1	தாவீது கிழவனும் பூரண வயதுள்ளவனுமானபோது, தன் குமாரனாகிய சாலொமோனை இஸ்ரவேலின்மேல் ராஜாவாக்கினான்.	1நாளா 29:28 ஆதி 25:8 ஆதி 35:29 1இரா 1:1 யோபு 5:26
2	இஸ்ரவேலின் எல்லாப் பிரபுக்களையும், ஆசாரியரையும், லேவியரையும் கூடிவரும்படி செய்தான்.	1நாளா 13:1 1நாளா 28:1 யோசு 23:2 யோசு 24:1 2நாளா 34:29 2நாளா 34:30
3	அப்பொழுது முப்பது வயதுமுதல் அதற்கு மேற்பட்ட லேவியர் பேர்பேராக எண்ணப்பட்டார்கள்; தலைதலையாக எண்ணப்பட்ட அவர்களுடைய இலக்கம் முப்பத்தெண்ணாயிரம்.	எண் 4:2 எண் 4:3 எண் 4:23 எண் 4:30 எண் 4:35 எண் 4:43 எண் 4:47
4	அவர்களில் இருபத்துநாலாயிரம்பேர் கர்த்தருடைய ஆலயத்தின் வேலையை விசாரிக்கிறவர்களும், ஆறாயிரம்பேர் தலைவரும் மணியக்காரருமாயிருக்கவேண்டும் என்றும்,	1நாளா 23:28-32 1நாளா 6:48 1நாளா 9:28-32 1நாளா 26:20-27
5	நாலாயிரம்பேர் வாசல் காக்கிறவர்களாயிருக்கவேண்டும் என்றும், துதி செய்கிறதற்குத் தான் பண்ணுவித்த கீதவாத்தியங்களால் நாலாயிரம்பேர் கர்த்தரைத் துதிக்கிறவர்களாயிருக்கவேண்டும் என்றும் தாவீது சொல்லி,	1நாளா 9:17-27 1நாளா 15:23 1நாளா 15:24 1நாளா 16:38 1நாளா 26:1-12 2நாளா 8:14 2நாளா 35:15 எஸ்றா 7:7 நெகே 7:73
6	அவர்களை லேவியின் குமாரராகிய கெர்சோன், கோகாத், மெராரி என்பவர்களுடைய வகுப்புகளின்படி வகுத்தான்.	2நாளா 8:14 2நாளா 29:25 2நாளா 31:2 2நாளா 35:10 எஸ்றா 6:18
7	கெர்சோனியரில், லாதானும், சிமேயும் இருந்தார்கள்.	1நாளா 6:17-20 1நாளா 15:7 1நாளா 26:21
8	லாதானின் குமாரர், யெகியேல், சேத்தாம், யோவேல் என்னும் மூன்றுபேர்; இவர்களில் முந்தினவன் தலைமையாயிருந்தான்.	1நாளா 15:18 1நாளா 15:20 1நாளா 15:21
9	சிமேயின் குமாரர், செலோமித், ஆசியேல், ஆரான் என்னும் மூன்று பேர்; இவர்கள் லாதான் வம்சப் பிதாக்களில் தலைமையாயிருந்தார்கள்.
10	யாகாத், சீனா, எயூஷ், பெரீயா என்னும் நாலுபேரும் சிமேயின் குமாரராயிருந்தார்கள்.
11	யாகாத் தலைமையாயிருந்தான்; சீனா இரண்டாம் குமாரனாயிருந்தான்; எயூஷூக்கும் பெரீயாவுக்கும் அநேகம் குமாரர் இராதபடியினால், அவர்கள் பிதாக்களின் குடும்பத்தாரில் ஒரே வம்சமாக எண்ணப்பட்டார்கள்.
12	கோகாத்தின் குமாரர், அம்ராம், இத்சார், எப்ரோன், ஊசியேல் என்னும் நாலுபேர்.	1நாளா 6:2 யாத் 6:18 எண் 3:27 எண் 26:58
13	அம்ராமின் குமாரர், ஆரோன், மோசே என்பவர்கள்; ஆரோனும் அவன் குமாரரும் பரிசுத்தத்திற்குப் பரிசுத்தமான ஸ்தலத்தை என்றைக்கும் பரிசுத்தமாய்க் காக்கிறதற்கும், என்றைக்கும் கர்த்தருக்கு முன்பாக தூபங்காட்டுகிறதற்கும், அவருக்கு ஆராதனை செய்கிறதற்கும், அவர் நாமத்திலே ஆசீர்வாதம் கொடுக்கிறதற்கும் பிரித்துவைக்கப்பட்டார்கள்.	1நாளா 6:3 யாத் 6:20 எண் 3:27 எண் 26:59
14	தேவனுடைய மனுஷனாகிய மோசேயின் குமாரரோவெனில், லேவிகோத்திரத்தாருக்குள் எண்ணப்பட்டார்கள்.	உபா 33:1 சங் 90:1
15	மோசேயின் குமாரர், கெர்சோம் எலியேசர் என்பவர்கள்.	யாத் 2:22 யாத் 4:20 யாத் 18:3 யாத் 18:4
16	கெர்சோமின் குமாரரில் செபுவேல் தலைமையாயிருந்தான்.	1நாளா 24:20 1நாளா 25:20
17	எலியேசருடைய குமாரரில் ரெகபியா என்னும் அவன் குமாரன் தலைமையாயிருந்தான்; எலியேசருக்கு வேறே குமாரர் இல்லை; ரெகபியாவின் குமாரர் அநேகராயிருந்தார்கள்.	1நாளா 26:25
18	இத்சாரின் குமாரரில் செலோமித் தலைமையாயிருந்தான்.	1நாளா 24:22
19	எப்ரோனின் குமாரரில் எரியா என்பவன் தலைமையாயிருந்தான்; இரண்டாவது அமரியா, மூன்றாவது யாகாசியேல், நாலாவது எக்காமியாம்.	1நாளா 23:12 1நாளா 15:9 1நாளா 24:23
20	ஊசியேலின் குமாரரில் மீகா என்பவன் தலைமையாயிருந்தான்; இரண்டாவது இஷியா.
