்கள்.	எசே 16:47 உபா 32:15-21 2இரா 17:8-20 சங் 106:20 ரோம 1:23-25 1கொரி 5:1 யூதா 1:4
7	ஆகையால் கர்த்தராகிய ஆண்டவர் சொல்லுகிறது என்னவென்றால், உங்களைச் சுற்றிலும் இருக்கிற புறஜாதிகளைப்பார்க்கிலும் அதிகரிக்கிறவர்களாகிய நீங்கள் என் கட்டளைகளிலே நடவாமலும், என் நியாயங்களின்படி செய்யாமலும், உங்களைச் சுற்றிலும் இருக்கிற புறஜாதிகளுடைய நீதிநியாயங்களின்படியாவது நடவாமலும் போனபடியினாலே,	எசே 5:11 எசே 16:47 எசே 16:48 எசே 16:54 2இரா 21:9-11 2நாளா 33:9 எரே 2:10 எரே 2:11
8	இதோ, நான், நானே உனக்கு விரோதமாக வந்து, புறஜாதிகளுடைய கண்களுக்கு முன்பாக உன் நடுவிலே நீதி செலுத்தி,	எசே 15:7 எசே 21:3 எசே 26:3 எசே 28:22 எசே 35:3 எசே 39:1 லேவி 26:17-46 உபா 29:20 எரே 21:5 எரே 21:13 புலம் 2:5 புலம் 3:3 சகரி 14:2 சகரி 14:3 மத் 22:7
9	நான் முன்பு செய்யாததும் இனிச்செய்யாதிருப்பதுமானவிதமாய் உனக்கு உன் எல்லா அருவருப்புகளினிமித்தமும் செய்வேன்.	புலம் 4:6 புலம் 4:9 தானி 9:12 ஆமோ 3:2 மத் 24:21
10	ஆதலால் உன் நடுவிலே பிதாக்கள் பிள்ளைகளைத் தின்பார்கள்; பிள்ளைகள் பிதாக்களைத் தின்பார்கள்; நான் உன்னில் நீதிசெலுத்தி உன்னில் மீதியாயிருப்பவர்களையெல்லாம் சகல திசைகளிலும் சிதறிப்போகப்பண்ணுவேன் என்று கர்த்தராகிய ஆண்டவர் சொல்லுகிறார்.	லேவி 26:29 உபா 28:53-57 உபா 28:64-57 2இரா 6:29 ஏசா 9:20 ஏசா 49:26 எரே 19:9 புலம் 2:20 புலம் 4:10
11	ஆதலால், சீயென்றிகழப்படத்தக்கதும் அருவருக்கப்படத்தக்கதுமான உன் கிரியைகளால் நீ என் பரிசுத்த ஸ்தலத்தைத் தீட்டுப்படுத்தினபடியால் என் கண் உன்னைத் தப்பவிடாது, நான் உன்னைக் குறுகிப்போகப்பண்ணுவேன், நான் இரங்கமாட்டேன், இதை என் ஜீவனைக் கொண்டு சொல்லுகிறேன் என்று கர்த்தராகிய ஆண்டவர் உரைக்கிறார்.	எண் 14:28-35 சங் 95:11 ஆமோ 8:7 எபிரெ 6:13
12	உன்னிலே மூன்றில் ஒரு பங்கு கொள்ளை நோயால் சாவார்கள், பஞ்சத்தாலும் உன் நடுவிலே மடிந்துபோவார்கள்; மூன்றில் ஒரு பங்கு உன்னைச் சுற்றிலும் இருக்கிற பட்டயத்தால் வெட்டுண்டு விழுவார்கள்; மூன்றில் ஒரு பங்கை நான் சகல திசைகளிலும் சிதறிப்போகப்பண்ணி, அவர்கள் பின்னே பட்டயத்தை உருவுவேன்.	எசே 5:2 எசே 6:12 எரே 15:2 எரே 21:9 சகரி 13:7-9
13	இப்படி என் கோபம் நிறைவேறும்; இப்படி நான் என் உக்கிரத்தை அவர்கள்மேல் தங்கப்பண்ணுகிறதினால் என்னை ஆற்றிக்கொள்வேன்; நான் என் உக்கிரத்தை அவர்களிலே நிறைவேற்றும்போது, கர்த்தராகிய நான் என் வைராக்கியத்திலே இதைப் பேசினேன் என்று அறிவார்கள்.	எசே 6:12 எசே 7:8 எசே 13:15 எசே 20:8 எசே 20:21 எரே 25:12 புலம் 4:11 புலம் 4:22 தானி 9:2 தானி 11:36
14	கடந்துபோகிற யாவருடைய கண்களுக்கு முன்பாகவும் உன் சுற்றுப்புறத்தாராகிய ஜாதிகளுக்குள்ளே நான் உன்னைப் பாழும் நிந்தையுமாக்குவேன்.	எசே 22:4 லேவி 26:31 லேவி 26:32 உபா 28:37 2நாளா 7:20 2நாளா 7:21 நெகே 2:17 சங் 74:3-10 சங் 79:1-4 ஏசா 64:10 ஏசா 64:11 எரே 19:8 எரே 24:9 எரே 24:10 எரே 42:18 புலம் 1:4 புலம் 1:8 புலம் 2:15-17 புலம் 5:18 மீகா 3:12
15	நான் கோபத்தாலும் உக்கிரத்தாலும் கொடிய தண்டனைகளாலும், உன்னில் நீதிசெலுத்தும்போது, உன் சுற்றுப்புறத்தாராகிய ஜாதிகளுக்கு அது நிந்தையும் துர்க்கீர்த்தியும் எச்சரிப்பும் பிரமிப்புமாய் இருக்கும்; கர்த்தராகிய நான் இதைச் சொன்னேன்.	உபா 29:24-28 1இரா 9:7 சங் 79:4 ஏசா 26:9 எரே 22:8 எரே 22:9 1கொரி 10:11
16	உங்களை அழிப்பதற்கு நான் அனுப்பும் அழிவுக்கேதுவான பஞ்சத்தின் கொடிய அம்புகளை நான்அவர்களுக்குள்ளே எய்யும்போது, நான் பஞ்சத்தை உங்கள்மேல் அதிகரிக்கப்பண்ணி, உங்கள் அப்பம் என்னும் ஆதரவுகோலை முறித்துப்போடுவேன்.	உபா 32:23 உபா 32:24 சங் 7:13 சங் 91:5-7 புலம் 3:12
17	பஞ்சத்தையும், உன்னைப் பிள்ளையில்லாமற்போகப்பண்ணும் துஷ்டமிருகங்களையும் உங்களுக்கு விரோதமாக அனுப்புவேன்; கொள்ளைநோயும் இரத்தஞ்சிந்துதலும் உன்னில் சுற்றித்திரியும்; பட்டயத்தை நான் உன்மேல் வரப்பண்ணுவேன்; கர்த்தராகிய நான் இதைச் சொன்னேன் என்றார்.	எசே 14:15 எசே 14:21 எசே 33:27 எசே 34:25-28 யாத் 23:29 லேவி 26:22 உபா 32:24 2இரா 17:25 எரே 15:3