21	மெராரியின் குமாரர், மகேலி, மூசி என்பவர்கள்; மகேலியின் குமாரர், எலெயாசார், கீஸ் என்பவர்கள்.	1நாளா 23:6 1நாளா 6:20 1நாளா 6:30 1நாளா 24:26-30
22	எலெயாசார் மரிக்கிறபோது, அவனுக்குக் குமாரத்திகளே அல்லாமல் குமாரர் இல்லை; கீசின் குமாரராகிய இவர்களுடைய சகோதரர் இவர்களை விவாகம்பண்ணினார்கள்.	1நாளா 24:28
23	மூசியின் குமாரர், மகலி, ஏதேர், எரேமோத் என்னும் மூன்றுபேர்.	1நாளா 24:30
24	தங்கள் பிதாக்களுடைய குடும்பங்களின்படியே, பிதாக்களில் தலைமையாயிருந்த லேவி புத்திரரின் பேர்டாப்பின்படியே, தலைதலையாக எண்ணப்பட்ட இருபது வயதுமுதல் அதற்கு மேற்பட்ட இவர்களுடைய சந்ததியார் கர்த்தருடைய ஆலயத்துப் பணிவிடையைச் செய்தார்கள்.	எண் 10:17 எண் 10:21
25	இஸ்ரவேலின் தேவனாகிய கர்த்தர் தமது ஜனத்தை இளைப்பாறியிருக்கப்பண்ணினார்; அவர் என்றென்றைக்கும் எருசலேமில் வாசம்பண்ணுவாரென்றும்,	1நாளா 22:18 2சாமு 7:1 2சாமு 7:11
26	இனி லேவியர் வாசஸ்தலத்தையாகிலும் அதின் ஊழியத்திற்கடுத்த அதின் பணிமுட்டுகளில் எதையாகிலும் சுமக்கத் தேவையில்லை என்றும்,	எண் 4:5 எண் 4:49 எண் 7:9
27	தாவீது அவர்களைக் குறித்துச் சொன்ன கடைசி வார்த்தைகளின்படியே, லேவி புத்திரரில் தொகைக்குட்பட்டவர்கள் இருபது வயதுமுதல் அதற்கு மேற்பட்டவர்களாயிருந்தார்கள்.	1நாளா 23:3 1நாளா 23:24 2சாமு 23:1 சங் 72:20
28	அவர்கள் ஆரோனுடைய குமாரரின் கீழ் கர்த்தருடைய ஆலயத்தின் ஊழியமாய் நின்று, பிராகாரங்களையும், அறைகளையும், சகல பரிசுத்த பணிமுட்டுகளின் சுத்திகரிப்பையும், தேவனுடைய ஆலயத்தின் ஆராதனைக்கடுத்த வேலையையும் விசாரிப்பதும்,	1நாளா 18:17 நெகே 11:24
29	சமுகத்தப்பங்களையும், போஜனபலிக்கு மெல்லிய மாவையும், புளிப்பில்லாத அதிரசங்களையும், சட்டிகளிலே செய்கிறதையும் சுடுகிறதையும், திட்டமான சகல நிறையையும் அளவையும் விசாரிப்பதும்,	1நாளா 9:31 1நாளா 9:32 யாத் 25:30 லேவி 24:5-9 1இரா 7:48 2நாளா 13:11 2நாளா 29:18 நெகே 10:33 மத் 12:4 எபிரெ 9:2
30	நாள்தோறும் காலையிலும் மாலையிலும் கர்த்தரைப் போற்றித் துதித்து, ஓய்வு நாட்களிலும், அமாவாசைகளிலும், பண்டிகைகளிலும், கர்த்தருக்குச் சர்வாங்க தகனபலிகள் செலுத்தப்படுகிற சகல வேளைகளிலும்,	1நாளா 6:31-33 1நாளா 9:33 1நாளா 16:37-42 1நாளா 25:1-7 2நாளா 29:25-28 2நாளா 31:2 எஸ்றா 3:10 எஸ்றா 3:11 சங் 135:1-3 சங் 135:19-3 சங் 135:20-3 சங் 137:2-4 வெளிப் 5:8-14 வெளிப் 14:3
31	இலக்கத்திற்குள்ளான அவர்கள் தங்களுக்கு நியமிக்கப்பட்டபடியே, எப்பொழுதும் அந்தப் பிரகாரமாய்ச் செய்ய, கர்த்தருக்கு முன்பாக நிற்பதும்,	லேவி 23:24 லேவி 23:39 எண் 10:10 சங் 81:1-4 ஏசா 1:13 ஏசா 1:14
32	ஆசரிப்புக் கூடாரத்தின் காவலையும் பரிசுத்த ஸ்தலத்தின் காவலையும் தங்கள் சகோதரராகிய ஆரோனுடைய குமாரரின் காவலையும் காப்பதும், கர்த்தருடைய ஆலயத்தின் பணிவிடையைச் செய்வதும், அவர்கள் வேலையாயிருந்தது.	1நாளா 9:27 எண் 1:53 1இரா 8:4